Wa̍lta̍ Wānāa̍ Chi̍i̍sūa̍a̍ 6
6
Ā hɛ̄li̍ wānāā ŋɔ᷄mmɛ̍ū
1O̍ bōōndi̍i̍ ke̍ŋ ni᷄ŋ, mɛ̄ɛ̍ ku̍ndā wānāā lāāla᷄ŋnda̍ o̍ Chi̍i̍sū ni̍ŋ o̍ wa̍ hīōūwɔ̄ɔ̍ lāchī a̍ hīndɔ̄ɔ̍, mi̍ sɛ̄ɛ̄ŋgi̍āŋndo̍ kāndu᷄ŋ Chu̍ūwa̍ a̍ dīmī Ki᷅li̍kīi̍ye̍ wa̍ tɛ̍ɛ̄ŋ nda̍ Chu̍ūwa̍ a̍ di̍mī Hi̍būlūi̍ye̍ wa̍. Mi̍ Chu̍ūwa̍ a̍ di̍mī Ki᷅li̍kīi̍ye̍ wa̍ dīmī māā, ā chō wānāā ndāa̍ pīāāndāā ndāa̍ vī wa̍ tāūwo̍ o̍ nyɛ̄ dīāā nda̍ pīɔ̄ū le̍pa̍a̍ o̍ lēpāa̍ wo̍ ni᷄ŋ. 2Le̍ he̍ī, mi̍ ŋ̄wāŋ tɔ̍ a̍ wānāā ŋīɔ̍ɔ̍ŋāā Chi̍i̍sū ve᷅m hɔ̄ltē ndɔ̄ wa̍, vēēlū wānāa̍ la̍a̍la̍ŋ o̍ Chi̍i̍sū ni̍ŋ nda̍ nāa̍ pi᷅lɛ̍. Ma̍ dīmī āā, “Ō ni᷄ŋ mī ŋ̄ ma᷄l sūɛ̍i̍ Mɛ̄lɛ̄kɛ̍i̍ dīmīo̍o̍ le̍ nyɛ̄ dīa̍a̍ pīɔ̄ūwo̍ le̍. 3Le̍la̍ŋ, chāa̍ŋāā nāa̍, lā hɛ̄li̍ wa᷅ŋ pīāāndūa̍a̍ nya̍ tɛ̄ɛ̄ŋ ā Nyi̍nā Kāsīo̍o̍ chō kɔ̄ɔ̄lī ta̍u̍ wa̍, ndu̍yɛ̍, ma̍ nɔ̄ kɔ̄l kālo̍o̍ ta̍u̍ wa̍ le̍ mā wa̍ wa̍llo̍ ho̍ō tōsāa̍. 4Na̍a̍ pi̍la̍ ŋ̄ nɔ̄lā ni᷅ŋ mī ŋ̄ chu̍a̍ te̍le̍ŋnda̍ na̍a̍la̍ŋ kpe̍de̍ le̍ Mɛ̄lɛ̄ka̍ pīɛ̄īyo̍ a̍ sūɛ̍i̍ Mɛ̄lɛ̄kɛ̍i̍ dīmīo̍o̍.”
5Mi̍ nda̍ ku̍ndā kpe̍de̍ a̍ na᷅ŋ kɔ̄l a̍ nyɛ̄ wānāā Chi̍i̍sū vēm hɔ̄ltē ndɔ̄ wa̍ ā dīmi̍ wo̍. Le̍la̍ŋ, ma̍ hɛ̄lī Sti̍i̍vīŋ, wāna̍ lāāla᷄ŋ bɛ̍ndōo̍ ō Nyi̍nā Kāsi̍ Mɛ̄lɛ̄ka̍a̍ wa̍ kɔ̄ɔ̄lī ta̍u̍ wo̍. Ma̍ hɛ̄lī vɛ̄lɛ̄ Fi̍li̍pī, a̍ Pōko̍lɔ̄ɔ̄, a̍ Ni̍ka̍nɔ̄ɔ̄, a̍ Ti̍mɔ̄ŋ. Ma̍ hɛ̄lī vɛ̄lɛ̄ Pāmɛ̍na̍a̍sī, a̍ Ni̍ko̍lɔ̄ɔ̄ o̍ fu̍la̍ A̍ŋti̍ɔ̍ɔ̄ chi̍e̍e̍ wo̍. Ndu̍ ve̍ Chu̍ūnɔ̄ le̍, kɛ̍ ndu̍ o̍o̍ chu̍ā pɛ̄ɛ̄kū Chu̍ūwa̍. 6Ma̍ hūŋ a̍ pūa̍a̍ ha̍ā nāa̍ wānāā Chi̍i̍sū vēm hɔ̄ltē ndɔ̄ wa̍ chūā. Mɛ̄ɛ̍ nda̍ pīɛ̍i̍ Mɛ̄lɛ̄ka̍ le̍ nda̍, ma̍ hāndū nda̍ bāla̍ŋ chōo̍. Ma̍ dūāū nda̍ sa̍lā.
7O̍ ko̍ŋ kɔ̍ɔ̍lī, mi̍ dīo̍m Mɛ̄lɛ̄ka̍a̍ hīāū lāchī a̍ pɛ̄ŋgɛ̄la᷄ŋndo̍. Mi̍ wānāā lāāla᷄ŋnda̍ Chūlu̍sɛ̄lɛ̄m chi̍e̍e̍ ku̍i̍ī ta̍u̍ ta̍u̍. Mi̍ wānāā sōlīāā lāsa̍lāa̍ ā ka̍ ka̍ a̍ la̍a̍la᷄ŋ a̍ Yōōŋgū Kɛ̄ndɛ̍ Mɛ̄lɛ̄ka̍a̍.
Ā bīī Sti̍i̍vīŋ
8Sti̍i̍vīŋ wa̍ wāna̍ Mɛ̄lɛ̄ka̍ dɔ̄ū sa̍la̍ ta̍u̍ ta̍u̍. Mi̍ Mɛ̄lɛ̄ka̍ kē ndu̍ kpāāyāa̍ ta̍u̍. Mbo̍ tōsā kɔ̄ndɔ̄fi̍lta̍ŋ a̍ ka̍a̍ma̍ālā bɛ̄ndūla̍ŋ wāŋnda̍ tɛ̄ɛ̄ŋ. 9Kɛ̍, mi̍ pūa̍a̍ Chu̍ūwa̍ ā pūm sīmūl ndu̍. Pūa̍a̍ ha̍ā ā pūm nda̍ a̍a̍ fu̍la̍ Sāīlu̍i̍nī chi̍e̍e̍, ā pūm Ālɛ̄kīsa̍ndīlīāā. Ndu̍yɛ̍, o̍ chīɛ̄ī Chu̍ūwa̍ pīɛ̄ī Mɛ̄lɛ̄ka̍ wo̍ ō nda̍ a̍a̍ ve̍e̍lū āā, Chīɛ̄ī Wānāā Bāŋa᷄ŋnda̍ wo̍, nda̍ a̍a̍ chu̍ūŋgi̍āŋ ni̍. Wāŋnda̍ ha̍ā ni̍, a̍ wānāa̍ chɛ̍ŋ o̍ būŋgɛ̄ī Sīli̍i̍sīāāve̍ ni᷄ŋ nda̍, a̍ wānāa̍ chɛ̍ŋ o̍ būŋgɛ̄ī E̍e̍sīāve̍ ni᷄ŋ nda̍, ma̍ kāndū sɛ̄ɛ̄ŋgi̍āŋndo̍ a̍ ndu̍. 10Kɛ̍ mi̍ Nyi̍na̍ Mɛ̄lɛ̄ka̍a̍ kē Sti̍i̍vīŋ kɔ̄l kālo̍o̍ ta̍u̍ le̍ sūɛ̍i̍. Ā nɔ̄la̍ ndu̍ yōmɔ̄ɔ̄ le̍. 11Le̍ he̍ī, ma̍ hīāū pūa̍a̍ ā pūm kɔ̄ɔ̄lī le̍ mā dīmi̍ āā, “Ŋ̄ tūēī ndu̍ mbo̍ tɛ̄ɛ̄mbūū dīōla̍ Mūu̍sēla̍ŋ a̍ dīōla̍ Mɛ̄lɛ̄ka̍la̍ŋ.” 12Ma̍ tōsā mi̍ wāŋnda̍ a̍ lāŋgba̍ā kālla̍ a̍ wānāa̍ pɛ̍ɛ̍kū wa᷅ŋnda̍ sāwāla̍ Mɛ̄lɛ̄ka̍la̍ŋ nda̍ tūūlū kɔ̄l a̍ ndu̍. Ma̍ bi̍i̍ Sti̍i̍vīŋ ma̍ kūā a̍ ndu̍ o̍ lāŋgba̍ā kālāa̍ ki̍a̍lū ya᷅ma̍ŋnda̍ lō. 13Ma̍ hūŋ a̍ pūa̍a̍ ā pūm le̍ ndu̍ se̍īlē lāka̍fāle̍ŋ tɛ̄ndāllo̍. Ma̍ dīmī āā, “Te̍le̍ŋ o̍ te̍le̍ŋ pōo̍ ho̍ō chō sɔ̄ɔ̍ŋ wɔ̍ɔ̍ŋndo̍ŋ dīmīo̍o̍ a̍ chīɛ̍i̍ cho̍ ho̍ō le̍ Mɛ̄lɛ̄ka̍ wo̍, ō na̍a̍ ŋ̄ sōlī sa̍lāa̍ wo̍. Ndu̍yɛ̍, mbo̍ dīmī dīōmndā wɔ̄ɔ̍ŋnda̍ŋ a̍ sāwāla̍ Mɛ̄lɛ̄ka̍ ke̍ Mūu̍sē le̍ na̍a̍ la̍ŋ. 14Ŋ̄ tūēī mbo̍ dīmī māā Chi̍i̍sū fu̍la̍ ho̍ō Na̍a̍sa̍lūɛ̄ī yo̍, ō chō chīɛ̍i̍ Mɛ̄lɛ̄ka̍a̍ tɛ̄ɛ̄mbūū. Ndu̍yɛ̍, māā mī Chi̍i̍sū kōŋ māŋga̍la̍ ka̍ālā Mūu̍sē pɛ̍ɛ̍ku̍ fi̍nyāā nāā ma̍māa̍ le̍ wāa̍ lēchōo̍ la̍ŋ.” 15O̍ ko̍ŋ kɔ̍ɔ̍lī, mi̍ wānā o̍ wāna̍ wa̍ o̍ ku̍ndā lāŋgba̍ā kālāa̍ ki̍a̍lū ya᷅ma̍ŋ nda̍ chōo̍, ma̍ kāndū Sti̍i̍vīŋ nūa̍a̍ chi̍kɛ̍ŋ bɛ̍ndū. Ma̍ chā mi̍ hɔ̄lāā ndūa̍a̍ sīmnu᷄ŋ nu̍a̍ā ŋ̄ chā āā ki̍i̍la̍nɔ̍ Mɛ̄lɛ̄ka̍a̍ ni̍.
Currently Selected:
Wa̍lta̍ Wānāa̍ Chi̍i̍sūa̍a̍ 6: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Wa̍lta̍ Wānāa̍ Chi̍i̍sūa̍a̍ 6
6
Ā hɛ̄li̍ wānāā ŋɔ᷄mmɛ̍ū
1O̍ bōōndi̍i̍ ke̍ŋ ni᷄ŋ, mɛ̄ɛ̍ ku̍ndā wānāā lāāla᷄ŋnda̍ o̍ Chi̍i̍sū ni̍ŋ o̍ wa̍ hīōūwɔ̄ɔ̍ lāchī a̍ hīndɔ̄ɔ̍, mi̍ sɛ̄ɛ̄ŋgi̍āŋndo̍ kāndu᷄ŋ Chu̍ūwa̍ a̍ dīmī Ki᷅li̍kīi̍ye̍ wa̍ tɛ̍ɛ̄ŋ nda̍ Chu̍ūwa̍ a̍ di̍mī Hi̍būlūi̍ye̍ wa̍. Mi̍ Chu̍ūwa̍ a̍ di̍mī Ki᷅li̍kīi̍ye̍ wa̍ dīmī māā, ā chō wānāā ndāa̍ pīāāndāā ndāa̍ vī wa̍ tāūwo̍ o̍ nyɛ̄ dīāā nda̍ pīɔ̄ū le̍pa̍a̍ o̍ lēpāa̍ wo̍ ni᷄ŋ. 2Le̍ he̍ī, mi̍ ŋ̄wāŋ tɔ̍ a̍ wānāā ŋīɔ̍ɔ̍ŋāā Chi̍i̍sū ve᷅m hɔ̄ltē ndɔ̄ wa̍, vēēlū wānāa̍ la̍a̍la̍ŋ o̍ Chi̍i̍sū ni̍ŋ nda̍ nāa̍ pi᷅lɛ̍. Ma̍ dīmī āā, “Ō ni᷄ŋ mī ŋ̄ ma᷄l sūɛ̍i̍ Mɛ̄lɛ̄kɛ̍i̍ dīmīo̍o̍ le̍ nyɛ̄ dīa̍a̍ pīɔ̄ūwo̍ le̍. 3Le̍la̍ŋ, chāa̍ŋāā nāa̍, lā hɛ̄li̍ wa᷅ŋ pīāāndūa̍a̍ nya̍ tɛ̄ɛ̄ŋ ā Nyi̍nā Kāsīo̍o̍ chō kɔ̄ɔ̄lī ta̍u̍ wa̍, ndu̍yɛ̍, ma̍ nɔ̄ kɔ̄l kālo̍o̍ ta̍u̍ wa̍ le̍ mā wa̍ wa̍llo̍ ho̍ō tōsāa̍. 4Na̍a̍ pi̍la̍ ŋ̄ nɔ̄lā ni᷅ŋ mī ŋ̄ chu̍a̍ te̍le̍ŋnda̍ na̍a̍la̍ŋ kpe̍de̍ le̍ Mɛ̄lɛ̄ka̍ pīɛ̄īyo̍ a̍ sūɛ̍i̍ Mɛ̄lɛ̄kɛ̍i̍ dīmīo̍o̍.”
5Mi̍ nda̍ ku̍ndā kpe̍de̍ a̍ na᷅ŋ kɔ̄l a̍ nyɛ̄ wānāā Chi̍i̍sū vēm hɔ̄ltē ndɔ̄ wa̍ ā dīmi̍ wo̍. Le̍la̍ŋ, ma̍ hɛ̄lī Sti̍i̍vīŋ, wāna̍ lāāla᷄ŋ bɛ̍ndōo̍ ō Nyi̍nā Kāsi̍ Mɛ̄lɛ̄ka̍a̍ wa̍ kɔ̄ɔ̄lī ta̍u̍ wo̍. Ma̍ hɛ̄lī vɛ̄lɛ̄ Fi̍li̍pī, a̍ Pōko̍lɔ̄ɔ̄, a̍ Ni̍ka̍nɔ̄ɔ̄, a̍ Ti̍mɔ̄ŋ. Ma̍ hɛ̄lī vɛ̄lɛ̄ Pāmɛ̍na̍a̍sī, a̍ Ni̍ko̍lɔ̄ɔ̄ o̍ fu̍la̍ A̍ŋti̍ɔ̍ɔ̄ chi̍e̍e̍ wo̍. Ndu̍ ve̍ Chu̍ūnɔ̄ le̍, kɛ̍ ndu̍ o̍o̍ chu̍ā pɛ̄ɛ̄kū Chu̍ūwa̍. 6Ma̍ hūŋ a̍ pūa̍a̍ ha̍ā nāa̍ wānāā Chi̍i̍sū vēm hɔ̄ltē ndɔ̄ wa̍ chūā. Mɛ̄ɛ̍ nda̍ pīɛ̍i̍ Mɛ̄lɛ̄ka̍ le̍ nda̍, ma̍ hāndū nda̍ bāla̍ŋ chōo̍. Ma̍ dūāū nda̍ sa̍lā.
7O̍ ko̍ŋ kɔ̍ɔ̍lī, mi̍ dīo̍m Mɛ̄lɛ̄ka̍a̍ hīāū lāchī a̍ pɛ̄ŋgɛ̄la᷄ŋndo̍. Mi̍ wānāā lāāla᷄ŋnda̍ Chūlu̍sɛ̄lɛ̄m chi̍e̍e̍ ku̍i̍ī ta̍u̍ ta̍u̍. Mi̍ wānāā sōlīāā lāsa̍lāa̍ ā ka̍ ka̍ a̍ la̍a̍la᷄ŋ a̍ Yōōŋgū Kɛ̄ndɛ̍ Mɛ̄lɛ̄ka̍a̍.
Ā bīī Sti̍i̍vīŋ
8Sti̍i̍vīŋ wa̍ wāna̍ Mɛ̄lɛ̄ka̍ dɔ̄ū sa̍la̍ ta̍u̍ ta̍u̍. Mi̍ Mɛ̄lɛ̄ka̍ kē ndu̍ kpāāyāa̍ ta̍u̍. Mbo̍ tōsā kɔ̄ndɔ̄fi̍lta̍ŋ a̍ ka̍a̍ma̍ālā bɛ̄ndūla̍ŋ wāŋnda̍ tɛ̄ɛ̄ŋ. 9Kɛ̍, mi̍ pūa̍a̍ Chu̍ūwa̍ ā pūm sīmūl ndu̍. Pūa̍a̍ ha̍ā ā pūm nda̍ a̍a̍ fu̍la̍ Sāīlu̍i̍nī chi̍e̍e̍, ā pūm Ālɛ̄kīsa̍ndīlīāā. Ndu̍yɛ̍, o̍ chīɛ̄ī Chu̍ūwa̍ pīɛ̄ī Mɛ̄lɛ̄ka̍ wo̍ ō nda̍ a̍a̍ ve̍e̍lū āā, Chīɛ̄ī Wānāā Bāŋa᷄ŋnda̍ wo̍, nda̍ a̍a̍ chu̍ūŋgi̍āŋ ni̍. Wāŋnda̍ ha̍ā ni̍, a̍ wānāa̍ chɛ̍ŋ o̍ būŋgɛ̄ī Sīli̍i̍sīāāve̍ ni᷄ŋ nda̍, a̍ wānāa̍ chɛ̍ŋ o̍ būŋgɛ̄ī E̍e̍sīāve̍ ni᷄ŋ nda̍, ma̍ kāndū sɛ̄ɛ̄ŋgi̍āŋndo̍ a̍ ndu̍. 10Kɛ̍ mi̍ Nyi̍na̍ Mɛ̄lɛ̄ka̍a̍ kē Sti̍i̍vīŋ kɔ̄l kālo̍o̍ ta̍u̍ le̍ sūɛ̍i̍. Ā nɔ̄la̍ ndu̍ yōmɔ̄ɔ̄ le̍. 11Le̍ he̍ī, ma̍ hīāū pūa̍a̍ ā pūm kɔ̄ɔ̄lī le̍ mā dīmi̍ āā, “Ŋ̄ tūēī ndu̍ mbo̍ tɛ̄ɛ̄mbūū dīōla̍ Mūu̍sēla̍ŋ a̍ dīōla̍ Mɛ̄lɛ̄ka̍la̍ŋ.” 12Ma̍ tōsā mi̍ wāŋnda̍ a̍ lāŋgba̍ā kālla̍ a̍ wānāa̍ pɛ̍ɛ̍kū wa᷅ŋnda̍ sāwāla̍ Mɛ̄lɛ̄ka̍la̍ŋ nda̍ tūūlū kɔ̄l a̍ ndu̍. Ma̍ bi̍i̍ Sti̍i̍vīŋ ma̍ kūā a̍ ndu̍ o̍ lāŋgba̍ā kālāa̍ ki̍a̍lū ya᷅ma̍ŋnda̍ lō. 13Ma̍ hūŋ a̍ pūa̍a̍ ā pūm le̍ ndu̍ se̍īlē lāka̍fāle̍ŋ tɛ̄ndāllo̍. Ma̍ dīmī āā, “Te̍le̍ŋ o̍ te̍le̍ŋ pōo̍ ho̍ō chō sɔ̄ɔ̍ŋ wɔ̍ɔ̍ŋndo̍ŋ dīmīo̍o̍ a̍ chīɛ̍i̍ cho̍ ho̍ō le̍ Mɛ̄lɛ̄ka̍ wo̍, ō na̍a̍ ŋ̄ sōlī sa̍lāa̍ wo̍. Ndu̍yɛ̍, mbo̍ dīmī dīōmndā wɔ̄ɔ̍ŋnda̍ŋ a̍ sāwāla̍ Mɛ̄lɛ̄ka̍ ke̍ Mūu̍sē le̍ na̍a̍ la̍ŋ. 14Ŋ̄ tūēī mbo̍ dīmī māā Chi̍i̍sū fu̍la̍ ho̍ō Na̍a̍sa̍lūɛ̄ī yo̍, ō chō chīɛ̍i̍ Mɛ̄lɛ̄ka̍a̍ tɛ̄ɛ̄mbūū. Ndu̍yɛ̍, māā mī Chi̍i̍sū kōŋ māŋga̍la̍ ka̍ālā Mūu̍sē pɛ̍ɛ̍ku̍ fi̍nyāā nāā ma̍māa̍ le̍ wāa̍ lēchōo̍ la̍ŋ.” 15O̍ ko̍ŋ kɔ̍ɔ̍lī, mi̍ wānā o̍ wāna̍ wa̍ o̍ ku̍ndā lāŋgba̍ā kālāa̍ ki̍a̍lū ya᷅ma̍ŋ nda̍ chōo̍, ma̍ kāndū Sti̍i̍vīŋ nūa̍a̍ chi̍kɛ̍ŋ bɛ̍ndū. Ma̍ chā mi̍ hɔ̄lāā ndūa̍a̍ sīmnu᷄ŋ nu̍a̍ā ŋ̄ chā āā ki̍i̍la̍nɔ̍ Mɛ̄lɛ̄ka̍a̍ ni̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.