SAN MARCOS 15
15
Jesusta Pilatojman pusanku
(Mt 27.1-2, 11-14; Lc 23.1-5; Jn 18.28-38)
1Sut'iyamuytataj, tantakorqanku kuraj sacerdotes, kurajkuna, leymanta yachachejkuna, tukuy juntantin. Paykunataj Jesusta watasqata Pilatoman pusarqanku. 2Pilatotaj Jesusta taporqa: Qanchu judiospa Reynin kanki? Jesustaj kutichispa nerqa: Arí, qan ninki.
3Kuraj sacerdotestaj, maytapuni Jesusta ch'ataykusharqanku. 4Pilato ujtawan Jesusta tapullarqataj: Manachu imatapis kutichikunki? Uyariy, chay chhika imasmanta ch'atashasunku.
5Chaywampis Jesusqa manapuni kuticherqachu. Chayraykutaj Pilatoqa t'ukorqa.
Jesusta wañunampaj juchachanku
(Mt 27.15-31; Lc 23.13-25; Jn 18.38–19.16)
6Sapa Pascua p'unchaypi, Pilatoqa kacharejpuni uj presota, mayqentachá runas munaj kanku, chayta. 7Chaypacha, uj runa Barrabás sutiyoj, carcelpi wisq'asqa kasharqa waj runaswan, pikunawanchus ch'ajwapi runata wañucherqanku chaykunawan. 8Ashkha runa tantakamuspataj, Pilatomanta mañarqanku, sapa wata ruwasqanman jina uj presota kacharichinanta. 9Pilatotaj paykunaman nerqa: Munankichejchu judiospa Reyninta kacharichinayta?
10Payqa allinta yachasharqa, kuraj sacerdotes chejnikusqankurayku Jesusta pusamusqankuta. 11Kuraj sacerdotesqa runasman yachachisharqanku, Pilatomanta mañanankupaj Barrabasta kacharinanta. 12Pilatotaj kutichispa ujtawan paykunaman nerqa: Imatataj ruwanayta munankichej judiospa Reyninwanri?
13Runastaj qhaparispa kuticherqanku: Cruzpi chakatay!
14Pilato tapullarqataj: Ima sajratataj pay ruwarqari?, nispa.
Paykunataj astawan qhaparerqanku: Cruzpi chakatay!
15Pilatotaj runasman allin rijch'ananrayku, Barrabasta kacharerqa; Jesusta jasut'ichispataj soldadosman qorqa chakatanankupaj.
Soldados Jesusta asipayanku
16Soldadostaj Jesusta pusaykorqanku palacioj ukhu pationman; chaymantaj tantacherqanku tukuy soldadosta. 17Jesustataj p'achallicherqanku puka p'achawan. Umanmantaj churaykorqanku khishkamanta simp'asqa pilluta. 18Chaymantataj napaykuyta qallarerqanku: Kausachun judiospa Reynin!, nispa.
19Jesuspa umampi soqosowan wajtaspataj thoqaykorqanku, qonqoriykukuspataj payta asipayarqanku. 20Asipayaytawantaj puka p'achata lluch'uspa, kikin p'achasninta churaykorqanku; jawamantaj orqhorqanku chakatanankupaj.
Jesús cruzpi chakatasqa
(Mt 27.32-44; Lc 23.26-43; Jn 19.17-27)
21Cirenemanta Simón, Alejandroj, Rufojtawan tatan, campomanta jamusharqa; paywantaj q'epicherqanku Jesuspa cruzninta.
22Jesustataj pusarqanku Gólgota nisqa orqoman, kay niyta munan T'ojlu pata. 23Jesusmantaj qorqanku vinota, mirrawan chajrusqata. Paytaj mana munarqachu ujyayta. 24Jesusta chakataytawantaj soldasdosqa p'achasninta rak'inakorqanku; suerteta choqaspa, chayman jina sapa uj apakunampaj.
25Jesusta chakatashajtinkoqa, tutamanta isq'on hora karqa. 26Juchachasqanku escribisqataj kay jina karqa: Judiospa Reynin. 27Jesustawan chakatallarqankutaj iskay suwasta: Ujninta pañanman, ujnintataj lloq'enman. [ 28Ajinamanta, Escriturapi paymanta nisqan junt'akorqa: Payqa juchasapaswan yupasqa karqa.]
29Chaynejta purejkunataj, umankuta khiwirispa Jesuspaj rimarqanku: Wa! Qan kanki templota urmachej, kinsa p'unchaypitaj sayarichej! 30Qan kikiykita salvakuy. Chay cruzmanta uraykamuy.
31Ajinallatataj kuraj sacerdotes, leymanta yachachejkunawan Jesusta asipayaspa ninakusharqanku: Wajkunata salvarqa, paytaj mana salvakuyta atinchu. 32Kunanqa, Cristo Israelpa Reynin, uraykamuchun chay cruzmanta rikunanchejpaj, creenanchejpajtaj, nispa.
Ajinallatataj chay iskay paywan chakatasqaspis rimasharqanku.
Jesuspa wañuynin
(Mt 27.45-56; Lc 23.44-49; Jn 19.28-30)
33Chaupi día kashajtin, tukuy jallp'ata laqhayaykamorqa kinsa horakama. 34Chay kikin horallapitaj, Jesusqa sinch'ita qhaparispa nerqa: Eloi, Eloi, lama sabactani? Chay niyta munan: Diosníy, Diosníy, imaraykutaj saqerpariwankiri?
35Chayta uyarispataj, wakin chaypi uyarejkunamanta nerqanku: Uyariychej, Eliasta wajyakushan, nispa.
36Ujnintaj usqhayta jamuspa, esponjata vinagreman chhapuykuspa, soqosoman wataykuytawan Jesuspa siminman churaykorqa: Saqeychej, ichachus Elías jamonqa cruzmanta uraykuchej, nispa.
37Jesustaj, sinch'ita qhaparispa wañuporqa. 38Chaypacha, temploj velon iskayman llik'ikorqa, patamanta urakama. 39Centuriontaj, Jesuspa cruznimpa ñaupaqempi kasharqa; paytaj Jesús qhaparispa wañusqanta rikuspa, nerqa: Cheqamanta kay runaqa Diospa Churin karqa, nispa.
40Wakin chaypi kajkuna warmispis karullamanta qhawamusharqanku. Paykuna ukhupi karqa María Magdalena; sullk'a kaj Santiagojta, Josejtawan mamanku María, Salomé ima. 41Galileapi Jesús kashajtintaj, kay warmisqa Jesuswan rej kanku yanapaspa. Waj warmispis Jesuswan wicharillarqankutaj Jerusalenman.
Jesusta p'ampanku
(Mt 27.57-61; Lc 23.50-56; Jn 19.38-42)
42-43Ch'isiña kashajtin, samakuna p'unchaypaj wakichikuna kasqanrayku, Arimateamanta José jamorqa. Payqa juntapi sumajpaj qhawasqa runa, Diospa reinontataj suyasharqa. Mana manchachikuspataj Pilatomanta Jesuspa ayanta mañarqa. 44Pilatotaj t'ukorqa Jesús wañusqaña kasqanmanta; chayrayku centurionta wajyaspa taporqa Jesús wañusqañachus kasqanta. 45Centurión willajtintaj Pilatoqa Joseman Jesuspa ayanta qoporqa. 46Josetaj sabanata rantimuspa, Jesuspa ayanta cruzmanta uraykuchiytawan mayt'uykorqa. Chhankapi jusk'usqa sepulturaman Jesusta churaykorqa, chantá jatun rumiwantaj wisq'aykorqa. 47María Magdalenataj, Josejpa maman Mariawan qhawasharqanku maymanchus Jesusta churasqankuta.
Currently Selected:
SAN MARCOS 15: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 15
15
Jesusta Pilatojman pusanku
(Mt 27.1-2, 11-14; Lc 23.1-5; Jn 18.28-38)
1Sut'iyamuytataj, tantakorqanku kuraj sacerdotes, kurajkuna, leymanta yachachejkuna, tukuy juntantin. Paykunataj Jesusta watasqata Pilatoman pusarqanku. 2Pilatotaj Jesusta taporqa: Qanchu judiospa Reynin kanki? Jesustaj kutichispa nerqa: Arí, qan ninki.
3Kuraj sacerdotestaj, maytapuni Jesusta ch'ataykusharqanku. 4Pilato ujtawan Jesusta tapullarqataj: Manachu imatapis kutichikunki? Uyariy, chay chhika imasmanta ch'atashasunku.
5Chaywampis Jesusqa manapuni kuticherqachu. Chayraykutaj Pilatoqa t'ukorqa.
Jesusta wañunampaj juchachanku
(Mt 27.15-31; Lc 23.13-25; Jn 18.38–19.16)
6Sapa Pascua p'unchaypi, Pilatoqa kacharejpuni uj presota, mayqentachá runas munaj kanku, chayta. 7Chaypacha, uj runa Barrabás sutiyoj, carcelpi wisq'asqa kasharqa waj runaswan, pikunawanchus ch'ajwapi runata wañucherqanku chaykunawan. 8Ashkha runa tantakamuspataj, Pilatomanta mañarqanku, sapa wata ruwasqanman jina uj presota kacharichinanta. 9Pilatotaj paykunaman nerqa: Munankichejchu judiospa Reyninta kacharichinayta?
10Payqa allinta yachasharqa, kuraj sacerdotes chejnikusqankurayku Jesusta pusamusqankuta. 11Kuraj sacerdotesqa runasman yachachisharqanku, Pilatomanta mañanankupaj Barrabasta kacharinanta. 12Pilatotaj kutichispa ujtawan paykunaman nerqa: Imatataj ruwanayta munankichej judiospa Reyninwanri?
13Runastaj qhaparispa kuticherqanku: Cruzpi chakatay!
14Pilato tapullarqataj: Ima sajratataj pay ruwarqari?, nispa.
Paykunataj astawan qhaparerqanku: Cruzpi chakatay!
15Pilatotaj runasman allin rijch'ananrayku, Barrabasta kacharerqa; Jesusta jasut'ichispataj soldadosman qorqa chakatanankupaj.
Soldados Jesusta asipayanku
16Soldadostaj Jesusta pusaykorqanku palacioj ukhu pationman; chaymantaj tantacherqanku tukuy soldadosta. 17Jesustataj p'achallicherqanku puka p'achawan. Umanmantaj churaykorqanku khishkamanta simp'asqa pilluta. 18Chaymantataj napaykuyta qallarerqanku: Kausachun judiospa Reynin!, nispa.
19Jesuspa umampi soqosowan wajtaspataj thoqaykorqanku, qonqoriykukuspataj payta asipayarqanku. 20Asipayaytawantaj puka p'achata lluch'uspa, kikin p'achasninta churaykorqanku; jawamantaj orqhorqanku chakatanankupaj.
Jesús cruzpi chakatasqa
(Mt 27.32-44; Lc 23.26-43; Jn 19.17-27)
21Cirenemanta Simón, Alejandroj, Rufojtawan tatan, campomanta jamusharqa; paywantaj q'epicherqanku Jesuspa cruzninta.
22Jesustataj pusarqanku Gólgota nisqa orqoman, kay niyta munan T'ojlu pata. 23Jesusmantaj qorqanku vinota, mirrawan chajrusqata. Paytaj mana munarqachu ujyayta. 24Jesusta chakataytawantaj soldasdosqa p'achasninta rak'inakorqanku; suerteta choqaspa, chayman jina sapa uj apakunampaj.
25Jesusta chakatashajtinkoqa, tutamanta isq'on hora karqa. 26Juchachasqanku escribisqataj kay jina karqa: Judiospa Reynin. 27Jesustawan chakatallarqankutaj iskay suwasta: Ujninta pañanman, ujnintataj lloq'enman. [ 28Ajinamanta, Escriturapi paymanta nisqan junt'akorqa: Payqa juchasapaswan yupasqa karqa.]
29Chaynejta purejkunataj, umankuta khiwirispa Jesuspaj rimarqanku: Wa! Qan kanki templota urmachej, kinsa p'unchaypitaj sayarichej! 30Qan kikiykita salvakuy. Chay cruzmanta uraykamuy.
31Ajinallatataj kuraj sacerdotes, leymanta yachachejkunawan Jesusta asipayaspa ninakusharqanku: Wajkunata salvarqa, paytaj mana salvakuyta atinchu. 32Kunanqa, Cristo Israelpa Reynin, uraykamuchun chay cruzmanta rikunanchejpaj, creenanchejpajtaj, nispa.
Ajinallatataj chay iskay paywan chakatasqaspis rimasharqanku.
Jesuspa wañuynin
(Mt 27.45-56; Lc 23.44-49; Jn 19.28-30)
33Chaupi día kashajtin, tukuy jallp'ata laqhayaykamorqa kinsa horakama. 34Chay kikin horallapitaj, Jesusqa sinch'ita qhaparispa nerqa: Eloi, Eloi, lama sabactani? Chay niyta munan: Diosníy, Diosníy, imaraykutaj saqerpariwankiri?
35Chayta uyarispataj, wakin chaypi uyarejkunamanta nerqanku: Uyariychej, Eliasta wajyakushan, nispa.
36Ujnintaj usqhayta jamuspa, esponjata vinagreman chhapuykuspa, soqosoman wataykuytawan Jesuspa siminman churaykorqa: Saqeychej, ichachus Elías jamonqa cruzmanta uraykuchej, nispa.
37Jesustaj, sinch'ita qhaparispa wañuporqa. 38Chaypacha, temploj velon iskayman llik'ikorqa, patamanta urakama. 39Centuriontaj, Jesuspa cruznimpa ñaupaqempi kasharqa; paytaj Jesús qhaparispa wañusqanta rikuspa, nerqa: Cheqamanta kay runaqa Diospa Churin karqa, nispa.
40Wakin chaypi kajkuna warmispis karullamanta qhawamusharqanku. Paykuna ukhupi karqa María Magdalena; sullk'a kaj Santiagojta, Josejtawan mamanku María, Salomé ima. 41Galileapi Jesús kashajtintaj, kay warmisqa Jesuswan rej kanku yanapaspa. Waj warmispis Jesuswan wicharillarqankutaj Jerusalenman.
Jesusta p'ampanku
(Mt 27.57-61; Lc 23.50-56; Jn 19.38-42)
42-43Ch'isiña kashajtin, samakuna p'unchaypaj wakichikuna kasqanrayku, Arimateamanta José jamorqa. Payqa juntapi sumajpaj qhawasqa runa, Diospa reinontataj suyasharqa. Mana manchachikuspataj Pilatomanta Jesuspa ayanta mañarqa. 44Pilatotaj t'ukorqa Jesús wañusqaña kasqanmanta; chayrayku centurionta wajyaspa taporqa Jesús wañusqañachus kasqanta. 45Centurión willajtintaj Pilatoqa Joseman Jesuspa ayanta qoporqa. 46Josetaj sabanata rantimuspa, Jesuspa ayanta cruzmanta uraykuchiytawan mayt'uykorqa. Chhankapi jusk'usqa sepulturaman Jesusta churaykorqa, chantá jatun rumiwantaj wisq'aykorqa. 47María Magdalenataj, Josejpa maman Mariawan qhawasharqanku maymanchus Jesusta churasqankuta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.