Sɛ́aŋ 6
6
Yə́sus yɛɛ́mɛ́nɛ tɔ́ɔ́sɛn ɛ pɔɔd ɛ́ʼtáan
(Maʼt 14.13-21; Mə́l 6.30-44; Lóʼk 9.10-17)
1A ngim yɛ́ɛy, Yə́sus yɛɛ́yáág nsɛ́ɛ́ ɛ noom nó Kalilə́ə (pɔ́ɔdɔ́ŋɔn tɛn lɛ́ noom nó Tɛbɛlɛyáad). 2Ɛ́fɔlɛ́ ɛ́ pɔɔd íyímuyə́ən kɔ́gɔ́ɔg lɛ́ pɛ́ɛ́dála piə́wúunəniʼ pɛ́ pɛálɛ́ʼkán pɛ́ ayɛ́ɛ agɛɛlanɛ wɔnɔ́ ná ayɛ́ɛ agoómanɛ pabámbany. 3Aáság kobag a oʼkon a mɔɛn na paaʼkan pə́ə́ŋ, pə́ə́ləndin a nsí. 4Wɔɔ́n ó Yúdɛn wó pɔ́ɔdɔ́ŋɔn lɛ́ Páska, óyɛ́ɛ wándɛ ndúmiʼ. 5Yə́sus yɛɛ́dɛ́ʼtɛg pasasaa piim, aádála kiʼtúú kɛ́ pɔɔd súuu, kíəgiim kɛnɔ kɛ́ alɛɛ́. Náa ɔnɔ́ na Filíib: «Ə́lə́ə́ áa tɛlɛɛ́ págooŋɛnɛ pɛlɛ́ɛd agɛɛ́ʼkɛn na pɔɔd póonɛ lɛ́ pánɛ ə́?» 6(Əyímuŋíən náan a kɛsɛ́n lɛ́ ná yóób nkə kɛ́ Filíib əə́muyúúlisini. Nyɔ́lɛ́ ayɛ́ɛ aáʼkolɛŋ nkə kɛ́ aágɛɛlɛ.) 7Filíib əyímuyúlísíni ɔnɔ́: «Ɔmbɔ́ tɛoŋɛnɛ pɛlɛ́ɛd pɛ́ ɔ́ndɛd ɛ pisúg pɛ́ mɔɔnɛ́ ɛ́baan, pɛ́dɛásɛʼtan a kóonɛ lɛ́ ɛ́nɛ́ mɔɔd yɔ́ɔŋ ɛyaa yɛ́ ɛbɛs.» 8Əndələ́ə, Ongaaʼkan nyummú, móŋŋí o Simɔ́ɔŋ Píɛ, aáság kusəə ɔnɔ́ na Yə́sus: 9«Onyommón nyummú ogóódi áanɛ pɛlɛ́ɛd pɛ́ pɛ́ʼtáan na musúúsú móbaan. Náa, nkə aa kɛ́ɛg moyaa mó moom wɔnɔ́ móom a kiʼtúú kɛ́ pɔɔd kɛ́ɛnɛ ə́#6.9 Pódála tɛn náan a kálaʼtaʼ ɛ 2Puʼk 4.42-44 ?» 10Náa Yə́sus ɔnɔ́: «Ɛ́bodɛánɛ́an pə́ləndin a nsí pɔ́lɛ́ piim.» Mbɛ́n ɛyɛ́ɛ kɔ a kɛnɔ kɛ́ɛg ngíŋ. Pááság konyɛŋ, pə́ə́ləndən kɔ. Páyɛ́ɛ kɔ yoom wɔnɔ́ tɔ́ɔ́sɛn ɛ pɔɔd ɛ́ʼtáan. 11Yə́sus yiísiə́d pɛlɛ́ɛd pɛ́ɛb, amɛ́ʼkɛn pisoyidiʼ na Táán, ámáábán na ungim nyɔ́ ayɛ́ɛ kɔ. Ayɛ́ɛ́lɛ tɛn náan yoom ímuʼ na pusú. Ungim ɔyɔ́ɔ́ŋ wɔnɔ́ ná ayɛ́ɛ anyɔ́ŋɛn. 12Ná ungim ayɛ́ɛ aáʼkonɛ, əə́ʼkuyíid, Yə́sus yɛɛ́dɛánɛ na paaʼkan pə́ə́ŋ lɛ́ págómmanɛ pɛbɛŋ pɛ́ pɛ́ɛ́lɔ́b, yoom ɛ́dɛndɛáŋ. 13Pááság kogómmanɛ. Pííyə́ə́g mɔsaŋɛʼ mówád na móbaan, kɔmɔɛ́d lɛ́ əgín pɛlɛ́ɛd pɛ́ʼtáan súg áa pɛ́yɛ́ɛ. 14Ná pɔɔd pɛ́ɛ́dála kiə́wúunəniʼ kɛ́ kɛálɛ́ʼkán kɛ́ɛg kɛ́ ayɛ́ɛ́lɛ, pə́ə́bə́ə́ kosɔyɔ pɔ́nɔ́: «Mɔɔd nyóonɛ alɛ fɔ́lɔ́b Ɔndɔɛgɛʼ pɛbán o Táán nyɔ́ ogóódi lɛ́ yíim a nsí yɛ́ɛnɛ.» 15Náa, Yə́sus ayálɛ́ŋɛ́ɛ́ lɛ́ pə́əgiim əmuúgumin nɛ́gɔŋ agomoogóda lɛ́ ábág nkúm, aáság kəə́súid kə́mmú nyɔ́lɛ́nyɔ́əsíŋ a oʼkon a mɔɛn.
Yə́sus yɛɛ́dáŋána a məní
(Maʼt 14.22-27; Mə́l 6.45-52)
16Ná mbin ɛyɛ́ɛ yəə́ndəgiim ədə́əŋ, paaʼkan pə́ə́ŋ písúú a ɛbá ɛ́ noom, 17páábág a kɛʼkɔ́m kímuʼ, pááyaag nsɛ́ɛ́ ɛ noom yɛ́ɛy káag, a Kaʼpɛlɛnáyum. Mbin yɛɛ́bód yəə́də́əŋ, Yə́sus ədiim aboóboan. 18Noom nóyɛ́ɛ nobɛ́ lɛ́ kigud kɛ́yɛ́ɛ əgufiŋ na toɛn. 19Páyɛ́ɛ pə́ʼkəə́súid na kɛʼkɔ́m a məní yoom wɔnɔ́ kɛ́lomɛ́ʼtaʼ ɛ́ʼtáan, oó lɛ́ ɛ́ʼtáan na úmmuʼ. Náa páadála Yə́sus əə́giim. Ayɛ́ɛ agodáŋana a məní na ambaan ənnímin. Wɛɛ́y úyíbugúmin, pə́ə́bə́ə́ kuliminə kwag, kwag, kwag. 20Náa ɔnɔ́ na pɔ́lɛ́: «Podɛʼtámmána, mɛ áa ndɛɛ́nɔ!» 21Paaʼkan páyaʼkanyɔ́ŋɛn kumuúsiəd a kɛʼkɔ́m na pɔ́lɛ́, náa kɛ́yɛ́ɛ kɛáʼkaab a ɛbá, a kɛnɔ kɛ́ páyɛ́ɛ agɛɛn.
Kiʼtúú kɛ́ pɔɔd kɛ́yɛ́ɛ əgiim kíunə Yə́sus
22A koany kaáyɛnɛ, kiʼtúú kɛ́ pɔɔd kɛ́ kɛ́ɛ́lɔ́b nsɛ́ɛ́ ɛ noom yɛ́ʼkáag kɛáság kaálɛ́mbɛd lɛ́ kɛʼkɔ́m kɛ́yɛ́ɛ əgín kɔ áay kímuʼ a ɛbá ɛ́ noom yɛ́ɛy. Paaʼkan píísiə́d kɛ́lɛ́ pɔ́lɛ́bə́əsíŋ, pámɛ́ɛn Yə́sus fiɛ́d ondáŋ na pɔ́lɛ́. 23Kɛbán kímuʼ, pɛʼkɔ́m pímmú píyíímən tɛn kɔ áay kɛnɔ kɛ́ pɛ́ɛ́nɛ́ pɛlɛ́ɛd pɛ́ Sə́dúk ayɛ́boyɛ́ʼkɛn ná aáʼkɛɛ́ʼkɛn pisoyidiʼ na Táán. Pɛ́ɛb pɛ́yɛ́ɛ əgiim a Tɛbɛlɛyáad. 24Ná pɔɔd pɛ́ɛ́dála lɛ́ ɔmbɔ́ Yə́sus, ɔmbɔ́ paaʼkan pə́ə́ŋ pə́ndigi áay, pááság kobágan a pɛʼkɔ́m pímmú pɛ́ɛb agɛɛn əmuyúunə a Kaʼpɛlɛnáyum.
Yə́sus alɛ pɛlɛ́ɛd pɛ́ pɛ́agɛɛ́ʼkɛnanan ɔlaa
25Ná pɛ́yɛ́ɛ́n əgiig nsɛ́ɛ́ ɛ noom ɛgo, pɛ́ɛ́bóan Yə́sus, náa pɔ́nɔ́ na nyɔ́lɛ́: «Kɛlág, naanɛ́g áa wɛ umíim alon káanɛ ə́?» 26Əyíbuyúlísíni ɔnɔ́: «A fɔ́lɔ́b fɔ́lɔ́b ndabodɛ́anɛ lɛ́, áay kó polɛɛ́ əginjuunə, podɛɔ́gɔ əginjuunə lɛ́ pomóób yisí ɛ piə́wúunəniʼ pɛ́ pɛálɛ́ʼkán pɛ́ mbɛ́ɛ́lɛ, ndóo. Pólɛ əginjuunə a oʼto wóonɛ lɛ́ poɛ́nɛ́ pɛlɛ́ɛd, puə́yíid. 27Pudiíʼkúd moom mó konɛ mó mólɛɛ́ lɛ́ móalɛ́aŋ na koany. Kudə́ən agá mó módɛndɛ́ɛ́ kolɛáŋɛ́ɛ́, moom mó móaboyɛ́ʼkɛn ɔlaa ó pɛnɛŋ piim. Moom móom, Mɔɔ́n o mɔɔd alɛ́ɛ́ koboyɛ́ʼkɛn mólɛ lɛ́ nyɔ́lɛ́ aa Táán Sɛ ayɛ́moyáág kɛbɛɛ kɛ́ toɛn tuə́ŋ.» 28Pááság kusəə pɔ́nɔ́ na nyɔ́lɛ́: «Nkə aa tíɛlɛɛ́ a kóonɛ lɛ́ tíɛlɛ pɛbán pɛ́ piə́gə́mmí Táán ə́?» 29Yə́sus əyíbuyúlísíni ɔnɔ́: «Nkə kɛ́ Táán alɛɛ́ anyɔ́ŋɛn na pəŋi kɛ́lɛ lɛ́, póag oʼto na nyɔ́ əyíím ádom.» 30Náa pɔ́nɔ́ na nyɔ́lɛ́: «Wɛ, kiə́wúunəniʼ kɛ́ kɛálɛ́ʼkán igə aa olɛɛ́ ugibiíloodi agɛɛlɛ lɛ́ tɛ́ag oʼto na wɛ ə́? Ɛɛ́, nkə aa olɛɛ́ ogɛɛlɛ ə́? 31Pɛmbáa pə́ə́s pɛ́ɛ́nɛ́ máan a kɛnɔ kɛ́ kifələ́ə́n, wɔnɔ́ ná kɛ́lɛɛ́ kidiídílə́ a kálaʼtaʼ lɛ́ “Ayɛ́boyɛ́ʼkɛn moom mó konɛ mó múyíím músuu a mɔɛn lɛ́ pánɛ#6.31 Kɛ́lɛ náan a kálaʼtaʼ yɛ Ɔsa 16.4, 15; Pɛʼk 78.24 ”.» 32Yə́sus əyíbuyúlísíni ɔnɔ́: «A fɔ́lɔ́b fɔ́lɔ́b ndabodɛ́anɛ lɛ́, adɛ́njaŋ Moyíis aa ayɛ́boyɛ́ʼkɛn moom mó múyíím músuu a mɔɛn lɛ́ pónɛ. Sɛ waam aa alɛɛ́ agoboyɛ́ʼkɛn moom mó konɛ mɔmɔɛ́d mó fɔ́lɔ́b mó múəgiim a mɔɛn. 33Kɛ́lɛ lɛ́, moom mó konɛ mó Táán aa móonɛ mólɛɛ́ nyɔ́ alɛɛ́ əgiim ə́suu a mɔɛn, nyɔ́ aágɛɛ́ʼkɛn pɔɔd pá a nsí ɔlaa.»
34Náa pə́əsəə anɛ́ɛ́n pɔ́nɔ́ na nyɔ́lɛ́: «Mɔɔ́n wo mbáa, óbɛyɛ́ʼkɛnan moom mó konɛ mógo móom pɛnɛŋ piim.» 35Yə́sus yiísə́ə́ ɔnɔ́ na pɔ́lɛ́: «Mɛ áa ndɛɛ́ moom mó konɛ mó móagɛɛ́ʼkɛn pɔɔd ɔlaa. Nyɔ́ əə́giim ná ndɛɛ́, adɛndɛ́ɛ́ kiiʼkini koob njaan kə́mmú. Nyɔ́ amáág oʼto tɛn na mɛ, adɛndɛ́ɛ́ kiiʼkini koob nɛŋɔ́ɛd. 36Náa, mbábodɛánɛ lɛ́: Pomɛ́ʼtála, kɔmɔɛ́d lɛ́ podɛɔ́gɔ əgəə́liʼtini. 37Piim pá Paabá amɛ́nyɛɛ́ʼkɛn, pálɛ́ɛ́ kiim ná ndɛɛ́. Nyɔ́ əmíim ná ndɛɛ́, ntɛndɛ́ɛ́ komoodo 38lɛ́, ntiʼkə́əgiim nsuu a mɔɛn lɛ́ nyíim agɛɛlɛ nɛnyɔ́ŋɛn nɛ́am nɛ́ mɛɛ́nyɔ́amɔɛ́d, ndóo. Njíím lɛ́ nyíim agɛɛlɛ nɛnyɔ́ŋɛn nɛ́ nyɔ́ əyíím yɛ́ʼtom. 39Nɛnyɔ́ŋɛn nɛ́ nyɔ́ əyíím yɛ́ʼtom aa nɛ́ɛnɛ nɛ́lɛɛ́ lɛ́ ntinními ɔmbɔ́ úmmuʼ na úmmuʼ a pá ayɛ́nyɛɛ́ʼkɛn, mpoyóndɛgɛ agá a las ɛ wɔɔ́s. 40Táá nkə Paabá alɛɛ́ anyɔ́ŋɛn a kɛ́ɛg ɔnɔ́: Ungim nyɔ́ aádála Mɔɔ́n, áyaág oʼto na nyɔ́lɛ́, yɛ́ɛn na ɔlaa ó pɛnɛŋ piim, mmoyóndɛgɛ a las ɛ wɔɔ́s.»
41Əgəə́bə́ə a kɛnɛŋ kɛ́ɛg, Yúdɛn yəə́bə́ə́ komoyɔ́gɔ́dɔ a oʼto wóonɛ lɛ́ yiísə́ə́ lɛ́ nyɔ́lɛ́ alɛ moom mó konɛ mó múmíim músuu a mɔɛn. 42Páyɛ́ɛ agosɔyɔ pɔ́nɔ́: «Adɛ́ Yə́sus, mɔɔ́n ó Yósɛb aa alɛɛ́ náan əə́? Adɛ́ tɛálɛŋ pa sɛ na ŋŋí ə́? Tuə́ anɛ́ɛ́n áa alɛɛ́ ugusəə nɛ́gɔŋ lɛ́ nyɔ́lɛ́ alɛ əgiim ə́suu a mɔɛn ə́?» 43Yə́sus əyíʼkíni kusiəd tɔgɛ́ɛ́, ɔnɔ́ na pɔ́lɛ́: «Púdi kɛnyɔɔ́gɔ́dɔ. 44Mɔɔd ɔdɛɔ́gɔ ugiim ná ndɛɛ́, ná Paabá nyɔ́ amɛ́ʼtóm ədimuyə́súidin. Mɛ ndɛ́ɛ́ komoyóndɛgɛ a las ɛ wɔɔ́s. 45Kɛ́lɛ kidiídílə́ a pagálaʼtaʼ pá palɔɛgɛʼ pɛbán pá Táán lɛ́: “Táán alɛ́ɛ́ koboyáʼkananɛ pɔ́lɛ́ piim#6.45 Kɛ́lɛ náan a kálaʼtaʼ yɛ Ɛsa 54.13 ” Mɔɔd ungim nyɔ́ amóób Táán, áyɛɛ́ngɛg nkə kɛ́ amámoyáʼkánánɛ, alɛ əgiim ná ndɛɛ́. 46Kɛ́lɛ lɛ́, mɔɔd na mɔɔd adɛ́ʼtála Paabá na əngis, əgín wɔʼkɔ́ sɔ́g nyɔ́ alɛɛ́ əgiim kɔ́gɔ́ɔg a nó Táán. Nyɔ́lɛ́ aa aáʼkodálaá Paabá. 47A fɔ́lɔ́b fɔ́lɔ́b ndabodɛ́anɛ lɛ́ nyɔ́ amáág oʼto na mɛ alɛ na ɔlaa ó pɛnɛŋ piim. 48Mɛ áa ndɛɛ́ moom mó konɛ mó ɔlaa. 49Pɛmbáa pááŋan pɛ́ɛ́nɛ́ máan a nigúu nɛ́ nifələ́ə́n, ɛdɛʼkáagɛɛlɛ lɛ́ pə́diʼkú. 50Náa, moom mó konɛ mó múmíim músuu a mɔɛn, mólɛ́ mólɛ lɛ́ wɛ nyɔ́ olɛ́ɛ́ konɛ́ɛ́, odɛndɛ́ɛ́ kugu.
51«Mɛ áa ndɛɛ́ moom mó konɛ mó ɔlaa mó múmíim músuu a mɔɛn. Nyɔ́ alɛ́ɛ́ konɛ́ɛ́ mólɛ́ alɛ́ɛ́ kɛɛn na ɔlaa a pɛnɛŋ piim. Moom mó konɛ mó ndɛ́ɛ́ kɛɛ́ʼkɛnɛɛ́ mólɛ nkó yaam. Ndɛ́ɛ́ kɛɛ́ʼkɛn yɛ́lɛ́ agɛɛlɛ lɛ́ pɔɔd pɛ́ɛn na ɔlaa.» 52Ná Yúdɛn yɛ́ ɛyɛ́ɛ kɔ áay ɛyóób náan, pə́ə́bə́ə́ kosɔyɔ na toɛn pɔ́nɔ́: «Tuə́ áa alɛɛ́ agɛbɛyɛ́ʼkɛn nkó yəəŋ lɛ́ tɛ́nɛ ə́?» 5370 Náa Yə́sus ɔnɔ́ na pɔ́lɛ́: «A fɔ́lɔ́b fɔ́lɔ́b ndabodɛ́anɛ lɛ́: Wɛ nyɔ́ onníɛnɛɛ́ nkó yaam ɛ mɛ Mɔɔ́n o mɔɔd, oŋŋó maŋɔ́ máam, wɛ nyóon udiə́giim agɛɛn na ɔlaa. 54Wɛ nyɔ́ waánɛ nkó yaam, óoŋo maŋɔ́ máam, wagɛɛn na ɔlaa ó pɛnɛŋ piim, mɛ ndɛ nkoyóndɛgɛ a nɛman. 55Kɛ́lɛ lɛ́ nkó yaam ɛlɛ moom mó konɛ mó fɔ́lɔ́b, maŋɔ́ máam, má koŋo fɔ́lɔ́b. 56Wɛ nyɔ́ waánɛ nkó yaam, óoŋo maŋɔ́ máam, olɛ na mɛ, mɛ tɛn na wɛ. 57Mbáa Nyɔ́ əyíím yɛ́ʼtom alɛ a ɔlaa. Amɛ́nyɛɛlɛ lɛ́ mɛ nyɛ́ɛn na ɔlaa. Náan aa mɛ ndáagɛɛlɛ tɛn lɛ́ ungim nyɔ́ alɛ́ɛ́ konɛ́ɛ́ nkó yaam, yɛ́ɛn na ɔlaa. 58Taa, moom mó konɛ mó múmíim músuu a mɔɛn, náan aa mólɛɛ́. Módɛɔ́gɔ wɔnɔ́ mó pɛmbáa pááŋan pɛ́ɛ́nɛ́. Pɔ́lɛ́ píígú, náa nyɔ́ alɛ́ɛ́ konɛ́ɛ́ móonɛ, agɛɛn na ɔlaa ó pɛnɛŋ piim.» 59Táá nkə kɛ́ Yə́sus ayáʼkánánɛ pɔɔd a kɛ́ɛg a yoog ɛ pɛɔ́sɔ́gɔ́lɔ́n yɛ́ a Kaʼpɛlɛnáyum.
Tɔgɛ́ɛ́ tó tóagɛɛ́ʼkɛnanan ɔlaa ó pɛnɛŋ piim
60Ná paaʼkan pə́ə́ŋ páyóób tɔgɛ́ɛ́ tóod, pə́ə́bə́ə́ kosɔyɔ pɔ́nɔ́: «Ndóo, áay aáyaagɛ kio a ɛdɔʼ! Ánɛ aa alɛɛ́ ugəə́liʼtini tɔgɛ́ɛ́ wɔnɔ́ tóod əə́?» 61Náa, wɔnɔ́ ná yɛɛ́lɛ́ŋ lɛ́ paaʼkan pə́ə́ŋ pálɛ əgəə́lúluu a tɔgɛ́ɛ́ tóod, aáság kusəə ɔnɔ́ na pɔ́lɛ́: «Nkə kɛ́ɛg kɛ́ mbə́səə kímə́buyə́bi ə? 62Ná polɛ́ɛ́ kodála anɛ́ɛ́n Mɔɔ́n o mɔɔd əə́guúlini kobag kɛnɔ kɛ́ ayɛ́ɛ oó, puəsəə poɔʼkɔ́ nkə? 63Uŋun wó Ufúlúʼtú wáagɛɛ́ʼkɛn ɔlaa, mɔɔd na mɔɔd nyɔ́lɛ́nyɔ́əsíŋ ɔdɛɔ́gɔ yoom. Tɔgɛ́ɛ́ tóonɛ tó mbábodɛánɛ aa tólɛɛ́ Uŋun, tólɛ́ aa tólɛɛ́ tɛn ɔlaa. 64Kɛbán kímuʼ, pə́mmú pálɛ a ondáŋ wááŋan pá pɔ́dɛɔ́gɔ əgəə́liʼtinií.» Kɛ́lɛ lɛ́, əgín kɔ a niə́bə́ə, Yə́sus yɛɛ́lɛŋɛn pa ánɛ aa pádɛʼkɛ́ɛ əgəə́liʼtinií, na ánɛ aa ayɛ́ɛ lɛ́ aamoólɛg. 65Ayáábɛg kə́mmú tɔgɛ́ɛ́, ɔnɔ́: «Taa, a kólɛ́ aa njɛ́bodɛánɛ lɛ́ mɔɔd ɔdɛɔ́gɔ ugiim ná ndɛɛ́, ná Paabá adɛmoyɛ́ʼkɛnɛn toɛn.»
66Əgəə́bə́ə a wɔɔ́s wóow, paaʼkan pə́ə́ŋ piíŋ pááság komoodɛ́da, pə́diiʼkíni kiim pə́muyə́njən kə́mmú. 67Náa Yə́sus əə́ŋíən anɛ́ɛ́n na paaʼkan pə́ə́ŋ pá pówád na pábaan, ɔnɔ́ ə: «Pəŋi oʼ, podɛágɛɛn tɛn a?» 68Simɔ́ɔŋ Píɛ əyímuyúlísíni ɔnɔ́: «Sə́dúk, pəsi o, tɛagɛɛn a nó ánɛ? Wɛ áa olɛɛ́ na tɔgɛ́ɛ́ tó tóagɛɛ́ʼkɛnanan ɔlaa ó pɛnɛŋ piim. 69Pəsi timə́líʼtíníí, tɛálɛŋ lɛ́ olɛ Ufúlúʼtú nyɔ́ alɛɛ́ əgiim a nó Táán.» 70Yə́sus əyíbuyúlísíni ɔnɔ́ na pɔ́lɛ́: «Adɛ́ mɛ áa njíbuyííyid pəŋi póonɛ pá pówád na pábaan á? Kɛbán kímuʼ, úmmuʼ a ondáŋ wááŋan alɛ oʼtɔ́ɔ́dɔ́!» 71Kɛbán kɛ́ Siudáa, mɔɔ́n ó Simɔ́ɔŋ Ɛsɛʼkalɛyóod aa ayɛ́ɛ əgusəə náan lɛ́, nyɔ́lɛ́ aa ayɛ́ɛ lɛ́ aamoólɛg, ɔmbɔ́ ná ayɛ́ɛ a ondáŋ ó paaʼkan pá pówád na pábaan.
Currently Selected:
Sɛ́aŋ 6: yatDBL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015
Sɛ́aŋ 6
6
Yə́sus yɛɛ́mɛ́nɛ tɔ́ɔ́sɛn ɛ pɔɔd ɛ́ʼtáan
(Maʼt 14.13-21; Mə́l 6.30-44; Lóʼk 9.10-17)
1A ngim yɛ́ɛy, Yə́sus yɛɛ́yáág nsɛ́ɛ́ ɛ noom nó Kalilə́ə (pɔ́ɔdɔ́ŋɔn tɛn lɛ́ noom nó Tɛbɛlɛyáad). 2Ɛ́fɔlɛ́ ɛ́ pɔɔd íyímuyə́ən kɔ́gɔ́ɔg lɛ́ pɛ́ɛ́dála piə́wúunəniʼ pɛ́ pɛálɛ́ʼkán pɛ́ ayɛ́ɛ agɛɛlanɛ wɔnɔ́ ná ayɛ́ɛ agoómanɛ pabámbany. 3Aáság kobag a oʼkon a mɔɛn na paaʼkan pə́ə́ŋ, pə́ə́ləndin a nsí. 4Wɔɔ́n ó Yúdɛn wó pɔ́ɔdɔ́ŋɔn lɛ́ Páska, óyɛ́ɛ wándɛ ndúmiʼ. 5Yə́sus yɛɛ́dɛ́ʼtɛg pasasaa piim, aádála kiʼtúú kɛ́ pɔɔd súuu, kíəgiim kɛnɔ kɛ́ alɛɛ́. Náa ɔnɔ́ na Filíib: «Ə́lə́ə́ áa tɛlɛɛ́ págooŋɛnɛ pɛlɛ́ɛd agɛɛ́ʼkɛn na pɔɔd póonɛ lɛ́ pánɛ ə́?» 6(Əyímuŋíən náan a kɛsɛ́n lɛ́ ná yóób nkə kɛ́ Filíib əə́muyúúlisini. Nyɔ́lɛ́ ayɛ́ɛ aáʼkolɛŋ nkə kɛ́ aágɛɛlɛ.) 7Filíib əyímuyúlísíni ɔnɔ́: «Ɔmbɔ́ tɛoŋɛnɛ pɛlɛ́ɛd pɛ́ ɔ́ndɛd ɛ pisúg pɛ́ mɔɔnɛ́ ɛ́baan, pɛ́dɛásɛʼtan a kóonɛ lɛ́ ɛ́nɛ́ mɔɔd yɔ́ɔŋ ɛyaa yɛ́ ɛbɛs.» 8Əndələ́ə, Ongaaʼkan nyummú, móŋŋí o Simɔ́ɔŋ Píɛ, aáság kusəə ɔnɔ́ na Yə́sus: 9«Onyommón nyummú ogóódi áanɛ pɛlɛ́ɛd pɛ́ pɛ́ʼtáan na musúúsú móbaan. Náa, nkə aa kɛ́ɛg moyaa mó moom wɔnɔ́ móom a kiʼtúú kɛ́ pɔɔd kɛ́ɛnɛ ə́#6.9 Pódála tɛn náan a kálaʼtaʼ ɛ 2Puʼk 4.42-44 ?» 10Náa Yə́sus ɔnɔ́: «Ɛ́bodɛánɛ́an pə́ləndin a nsí pɔ́lɛ́ piim.» Mbɛ́n ɛyɛ́ɛ kɔ a kɛnɔ kɛ́ɛg ngíŋ. Pááság konyɛŋ, pə́ə́ləndən kɔ. Páyɛ́ɛ kɔ yoom wɔnɔ́ tɔ́ɔ́sɛn ɛ pɔɔd ɛ́ʼtáan. 11Yə́sus yiísiə́d pɛlɛ́ɛd pɛ́ɛb, amɛ́ʼkɛn pisoyidiʼ na Táán, ámáábán na ungim nyɔ́ ayɛ́ɛ kɔ. Ayɛ́ɛ́lɛ tɛn náan yoom ímuʼ na pusú. Ungim ɔyɔ́ɔ́ŋ wɔnɔ́ ná ayɛ́ɛ anyɔ́ŋɛn. 12Ná ungim ayɛ́ɛ aáʼkonɛ, əə́ʼkuyíid, Yə́sus yɛɛ́dɛánɛ na paaʼkan pə́ə́ŋ lɛ́ págómmanɛ pɛbɛŋ pɛ́ pɛ́ɛ́lɔ́b, yoom ɛ́dɛndɛáŋ. 13Pááság kogómmanɛ. Pííyə́ə́g mɔsaŋɛʼ mówád na móbaan, kɔmɔɛ́d lɛ́ əgín pɛlɛ́ɛd pɛ́ʼtáan súg áa pɛ́yɛ́ɛ. 14Ná pɔɔd pɛ́ɛ́dála kiə́wúunəniʼ kɛ́ kɛálɛ́ʼkán kɛ́ɛg kɛ́ ayɛ́ɛ́lɛ, pə́ə́bə́ə́ kosɔyɔ pɔ́nɔ́: «Mɔɔd nyóonɛ alɛ fɔ́lɔ́b Ɔndɔɛgɛʼ pɛbán o Táán nyɔ́ ogóódi lɛ́ yíim a nsí yɛ́ɛnɛ.» 15Náa, Yə́sus ayálɛ́ŋɛ́ɛ́ lɛ́ pə́əgiim əmuúgumin nɛ́gɔŋ agomoogóda lɛ́ ábág nkúm, aáság kəə́súid kə́mmú nyɔ́lɛ́nyɔ́əsíŋ a oʼkon a mɔɛn.
Yə́sus yɛɛ́dáŋána a məní
(Maʼt 14.22-27; Mə́l 6.45-52)
16Ná mbin ɛyɛ́ɛ yəə́ndəgiim ədə́əŋ, paaʼkan pə́ə́ŋ písúú a ɛbá ɛ́ noom, 17páábág a kɛʼkɔ́m kímuʼ, pááyaag nsɛ́ɛ́ ɛ noom yɛ́ɛy káag, a Kaʼpɛlɛnáyum. Mbin yɛɛ́bód yəə́də́əŋ, Yə́sus ədiim aboóboan. 18Noom nóyɛ́ɛ nobɛ́ lɛ́ kigud kɛ́yɛ́ɛ əgufiŋ na toɛn. 19Páyɛ́ɛ pə́ʼkəə́súid na kɛʼkɔ́m a məní yoom wɔnɔ́ kɛ́lomɛ́ʼtaʼ ɛ́ʼtáan, oó lɛ́ ɛ́ʼtáan na úmmuʼ. Náa páadála Yə́sus əə́giim. Ayɛ́ɛ agodáŋana a məní na ambaan ənnímin. Wɛɛ́y úyíbugúmin, pə́ə́bə́ə́ kuliminə kwag, kwag, kwag. 20Náa ɔnɔ́ na pɔ́lɛ́: «Podɛʼtámmána, mɛ áa ndɛɛ́nɔ!» 21Paaʼkan páyaʼkanyɔ́ŋɛn kumuúsiəd a kɛʼkɔ́m na pɔ́lɛ́, náa kɛ́yɛ́ɛ kɛáʼkaab a ɛbá, a kɛnɔ kɛ́ páyɛ́ɛ agɛɛn.
Kiʼtúú kɛ́ pɔɔd kɛ́yɛ́ɛ əgiim kíunə Yə́sus
22A koany kaáyɛnɛ, kiʼtúú kɛ́ pɔɔd kɛ́ kɛ́ɛ́lɔ́b nsɛ́ɛ́ ɛ noom yɛ́ʼkáag kɛáság kaálɛ́mbɛd lɛ́ kɛʼkɔ́m kɛ́yɛ́ɛ əgín kɔ áay kímuʼ a ɛbá ɛ́ noom yɛ́ɛy. Paaʼkan píísiə́d kɛ́lɛ́ pɔ́lɛ́bə́əsíŋ, pámɛ́ɛn Yə́sus fiɛ́d ondáŋ na pɔ́lɛ́. 23Kɛbán kímuʼ, pɛʼkɔ́m pímmú píyíímən tɛn kɔ áay kɛnɔ kɛ́ pɛ́ɛ́nɛ́ pɛlɛ́ɛd pɛ́ Sə́dúk ayɛ́boyɛ́ʼkɛn ná aáʼkɛɛ́ʼkɛn pisoyidiʼ na Táán. Pɛ́ɛb pɛ́yɛ́ɛ əgiim a Tɛbɛlɛyáad. 24Ná pɔɔd pɛ́ɛ́dála lɛ́ ɔmbɔ́ Yə́sus, ɔmbɔ́ paaʼkan pə́ə́ŋ pə́ndigi áay, pááság kobágan a pɛʼkɔ́m pímmú pɛ́ɛb agɛɛn əmuyúunə a Kaʼpɛlɛnáyum.
Yə́sus alɛ pɛlɛ́ɛd pɛ́ pɛ́agɛɛ́ʼkɛnanan ɔlaa
25Ná pɛ́yɛ́ɛ́n əgiig nsɛ́ɛ́ ɛ noom ɛgo, pɛ́ɛ́bóan Yə́sus, náa pɔ́nɔ́ na nyɔ́lɛ́: «Kɛlág, naanɛ́g áa wɛ umíim alon káanɛ ə́?» 26Əyíbuyúlísíni ɔnɔ́: «A fɔ́lɔ́b fɔ́lɔ́b ndabodɛ́anɛ lɛ́, áay kó polɛɛ́ əginjuunə, podɛɔ́gɔ əginjuunə lɛ́ pomóób yisí ɛ piə́wúunəniʼ pɛ́ pɛálɛ́ʼkán pɛ́ mbɛ́ɛ́lɛ, ndóo. Pólɛ əginjuunə a oʼto wóonɛ lɛ́ poɛ́nɛ́ pɛlɛ́ɛd, puə́yíid. 27Pudiíʼkúd moom mó konɛ mó mólɛɛ́ lɛ́ móalɛ́aŋ na koany. Kudə́ən agá mó módɛndɛ́ɛ́ kolɛáŋɛ́ɛ́, moom mó móaboyɛ́ʼkɛn ɔlaa ó pɛnɛŋ piim. Moom móom, Mɔɔ́n o mɔɔd alɛ́ɛ́ koboyɛ́ʼkɛn mólɛ lɛ́ nyɔ́lɛ́ aa Táán Sɛ ayɛ́moyáág kɛbɛɛ kɛ́ toɛn tuə́ŋ.» 28Pááság kusəə pɔ́nɔ́ na nyɔ́lɛ́: «Nkə aa tíɛlɛɛ́ a kóonɛ lɛ́ tíɛlɛ pɛbán pɛ́ piə́gə́mmí Táán ə́?» 29Yə́sus əyíbuyúlísíni ɔnɔ́: «Nkə kɛ́ Táán alɛɛ́ anyɔ́ŋɛn na pəŋi kɛ́lɛ lɛ́, póag oʼto na nyɔ́ əyíím ádom.» 30Náa pɔ́nɔ́ na nyɔ́lɛ́: «Wɛ, kiə́wúunəniʼ kɛ́ kɛálɛ́ʼkán igə aa olɛɛ́ ugibiíloodi agɛɛlɛ lɛ́ tɛ́ag oʼto na wɛ ə́? Ɛɛ́, nkə aa olɛɛ́ ogɛɛlɛ ə́? 31Pɛmbáa pə́ə́s pɛ́ɛ́nɛ́ máan a kɛnɔ kɛ́ kifələ́ə́n, wɔnɔ́ ná kɛ́lɛɛ́ kidiídílə́ a kálaʼtaʼ lɛ́ “Ayɛ́boyɛ́ʼkɛn moom mó konɛ mó múyíím músuu a mɔɛn lɛ́ pánɛ#6.31 Kɛ́lɛ náan a kálaʼtaʼ yɛ Ɔsa 16.4, 15; Pɛʼk 78.24 ”.» 32Yə́sus əyíbuyúlísíni ɔnɔ́: «A fɔ́lɔ́b fɔ́lɔ́b ndabodɛ́anɛ lɛ́, adɛ́njaŋ Moyíis aa ayɛ́boyɛ́ʼkɛn moom mó múyíím músuu a mɔɛn lɛ́ pónɛ. Sɛ waam aa alɛɛ́ agoboyɛ́ʼkɛn moom mó konɛ mɔmɔɛ́d mó fɔ́lɔ́b mó múəgiim a mɔɛn. 33Kɛ́lɛ lɛ́, moom mó konɛ mó Táán aa móonɛ mólɛɛ́ nyɔ́ alɛɛ́ əgiim ə́suu a mɔɛn, nyɔ́ aágɛɛ́ʼkɛn pɔɔd pá a nsí ɔlaa.»
34Náa pə́əsəə anɛ́ɛ́n pɔ́nɔ́ na nyɔ́lɛ́: «Mɔɔ́n wo mbáa, óbɛyɛ́ʼkɛnan moom mó konɛ mógo móom pɛnɛŋ piim.» 35Yə́sus yiísə́ə́ ɔnɔ́ na pɔ́lɛ́: «Mɛ áa ndɛɛ́ moom mó konɛ mó móagɛɛ́ʼkɛn pɔɔd ɔlaa. Nyɔ́ əə́giim ná ndɛɛ́, adɛndɛ́ɛ́ kiiʼkini koob njaan kə́mmú. Nyɔ́ amáág oʼto tɛn na mɛ, adɛndɛ́ɛ́ kiiʼkini koob nɛŋɔ́ɛd. 36Náa, mbábodɛánɛ lɛ́: Pomɛ́ʼtála, kɔmɔɛ́d lɛ́ podɛɔ́gɔ əgəə́liʼtini. 37Piim pá Paabá amɛ́nyɛɛ́ʼkɛn, pálɛ́ɛ́ kiim ná ndɛɛ́. Nyɔ́ əmíim ná ndɛɛ́, ntɛndɛ́ɛ́ komoodo 38lɛ́, ntiʼkə́əgiim nsuu a mɔɛn lɛ́ nyíim agɛɛlɛ nɛnyɔ́ŋɛn nɛ́am nɛ́ mɛɛ́nyɔ́amɔɛ́d, ndóo. Njíím lɛ́ nyíim agɛɛlɛ nɛnyɔ́ŋɛn nɛ́ nyɔ́ əyíím yɛ́ʼtom. 39Nɛnyɔ́ŋɛn nɛ́ nyɔ́ əyíím yɛ́ʼtom aa nɛ́ɛnɛ nɛ́lɛɛ́ lɛ́ ntinními ɔmbɔ́ úmmuʼ na úmmuʼ a pá ayɛ́nyɛɛ́ʼkɛn, mpoyóndɛgɛ agá a las ɛ wɔɔ́s. 40Táá nkə Paabá alɛɛ́ anyɔ́ŋɛn a kɛ́ɛg ɔnɔ́: Ungim nyɔ́ aádála Mɔɔ́n, áyaág oʼto na nyɔ́lɛ́, yɛ́ɛn na ɔlaa ó pɛnɛŋ piim, mmoyóndɛgɛ a las ɛ wɔɔ́s.»
41Əgəə́bə́ə a kɛnɛŋ kɛ́ɛg, Yúdɛn yəə́bə́ə́ komoyɔ́gɔ́dɔ a oʼto wóonɛ lɛ́ yiísə́ə́ lɛ́ nyɔ́lɛ́ alɛ moom mó konɛ mó múmíim músuu a mɔɛn. 42Páyɛ́ɛ agosɔyɔ pɔ́nɔ́: «Adɛ́ Yə́sus, mɔɔ́n ó Yósɛb aa alɛɛ́ náan əə́? Adɛ́ tɛálɛŋ pa sɛ na ŋŋí ə́? Tuə́ anɛ́ɛ́n áa alɛɛ́ ugusəə nɛ́gɔŋ lɛ́ nyɔ́lɛ́ alɛ əgiim ə́suu a mɔɛn ə́?» 43Yə́sus əyíʼkíni kusiəd tɔgɛ́ɛ́, ɔnɔ́ na pɔ́lɛ́: «Púdi kɛnyɔɔ́gɔ́dɔ. 44Mɔɔd ɔdɛɔ́gɔ ugiim ná ndɛɛ́, ná Paabá nyɔ́ amɛ́ʼtóm ədimuyə́súidin. Mɛ ndɛ́ɛ́ komoyóndɛgɛ a las ɛ wɔɔ́s. 45Kɛ́lɛ kidiídílə́ a pagálaʼtaʼ pá palɔɛgɛʼ pɛbán pá Táán lɛ́: “Táán alɛ́ɛ́ koboyáʼkananɛ pɔ́lɛ́ piim#6.45 Kɛ́lɛ náan a kálaʼtaʼ yɛ Ɛsa 54.13 ” Mɔɔd ungim nyɔ́ amóób Táán, áyɛɛ́ngɛg nkə kɛ́ amámoyáʼkánánɛ, alɛ əgiim ná ndɛɛ́. 46Kɛ́lɛ lɛ́, mɔɔd na mɔɔd adɛ́ʼtála Paabá na əngis, əgín wɔʼkɔ́ sɔ́g nyɔ́ alɛɛ́ əgiim kɔ́gɔ́ɔg a nó Táán. Nyɔ́lɛ́ aa aáʼkodálaá Paabá. 47A fɔ́lɔ́b fɔ́lɔ́b ndabodɛ́anɛ lɛ́ nyɔ́ amáág oʼto na mɛ alɛ na ɔlaa ó pɛnɛŋ piim. 48Mɛ áa ndɛɛ́ moom mó konɛ mó ɔlaa. 49Pɛmbáa pááŋan pɛ́ɛ́nɛ́ máan a nigúu nɛ́ nifələ́ə́n, ɛdɛʼkáagɛɛlɛ lɛ́ pə́diʼkú. 50Náa, moom mó konɛ mó múmíim músuu a mɔɛn, mólɛ́ mólɛ lɛ́ wɛ nyɔ́ olɛ́ɛ́ konɛ́ɛ́, odɛndɛ́ɛ́ kugu.
51«Mɛ áa ndɛɛ́ moom mó konɛ mó ɔlaa mó múmíim músuu a mɔɛn. Nyɔ́ alɛ́ɛ́ konɛ́ɛ́ mólɛ́ alɛ́ɛ́ kɛɛn na ɔlaa a pɛnɛŋ piim. Moom mó konɛ mó ndɛ́ɛ́ kɛɛ́ʼkɛnɛɛ́ mólɛ nkó yaam. Ndɛ́ɛ́ kɛɛ́ʼkɛn yɛ́lɛ́ agɛɛlɛ lɛ́ pɔɔd pɛ́ɛn na ɔlaa.» 52Ná Yúdɛn yɛ́ ɛyɛ́ɛ kɔ áay ɛyóób náan, pə́ə́bə́ə́ kosɔyɔ na toɛn pɔ́nɔ́: «Tuə́ áa alɛɛ́ agɛbɛyɛ́ʼkɛn nkó yəəŋ lɛ́ tɛ́nɛ ə́?» 5370 Náa Yə́sus ɔnɔ́ na pɔ́lɛ́: «A fɔ́lɔ́b fɔ́lɔ́b ndabodɛ́anɛ lɛ́: Wɛ nyɔ́ onníɛnɛɛ́ nkó yaam ɛ mɛ Mɔɔ́n o mɔɔd, oŋŋó maŋɔ́ máam, wɛ nyóon udiə́giim agɛɛn na ɔlaa. 54Wɛ nyɔ́ waánɛ nkó yaam, óoŋo maŋɔ́ máam, wagɛɛn na ɔlaa ó pɛnɛŋ piim, mɛ ndɛ nkoyóndɛgɛ a nɛman. 55Kɛ́lɛ lɛ́ nkó yaam ɛlɛ moom mó konɛ mó fɔ́lɔ́b, maŋɔ́ máam, má koŋo fɔ́lɔ́b. 56Wɛ nyɔ́ waánɛ nkó yaam, óoŋo maŋɔ́ máam, olɛ na mɛ, mɛ tɛn na wɛ. 57Mbáa Nyɔ́ əyíím yɛ́ʼtom alɛ a ɔlaa. Amɛ́nyɛɛlɛ lɛ́ mɛ nyɛ́ɛn na ɔlaa. Náan aa mɛ ndáagɛɛlɛ tɛn lɛ́ ungim nyɔ́ alɛ́ɛ́ konɛ́ɛ́ nkó yaam, yɛ́ɛn na ɔlaa. 58Taa, moom mó konɛ mó múmíim músuu a mɔɛn, náan aa mólɛɛ́. Módɛɔ́gɔ wɔnɔ́ mó pɛmbáa pááŋan pɛ́ɛ́nɛ́. Pɔ́lɛ́ píígú, náa nyɔ́ alɛ́ɛ́ konɛ́ɛ́ móonɛ, agɛɛn na ɔlaa ó pɛnɛŋ piim.» 59Táá nkə kɛ́ Yə́sus ayáʼkánánɛ pɔɔd a kɛ́ɛg a yoog ɛ pɛɔ́sɔ́gɔ́lɔ́n yɛ́ a Kaʼpɛlɛnáyum.
Tɔgɛ́ɛ́ tó tóagɛɛ́ʼkɛnanan ɔlaa ó pɛnɛŋ piim
60Ná paaʼkan pə́ə́ŋ páyóób tɔgɛ́ɛ́ tóod, pə́ə́bə́ə́ kosɔyɔ pɔ́nɔ́: «Ndóo, áay aáyaagɛ kio a ɛdɔʼ! Ánɛ aa alɛɛ́ ugəə́liʼtini tɔgɛ́ɛ́ wɔnɔ́ tóod əə́?» 61Náa, wɔnɔ́ ná yɛɛ́lɛ́ŋ lɛ́ paaʼkan pə́ə́ŋ pálɛ əgəə́lúluu a tɔgɛ́ɛ́ tóod, aáság kusəə ɔnɔ́ na pɔ́lɛ́: «Nkə kɛ́ɛg kɛ́ mbə́səə kímə́buyə́bi ə? 62Ná polɛ́ɛ́ kodála anɛ́ɛ́n Mɔɔ́n o mɔɔd əə́guúlini kobag kɛnɔ kɛ́ ayɛ́ɛ oó, puəsəə poɔʼkɔ́ nkə? 63Uŋun wó Ufúlúʼtú wáagɛɛ́ʼkɛn ɔlaa, mɔɔd na mɔɔd nyɔ́lɛ́nyɔ́əsíŋ ɔdɛɔ́gɔ yoom. Tɔgɛ́ɛ́ tóonɛ tó mbábodɛánɛ aa tólɛɛ́ Uŋun, tólɛ́ aa tólɛɛ́ tɛn ɔlaa. 64Kɛbán kímuʼ, pə́mmú pálɛ a ondáŋ wááŋan pá pɔ́dɛɔ́gɔ əgəə́liʼtinií.» Kɛ́lɛ lɛ́, əgín kɔ a niə́bə́ə, Yə́sus yɛɛ́lɛŋɛn pa ánɛ aa pádɛʼkɛ́ɛ əgəə́liʼtinií, na ánɛ aa ayɛ́ɛ lɛ́ aamoólɛg. 65Ayáábɛg kə́mmú tɔgɛ́ɛ́, ɔnɔ́: «Taa, a kólɛ́ aa njɛ́bodɛánɛ lɛ́ mɔɔd ɔdɛɔ́gɔ ugiim ná ndɛɛ́, ná Paabá adɛmoyɛ́ʼkɛnɛn toɛn.»
66Əgəə́bə́ə a wɔɔ́s wóow, paaʼkan pə́ə́ŋ piíŋ pááság komoodɛ́da, pə́diiʼkíni kiim pə́muyə́njən kə́mmú. 67Náa Yə́sus əə́ŋíən anɛ́ɛ́n na paaʼkan pə́ə́ŋ pá pówád na pábaan, ɔnɔ́ ə: «Pəŋi oʼ, podɛágɛɛn tɛn a?» 68Simɔ́ɔŋ Píɛ əyímuyúlísíni ɔnɔ́: «Sə́dúk, pəsi o, tɛagɛɛn a nó ánɛ? Wɛ áa olɛɛ́ na tɔgɛ́ɛ́ tó tóagɛɛ́ʼkɛnanan ɔlaa ó pɛnɛŋ piim. 69Pəsi timə́líʼtíníí, tɛálɛŋ lɛ́ olɛ Ufúlúʼtú nyɔ́ alɛɛ́ əgiim a nó Táán.» 70Yə́sus əyíbuyúlísíni ɔnɔ́ na pɔ́lɛ́: «Adɛ́ mɛ áa njíbuyííyid pəŋi póonɛ pá pówád na pábaan á? Kɛbán kímuʼ, úmmuʼ a ondáŋ wááŋan alɛ oʼtɔ́ɔ́dɔ́!» 71Kɛbán kɛ́ Siudáa, mɔɔ́n ó Simɔ́ɔŋ Ɛsɛʼkalɛyóod aa ayɛ́ɛ əgusəə náan lɛ́, nyɔ́lɛ́ aa ayɛ́ɛ lɛ́ aamoólɛg, ɔmbɔ́ ná ayɛ́ɛ a ondáŋ ó paaʼkan pá pówád na pábaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators Inc, 2015