Kuyamba MAFALA YAKUYAMBA NAYO
MAFALA YAKUYAMBA NAYO
Kuyamba ndilo bhukhu lakuyamba mu Bhayibhili, Bhukhu limweli lintiwuza kulengewa kudachitiwa kudzulu napantsi, nakulengewa kudachitiwa wanthu wakuyamba. Ndimo mwatinibva kupita kudachita chakuyipa muwanthu, nakuzalangiwa kwaadachitiwa na Mulungu. Bhukhu la Kuyamba lidagwatiwa mubzigawo bziwili.
Chigawo chakuyamba chin'chokela p andime yakuyamba kafika pandime yakhumi nayibodzi (1—11). Mundime zimwezi muna nkhani yakulengewa kwakudzulu napantsi nankhani yawanthu wakuyamba. Mubhukuli ndimo muna nkhani ya Adhamu na Eva, nakhani ya Kayini na Abhelo, pomwe nankhani ya Nowa nachigumula chamadzi, pabodzi nabzadala laku Bhabhiloni.
Chigawo chachiwili chiniyambila pandime yakhumi napili kufika pamakumi mashanu (12—50). Mundime zimwezi muna nkhani yamakholo yaa Izraeli. Wakuyamba akhali Abhurahamu, akhali wakukhulupilika ali wakutetekela Mulungu. Muna nkhani pomwe yamwana wake Isaki nan'zukulu wake Jakobho, uyo akhachemelewa pomwe nadzina lakuti Izraeli.
BZILI NKATI MWABHUKU
Kulengewa kwakudzulu napantsi nakulengewa kwawanthu 1:1—2:25
Kupita kudachita chakuyipa kuwanthu, nanyathwa yachidabwelesa 3:1–24
Kuchoka panthawe ya Adhamu kufika panthawe ya Nowa 4:1—5:32
Nowa nachigumula chamadzi 6:1—10:32
Dala lapa Bhabhiloni 11:1–9
Nkhani yakuchoka pa Shemu kufika pana Abhuramu 11:10–32
Makholo yaa Izraeli: Abhurahamu na Isaki na Jakobho 12:1—35:29
M'badwe wa Esau 36:1–43
Jozefi naakulu wake 37:1—45:28
A Izraeli ali mu Ijipiti 46:1—50:26
Currently Selected:
Kuyamba MAFALA YAKUYAMBA NAYO: KUNDA
Highlight
Share
Copy
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe