ÉXODO 5
5
Moiseswan Aaronwan faraonman parlaj rinku
1Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.
2Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.
3Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.
4Egipto reytaj paykunaman nerqa: Qankunarí, Moisés, Aarón, imaraykutaj runasta llank'ayninkumanta saqechiyta munashankichejri? Riychej qankunapis, llank'anaykichejta ruwamuychej. 5Chanta nillarqataj faraonqa: Kunanqa ashkha kanku israelitasqa kay tukuynejpi. Kunanqa qankunachu saqechiwajchej kasqa llank'ayninkuta?, nispa.
6-7Chay kikin diapacha faraonqa sapa t'aqamanta kaj kurajkunata, capatazkunatawan aswan sinch'ita kamacherqa, nispa: Kunanmanta ñaupajmanqa amaña ichhuta israelitasman qonkichejchu adobesta ruwanankupaj imaynatachus kunan qoshankichej jinataqa; manachayqa paykuna kikin rispa oqharikamuchunku ichhuta. 8Qankunataj ninaykichej tiyan, imaynatachus kunankama ruwarqanku ajinallatapuni adobesta ruwanankuta ni uj pisita; imaraykuchus paykunaqa qhellashanku, chayrayku nishanku: Diosniykuman rikuchikuta jaywamusqayku, nispa. 9Qankunaqa astawan jasut'ishaspalla sinch'ita llank'achiychej, imatachus ruwanallankupi yuyanankupaj, ama kasunankupaj llulla palabrasta.
10Chaymanta sapa t'aqata kamachejkuna, capatazkuna ima, llojsiytawan runasman nerqanku: Faraonqa kamachiwayku amaña ichhuta qonasuykuta. 11Kunanqa qankuna kikiykichej maymantapis ichhuta oqharikamunaykichej tiyan, nitaj ni uj pisita ruwanaykichejchu tiyan kunankama ruwarqankichej chaymanta.
12Chaymanta israelitasqa tukuynejta ch'eqerarqanku rastrojosta ichhoj cuentanmanta oqharimoj t'uruta sarunankupaj. 13Sapa t'aqata kamachejkunaqa astawan sinch'ita llank'acherqanku, nispa: Tukunaykichej tiyan sapa día mashkhatachus ruwanaykichej kashan chay chhikata, ichhuta qoshajtiyku ruwaj kankichej chay chhikallatataj. 14Maytapuni jasut'erqanku faraompa capatazkunasnin israelitas ukhupi capatazkuna churasqas karqanku chaykunata, nispa: Imaraykutaj mana mashkhatachus ruwaj kankichej chay chhikallatataj adobesta ruwankichejchu, ni qayna, nitaj kunampisri?
15Chaymantataj israelitasmanta capatazkuna, faraonman quejakoj rerqanku, nispa: Imaraykutaj chay jinata ruwanki kay kamachisniykitari? 16Manaña qowaykuchu ichhuta, munankitaj adobesta ruwanaykuta; chantapis anchata maqawayku. Chaypajqa runasnillaykitaj juchayoj kanku.
17Faraontaj paykunaman nerqa: Qankunaqa kankichej qhellas, sinch'i qhellas. Chayrayku ninkichej: Rispa Señorniykuman rikuchikuta jaywamusqayku, nispa. 18Riychej ruwanaykichejta ruwamuychej. Ichhutaqa mana qosonqachejchu, chaywan mana chaywan qankunaqa mashkhatachus ruwaj kankichej chay chhikallatapuni adobesta ruwanaykichej tiyan sapa día.
19Chaymantataj capataz kajkuna israelitasqa, aswan llakiypi rikukorqanku; adobe ruwanasniykichejmanta sapa día mana pisitachu ruwankichej nispa, faraón jinata nejtin.
20Paykunataj faraonwan parlasqankumanta llojsimuspa Moiseswan Aaronwan jawapi suyashajwan tinkukorqanku. 21Paykunamantaj nerqanku: Señorqa rikuchun qankunaj ruwasqaykichejta, cheqanchachuntaj. Qankuna juchayoj kankichej faraón tukuy kamachisnin ima astawan noqanchejta chejninakunawanchejpaj. Qankuna kikiykichej churankichej espadata makisninman, noqanchejta wañuchinawanchejpaj.
Moisés Diosmanta mañakun
22Moisesqa chaymanta rispa Diosmanta mañakorqa, nispa: Señor, imaraykutaj chay jinatapuni llakichinki kay ayllutari? Chaypajqa imapajtaj kachamuwarqankiri? 23Kayman jamuspa faraonman sutiykipi parlasqaymantapacha payqa astawan llakiyman churan israelitasta; qantaj chaymanta manaraj kacharichinkichu aylluykita.
Currently Selected:
ÉXODO 5: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ÉXODO 5
5
Moiseswan Aaronwan faraonman parlaj rinku
1Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.
2Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.
3Paykunataj nerqanku: Hebreospa Diosnin taripawayku, chayrayku rinaykupuni tiyan ch'in pampaman kinsa día puriyta, chaypi rikuchikuta Señorniyku Diosman jaywamunaykupaj, ama ima onqoypis jamuspa wañuchinawaykupaj, chayri ima espadanejtapis wañunaykupaj.
4Egipto reytaj paykunaman nerqa: Qankunarí, Moisés, Aarón, imaraykutaj runasta llank'ayninkumanta saqechiyta munashankichejri? Riychej qankunapis, llank'anaykichejta ruwamuychej. 5Chanta nillarqataj faraonqa: Kunanqa ashkha kanku israelitasqa kay tukuynejpi. Kunanqa qankunachu saqechiwajchej kasqa llank'ayninkuta?, nispa.
6-7Chay kikin diapacha faraonqa sapa t'aqamanta kaj kurajkunata, capatazkunatawan aswan sinch'ita kamacherqa, nispa: Kunanmanta ñaupajmanqa amaña ichhuta israelitasman qonkichejchu adobesta ruwanankupaj imaynatachus kunan qoshankichej jinataqa; manachayqa paykuna kikin rispa oqharikamuchunku ichhuta. 8Qankunataj ninaykichej tiyan, imaynatachus kunankama ruwarqanku ajinallatapuni adobesta ruwanankuta ni uj pisita; imaraykuchus paykunaqa qhellashanku, chayrayku nishanku: Diosniykuman rikuchikuta jaywamusqayku, nispa. 9Qankunaqa astawan jasut'ishaspalla sinch'ita llank'achiychej, imatachus ruwanallankupi yuyanankupaj, ama kasunankupaj llulla palabrasta.
10Chaymanta sapa t'aqata kamachejkuna, capatazkuna ima, llojsiytawan runasman nerqanku: Faraonqa kamachiwayku amaña ichhuta qonasuykuta. 11Kunanqa qankuna kikiykichej maymantapis ichhuta oqharikamunaykichej tiyan, nitaj ni uj pisita ruwanaykichejchu tiyan kunankama ruwarqankichej chaymanta.
12Chaymanta israelitasqa tukuynejta ch'eqerarqanku rastrojosta ichhoj cuentanmanta oqharimoj t'uruta sarunankupaj. 13Sapa t'aqata kamachejkunaqa astawan sinch'ita llank'acherqanku, nispa: Tukunaykichej tiyan sapa día mashkhatachus ruwanaykichej kashan chay chhikata, ichhuta qoshajtiyku ruwaj kankichej chay chhikallatataj. 14Maytapuni jasut'erqanku faraompa capatazkunasnin israelitas ukhupi capatazkuna churasqas karqanku chaykunata, nispa: Imaraykutaj mana mashkhatachus ruwaj kankichej chay chhikallatataj adobesta ruwankichejchu, ni qayna, nitaj kunampisri?
15Chaymantataj israelitasmanta capatazkuna, faraonman quejakoj rerqanku, nispa: Imaraykutaj chay jinata ruwanki kay kamachisniykitari? 16Manaña qowaykuchu ichhuta, munankitaj adobesta ruwanaykuta; chantapis anchata maqawayku. Chaypajqa runasnillaykitaj juchayoj kanku.
17Faraontaj paykunaman nerqa: Qankunaqa kankichej qhellas, sinch'i qhellas. Chayrayku ninkichej: Rispa Señorniykuman rikuchikuta jaywamusqayku, nispa. 18Riychej ruwanaykichejta ruwamuychej. Ichhutaqa mana qosonqachejchu, chaywan mana chaywan qankunaqa mashkhatachus ruwaj kankichej chay chhikallatapuni adobesta ruwanaykichej tiyan sapa día.
19Chaymantataj capataz kajkuna israelitasqa, aswan llakiypi rikukorqanku; adobe ruwanasniykichejmanta sapa día mana pisitachu ruwankichej nispa, faraón jinata nejtin.
20Paykunataj faraonwan parlasqankumanta llojsimuspa Moiseswan Aaronwan jawapi suyashajwan tinkukorqanku. 21Paykunamantaj nerqanku: Señorqa rikuchun qankunaj ruwasqaykichejta, cheqanchachuntaj. Qankuna juchayoj kankichej faraón tukuy kamachisnin ima astawan noqanchejta chejninakunawanchejpaj. Qankuna kikiykichej churankichej espadata makisninman, noqanchejta wañuchinawanchejpaj.
Moisés Diosmanta mañakun
22Moisesqa chaymanta rispa Diosmanta mañakorqa, nispa: Señor, imaraykutaj chay jinatapuni llakichinki kay ayllutari? Chaypajqa imapajtaj kachamuwarqankiri? 23Kayman jamuspa faraonman sutiykipi parlasqaymantapacha payqa astawan llakiyman churan israelitasta; qantaj chaymanta manaraj kacharichinkichu aylluykita.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.