SAN MARCOS 14
14
Yachachinakorqanku Jesusta presochanankupaj
(Mt 26.1-5; Lc 22.1-2; Jn 11.45-56)
1Iskay diallaña Pascuapaj kashajtin; chay Pascua diapi, mikhoj kanku mana levadurayoj t'antata. Kuraj sacerdotestaj, leymanta yachachejkuna ima mask'asharqanku imaynamantachus Jesusta pakayllamanta jap'ichispa wañuchinankupaj. 2Paykunataj nisharqanku: Ama jatun diapeqa jap'ichinachu; imaraykuchus runas oqharikuspa ch'ajwankuman.
Uj warmi Jesusta jawin
(Mt 26.6-13; Jn 12.1-8)
3Betania llajtapi, lepra onqoyniyoj Simompa wasimpi Jesús kasharqa. Chaypi pay mikhushajtintaj, uj warmi yaykumorqa alabastro yuru aparisqa. Yuroqa nardo perfumewan junt'a karqa, may precioyoj. Warmitaj yurituta p'akirparispa, perfumeta Jesuspa umanman jich'aykorqa. 4Wakinkunataj, sonqonkupi phiñakuspa nerqanku: Imapajtaj kay jinata perfumeta usuchinri? 5Kinsa pachaj kuraj denario qolqepi vendekunman karqa. Chaytataj wajchasman qosunman karqa, nispa. Warmipajqa mayta rimarqanku.
6Jesustaj paykunaman nerqa: Saqeychej, imaraykutaj k'amishankichejri? Kay warmeqa allinta noqapaj ruwapuwan. 7Wajchasqa qankunawan kallanqankupuni; munaspaqa mayk'ajllapis atinkichej yanapayta. Noqarí manaña unaytachu qankunawan kasaj. 8Kay warmeqa atisqanta ruwan; perfumewan ukhuyta jawispaqa ñaupaykun p'ampakunaypaj wakichiwaspa. 9Cheqamanta niykichej; mayllapipis kay evangelio willakojtin, kay warmej ruwasqampis willakullanqataj paymanta yuyarikunankupaj.
Judas nin Jesusta jap'ichinanta
(Mt 16.14-16; Lc 22.3-6)
10Chaypacha, chunka iskayniyojmanta ujnin, Judas Iscariote, rerqa kuraj sacerdoteswan parlamoj, Jesusta jap'ichinampaj. 11Paykunaqa chayta uyarispa kusikorqanku. Qolqeta qonankupajtaj parlarqanku; Judastaj qhawaykachasharqa imaynamantachus Jesusta jap'ichinanta.
Pascua
(Mt 26.17-29; Lc 22.7-23; Jn 13.21-30; 1 Cor 11.23-26)
12Mana levadurayoj t'anta mikhuna Pascua p'unchaypa qallariynin karqa. Pascua corderota wañuchishajtinku yachachisqasnin Jesusman nerqanku: Maymantaj risqayku wakichej Pascuata mikhunaykipaj?
13Chaymanta iskay yachachisqasninta kacharqa, nispa: Riychej llajtaman; chaypi tinkukunkichej p'uñupi yakuta apashaj runawan, paytataj qhatiychej. 14Maymanchá yaykonqa chay wasiyojta niychej: maestroyku nisunki, maypitaj sala kashan yachachisqasniywan Pascuata mikhunaypaj? 15Wasiyojtaj, alto patapi rikuchisonqachej uj jatun salata, k'uchunchasqataña; chaypi wakichiychej mikhunanchejpaj.
16Yachachisqastaj rerqanku; llajtaman yaykuspataj, tukuy imata Jesuspa nisqanman jina tarerqanku; chay wasipitaj wakicherqanku Pascua mikhunata.
17Chisiyaykuytataj, chay wasiman Jesús chayarqa, chunka iskayniyoj yachachisqasninwan. 18Mikhushajtinkutaj paykunaman nerqa: Cheqamanta niykichej. Qankunamanta ujniykichej, pichus noqawan mikhushan chay jap'ichiwanqa.
19Yachachisqasnintaj llakikuyta qallarerqanku, Jesustataj taporqanku ujmanta uj: Noqachu kani?, nispa.
20Jesustaj paykunaman kutichispa nerqa: Qankuna chunka iskayniyojmanta ujniykichej, pichus noqawan chuwapi t'antata chhapuspa mikhushan chay. 21Cheqamanta Runaj Churenqa, paymanta qelqasqaman jina wañuyman rishan. Ay, jaqay runamanta, pinejtachus runaj Churin jap'ichisqa kanqa! Allin kanman karqa chay runapaj ama nacinan.
22Paykuna mikhushajtinku, Jesús t'antata oqharispa, diosman graciasta qorqa, partiytawantaj yachachisqasninman jaywarqa: Jap'iychej, kaymin cuerpoyqa, nispa.
23Copata oqharispataj, Diosman graciasta qorqa, paykunamantaj jaywarqa; tukuyninkutaj copamanta ujyarqanku. 24Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa. 25Cheqamanta niykichej, manaña jayk'ajpis uvas sach'aj poqoyninmanta ujyasajchu; Diospa reinompi watejmanta ujyanaykama.
Jesús willan Pedro qhesachananta
(Mt 26.30-35; Lc 22.31-34; Jn 13.36-38)
26Salmosta takiytawan, Olivos orqoman riporqanku. 27Chaymantataj, Jesús paykunaman nerqa: Kunan tukuyniykichej qhesachawankichej. Escribisqa kashan: Michejta wajtasaj, ovejastaj ch'eqerakonqanku. 28Wañuymanta kausarimuspataj ñaupaqeykichejta Galileaman risaj.
29Pedrotaj Jesusman nerqa: Tukuyninkupis iskayrayachunku, noqaqa manapuni qanmanta iskayrayasajchu.
30Pedromantaj Jesús nerqa: Cheqamanta niyki, kunan tutapacha, manaraj gallo iskay kutita waqashajtin, qanqa kinsa kutita mana rejsej tukuwanki.
31Pedrotaj astawan atipakuspa kuticherqa: Qanwan wañunay kashajtimpis, manapuni mana rejsinichu nisqaykichu.
Tukuy yachachisqasnimpis kikillantataj nerqanku.
Jesús Diosmanta mañakun Getsemanipi
(Mt 26.36-46; Lc 22.39-46)
32Jesús yachachisqasninwan chayarqa uj cheqaman, Getsemaní nisqaman. Jesustaj paykunaman nerqa: Kaypi tiyarikuychej, noqa Diosmanta mañakamunaykama.
33Pedrota, Santiagota, Juantawan pusarqa; chaypitaj sonqo nanayta, llakiywan ñak'ariyta qallarerqa. 34Paykunamantaj nerqa: Almayqa ancha llakisqa kashan wañuykama. Kaypi suyawaychej ama puñuspa.
35Jesustaj tumpatawan ñaupajman karuncharispa, pampaman k'umuykuspa Diosmanta mañakorqa, atikojtenqa chay ñak'arinan hora imaynallamantapis qhechukunampaj. 36Mañakuspataj Jesús nerqa: Abba Tatáy, tukuy ima qampajqa atikun, jark'away ari chay ñak'ariymanta; chaywampis ama noqaj munasqallayqa kachunchu; astawanqa, qampa munasqayki ruwasqa kachun.
37Jesustaj kutirimuspa, paykunata puñushajta tariparqa, Pedromantaj nerqa: Simón, puñushankichu? Manachu uj horallatapis qhawayta aterqanki? 38Qhawakuychej ama puñuspa. Diosmanta mañakuychej ama juchaman urmanaykichejpaj. Cheqamanta espiritoqa wakichisqa kashan, aychatajrí pisi kallpayoj.
39Jesustaj ujtawan rispa, Diosmanta mañakorqa ñaupajta jina. 40Ujtawan kutimuspataj, puñurashajllatataj tariparqa; imaraykuchus paykunaqa k'aywisharqanku puñuywan atichikuspa; manataj imata kutichiyta aterqankuchu. 41Kinsa kaj kutimuynimpitaj, Jesusqa paykunaman nerqa: Kunanqa puñullaychejña, samakuychejtaj. Jinallaña kachun, ñapis hora junt'akunña. Runaj Churenqa juchasapaspa makimpiña kashan. 42Jatariychej, jaku. Jap'ichiwajqa qayllapiña.
Jesusta presochanku
(Mt 26.47-56; Lc 22.47-53; Jn 18.2-11)
43Jesús parlashajtillanraj, Judas chayaykamorqa; payqa chunka iskayniyojmanta ujnin kaj karqa. Paywantaj, ashkha runa jamorqa espadaswan, k'aspiswan ima. Chaykunata kachamorqanku kuraj sacerdotes, leymanta yachachejkuna, kurajkuna ima. 44Judastaj yachachinakusqaña imaynatachus Jesusta jap'ichinampaj: Pitachari noqa much'aykusaj, chay kanqa, payta jap'ispa, ama kacharispataj presota apaychej, nispa. 45Judastaj chayaykamuytawan, Jesusman qayllaykuspa, Maestro, nerqa.
Much'aykorqataj. 46Runastaj, Jesusta jap'iytawan presocharqanku.
47Chaypi kajkunamanta ujnintaj, espadanta orqhospa, kuraj sacerdotej kamachimpa ningrinta qholurparerqa. 48Jesustaj runasman nerqa: Suwata jinachu jap'ej jamuwarqankichej, espadaswan, k'aspiswan ima? 49Templopi sapa p'unchay yachachishajteyqa mana jap'iwarqankichejchu; kunanrí Escrituraj nisqan junt'akunampaj, jap'iwankichej.
50Chayman Jesusta saqerparispa, tukuynin yachachisqasnin ayqerqanku. 51Uj waynataj Jesusta qhatisharqa, sabanawan qhatasqa. Paytapis jap'illarqankutaj. 52Jap'ejkunaj makinkupi sabanata saqerparispataj, q'alalla waynaqa ayqerikaporqa.
Jesusta pusanku
(Mt 26.57-68; Lc 22.54-55, 63-71; Jn 18.12-14, 19-24)
53Chaymanta Jesusta pusarqanku jatun sacerdotesman. Chaymantaj tantakamorqanku kuraj sacerdotes, kurajkuna, leymanta yachachejkuna ima. 54Pedrotaj, karullamanta Jesusta qhaterqa, yaykorqataj jatun sacerdotej pation uqhuman. Chaypitaj payqa, nina qayllapi tiyakuspa, kamachiswan q'oñikusharqa.
55Kuraj sacerdotestaj tukuy juntamanta kajkunawan, mask'asharqanku llulla testigosta, Jesusta ch'ataykunankupaj, chaymantataj wañuchinankupaj. Manataj ni imata tarerqankuchu. 56Ashkhas llullakuspa paypa contranta parlarqanku; parlasqankutaj mana kikinchu karqa. 57-58Wakintaj sayarispa, llullata nerqanku Jesuspa contranta: Noqayku Jesusta uyarerqayku nejta: Noqa urmachisaj kay runaj makinwan ruwasqa templota, chaymantataj kinsa diapi watejmanta sayarichisaj, mana runaj makinwan ruwasqatañachu.
59Chaywampis, paykunaj tumpasqankoqa mana jinachu karqa.
60Chaypacha, jatun sacerdote, chaupinkumanta jatarispa Jesusta taporqa: Manachu imatapis kutichikunki? Imamantataj kaykuna ch'atasunkuri?, nispa.
61Jesustaj ch'inlla karqa, mana imata kutichikuspa. Watejmanta jatun sacerdoteqa Jesusta tapullarqataj: Qanchu Cristo kanki, yupaychasqa Diospa Churin?, nispa.
62Jesustaj kuticherqa: Arí, noqa kani. Qankunataj rikunkichej Diospa Churinta, jatun atiyniyoj Diospa pañampi tiyashajta, janaj pachamantataj phuyuspi jamushajta.
63Chaypacha jatun sacerdoteqa, p'achasninta llik'irakuspa nerqa: Imapajñataj munanchej testigosta? 64Qankuna uyarinkichejña imaynatachus Diospaj sajrata rimasqanta. Kunanrí, ima ninkichejtaj? Tukuyninkutaj Jesusta juchacharqanku wañunampaj.
65Wakinkunataj qallarerqanku Jesusta thoqaykuyta; uyanta qhataykuspataj sajmarqanku: Sut'inchay, pitaj sajmasunkiri?, nispa.
Kamachistaj Jesuspa umampi sajmarqanku.
Pedro, Jesusta mana rejsejman tukun
(Mt 26.69-75; Lc 22.56-62; Jn 18.15-18, 25-29)
66Pedro ura patiopi kashajtin, jamorqa jatun sacerdotej warmi kamachin. 67Paytaj, Pedrota nina qayllapi q'oñikushajta rikuspa, qhawariytawan nerqa: Qampis Jesús nazarenowan kasharqanki.
68Pedrotaj nerqa: Mana jinachu. Mana payta rejsinichu, nitaj yachanichu imamantachus nisqaykita.
Chantá jawaman llojserqa; ajinallamantaj gallo waqarqa. 69Kamachi warmitaj, Pedrota ujtawan qhawarispa, chaypi kajkunaman nerqa: Kay runaqa paykunamanta, nispa.
70Pedrotaj ujtawan, mana jinachu, nerqa. Uj chhikanmantawan chaypi kajkunapis Pedrota uyancharqanku: Cheqamanta qampis paykunamanta kankeqa. Galileollataj kasqayki parlaynillaykipi sut'i kashan.
71Chaymantataj, Pedroqa maldiciyta, juraytataj qallarerqa: Mana chay runata rejsinichu, pimantachus parlashankichejpis, nispa.
72Chantá ujtawan gallo waqallarqataj; Pedrotaj chayta uyarispa Jesuspa nisqanmanta yuyarikorqa: Manaraj iskay kutita gallo waqashajtin, qanqa kinsa kutita ninki mana rejsiwasqaykita. Kayta yuyarispataj Pedroqa waqarqa.
Currently Selected:
SAN MARCOS 14: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 14
14
Yachachinakorqanku Jesusta presochanankupaj
(Mt 26.1-5; Lc 22.1-2; Jn 11.45-56)
1Iskay diallaña Pascuapaj kashajtin; chay Pascua diapi, mikhoj kanku mana levadurayoj t'antata. Kuraj sacerdotestaj, leymanta yachachejkuna ima mask'asharqanku imaynamantachus Jesusta pakayllamanta jap'ichispa wañuchinankupaj. 2Paykunataj nisharqanku: Ama jatun diapeqa jap'ichinachu; imaraykuchus runas oqharikuspa ch'ajwankuman.
Uj warmi Jesusta jawin
(Mt 26.6-13; Jn 12.1-8)
3Betania llajtapi, lepra onqoyniyoj Simompa wasimpi Jesús kasharqa. Chaypi pay mikhushajtintaj, uj warmi yaykumorqa alabastro yuru aparisqa. Yuroqa nardo perfumewan junt'a karqa, may precioyoj. Warmitaj yurituta p'akirparispa, perfumeta Jesuspa umanman jich'aykorqa. 4Wakinkunataj, sonqonkupi phiñakuspa nerqanku: Imapajtaj kay jinata perfumeta usuchinri? 5Kinsa pachaj kuraj denario qolqepi vendekunman karqa. Chaytataj wajchasman qosunman karqa, nispa. Warmipajqa mayta rimarqanku.
6Jesustaj paykunaman nerqa: Saqeychej, imaraykutaj k'amishankichejri? Kay warmeqa allinta noqapaj ruwapuwan. 7Wajchasqa qankunawan kallanqankupuni; munaspaqa mayk'ajllapis atinkichej yanapayta. Noqarí manaña unaytachu qankunawan kasaj. 8Kay warmeqa atisqanta ruwan; perfumewan ukhuyta jawispaqa ñaupaykun p'ampakunaypaj wakichiwaspa. 9Cheqamanta niykichej; mayllapipis kay evangelio willakojtin, kay warmej ruwasqampis willakullanqataj paymanta yuyarikunankupaj.
Judas nin Jesusta jap'ichinanta
(Mt 16.14-16; Lc 22.3-6)
10Chaypacha, chunka iskayniyojmanta ujnin, Judas Iscariote, rerqa kuraj sacerdoteswan parlamoj, Jesusta jap'ichinampaj. 11Paykunaqa chayta uyarispa kusikorqanku. Qolqeta qonankupajtaj parlarqanku; Judastaj qhawaykachasharqa imaynamantachus Jesusta jap'ichinanta.
Pascua
(Mt 26.17-29; Lc 22.7-23; Jn 13.21-30; 1 Cor 11.23-26)
12Mana levadurayoj t'anta mikhuna Pascua p'unchaypa qallariynin karqa. Pascua corderota wañuchishajtinku yachachisqasnin Jesusman nerqanku: Maymantaj risqayku wakichej Pascuata mikhunaykipaj?
13Chaymanta iskay yachachisqasninta kacharqa, nispa: Riychej llajtaman; chaypi tinkukunkichej p'uñupi yakuta apashaj runawan, paytataj qhatiychej. 14Maymanchá yaykonqa chay wasiyojta niychej: maestroyku nisunki, maypitaj sala kashan yachachisqasniywan Pascuata mikhunaypaj? 15Wasiyojtaj, alto patapi rikuchisonqachej uj jatun salata, k'uchunchasqataña; chaypi wakichiychej mikhunanchejpaj.
16Yachachisqastaj rerqanku; llajtaman yaykuspataj, tukuy imata Jesuspa nisqanman jina tarerqanku; chay wasipitaj wakicherqanku Pascua mikhunata.
17Chisiyaykuytataj, chay wasiman Jesús chayarqa, chunka iskayniyoj yachachisqasninwan. 18Mikhushajtinkutaj paykunaman nerqa: Cheqamanta niykichej. Qankunamanta ujniykichej, pichus noqawan mikhushan chay jap'ichiwanqa.
19Yachachisqasnintaj llakikuyta qallarerqanku, Jesustataj taporqanku ujmanta uj: Noqachu kani?, nispa.
20Jesustaj paykunaman kutichispa nerqa: Qankuna chunka iskayniyojmanta ujniykichej, pichus noqawan chuwapi t'antata chhapuspa mikhushan chay. 21Cheqamanta Runaj Churenqa, paymanta qelqasqaman jina wañuyman rishan. Ay, jaqay runamanta, pinejtachus runaj Churin jap'ichisqa kanqa! Allin kanman karqa chay runapaj ama nacinan.
22Paykuna mikhushajtinku, Jesús t'antata oqharispa, diosman graciasta qorqa, partiytawantaj yachachisqasninman jaywarqa: Jap'iychej, kaymin cuerpoyqa, nispa.
23Copata oqharispataj, Diosman graciasta qorqa, paykunamantaj jaywarqa; tukuyninkutaj copamanta ujyarqanku. 24Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa. 25Cheqamanta niykichej, manaña jayk'ajpis uvas sach'aj poqoyninmanta ujyasajchu; Diospa reinompi watejmanta ujyanaykama.
Jesús willan Pedro qhesachananta
(Mt 26.30-35; Lc 22.31-34; Jn 13.36-38)
26Salmosta takiytawan, Olivos orqoman riporqanku. 27Chaymantataj, Jesús paykunaman nerqa: Kunan tukuyniykichej qhesachawankichej. Escribisqa kashan: Michejta wajtasaj, ovejastaj ch'eqerakonqanku. 28Wañuymanta kausarimuspataj ñaupaqeykichejta Galileaman risaj.
29Pedrotaj Jesusman nerqa: Tukuyninkupis iskayrayachunku, noqaqa manapuni qanmanta iskayrayasajchu.
30Pedromantaj Jesús nerqa: Cheqamanta niyki, kunan tutapacha, manaraj gallo iskay kutita waqashajtin, qanqa kinsa kutita mana rejsej tukuwanki.
31Pedrotaj astawan atipakuspa kuticherqa: Qanwan wañunay kashajtimpis, manapuni mana rejsinichu nisqaykichu.
Tukuy yachachisqasnimpis kikillantataj nerqanku.
Jesús Diosmanta mañakun Getsemanipi
(Mt 26.36-46; Lc 22.39-46)
32Jesús yachachisqasninwan chayarqa uj cheqaman, Getsemaní nisqaman. Jesustaj paykunaman nerqa: Kaypi tiyarikuychej, noqa Diosmanta mañakamunaykama.
33Pedrota, Santiagota, Juantawan pusarqa; chaypitaj sonqo nanayta, llakiywan ñak'ariyta qallarerqa. 34Paykunamantaj nerqa: Almayqa ancha llakisqa kashan wañuykama. Kaypi suyawaychej ama puñuspa.
35Jesustaj tumpatawan ñaupajman karuncharispa, pampaman k'umuykuspa Diosmanta mañakorqa, atikojtenqa chay ñak'arinan hora imaynallamantapis qhechukunampaj. 36Mañakuspataj Jesús nerqa: Abba Tatáy, tukuy ima qampajqa atikun, jark'away ari chay ñak'ariymanta; chaywampis ama noqaj munasqallayqa kachunchu; astawanqa, qampa munasqayki ruwasqa kachun.
37Jesustaj kutirimuspa, paykunata puñushajta tariparqa, Pedromantaj nerqa: Simón, puñushankichu? Manachu uj horallatapis qhawayta aterqanki? 38Qhawakuychej ama puñuspa. Diosmanta mañakuychej ama juchaman urmanaykichejpaj. Cheqamanta espiritoqa wakichisqa kashan, aychatajrí pisi kallpayoj.
39Jesustaj ujtawan rispa, Diosmanta mañakorqa ñaupajta jina. 40Ujtawan kutimuspataj, puñurashajllatataj tariparqa; imaraykuchus paykunaqa k'aywisharqanku puñuywan atichikuspa; manataj imata kutichiyta aterqankuchu. 41Kinsa kaj kutimuynimpitaj, Jesusqa paykunaman nerqa: Kunanqa puñullaychejña, samakuychejtaj. Jinallaña kachun, ñapis hora junt'akunña. Runaj Churenqa juchasapaspa makimpiña kashan. 42Jatariychej, jaku. Jap'ichiwajqa qayllapiña.
Jesusta presochanku
(Mt 26.47-56; Lc 22.47-53; Jn 18.2-11)
43Jesús parlashajtillanraj, Judas chayaykamorqa; payqa chunka iskayniyojmanta ujnin kaj karqa. Paywantaj, ashkha runa jamorqa espadaswan, k'aspiswan ima. Chaykunata kachamorqanku kuraj sacerdotes, leymanta yachachejkuna, kurajkuna ima. 44Judastaj yachachinakusqaña imaynatachus Jesusta jap'ichinampaj: Pitachari noqa much'aykusaj, chay kanqa, payta jap'ispa, ama kacharispataj presota apaychej, nispa. 45Judastaj chayaykamuytawan, Jesusman qayllaykuspa, Maestro, nerqa.
Much'aykorqataj. 46Runastaj, Jesusta jap'iytawan presocharqanku.
47Chaypi kajkunamanta ujnintaj, espadanta orqhospa, kuraj sacerdotej kamachimpa ningrinta qholurparerqa. 48Jesustaj runasman nerqa: Suwata jinachu jap'ej jamuwarqankichej, espadaswan, k'aspiswan ima? 49Templopi sapa p'unchay yachachishajteyqa mana jap'iwarqankichejchu; kunanrí Escrituraj nisqan junt'akunampaj, jap'iwankichej.
50Chayman Jesusta saqerparispa, tukuynin yachachisqasnin ayqerqanku. 51Uj waynataj Jesusta qhatisharqa, sabanawan qhatasqa. Paytapis jap'illarqankutaj. 52Jap'ejkunaj makinkupi sabanata saqerparispataj, q'alalla waynaqa ayqerikaporqa.
Jesusta pusanku
(Mt 26.57-68; Lc 22.54-55, 63-71; Jn 18.12-14, 19-24)
53Chaymanta Jesusta pusarqanku jatun sacerdotesman. Chaymantaj tantakamorqanku kuraj sacerdotes, kurajkuna, leymanta yachachejkuna ima. 54Pedrotaj, karullamanta Jesusta qhaterqa, yaykorqataj jatun sacerdotej pation uqhuman. Chaypitaj payqa, nina qayllapi tiyakuspa, kamachiswan q'oñikusharqa.
55Kuraj sacerdotestaj tukuy juntamanta kajkunawan, mask'asharqanku llulla testigosta, Jesusta ch'ataykunankupaj, chaymantataj wañuchinankupaj. Manataj ni imata tarerqankuchu. 56Ashkhas llullakuspa paypa contranta parlarqanku; parlasqankutaj mana kikinchu karqa. 57-58Wakintaj sayarispa, llullata nerqanku Jesuspa contranta: Noqayku Jesusta uyarerqayku nejta: Noqa urmachisaj kay runaj makinwan ruwasqa templota, chaymantataj kinsa diapi watejmanta sayarichisaj, mana runaj makinwan ruwasqatañachu.
59Chaywampis, paykunaj tumpasqankoqa mana jinachu karqa.
60Chaypacha, jatun sacerdote, chaupinkumanta jatarispa Jesusta taporqa: Manachu imatapis kutichikunki? Imamantataj kaykuna ch'atasunkuri?, nispa.
61Jesustaj ch'inlla karqa, mana imata kutichikuspa. Watejmanta jatun sacerdoteqa Jesusta tapullarqataj: Qanchu Cristo kanki, yupaychasqa Diospa Churin?, nispa.
62Jesustaj kuticherqa: Arí, noqa kani. Qankunataj rikunkichej Diospa Churinta, jatun atiyniyoj Diospa pañampi tiyashajta, janaj pachamantataj phuyuspi jamushajta.
63Chaypacha jatun sacerdoteqa, p'achasninta llik'irakuspa nerqa: Imapajñataj munanchej testigosta? 64Qankuna uyarinkichejña imaynatachus Diospaj sajrata rimasqanta. Kunanrí, ima ninkichejtaj? Tukuyninkutaj Jesusta juchacharqanku wañunampaj.
65Wakinkunataj qallarerqanku Jesusta thoqaykuyta; uyanta qhataykuspataj sajmarqanku: Sut'inchay, pitaj sajmasunkiri?, nispa.
Kamachistaj Jesuspa umampi sajmarqanku.
Pedro, Jesusta mana rejsejman tukun
(Mt 26.69-75; Lc 22.56-62; Jn 18.15-18, 25-29)
66Pedro ura patiopi kashajtin, jamorqa jatun sacerdotej warmi kamachin. 67Paytaj, Pedrota nina qayllapi q'oñikushajta rikuspa, qhawariytawan nerqa: Qampis Jesús nazarenowan kasharqanki.
68Pedrotaj nerqa: Mana jinachu. Mana payta rejsinichu, nitaj yachanichu imamantachus nisqaykita.
Chantá jawaman llojserqa; ajinallamantaj gallo waqarqa. 69Kamachi warmitaj, Pedrota ujtawan qhawarispa, chaypi kajkunaman nerqa: Kay runaqa paykunamanta, nispa.
70Pedrotaj ujtawan, mana jinachu, nerqa. Uj chhikanmantawan chaypi kajkunapis Pedrota uyancharqanku: Cheqamanta qampis paykunamanta kankeqa. Galileollataj kasqayki parlaynillaykipi sut'i kashan.
71Chaymantataj, Pedroqa maldiciyta, juraytataj qallarerqa: Mana chay runata rejsinichu, pimantachus parlashankichejpis, nispa.
72Chantá ujtawan gallo waqallarqataj; Pedrotaj chayta uyarispa Jesuspa nisqanmanta yuyarikorqa: Manaraj iskay kutita gallo waqashajtin, qanqa kinsa kutita ninki mana rejsiwasqaykita. Kayta yuyarispataj Pedroqa waqarqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.