Luk 21
21
Pakol’ liɣiri tɔhibu
(Maak 12.41-44)
1Yisa daa ti lihi nya bundaannim’ ni tɔhiri liɣiri shɛm Naawuni jɛmbu duu; 2ka nya ka pako’ faralan’ so daa tɔhi pihinu diba ayi. 3Ka Yisa yɛli, “Yɛlimaŋli ka n yɛri ya, pako’ faralan’ ŋɔ tɔhiya gari bɛ zaa, 4dama bɛn’ zaa piila bɛ bun’ ni na ti tɔhi, amaa pakoli ŋɔ ŋun’ zaŋla o duu ni o yiŋ’ zaa na ti tɔhi.”
Yisa yɛli Naawuni jɛmbu duu wurimbu yɛla
(Matiu 24.1-2; Maak 13.1-2)
5Ninvuɣ’ shɛb’ daa ti tɔɣisiri kuɣ’ viɛl’ shɛŋa mini bɛ ni daa zaŋ pin’ shɛŋa ti Naawuni ka bɛ zaŋ me Naawuni jɛmbu duu la yɛla. Ka Yisa yɛli ba, 6“Zaŋ chaŋ yi ni nya binshɛŋa ŋɔ polo, dahin’ shɛli kanna ka di zaa ni ti wurim hal ka di kuɣ’ yini gba ti ku lan pa di kpee zuɣu.”
Wahala mini nahiŋgu yɛla
(Matiu 24.3-14; Maak 13.3-13)
7Ka bɛ daa bɔhi Yisa, “Karimba, bɔ saha ka dimbɔŋɔnim’ zaa ti yɛn niŋ, ka shihir’ bɔ nti yɛn wuhi dimbɔŋɔnim’ niŋbu saha?”
8Ka o yɛli ba, “Miriya ka yi ti chɛ ka so birigi ya; dama niriba pam ni ti zaŋ n yuli kana ti yɛra, ‘Mani n-nyɛ Masia! Mani n-nyɛ Masia.’ ‘Saha maa paaya!’ Miriya ka yi ti doli ba! 9Ka yi yi ti wum ni bɛ tuhiri tɔbu ka taari duŋ, yin’ di chɛliya ka yi suhuri zɔhira; dama faashee dimbɔŋɔnim’ zaa bahi niŋ, amaa di ti bi yɛn wuhi ni dunia yiɣisibu saha dii paami maa.”
10Ka o daa lan yɛli ba, “Zuliya kam ni ti tuhiri taba, ka tiŋgbana zuɣulaannim’ ti yiɣisi tuhiri taba; 11ka tiŋgbani ti damdi bɔb’ shɛŋa polo, ka kum mini alɔbo ti luri pam; ka binyara din kpɛhiri niriba dabiɛm ti beni, ka shihir’ kara ti wuhiri zuɣusaa. 12Amaa bɛ ni ti gbahi ya niŋ ya alaka, ka tahi ya bɛ jɛmbu duri mini sarikanim’ ni, ka ti zaŋ ya tahi nazuɣuri mini gomnanim’ tooni n yuli zuɣu pɔi ka dimbɔŋɔnim’ zaa naanyi niŋ. 13Dina n-ni ti chɛ ka yi niŋ n shɛhiranima.” 14Ka o daa yɛli ba, “Chɛliya ka dimbɔŋɔ ba jila yi suhuri ni, ka yi ti ku zani ni yi tɛhi pɔi ka naanyi garigi; 15#Luk 12.11-12 dama n ni ti tin ya yɛm ni noli ka yi dimnim’ ti ku tooi tɔɣisi luhi ya bee n-tooi garigi yi bɔhigu. 16Yi zɔnim’ mini yi dɔɣiriba ni yi mabihi hal zaŋ tabili yi banim’ mini yi manim’ ni ti chɛ ka bɛ gbahi ya n-ku yi ni shɛb’ gba. 17Ka sokam zaa ni ti jɛn ya n yuli zuɣu, 18amaa hal yi zabigu zaɣ’ yini gba ti ku bɔrigi. 19Amaa yi suhukpeeni niŋbu puuni ka yi ni ti nya yi nyɛviya.”
Yisa wuhi Jɛrusalɛm ni ti yɛn wurim shɛm
(Matiu 24.15-21; Maak 13.14-19)
20Yisa daa lan yɛli ba, “Amaa yi yi ti nya ka tɔbbihi teei gili Jɛrusalɛm, yin’ baŋmiya ni di wurimbu saha miriya. 21Di saha bɛn ti be Judia, bɛn’ zom’ ti du zoya; ka bɛn ti be Jɛrusalɛm puuni, bɛn’ ti yim’ di ni, ka tiŋkpannim’ mi di ti ka di ni na. 22#Hoz 9.7 Dama biɛri bɔhibu saha mini binshɛɣukam zaa din daa sab’ zalila palibu saha nti yɛn bala. 23Di saha paɣipuhinim’ mini biliɛrinim’ yɛla ni ti mali nambɔɣu pam! Dama nandahima pam ni ti be tiŋgbɔŋ ŋɔ ni, ka Naawuni suhu ti yiɣisi bahi niriba ŋɔ zuɣu. 24Bɛ ni ti zaŋ takɔbiri ku ba; ka ti gbahi bɛn kpalim ti leei daba zuliya kam ni; ka bɛn pa Yɛhudianim’ ti deei Jɛrusalɛm n-yɔɣiri gindi hal ti paai Naawuni ni zali ni bɛ su li yuma shɛm tariga.”
Daadam Bia labbuna yɛla
(Matiu 24.29-31; Maak 13.24-27)
25 #
Aiz 13.10; Ɛzɛk 32.7; Joɛl 2.31; Kah 6.12-13 Yisa daa lan yɛli yaha, “Shihira ni ti be wuntaŋ’ mini goli ni saŋmarisi ni; ka wahala ni ti be dunia ni hal ka zuliya kam ti birim teeku kɔgbana vubu zuɣu; 26ka daadamnim’ ni ti tarigi binshɛŋa din ti yɛn niŋdi dunia ni maa dabiɛm zuɣu, dama yiko din gbib’ zuɣusaa ni ti dam. 27#Dan 7.13; Kah 1.7 Di saha maa ka bɛ ni ti nya Daadam Bia ka o be sagban’ ni kanna ni yiko mini jilima pam. 28Dimbɔŋɔnim’ zaa yi ti gbaai niŋbu, di saha yin’ kpuɣimiya yi zuɣuri lihi zuɣusaa, dama yi tiliginsim saha ti miritimi maa.”
Fiig tia kpahimbu
(Matiu 24.32-35; Maak 13.28-31)
29Ka Yisa daa ŋahi ŋahili ŋɔ yɛli, “Kpahimmiya fiig tia mini tia kam: 30Yi yi ti kul nya ka di wula puhiri va’ mama, di saha yi baŋya ni siɣili miriya. 31Lala n-nyɛ li, yi yi ti nyari ka shihira ŋɔ zaa niŋda, yin’ baŋmiya ni Naawuni nam saha miriya.
32 Yɛlimaŋli ka n yɛri ya, dimbɔŋɔnim’ zaa ni niŋ ka ʒiɛmani ŋɔ na bi vuui. 33Zuɣusaa mini dunia ŋɔ ni ti yiɣisi, amaa man’ yɛligu ku yiɣisi.”
Guhibu yɛla
34Yisa daa lan yɛli, “Amaa miriya ka yi ti chɛ ka yi kɔr’ biɛri mini danyubo ni dunia ŋɔ yɛliniŋda ti dihi ya sɔŋ, ka dindali maa ti dii libigi ya 35kaman tɔŋ la, dama di ni ti paai ŋunkam be dunia ŋɔ ni. 36Dinzuɣu lihimiya yimaŋ’ zuɣu sahakam, ka suhimiya Naawuni din ni chɛ ka yi nya kpiɔŋ nti tiligi din ti yɛn niŋ maa ni, ka ti zani Daadam Bia tooni.”
37 #
Luk 19.47
Yisa daa kul bela Naawuni jɛmbu duu wuhiri niriba biɛɣukam, amaa ka daa lee duri Olivi Tihi Zol’ zuɣu ti gbɛri yuŋ kam. 38Ka niriba daa yi daŋdi yibu chan’ o sani Naawuni jɛmbu duu maa ni ti wumd’ o yɛtɔɣa.
Currently Selected:
Luk 21: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Luk 21
21
Pakol’ liɣiri tɔhibu
(Maak 12.41-44)
1Yisa daa ti lihi nya bundaannim’ ni tɔhiri liɣiri shɛm Naawuni jɛmbu duu; 2ka nya ka pako’ faralan’ so daa tɔhi pihinu diba ayi. 3Ka Yisa yɛli, “Yɛlimaŋli ka n yɛri ya, pako’ faralan’ ŋɔ tɔhiya gari bɛ zaa, 4dama bɛn’ zaa piila bɛ bun’ ni na ti tɔhi, amaa pakoli ŋɔ ŋun’ zaŋla o duu ni o yiŋ’ zaa na ti tɔhi.”
Yisa yɛli Naawuni jɛmbu duu wurimbu yɛla
(Matiu 24.1-2; Maak 13.1-2)
5Ninvuɣ’ shɛb’ daa ti tɔɣisiri kuɣ’ viɛl’ shɛŋa mini bɛ ni daa zaŋ pin’ shɛŋa ti Naawuni ka bɛ zaŋ me Naawuni jɛmbu duu la yɛla. Ka Yisa yɛli ba, 6“Zaŋ chaŋ yi ni nya binshɛŋa ŋɔ polo, dahin’ shɛli kanna ka di zaa ni ti wurim hal ka di kuɣ’ yini gba ti ku lan pa di kpee zuɣu.”
Wahala mini nahiŋgu yɛla
(Matiu 24.3-14; Maak 13.3-13)
7Ka bɛ daa bɔhi Yisa, “Karimba, bɔ saha ka dimbɔŋɔnim’ zaa ti yɛn niŋ, ka shihir’ bɔ nti yɛn wuhi dimbɔŋɔnim’ niŋbu saha?”
8Ka o yɛli ba, “Miriya ka yi ti chɛ ka so birigi ya; dama niriba pam ni ti zaŋ n yuli kana ti yɛra, ‘Mani n-nyɛ Masia! Mani n-nyɛ Masia.’ ‘Saha maa paaya!’ Miriya ka yi ti doli ba! 9Ka yi yi ti wum ni bɛ tuhiri tɔbu ka taari duŋ, yin’ di chɛliya ka yi suhuri zɔhira; dama faashee dimbɔŋɔnim’ zaa bahi niŋ, amaa di ti bi yɛn wuhi ni dunia yiɣisibu saha dii paami maa.”
10Ka o daa lan yɛli ba, “Zuliya kam ni ti tuhiri taba, ka tiŋgbana zuɣulaannim’ ti yiɣisi tuhiri taba; 11ka tiŋgbani ti damdi bɔb’ shɛŋa polo, ka kum mini alɔbo ti luri pam; ka binyara din kpɛhiri niriba dabiɛm ti beni, ka shihir’ kara ti wuhiri zuɣusaa. 12Amaa bɛ ni ti gbahi ya niŋ ya alaka, ka tahi ya bɛ jɛmbu duri mini sarikanim’ ni, ka ti zaŋ ya tahi nazuɣuri mini gomnanim’ tooni n yuli zuɣu pɔi ka dimbɔŋɔnim’ zaa naanyi niŋ. 13Dina n-ni ti chɛ ka yi niŋ n shɛhiranima.” 14Ka o daa yɛli ba, “Chɛliya ka dimbɔŋɔ ba jila yi suhuri ni, ka yi ti ku zani ni yi tɛhi pɔi ka naanyi garigi; 15#Luk 12.11-12 dama n ni ti tin ya yɛm ni noli ka yi dimnim’ ti ku tooi tɔɣisi luhi ya bee n-tooi garigi yi bɔhigu. 16Yi zɔnim’ mini yi dɔɣiriba ni yi mabihi hal zaŋ tabili yi banim’ mini yi manim’ ni ti chɛ ka bɛ gbahi ya n-ku yi ni shɛb’ gba. 17Ka sokam zaa ni ti jɛn ya n yuli zuɣu, 18amaa hal yi zabigu zaɣ’ yini gba ti ku bɔrigi. 19Amaa yi suhukpeeni niŋbu puuni ka yi ni ti nya yi nyɛviya.”
Yisa wuhi Jɛrusalɛm ni ti yɛn wurim shɛm
(Matiu 24.15-21; Maak 13.14-19)
20Yisa daa lan yɛli ba, “Amaa yi yi ti nya ka tɔbbihi teei gili Jɛrusalɛm, yin’ baŋmiya ni di wurimbu saha miriya. 21Di saha bɛn ti be Judia, bɛn’ zom’ ti du zoya; ka bɛn ti be Jɛrusalɛm puuni, bɛn’ ti yim’ di ni, ka tiŋkpannim’ mi di ti ka di ni na. 22#Hoz 9.7 Dama biɛri bɔhibu saha mini binshɛɣukam zaa din daa sab’ zalila palibu saha nti yɛn bala. 23Di saha paɣipuhinim’ mini biliɛrinim’ yɛla ni ti mali nambɔɣu pam! Dama nandahima pam ni ti be tiŋgbɔŋ ŋɔ ni, ka Naawuni suhu ti yiɣisi bahi niriba ŋɔ zuɣu. 24Bɛ ni ti zaŋ takɔbiri ku ba; ka ti gbahi bɛn kpalim ti leei daba zuliya kam ni; ka bɛn pa Yɛhudianim’ ti deei Jɛrusalɛm n-yɔɣiri gindi hal ti paai Naawuni ni zali ni bɛ su li yuma shɛm tariga.”
Daadam Bia labbuna yɛla
(Matiu 24.29-31; Maak 13.24-27)
25 #
Aiz 13.10; Ɛzɛk 32.7; Joɛl 2.31; Kah 6.12-13 Yisa daa lan yɛli yaha, “Shihira ni ti be wuntaŋ’ mini goli ni saŋmarisi ni; ka wahala ni ti be dunia ni hal ka zuliya kam ti birim teeku kɔgbana vubu zuɣu; 26ka daadamnim’ ni ti tarigi binshɛŋa din ti yɛn niŋdi dunia ni maa dabiɛm zuɣu, dama yiko din gbib’ zuɣusaa ni ti dam. 27#Dan 7.13; Kah 1.7 Di saha maa ka bɛ ni ti nya Daadam Bia ka o be sagban’ ni kanna ni yiko mini jilima pam. 28Dimbɔŋɔnim’ zaa yi ti gbaai niŋbu, di saha yin’ kpuɣimiya yi zuɣuri lihi zuɣusaa, dama yi tiliginsim saha ti miritimi maa.”
Fiig tia kpahimbu
(Matiu 24.32-35; Maak 13.28-31)
29Ka Yisa daa ŋahi ŋahili ŋɔ yɛli, “Kpahimmiya fiig tia mini tia kam: 30Yi yi ti kul nya ka di wula puhiri va’ mama, di saha yi baŋya ni siɣili miriya. 31Lala n-nyɛ li, yi yi ti nyari ka shihira ŋɔ zaa niŋda, yin’ baŋmiya ni Naawuni nam saha miriya.
32 Yɛlimaŋli ka n yɛri ya, dimbɔŋɔnim’ zaa ni niŋ ka ʒiɛmani ŋɔ na bi vuui. 33Zuɣusaa mini dunia ŋɔ ni ti yiɣisi, amaa man’ yɛligu ku yiɣisi.”
Guhibu yɛla
34Yisa daa lan yɛli, “Amaa miriya ka yi ti chɛ ka yi kɔr’ biɛri mini danyubo ni dunia ŋɔ yɛliniŋda ti dihi ya sɔŋ, ka dindali maa ti dii libigi ya 35kaman tɔŋ la, dama di ni ti paai ŋunkam be dunia ŋɔ ni. 36Dinzuɣu lihimiya yimaŋ’ zuɣu sahakam, ka suhimiya Naawuni din ni chɛ ka yi nya kpiɔŋ nti tiligi din ti yɛn niŋ maa ni, ka ti zani Daadam Bia tooni.”
37 #
Luk 19.47
Yisa daa kul bela Naawuni jɛmbu duu wuhiri niriba biɛɣukam, amaa ka daa lee duri Olivi Tihi Zol’ zuɣu ti gbɛri yuŋ kam. 38Ka niriba daa yi daŋdi yibu chan’ o sani Naawuni jɛmbu duu maa ni ti wumd’ o yɛtɔɣa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011