SAN MARCOS 16
16
Jesús kausarimpun
(Mt 28.1-10; Lc 24.1-12; Jn 20.1-10)
1Samakuna p'unchay pasayta, María Magdalena, Santiagoj maman María, Salomé ima, q'apaj perfumesta rantimorqanku, chaywan Jesuspa ayanta jawimunankupaj. 2Semanaj ñaupaj p'unchaynin sut'iyamuyta, warmis, inti llojsimuytaña sepulturaman chayamorqanku. 3Rishaspataj paykuna ninakusharqanku: Kunanqa, pitaj sepulturapi rumita tanqaripuwasunri?
4Qhawarispataj, rumitaqa tanqarparisqataña rikorqanku; imaraykuchus ancha jatun karqa. 5Warmistaj, sepulturaman yaykuspa rikorqanku uj waynata pañanejpi tiyashajta, qhoysu yuraj p'achayojta; paykunataj mancharikorqanku. 6Waynataj nerqa: Ama mancharikuychejchu. qankunaqa Jesús nazarenota mask'ashankichej, cruzpi chakatasqata. Payqa kausarimpunña, mana kaypiñachu. Qhawaychej: Kaypi Jesuspa ayanta churarqanku. 7Kunanqa rispa willamuychej yachachisqasninman, Pedroman ima. Jesusqa ñaupaqeykichejta Galileaman rishan, chaypitaj payta rikunkichej, nisqanman jina.
8Warmistaj, sepulturamanta llojsispa ayqerqanku, imaraykuchus mancharikuspa kharkatitisharqanku; chay jawataj, mana pimampis imata willarqankuchu.
Jesús rikhurin María Magdalenaman
(Jn 20.11-18)
[ 9Jesús kausarimuspa, semanaj ñaupaj p'unchaynin sut'iyamuyta; ñaupajta rikhurerqa María Magdalenaman, pimantachus Jesús qharqorqa qanchis supaykunata. 10Mariataj rispa willamorqa Jesuswan kajkunaman. Paykunaqa phutisqas kasharqanku, waqasharqankutaj. 11Jesús kausarimpusqanta uyarispa, Mariapis payta rikusqanta, manapuni creerqankuchu.
Jesús rikhurin iskay yachachisqasninman
(Lc 24.13-35)
12Chay qhepata Jesús rikhurillarqataj waj rijch'ayniyoj, iskay yachachisqasninman; paykunaqa chajraman risharqanku. 13Llajtaman kutirispataj chay ujkunaman willamorqanku Jesusta rikusqankuta; nillataj paykunatapis creerqankuchu.
Jesús kachan apostolesninta
(Mt 28.16-20; Lc 24.36-49; Jn 20.19-23)
14Qhepaman Jesús rikhurillarqataj chunka ujniyoj apostolesninman mikhushajtinku. Paykunatataj k'amirarqa, rumi sonqos mana creesqankurayku, imaraykuchus kausarimpusqanta rikojkunatapis manapuni creerqankuchu. 15Jesustaj nerqa: Riychej tukuy mundoman, evangeliota willamuychej tukuy runasman. 16Pichus creejqa, bautizachikojtaj, salvasqa kanqa; mana creejtajrí wañuypaj juchachasqa kanqa. 17Creejkunataj kay señalesta ruwanqanku: Sutiypi supaykunata qharqonqanku; mosoj parlaykunatataj parlanqanku. 18Makisninkuwan katarista oqharenqanku; venenota ujyaspapis mana imanakonqankuchu; onqosqasman makisninkuta churaspapis thañichenqanku.
Jesús wicharin janaj pachaman
(Lc 24.50-53)
19Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa. 20Paykunataj llojsiytawan tukuynejpi evangeliota willarqanku. Señortaj yanapasharqa, señalesta ruwasqankuwan rikuchispa willasqanku cheqa kasqanta.]
Currently Selected:
SAN MARCOS 16: QCHSB
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 16
16
Jesús kausarimpun
(Mt 28.1-10; Lc 24.1-12; Jn 20.1-10)
1Samakuna p'unchay pasayta, María Magdalena, Santiagoj maman María, Salomé ima, q'apaj perfumesta rantimorqanku, chaywan Jesuspa ayanta jawimunankupaj. 2Semanaj ñaupaj p'unchaynin sut'iyamuyta, warmis, inti llojsimuytaña sepulturaman chayamorqanku. 3Rishaspataj paykuna ninakusharqanku: Kunanqa, pitaj sepulturapi rumita tanqaripuwasunri?
4Qhawarispataj, rumitaqa tanqarparisqataña rikorqanku; imaraykuchus ancha jatun karqa. 5Warmistaj, sepulturaman yaykuspa rikorqanku uj waynata pañanejpi tiyashajta, qhoysu yuraj p'achayojta; paykunataj mancharikorqanku. 6Waynataj nerqa: Ama mancharikuychejchu. qankunaqa Jesús nazarenota mask'ashankichej, cruzpi chakatasqata. Payqa kausarimpunña, mana kaypiñachu. Qhawaychej: Kaypi Jesuspa ayanta churarqanku. 7Kunanqa rispa willamuychej yachachisqasninman, Pedroman ima. Jesusqa ñaupaqeykichejta Galileaman rishan, chaypitaj payta rikunkichej, nisqanman jina.
8Warmistaj, sepulturamanta llojsispa ayqerqanku, imaraykuchus mancharikuspa kharkatitisharqanku; chay jawataj, mana pimampis imata willarqankuchu.
Jesús rikhurin María Magdalenaman
(Jn 20.11-18)
[ 9Jesús kausarimuspa, semanaj ñaupaj p'unchaynin sut'iyamuyta; ñaupajta rikhurerqa María Magdalenaman, pimantachus Jesús qharqorqa qanchis supaykunata. 10Mariataj rispa willamorqa Jesuswan kajkunaman. Paykunaqa phutisqas kasharqanku, waqasharqankutaj. 11Jesús kausarimpusqanta uyarispa, Mariapis payta rikusqanta, manapuni creerqankuchu.
Jesús rikhurin iskay yachachisqasninman
(Lc 24.13-35)
12Chay qhepata Jesús rikhurillarqataj waj rijch'ayniyoj, iskay yachachisqasninman; paykunaqa chajraman risharqanku. 13Llajtaman kutirispataj chay ujkunaman willamorqanku Jesusta rikusqankuta; nillataj paykunatapis creerqankuchu.
Jesús kachan apostolesninta
(Mt 28.16-20; Lc 24.36-49; Jn 20.19-23)
14Qhepaman Jesús rikhurillarqataj chunka ujniyoj apostolesninman mikhushajtinku. Paykunatataj k'amirarqa, rumi sonqos mana creesqankurayku, imaraykuchus kausarimpusqanta rikojkunatapis manapuni creerqankuchu. 15Jesustaj nerqa: Riychej tukuy mundoman, evangeliota willamuychej tukuy runasman. 16Pichus creejqa, bautizachikojtaj, salvasqa kanqa; mana creejtajrí wañuypaj juchachasqa kanqa. 17Creejkunataj kay señalesta ruwanqanku: Sutiypi supaykunata qharqonqanku; mosoj parlaykunatataj parlanqanku. 18Makisninkuwan katarista oqharenqanku; venenota ujyaspapis mana imanakonqankuchu; onqosqasman makisninkuta churaspapis thañichenqanku.
Jesús wicharin janaj pachaman
(Lc 24.50-53)
19Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa. 20Paykunataj llojsiytawan tukuynejpi evangeliota willarqanku. Señortaj yanapasharqa, señalesta ruwasqankuwan rikuchispa willasqanku cheqa kasqanta.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.