Sɛ́aŋ 10
10
Yə́sus yiísíəd nkaʼtɛ́n na unnuŋ mudúg na mudúg muə́ŋ
1Yə́sus yiísə́ə́ ɔnɔ́ na pɔ́lɛ́: «Ndabodɛ́anɛ a fɔ́lɔ́b lɛ́ nyɔ́ ɔsɔ́dɛnɛɛ́ yɛ́ a udíyoog agɛɛlɛ lɛ́ ɔ́sɔd a oʼkág, amáyɛɛn agá afɛ́ɛ́ wólɛ́ kofɛ́láán, nyóon alɛ ungiíbən, ococóo. 2Náa, nyɔ́ ɔɔ́sɔd yɛ́ a udíyoog, nyóon aa alɛɛ́ unnuŋ mudúg. 3Mɔɔd nyɔ́ alɛɛ́ ənuŋ udíyoog əəmuúbuənin wólɛ́, mudúg móagoob nɛŋo niə́ŋ. Ɔɔdɔ́ŋɔn ɛ́nɛ́ idúg a niiŋ áság kolon na mólɛ. 4Kɛnɛŋ kɛ́ aáʼkolónɛɛ́ muim a táán, əəsúid yuudi, mólɛ́ múəgiim múmuyə́ən a ngim lɛ́ moálɛŋ nɛŋo niə́ŋ. 5Múdíəyə́ən ungən ó mɔɔd, móamoodɛ́da agá laálá lɛ́ móndɛŋɛn nɛŋo niə́ŋ.» 6Táá nkaʼtɛ́n yɛ́ Yə́sus əyíbusiə́din aa yɛ́ɛy. Náa, pɔ́lɛ́ pádɛʼkáagoob nkə kɛ́ ayɛ́ɛ anyɔ́ŋɛn kobodɛ́anɛ.
Yə́sus aa alɛɛ́ unnuŋ mudúg olaŋ
7Yə́sus ayɛ́bodɛánɛ tɛn ɔnɔ́: «A fɔ́lɔ́b ndabodɛ́anɛ: Mɛ áa ndɛɛ́ udíyoog ó kosɔd a oʼkág ó mudúg. 8Ungim nyɔ́ yɛɛ́yáŋ əgiim na mɛ alɛ ungiíbən, ococóo#10.8 Kɛ́lɛ náan a kálaʼtaʼ ɛ Siə 23.1-2; Ɛsɛ́ 34.2-3 Náa, mudúg módɛʼkáagoob nɛŋo nɛɔ́bɔn. 9Mɛ áa ndɛɛ́ udíyoog. Nyɔ́ ɔɔ́sɔd ná ndɛɛ́, nyóon alɛ́ɛ́ kɔɔy. Alɛ́ɛ́ kɛɛn kɔ́gɔ́ɔg aábag, əə́suu. Alɛ́ɛ́ kɛɛn tɛn kɔ na nkə kɛ́ aágaámɛ́nɛ. 10Ungiíbən alɛ əgiim əgín lɛ́ ná yííbə, yóóna, áyósag. Mɛ mbíim lɛ́ ná pɔɔd pɛ́ɛn na ɔlaa, pɛ́ɛn na wólɛ́ ilubənən.
11«Mɛ áa ndɛɛ́ unnuŋ mudúg olaŋ#10.11 Kɛ́lɛ náan a kálaʼtaʼ ɛ Pɛʼk 23.1; Ɛsa 40.11; Ɛsɛ́ 34.15; 37.24 Unnuŋ mudúg olaŋ agɛɛ́ʼkɛn ɔlaa wə́ə́ŋ a oʼto ó mudúg muə́ŋ. 12Mɔɔd nyɔ́ alɛɛ́ lɛ́ əəgud agá mɔɔnɛ́ mə́ə́ŋ, nyóon ɔdɛɔ́gɔ fɔ́lɔ́b unnuŋ mudúg. Mudúg móom tɛn módɛɔ́gɔ muə́ŋ. Amaʼkodála lɛ́ ŋəŋúug yəə́ndəgiim, əədi ámáyáyɛ́dɛ́ɛ́ mólɛ́ agodɛ́da, ná ɛ́gɔ́lɛgɛdɛ múmmú, ɛ́yoóna tɛn múmmú. 13Táá nkə kɛ́ kɛ́lɛ́ɛ́ kaásánɛ́ɛ́ a kɛ́ɛg lɛ́ mɔɔnɛ́ mə́ə́ŋ áa nyɔ́lɛ́ alɛɛ́ əgugud, oʼkóodi kɛnɛŋ na mudúg. 14Mɛ áa mɛ ndɛɛ́ unnuŋ mudúg olaŋ. Mbálɛŋ mudúg móam. Mólɛ́ tɛn mómɛ́ndɛŋ mɛ. 15Wɔnɔ́ ná Paabá amɛ́ndɛŋ mɛ, mɛ mbámoólɛ́ŋ tɛn nyɔ́lɛ́. Mɛ mbɛ́ʼkɛn ɔlaa wáam a oʼto ó mudúg móam. 16Ndɛ na mudúg múmmú mó módɛ́njɛ́ɛlɛɛ́ a oʼkág wóow. Kíəginjuunə lɛ́ nyɛ́ɛlɛ mólɛ́ tɛn mósɔd. Mólɛ́ɛ́ koob nɛŋo nɛ́am. Ubid wáagɛɛn əgín úmmuʼ súg, unnuŋ tɛn úmmuʼ. 17Paabá alɛ agɛnnyɔ́ŋɛn lɛ́ ndɛ agɛɛ́ʼkɛn ɔlaa wáam ná nyíiʼkini kɛɛn kə́mmú na wólɛ́. 18Mɔɔd ədisiədin ɔlaa wáam, mɛɛ́nyɔ́amɔɛ́d áa mbáyɛ́ɛ́ŋɛ́nɛ́ɛ́ kɛɛ́ʼkɛn wólɛ́. Ndɛ na toɛn tó kɛɛ́ʼkɛn ɔlaa wáam. Nkóódi tɛn tóonɛ lɛ́ nyíiʼkini kɛɛn na wólɛ́. Taa, nkə kɛ́ Paabá ayɛ́ʼtɛánɛ lɛ́ nyíim agɛɛlɛ a kɛ́ɛg aá.»
19Tɔgɛ́ɛ́ tóod tóyɛ́ɛ́lɛ lɛ́ Yúdɛn yíiʼkini kaásaala kə́mmú. 20Piíŋ a ondáŋ wɔ́ɔ́bɔn páyɛ́ɛ əgusəə pɔ́nɔ́: «Uŋun wó ɔmbɛ́ úmugóódi! Oʼto wə́ə́ŋ ólɛ ondɛáŋáán! Mɔɔd adɛnjóób nkə kɛ́ alɛɛ́ əgusəə!» 21Pɔsɔ́g pə́mmú páyɛ́ɛ əgusəə pɔ́nɔ́: «Mɔɔd nyɔ́ alɛɛ́ na uŋun wó ɔmbɛ́ ɔdɛɔ́gɔ ogosɔyɔ náan. Uŋun wó ɔmbɛ́ óyaán áa ólɛɛ́ ógɛɛlɛ lɛ́ mɔɔd o woog yíiʼkini kodɛ́ʼtɛganan əə́?»
Yúdɛn yɔ́nɔ́ Yə́sus alɛ agofánan Táán
22Páyɛ́ɛ pɛɛlanɛ wɔɔ́n ó nibuən nɛ́ pə́yíʼkíni kubuən#10.22 Wɔɔ́n ó kubuən wóow óyɛ́ɛ waáyɛ́ɛlanɛ a Yolósalɛm a nɛman nɛ́ wəə́ wó umbuməʼ agaáyɔ́ɔ́ŋɛ wɔnɔ́ ná pɛ́ɛ́wáág kibóŋ kɛ́ pɛfɔny kɛ́ kɛwa kɛ́ a Tɛ́mpɛl, na wɔnɔ́ ná páyɛ́ɛ́lɛ wɔɔ́n ó kiiʼkini kubuən. Mɔɔ́n o nigúu nyummú, mɔɔ́n o Yúdɛn niiŋ lɛ́ Siudáa Maʼkabə́ə aa əyíʼkíni kowáag kibóŋ kɛ́ɛg pɛag 165 oó lɛ́ 164 ná Yə́sus Kilíʼtus ayɛ́ɛ ədínjə́bíən. Tɛ́mpɛl. Wɔɔ́n wóow óyɛ́ɛ waáyɛ́ɛlanɛ a Yolósalɛm a kɛnɛŋ kɛ́ umbuməʼ. 23Kɔ a Tɛ́mpɛl, Yə́sus ayɛ́ɛ lɛ́ aábag, əə́suu a palándaʼ pá páyɛ́ɛ agodɔ́ŋɔn lɛ́ palándaʼ pá Salomɔ́ɔŋ. 24Yúdɛn yaáság kɛɛn amoyágoʼkɛnɛn kɔ. Náa pɔ́nɔ́ na nyɔ́lɛ́: «Súʼtə́ə́ naanɛ́g áa wəə́biidi tɛndɛŋ yoom ə́? Kɛ́maʼkɛɛn lɛ́ wɛ áa olɛɛ́ Məsíi, ɛ́bɛmoáŋɛ́nɛ yi!» 25Yə́sus əyíbuyúlísíni ɔnɔ́ na pɔ́lɛ́: «Mbáʼkobodɛ́anɛ náan. Náa podɛɔ́gɔ əgəə́liʼtini. Pɛbán pɛ́ ndɛɛ́ agɛɛlɛ a niiŋ nɛ́ Sɛ waam pɛ́lɛ agɛnyaágɛn mbaasɔ́ náan. 26Náa, alɛ pudiə́líʼtíníí lɛ́ podɛɔ́gɔ todóm tóam. 27Todóm tóam tólɛ agoob nɛŋo nɛ́am. Mɛ mbálɛŋ tólɛ́, tólɛ tɛn tuə́ginjə́ən a ngim. 28Mɛ ndɛ agoboyɛ́ʼkɛn ɔlaa ó pɛnɛŋ piim. Tódɛndɛ́ɛ́ kuwu. Mɔɔd tɛn adɛndɛ́ɛ́ kɛʼkábɛn tólɛ́. 29Sɛ waam nyɔ́ amɛ́nyɛɛ́ʼkɛn tólɛ́ alɛ oʼkóón agaáyɛn yiim; Mɔɔd na mɔɔd ɔdɛɔ́gɔ ogomogábɛn yoom na yoom. 30Na mɛ na Paabá, tɛlɛ úmmuʼ.»
31Yúdɛn yaáság kiiʼkini kobáda aʼtáán agomodóan lɛ́ ə́gu. 32Náa Yə́sus aábodɛ́anɛ anɛ́ɛ́n ɔnɔ́ na pɔ́lɛ́: «A toɛn tó Paabá, njɛ́ɛ́lánɛ ɛ́fɔlɛ́ ɛ́ pɛbán a əngis yááŋan. A kɛ́yaán anɛ́ɛ́n áay kímuʼ aa poɔʼkɔ́ póɛnjoon na aʼtáán áŋ?» 33Yúdɛn iyímuyúlísíni yɔ́nɔ́: «Ndóo, adɛ́njaŋ a oʼto ó pɛbán pɛ́laŋ aa tɛɔʼkɔ́ tɛ́godóan na aʼtáán. Kɛ́lɛ lɛ́, olɛɛ́ agofánan Táán lɛ́ wɛ mɔɔd na tuyə́ən a oʼto waágaáfɛg na Táán á!» 34Yə́sus əyíbuyúlísíni ɔnɔ́: «Adɛ́ kɛ́lɛ kidiídílə́ a kálaʼtaʼ ɛ pɛcɛm lɛ́ Táán ɔnɔ́ “Pəŋi tɛn polɛ padáán,” ngɔ́ɔ́? 35A Kálaʼtaʼ ɛ pɛcɛm, pálɛ agodɔ́ŋɔn pá páagoob tɔgɛ́ɛ́ tó Táán pɔ́nɔ́ “padáán.” Mɔɔd oʼkóodi lɛ́ ásáŋɛnɛ nkə kɛ́ kɛ́lɛɛ́ kidiídílə́ a Kálaʼtaʼ ɛ Táán. 36Táán áa əyínyiiyid mɛ kɔmɔɛ́d, əmə́yiim yɛ́ʼtom a nsí. Pəŋi oʼ, poɔʼkɔ́ ndɛ agomofánan lɛ́ mbə́səə nyɔʼkɔ́ ndɛ Mɔɔ́n o Táán, ngɔ́ɔ́? 37Nga kɛ́lɛ lɛ́ mɛ ntɛɔ́gɔ agɛɛlɛ pigólí pɛ́ Sɛ waam, pəŋi podɛnjáág oʼto na mɛ. 38Kɛ́maʼkɛɛn lɛ́ pɛ́lɛ́ aa ndɛɛ́ agɛɛlɛ, ɔmbɔ́ pádɛágɛn oʼto na mɛ, ə́líʼtíníən pɛbán pɛ́ɛb pɛ́ ndɛɛ́ agɛɛlɛ ná pólɛŋ kolɛŋ lɛ́ Paabá alɛ na mɛ, mɛ ndɛ tɛn na Nyɔ́lɛ́.» 39Pə́ə́bə́ə́ kiiʼkini kuunə lɛ́ pə́muúgumin. Náa, nyɔ́lɛ́ aáság koboyɔ́bɔg, aásán. 40Yə́sus yɛɛ́yáág kə́mmú nsɛ́ɛ́ ɛ noom nó siuludɛ́ɛŋ yɛ́ɛy káag, kɛnɔ kɛ́ Sɛ́aŋ əyə́bə́ə́líí ɔsɔgɛn. Yə́sus ayɛ́ɛ́n ələndin kɔ́gɔ́ɔg. 41Ɛ́fɔlɛ́ ɛ́ pɔɔd íyíímən kɔ kɛnɔ kɛ́ ayɛ́ɛ. Páyɛ́ɛ ɔsɔyɔ pɔ́nɔ́: «Sɛ́aŋ adɛʼkáagɛɛlɛ kiə́wúunəniʼ kɛ́ kɛbán ɔmbɔ́ kímuʼ, náa nkə kiim kɛ́ yiísə́ə́ a kidíídí kɛ́ mɔɔd nyóonɛ, kɛ́lɛ fɔ́lɔ́b.» 42Piíŋ páyáág oʼto na Yə́sus kɔ áay.
Currently Selected:
Sɛ́aŋ 10: yatDBL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015
Sɛ́aŋ 10
10
Yə́sus yiísíəd nkaʼtɛ́n na unnuŋ mudúg na mudúg muə́ŋ
1Yə́sus yiísə́ə́ ɔnɔ́ na pɔ́lɛ́: «Ndabodɛ́anɛ a fɔ́lɔ́b lɛ́ nyɔ́ ɔsɔ́dɛnɛɛ́ yɛ́ a udíyoog agɛɛlɛ lɛ́ ɔ́sɔd a oʼkág, amáyɛɛn agá afɛ́ɛ́ wólɛ́ kofɛ́láán, nyóon alɛ ungiíbən, ococóo. 2Náa, nyɔ́ ɔɔ́sɔd yɛ́ a udíyoog, nyóon aa alɛɛ́ unnuŋ mudúg. 3Mɔɔd nyɔ́ alɛɛ́ ənuŋ udíyoog əəmuúbuənin wólɛ́, mudúg móagoob nɛŋo niə́ŋ. Ɔɔdɔ́ŋɔn ɛ́nɛ́ idúg a niiŋ áság kolon na mólɛ. 4Kɛnɛŋ kɛ́ aáʼkolónɛɛ́ muim a táán, əəsúid yuudi, mólɛ́ múəgiim múmuyə́ən a ngim lɛ́ moálɛŋ nɛŋo niə́ŋ. 5Múdíəyə́ən ungən ó mɔɔd, móamoodɛ́da agá laálá lɛ́ móndɛŋɛn nɛŋo niə́ŋ.» 6Táá nkaʼtɛ́n yɛ́ Yə́sus əyíbusiə́din aa yɛ́ɛy. Náa, pɔ́lɛ́ pádɛʼkáagoob nkə kɛ́ ayɛ́ɛ anyɔ́ŋɛn kobodɛ́anɛ.
Yə́sus aa alɛɛ́ unnuŋ mudúg olaŋ
7Yə́sus ayɛ́bodɛánɛ tɛn ɔnɔ́: «A fɔ́lɔ́b ndabodɛ́anɛ: Mɛ áa ndɛɛ́ udíyoog ó kosɔd a oʼkág ó mudúg. 8Ungim nyɔ́ yɛɛ́yáŋ əgiim na mɛ alɛ ungiíbən, ococóo#10.8 Kɛ́lɛ náan a kálaʼtaʼ ɛ Siə 23.1-2; Ɛsɛ́ 34.2-3 Náa, mudúg módɛʼkáagoob nɛŋo nɛɔ́bɔn. 9Mɛ áa ndɛɛ́ udíyoog. Nyɔ́ ɔɔ́sɔd ná ndɛɛ́, nyóon alɛ́ɛ́ kɔɔy. Alɛ́ɛ́ kɛɛn kɔ́gɔ́ɔg aábag, əə́suu. Alɛ́ɛ́ kɛɛn tɛn kɔ na nkə kɛ́ aágaámɛ́nɛ. 10Ungiíbən alɛ əgiim əgín lɛ́ ná yííbə, yóóna, áyósag. Mɛ mbíim lɛ́ ná pɔɔd pɛ́ɛn na ɔlaa, pɛ́ɛn na wólɛ́ ilubənən.
11«Mɛ áa ndɛɛ́ unnuŋ mudúg olaŋ#10.11 Kɛ́lɛ náan a kálaʼtaʼ ɛ Pɛʼk 23.1; Ɛsa 40.11; Ɛsɛ́ 34.15; 37.24 Unnuŋ mudúg olaŋ agɛɛ́ʼkɛn ɔlaa wə́ə́ŋ a oʼto ó mudúg muə́ŋ. 12Mɔɔd nyɔ́ alɛɛ́ lɛ́ əəgud agá mɔɔnɛ́ mə́ə́ŋ, nyóon ɔdɛɔ́gɔ fɔ́lɔ́b unnuŋ mudúg. Mudúg móom tɛn módɛɔ́gɔ muə́ŋ. Amaʼkodála lɛ́ ŋəŋúug yəə́ndəgiim, əədi ámáyáyɛ́dɛ́ɛ́ mólɛ́ agodɛ́da, ná ɛ́gɔ́lɛgɛdɛ múmmú, ɛ́yoóna tɛn múmmú. 13Táá nkə kɛ́ kɛ́lɛ́ɛ́ kaásánɛ́ɛ́ a kɛ́ɛg lɛ́ mɔɔnɛ́ mə́ə́ŋ áa nyɔ́lɛ́ alɛɛ́ əgugud, oʼkóodi kɛnɛŋ na mudúg. 14Mɛ áa mɛ ndɛɛ́ unnuŋ mudúg olaŋ. Mbálɛŋ mudúg móam. Mólɛ́ tɛn mómɛ́ndɛŋ mɛ. 15Wɔnɔ́ ná Paabá amɛ́ndɛŋ mɛ, mɛ mbámoólɛ́ŋ tɛn nyɔ́lɛ́. Mɛ mbɛ́ʼkɛn ɔlaa wáam a oʼto ó mudúg móam. 16Ndɛ na mudúg múmmú mó módɛ́njɛ́ɛlɛɛ́ a oʼkág wóow. Kíəginjuunə lɛ́ nyɛ́ɛlɛ mólɛ́ tɛn mósɔd. Mólɛ́ɛ́ koob nɛŋo nɛ́am. Ubid wáagɛɛn əgín úmmuʼ súg, unnuŋ tɛn úmmuʼ. 17Paabá alɛ agɛnnyɔ́ŋɛn lɛ́ ndɛ agɛɛ́ʼkɛn ɔlaa wáam ná nyíiʼkini kɛɛn kə́mmú na wólɛ́. 18Mɔɔd ədisiədin ɔlaa wáam, mɛɛ́nyɔ́amɔɛ́d áa mbáyɛ́ɛ́ŋɛ́nɛ́ɛ́ kɛɛ́ʼkɛn wólɛ́. Ndɛ na toɛn tó kɛɛ́ʼkɛn ɔlaa wáam. Nkóódi tɛn tóonɛ lɛ́ nyíiʼkini kɛɛn na wólɛ́. Taa, nkə kɛ́ Paabá ayɛ́ʼtɛánɛ lɛ́ nyíim agɛɛlɛ a kɛ́ɛg aá.»
19Tɔgɛ́ɛ́ tóod tóyɛ́ɛ́lɛ lɛ́ Yúdɛn yíiʼkini kaásaala kə́mmú. 20Piíŋ a ondáŋ wɔ́ɔ́bɔn páyɛ́ɛ əgusəə pɔ́nɔ́: «Uŋun wó ɔmbɛ́ úmugóódi! Oʼto wə́ə́ŋ ólɛ ondɛáŋáán! Mɔɔd adɛnjóób nkə kɛ́ alɛɛ́ əgusəə!» 21Pɔsɔ́g pə́mmú páyɛ́ɛ əgusəə pɔ́nɔ́: «Mɔɔd nyɔ́ alɛɛ́ na uŋun wó ɔmbɛ́ ɔdɛɔ́gɔ ogosɔyɔ náan. Uŋun wó ɔmbɛ́ óyaán áa ólɛɛ́ ógɛɛlɛ lɛ́ mɔɔd o woog yíiʼkini kodɛ́ʼtɛganan əə́?»
Yúdɛn yɔ́nɔ́ Yə́sus alɛ agofánan Táán
22Páyɛ́ɛ pɛɛlanɛ wɔɔ́n ó nibuən nɛ́ pə́yíʼkíni kubuən#10.22 Wɔɔ́n ó kubuən wóow óyɛ́ɛ waáyɛ́ɛlanɛ a Yolósalɛm a nɛman nɛ́ wəə́ wó umbuməʼ agaáyɔ́ɔ́ŋɛ wɔnɔ́ ná pɛ́ɛ́wáág kibóŋ kɛ́ pɛfɔny kɛ́ kɛwa kɛ́ a Tɛ́mpɛl, na wɔnɔ́ ná páyɛ́ɛ́lɛ wɔɔ́n ó kiiʼkini kubuən. Mɔɔ́n o nigúu nyummú, mɔɔ́n o Yúdɛn niiŋ lɛ́ Siudáa Maʼkabə́ə aa əyíʼkíni kowáag kibóŋ kɛ́ɛg pɛag 165 oó lɛ́ 164 ná Yə́sus Kilíʼtus ayɛ́ɛ ədínjə́bíən. Tɛ́mpɛl. Wɔɔ́n wóow óyɛ́ɛ waáyɛ́ɛlanɛ a Yolósalɛm a kɛnɛŋ kɛ́ umbuməʼ. 23Kɔ a Tɛ́mpɛl, Yə́sus ayɛ́ɛ lɛ́ aábag, əə́suu a palándaʼ pá páyɛ́ɛ agodɔ́ŋɔn lɛ́ palándaʼ pá Salomɔ́ɔŋ. 24Yúdɛn yaáság kɛɛn amoyágoʼkɛnɛn kɔ. Náa pɔ́nɔ́ na nyɔ́lɛ́: «Súʼtə́ə́ naanɛ́g áa wəə́biidi tɛndɛŋ yoom ə́? Kɛ́maʼkɛɛn lɛ́ wɛ áa olɛɛ́ Məsíi, ɛ́bɛmoáŋɛ́nɛ yi!» 25Yə́sus əyíbuyúlísíni ɔnɔ́ na pɔ́lɛ́: «Mbáʼkobodɛ́anɛ náan. Náa podɛɔ́gɔ əgəə́liʼtini. Pɛbán pɛ́ ndɛɛ́ agɛɛlɛ a niiŋ nɛ́ Sɛ waam pɛ́lɛ agɛnyaágɛn mbaasɔ́ náan. 26Náa, alɛ pudiə́líʼtíníí lɛ́ podɛɔ́gɔ todóm tóam. 27Todóm tóam tólɛ agoob nɛŋo nɛ́am. Mɛ mbálɛŋ tólɛ́, tólɛ tɛn tuə́ginjə́ən a ngim. 28Mɛ ndɛ agoboyɛ́ʼkɛn ɔlaa ó pɛnɛŋ piim. Tódɛndɛ́ɛ́ kuwu. Mɔɔd tɛn adɛndɛ́ɛ́ kɛʼkábɛn tólɛ́. 29Sɛ waam nyɔ́ amɛ́nyɛɛ́ʼkɛn tólɛ́ alɛ oʼkóón agaáyɛn yiim; Mɔɔd na mɔɔd ɔdɛɔ́gɔ ogomogábɛn yoom na yoom. 30Na mɛ na Paabá, tɛlɛ úmmuʼ.»
31Yúdɛn yaáság kiiʼkini kobáda aʼtáán agomodóan lɛ́ ə́gu. 32Náa Yə́sus aábodɛ́anɛ anɛ́ɛ́n ɔnɔ́ na pɔ́lɛ́: «A toɛn tó Paabá, njɛ́ɛ́lánɛ ɛ́fɔlɛ́ ɛ́ pɛbán a əngis yááŋan. A kɛ́yaán anɛ́ɛ́n áay kímuʼ aa poɔʼkɔ́ póɛnjoon na aʼtáán áŋ?» 33Yúdɛn iyímuyúlísíni yɔ́nɔ́: «Ndóo, adɛ́njaŋ a oʼto ó pɛbán pɛ́laŋ aa tɛɔʼkɔ́ tɛ́godóan na aʼtáán. Kɛ́lɛ lɛ́, olɛɛ́ agofánan Táán lɛ́ wɛ mɔɔd na tuyə́ən a oʼto waágaáfɛg na Táán á!» 34Yə́sus əyíbuyúlísíni ɔnɔ́: «Adɛ́ kɛ́lɛ kidiídílə́ a kálaʼtaʼ ɛ pɛcɛm lɛ́ Táán ɔnɔ́ “Pəŋi tɛn polɛ padáán,” ngɔ́ɔ́? 35A Kálaʼtaʼ ɛ pɛcɛm, pálɛ agodɔ́ŋɔn pá páagoob tɔgɛ́ɛ́ tó Táán pɔ́nɔ́ “padáán.” Mɔɔd oʼkóodi lɛ́ ásáŋɛnɛ nkə kɛ́ kɛ́lɛɛ́ kidiídílə́ a Kálaʼtaʼ ɛ Táán. 36Táán áa əyínyiiyid mɛ kɔmɔɛ́d, əmə́yiim yɛ́ʼtom a nsí. Pəŋi oʼ, poɔʼkɔ́ ndɛ agomofánan lɛ́ mbə́səə nyɔʼkɔ́ ndɛ Mɔɔ́n o Táán, ngɔ́ɔ́? 37Nga kɛ́lɛ lɛ́ mɛ ntɛɔ́gɔ agɛɛlɛ pigólí pɛ́ Sɛ waam, pəŋi podɛnjáág oʼto na mɛ. 38Kɛ́maʼkɛɛn lɛ́ pɛ́lɛ́ aa ndɛɛ́ agɛɛlɛ, ɔmbɔ́ pádɛágɛn oʼto na mɛ, ə́líʼtíníən pɛbán pɛ́ɛb pɛ́ ndɛɛ́ agɛɛlɛ ná pólɛŋ kolɛŋ lɛ́ Paabá alɛ na mɛ, mɛ ndɛ tɛn na Nyɔ́lɛ́.» 39Pə́ə́bə́ə́ kiiʼkini kuunə lɛ́ pə́muúgumin. Náa, nyɔ́lɛ́ aáság koboyɔ́bɔg, aásán. 40Yə́sus yɛɛ́yáág kə́mmú nsɛ́ɛ́ ɛ noom nó siuludɛ́ɛŋ yɛ́ɛy káag, kɛnɔ kɛ́ Sɛ́aŋ əyə́bə́ə́líí ɔsɔgɛn. Yə́sus ayɛ́ɛ́n ələndin kɔ́gɔ́ɔg. 41Ɛ́fɔlɛ́ ɛ́ pɔɔd íyíímən kɔ kɛnɔ kɛ́ ayɛ́ɛ. Páyɛ́ɛ ɔsɔyɔ pɔ́nɔ́: «Sɛ́aŋ adɛʼkáagɛɛlɛ kiə́wúunəniʼ kɛ́ kɛbán ɔmbɔ́ kímuʼ, náa nkə kiim kɛ́ yiísə́ə́ a kidíídí kɛ́ mɔɔd nyóonɛ, kɛ́lɛ fɔ́lɔ́b.» 42Piíŋ páyáág oʼto na Yə́sus kɔ áay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015