Luk 22
22
Yisa kubu nia lɔbu
(Matiu 26.1-5; Maak 14.1-2; Jɔn 11.45-53)
1 #
Yibu 12.1-27
Chu’ shɛli din yuli booni Yaɣigari Chuɣu ka lan booni Bɔrɔbɔro din ka Dabindi Chuɣu la puhibu daa ti miri, 2ka maligumaaniba kpamba mini Naawuni zaligubaŋdiba daa bɔri so’ shɛli bɛ ni yɛn doli ku Yisa, dama bɛ daa zɔrila niriba.
Judas saɣiya ni o ni yi Yisa nyaaŋa
(Matiu 26.14-16; Maak 14.10-11)
3Di saha maa ka Sintani daa kpe Yisa nyaandoliba pinaayi maa ni yino ŋun yuli daa booni Judas Isikariɔt la suhu ni; 4ka o daa chaŋ maligumaaniba kpamba mini Naawuni jɛmbu duu tuumba kpamba sani ni o mini ba ti tɔɣisi gbaai o ni yɛn niŋ shɛm yi Yisa nyaaŋa chɛ ka bɛ gbaag’ o. 5Ka di daa niŋ ba nyaɣisim pam, ka bɛ lo o alikauli ni bɛ ni ti o liɣiri. 6Ka o daa saɣi, ka piligi bɔri so’ shɛli o ni yɛn doli yi Yisa nyaaŋa n-chɛ ka bɛ sɔɣi gbaag’ o salo ni ka o sani saha shɛli.
Yaɣigari Chuɣu puhibu
(Matiu 26.17-25; Maak 14.12-21; Jɔn 13.21-30)
7Ka Bɔrɔbɔro din ka Dabindi Chuɣu la piligu dali daa ti paai, bɛ ni daa yi kɔrigiri Yaɣigari Chuɣu piɛbihi dahin shɛl’ la, 8ka Yisa daa tim Pita mini Jɔn n-yɛli ba, “Chamiya ti mali Yaɣigari Chuɣu ŋɔ puhibu shili gul’ ti, ka ti kana ti di di bindirigu.”
9Ka bɛ bɔh’ o, “Ya polo ka a lee bɔri ni ti mal’ ʒiishee ti a maa?”
10Ka o yɛli ba, “Nyamiya, yi yi ti kpe fɔŋ maa ni n-chirigi do’ so sol’ ni ka o ʒiri koyuli, yin’ doliy’ o ti kpe o ni kuni yil’ shɛli, 11ka yi ti yɛli yili maa yidana ni yi karimba n-tim ya na ni yi ti bɔh’ o ni du’ din’ ni ka o min’ nyaandoliba yɛn ʒini m-puhi Yaɣigari Chuɣu ŋɔ ka di di bindirigu? 12O ni ti wuhi ya jirambisa du’ kar’ shɛli bɛ ni pun malimali binshɛɣukam zali, ka yi mali chuɣu maa shili nimaani gul’ ti.”
13Ka bɛ daa chaŋ fɔŋ maa ni nti shiri nya Yisa ni yɛli ba shɛm maa zaa, ka mali Yaɣigari Chuɣu maa bindirigu dibu shili.
Ti Duuma Bindirigu dibu gbinni
(Matiu 26.26-30; Maak 14.22-26)
14Ka saha daa ti paai ka Yisa min’ o tuumba maa laɣim ʒini ni bɛ di bindirigu maa. 15Ka o yɛli ba, “N suhu zaa kul yɛmi ni m mini ya laɣim di Yaɣigari Chuɣu ŋɔ bindirigu ka n naanyi di wahala. 16Amaa n yɛri ya mi, n ku lan di li naɣila di gbinni ti niŋ pali Naawuni nam ni.”
17Ka o daa zaŋ wain pipia niŋ alibarika n-niŋ di ni, ka zaŋ li ti ba ka yɛli, “Zaŋmiya li nyu ka ti taba, 18dama n yɛri ya mi ni zuŋɔ zaŋ chana, n ku lan nyu tiwala kom ŋɔ hal ka Naawuni nam ti kana.”
19Ka o daa lan kpuɣi bɔrɔbɔro n-niŋ alibarika niŋ di ni, ka ŋmahiŋmahi li n-zaŋ ti ba ka yɛli, “N niŋgbuŋ m-bala; n niŋgbun shɛli n ni zaŋ pa talima yi zuɣu. Niŋmiya dimbɔŋɔ n-teemi n yɛla.” 20#Jɛr 31.31-34 Bindirigu maa dibu nyaaŋa, ka o daa lan zaŋ wain pipia ka yɛli, “Dimbɔŋɔ nyɛla Naawuni daalikauli shɛli o ni lo n ʒim ni. Dina n-nyɛ n ʒi’ shɛli din ti yɛn yi n niŋgbuŋ ni yi zuɣu.
21 #
Yila 41.9
“Amaa nyamiya, m mini ŋun yɛn yi n nyaaŋa maa n-laɣim ʒi teebuli gbini diri ŋɔ. 22Daadam Bia ni chaŋ kaman di ni ʒe o shɛm, amaa mbusim be ŋun yɛn yi o nyaaŋa maa zuɣu!”
23Ka bɛ daa gbaai tab’ bɔhibu ni bɛ baŋ bɛ ni yino ŋun yɛn niŋ lala maa.
Yisa nyaandoliba naŋgbankpeeni ŋmɛbu
24 #
Mat 18.1; Maak 9.34; Luk 9.46 Yisa nyaandoliba daa ti ŋmɛri tab’ naŋgbankpeeni ni bɛ nya ŋun gar’ o kpee bɛ ni. 25#Mat 20.25-27; Maak 10.42-44 Ka Yisa daa yɛli ba, “Zuliya kam zuɣulaannim’ kuuni bɛ nam, ka wuhiri tarimba bɛ kpiɔŋ ni nyɛ shɛm; ka niriba booni ba tarimba sɔŋdiba. 26#Mat 23.11; Maak 9.35 Di bi simdi ni di nyɛ lala yinim’ sani; amaa chɛliya ka ŋun nyɛ yi zaa kpɛma lee zaŋ omaŋa zalila bia zaani, ka yi zaa zuɣulana zaŋ omaŋa leei ŋun tumdi bia tuma yi zaa ha sani.” 27#Jɔn 13.12-15 Ka bɔhi ba, “Ŋun ʒiya ka bɛ kpuɣiri bindirigu na ti tir’ o mini ŋun kpuɣiri li na maa ni ŋuni n-lee gar’ o kpee? Pa ŋun ʒiya ka bɛ kpuɣiri bindirigu na ti tir’ o maa n-gari ŋun kpuɣiri li maa na? Amaa man’ be yi sani mi kaman ŋun kpuɣiri bindirigu tiri ya.”
28Ka lan yɛli ba, “Yinima n-nyɛ bɛn be n sani n wahala dibu ni hal ni pɔŋɔ; 29dinzuɣu m Ba Naawuni ni zali ma nam shɛm, lala ka n gba zali ya nam 30#Mat 19.28 ni m mini ya ti laɣim ʒini n nam ʒiishee n-diri ka nyura, ka yi ti ʒini nam kuɣisi zuɣu n-kari Izraɛl zuliya pinaayi la saria.”
Yisa wuhi Pita ni yɛn chihi ni o bi mi o shɛm
(Matiu 26.31-35; Maak 14.27-31; Jɔn 13.36-38)
31Yisa daa yɛliya, “Saimɔn, Saimɔn, Sintani lo nia ni o kpɛhi ya nuu ni yɛli ya kaman bɛ ni yeeni chi shɛm la. 32Amaa m pun suhi Naawuni a zuɣu ni a yɛda di filim; ka a yi ti lan lab’ zani dɛde, nyin’ kpaŋsim’ a mabihi suhuri.”
33Ka Pita yɛl’ o, “N Duuma, hal bɛ yi yɛn kpɛh’ a la duu, m min’ a ni laɣim kpe duu maa; di mi yi nyɛla kum, m min’ a ni laɣim kpi.”
34Ka Yisa yɛl’ o, “Pita, yɛlimaŋli ka n yɛr’ a, zuŋɔ yuŋ ŋɔ a ni ti chihi siɣimsiɣim buta ni a bi mi ma ka nolɔɣu na bi kum.”
Liɣiri kolibihi mini adiikunima ni takɔbiri yɛla
35 #
Mat 10.9-10; Maak 6.8-9; Luk 9.3; 10.4 Ka Yisa daa bɔhi ba, “N ni daa tim ya ka yi bi ʒi liɣiri kolibihi bee adiikunima bee namdanim’ la, shɛli daa ti pooi ya?” Ka bɛ yɛl’ o, “Aai, shɛli daa bi pooi ti.”
36Ka o yɛli ba, “Amaa pumpɔŋɔ yi ni ŋun mal’ liɣiri kolibila, ŋun’ kpuɣim’ li; lala n-nyɛ ŋun mal’ adiiku gba. Ka ŋun mi ka takɔbi, ŋun zaŋm’ o binyɛrigu kɔhi da li. 37#Aiz 53.12 N yɛri ya mi ni di ni sab’ shɛm Naawuni Kundi ni n-yɛli ni bɛ kali ma pahila tuumbiɛrinim’ ni la ni bahi niŋ pali m bebu ni; dama di kpala talahi ni di ni sabi n yɛla shɛm maa niŋ pali.”
38Ka bɛ yɛl’ o, “Ti Duuma, nyama, n-nyɛ takɔbir’ ayi!”
Ka o yɛli ba, “Di ni saɣi.”
Yisa be Gɛtsɛmani suhiri Naawuni
(Matiu 26.36-46; Maak 14.32-42)
39Ka Yisa daa yi n-chaŋ Olivi Tihi Zol’ zuɣu kaman o ni daa yi pun niŋdi shɛm, ka o nyaandoliba gba dol’ o chaŋ. 40O ni daa ti paai nimaani ka o yɛli ba, “Suhimiya Naawuni ni yi di ti lu zahimbu puuni.”
41Ka o daa chɛ ba, ka tirisi tooni biɛla ha kaman nira ni ni tooi lab’ kuɣili paai shɛl’ tariga nti gbani tiŋa n-suhiri Naawuni yɛra, 42“M Ba, di yi ni nani, nyin’ chɛ ka pipia ŋɔ miligi n zuɣu, amaa chɛ ka a yubu n-niŋ, pa n dini.” [ 43Ka malaika daa yi alizanda ni na ti kpaŋsir’ o suhu. 44O ni daa be suhusaɣiŋgu ni pam zuɣu ka o daa suhuri Naawuni ni nimmoo hal ka o niŋgbuŋ ni woligu ti tɔɣiri luri tiŋa kaman ʒim la.]
45O ni daa ti yiɣisi o Naawuni suhibu maa shee o daa labila o nyaandoliba maa sani nti nya ka bɛ gbihirimi, suhugarigu ni daa mali ba zuɣu. 46Ka o bɔhi ba, “Bɔ n-niŋ ka yi do n-gbihira? Yiɣisimiya yirigimiya yimaŋ’ zuɣu, ka suhimiya Naawuni ni yi di ti lu zahimbu puuni!”
Yisa gbaabu yɛla
(Matiu 26.47-56; Maak 14.43-50; Jɔn 18.3-11)
47Yisa ni daa kul yɛri maa, o noli daa na bi lu tiŋa, ka o nyaandoliba pinaayi la ni yino ŋun yuli booni Judas la mini salo daa paana. Ka Judas daa chaŋ Yisa sani nti puh’ o ka mɔɣis’ o kpariŋ. 48Ka Yisa bɔh’ o, “Judas, puhigu mini kpariŋ mɔɣisibu ka a yɛn zaŋ yi Daadam Bia nyaaŋa?”
49Ka Yisa nyaandoliba maa daa baŋ din yɛn doli di nyaaŋa ka bɔh’ o, “Ti Duuma, ti cham’ ba takɔbiri?” 50Ka bɛ ni yino daa shiri chɛ n-shɛligi maligumaaniba zuɣulan’ dabili nudirigu tibili bahi.
51Ka Yisa yɛli, “Di lan pahi lala!” Ka daa zaŋ o nuu shihi doo maa tibili maa ka di lab’ tabili yaha.
52Di saha ka Yisa daa bɔhi maligumaaniba kpamba mini Naawuni jɛmbu duu tuumba kpamba ni tiŋ’ maa ni kpamba bɛn daa kana ni bɛ ti gbaag’ o maa, “Mani ka yi nyaɣi takɔbiri ka gbib’ kpahi kana ni yi ti gbaai kaman ŋmɛnditoli n-nyɛ ma maa? 53#Luk 19.47; 21.37 M mini ya n-yi be Naawuni jɛmbu duu dabisili kam ka yi bi gbaai ma. Amaa yi saha mini zibisim yiko saha m-paai.”
Pita chihibu yɛla
(Matiu 26.54-58, 69-75; Maak 14.53-54, 66-72; Jɔn 18.12-18, 25-27)
54Ka bɛ daa gbaai Yisa n-zaŋ o tahi maligumaaniba zuɣulan’ yiŋa; ka Pita daa puɣisiri doli nyaaŋa. 55Ka bɛ daa mali buɣim sɔŋ dundɔŋ sunsuuni ʒiya wuɣisira, ka Pita daa chaŋ ti ʒini pahi bɛ zuɣu. 56Ka yili maa ni bipuɣin’ so daa ti nya Pita ni ʒi buɣim maa neesim ni n-lihir’ o ka ti yɛli, “Doo ŋɔ gba yi be Yisa sani!”
57Ka Pita chihi yɛli, “Paɣa, man’ bi mi a ni yɛri so maa.”
58Ka di tooi biɛla ka so lan nya o n-yɛli, “A gba nyɛla bɛ ni yino!”
Ka Pita yɛli, “Zɔri, m pala bɛ ni yino.”
59Ka di daa tooi biɛla kaman awa yini laasabu yaha ka so lan yɛli, “Yɛlimaŋli, doo ŋɔ gba yi bela Yisa sani, dama o nyɛla Galili nira.”
60Amaa ka Pita yɛl’ o, “Zɔri, m bi baŋ a ni yɛli shɛm maa gbinni.”
Pita ni daa kul yɛri maa, o noli daa na bi lu tiŋa, ka nolɔɣu dii kum. 61Ka ti Duuma Yisa daa ŋmaligi lihi Pita. Ka Pita teei Yisa ni daa yɛl’ o ni o ni ti chihi siɣimsiɣim buta ni o bi mi ŋun’ Yisa ka nolɔɣu naanyi kum la yɛla, 62Ka daa yi nti kum pam.
Bɛ mali Yisa ansarisi ka bu o
(Matiu 26.67-68; Maak 14.65)
63Ka bɛn daa guli Yisa maa maan’ o ansarisi ka ŋmɛr’ o, 64ka pɔb’ o nina ka yɛl’ o, “A daanabitali puuni, wuhim’ ti bɛn ŋmɛr’ a ŋɔ!” 65Ka bɛ daa yɛl’ o zilima pam ka tur’ o.
Yisa zani jintɔriba tooni
(Matiu 26.59-66; Maak 14.55-64; Jɔn 18.19-24)
66Ka biɛɣu daa ti neei, ka maligumaaniba kpamba mini Naawuni zaligubaŋdiba bɛn nyɛ jintɔriba la daa laɣim n-zaŋ Yisa tahi bɛ jina tɔbu shee ti yɛl’ o, 67“Nyini n-yi shiri nyɛ Masia, nyin’ yɛlim’ ti.”
Ka Yisa yɛli ba, “N yi yɛli ya, yi ku niŋ yɛda; 68ka m mi yi bɔhi ya, yi ku garigi ma. 69Amaa zuŋɔ zaŋ chana, Daadam Bia ni ti ʒila Kpiɔŋlan’ Naa nudirigu polo.”
70Di saha ka bɛ zaa bɔh’ o, “Ka daɣila a shiri nyɛla Naawuni Bia?”
Ka o yɛli ba, “Yi ni yɛli shɛm maa n-nyɛ li.”
71Ka bɛ yɛli, “Bɔ ka ti lee lan bɔri shɛhiranim’ ni ti niŋ yaha? Timaŋmaŋ’ wum li o nol’ ni!”
Currently Selected:
Luk 22: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
Luk 22
22
Yisa kubu nia lɔbu
(Matiu 26.1-5; Maak 14.1-2; Jɔn 11.45-53)
1 #
Yibu 12.1-27
Chu’ shɛli din yuli booni Yaɣigari Chuɣu ka lan booni Bɔrɔbɔro din ka Dabindi Chuɣu la puhibu daa ti miri, 2ka maligumaaniba kpamba mini Naawuni zaligubaŋdiba daa bɔri so’ shɛli bɛ ni yɛn doli ku Yisa, dama bɛ daa zɔrila niriba.
Judas saɣiya ni o ni yi Yisa nyaaŋa
(Matiu 26.14-16; Maak 14.10-11)
3Di saha maa ka Sintani daa kpe Yisa nyaandoliba pinaayi maa ni yino ŋun yuli daa booni Judas Isikariɔt la suhu ni; 4ka o daa chaŋ maligumaaniba kpamba mini Naawuni jɛmbu duu tuumba kpamba sani ni o mini ba ti tɔɣisi gbaai o ni yɛn niŋ shɛm yi Yisa nyaaŋa chɛ ka bɛ gbaag’ o. 5Ka di daa niŋ ba nyaɣisim pam, ka bɛ lo o alikauli ni bɛ ni ti o liɣiri. 6Ka o daa saɣi, ka piligi bɔri so’ shɛli o ni yɛn doli yi Yisa nyaaŋa n-chɛ ka bɛ sɔɣi gbaag’ o salo ni ka o sani saha shɛli.
Yaɣigari Chuɣu puhibu
(Matiu 26.17-25; Maak 14.12-21; Jɔn 13.21-30)
7Ka Bɔrɔbɔro din ka Dabindi Chuɣu la piligu dali daa ti paai, bɛ ni daa yi kɔrigiri Yaɣigari Chuɣu piɛbihi dahin shɛl’ la, 8ka Yisa daa tim Pita mini Jɔn n-yɛli ba, “Chamiya ti mali Yaɣigari Chuɣu ŋɔ puhibu shili gul’ ti, ka ti kana ti di di bindirigu.”
9Ka bɛ bɔh’ o, “Ya polo ka a lee bɔri ni ti mal’ ʒiishee ti a maa?”
10Ka o yɛli ba, “Nyamiya, yi yi ti kpe fɔŋ maa ni n-chirigi do’ so sol’ ni ka o ʒiri koyuli, yin’ doliy’ o ti kpe o ni kuni yil’ shɛli, 11ka yi ti yɛli yili maa yidana ni yi karimba n-tim ya na ni yi ti bɔh’ o ni du’ din’ ni ka o min’ nyaandoliba yɛn ʒini m-puhi Yaɣigari Chuɣu ŋɔ ka di di bindirigu? 12O ni ti wuhi ya jirambisa du’ kar’ shɛli bɛ ni pun malimali binshɛɣukam zali, ka yi mali chuɣu maa shili nimaani gul’ ti.”
13Ka bɛ daa chaŋ fɔŋ maa ni nti shiri nya Yisa ni yɛli ba shɛm maa zaa, ka mali Yaɣigari Chuɣu maa bindirigu dibu shili.
Ti Duuma Bindirigu dibu gbinni
(Matiu 26.26-30; Maak 14.22-26)
14Ka saha daa ti paai ka Yisa min’ o tuumba maa laɣim ʒini ni bɛ di bindirigu maa. 15Ka o yɛli ba, “N suhu zaa kul yɛmi ni m mini ya laɣim di Yaɣigari Chuɣu ŋɔ bindirigu ka n naanyi di wahala. 16Amaa n yɛri ya mi, n ku lan di li naɣila di gbinni ti niŋ pali Naawuni nam ni.”
17Ka o daa zaŋ wain pipia niŋ alibarika n-niŋ di ni, ka zaŋ li ti ba ka yɛli, “Zaŋmiya li nyu ka ti taba, 18dama n yɛri ya mi ni zuŋɔ zaŋ chana, n ku lan nyu tiwala kom ŋɔ hal ka Naawuni nam ti kana.”
19Ka o daa lan kpuɣi bɔrɔbɔro n-niŋ alibarika niŋ di ni, ka ŋmahiŋmahi li n-zaŋ ti ba ka yɛli, “N niŋgbuŋ m-bala; n niŋgbun shɛli n ni zaŋ pa talima yi zuɣu. Niŋmiya dimbɔŋɔ n-teemi n yɛla.” 20#Jɛr 31.31-34 Bindirigu maa dibu nyaaŋa, ka o daa lan zaŋ wain pipia ka yɛli, “Dimbɔŋɔ nyɛla Naawuni daalikauli shɛli o ni lo n ʒim ni. Dina n-nyɛ n ʒi’ shɛli din ti yɛn yi n niŋgbuŋ ni yi zuɣu.
21 #
Yila 41.9
“Amaa nyamiya, m mini ŋun yɛn yi n nyaaŋa maa n-laɣim ʒi teebuli gbini diri ŋɔ. 22Daadam Bia ni chaŋ kaman di ni ʒe o shɛm, amaa mbusim be ŋun yɛn yi o nyaaŋa maa zuɣu!”
23Ka bɛ daa gbaai tab’ bɔhibu ni bɛ baŋ bɛ ni yino ŋun yɛn niŋ lala maa.
Yisa nyaandoliba naŋgbankpeeni ŋmɛbu
24 #
Mat 18.1; Maak 9.34; Luk 9.46 Yisa nyaandoliba daa ti ŋmɛri tab’ naŋgbankpeeni ni bɛ nya ŋun gar’ o kpee bɛ ni. 25#Mat 20.25-27; Maak 10.42-44 Ka Yisa daa yɛli ba, “Zuliya kam zuɣulaannim’ kuuni bɛ nam, ka wuhiri tarimba bɛ kpiɔŋ ni nyɛ shɛm; ka niriba booni ba tarimba sɔŋdiba. 26#Mat 23.11; Maak 9.35 Di bi simdi ni di nyɛ lala yinim’ sani; amaa chɛliya ka ŋun nyɛ yi zaa kpɛma lee zaŋ omaŋa zalila bia zaani, ka yi zaa zuɣulana zaŋ omaŋa leei ŋun tumdi bia tuma yi zaa ha sani.” 27#Jɔn 13.12-15 Ka bɔhi ba, “Ŋun ʒiya ka bɛ kpuɣiri bindirigu na ti tir’ o mini ŋun kpuɣiri li na maa ni ŋuni n-lee gar’ o kpee? Pa ŋun ʒiya ka bɛ kpuɣiri bindirigu na ti tir’ o maa n-gari ŋun kpuɣiri li maa na? Amaa man’ be yi sani mi kaman ŋun kpuɣiri bindirigu tiri ya.”
28Ka lan yɛli ba, “Yinima n-nyɛ bɛn be n sani n wahala dibu ni hal ni pɔŋɔ; 29dinzuɣu m Ba Naawuni ni zali ma nam shɛm, lala ka n gba zali ya nam 30#Mat 19.28 ni m mini ya ti laɣim ʒini n nam ʒiishee n-diri ka nyura, ka yi ti ʒini nam kuɣisi zuɣu n-kari Izraɛl zuliya pinaayi la saria.”
Yisa wuhi Pita ni yɛn chihi ni o bi mi o shɛm
(Matiu 26.31-35; Maak 14.27-31; Jɔn 13.36-38)
31Yisa daa yɛliya, “Saimɔn, Saimɔn, Sintani lo nia ni o kpɛhi ya nuu ni yɛli ya kaman bɛ ni yeeni chi shɛm la. 32Amaa m pun suhi Naawuni a zuɣu ni a yɛda di filim; ka a yi ti lan lab’ zani dɛde, nyin’ kpaŋsim’ a mabihi suhuri.”
33Ka Pita yɛl’ o, “N Duuma, hal bɛ yi yɛn kpɛh’ a la duu, m min’ a ni laɣim kpe duu maa; di mi yi nyɛla kum, m min’ a ni laɣim kpi.”
34Ka Yisa yɛl’ o, “Pita, yɛlimaŋli ka n yɛr’ a, zuŋɔ yuŋ ŋɔ a ni ti chihi siɣimsiɣim buta ni a bi mi ma ka nolɔɣu na bi kum.”
Liɣiri kolibihi mini adiikunima ni takɔbiri yɛla
35 #
Mat 10.9-10; Maak 6.8-9; Luk 9.3; 10.4 Ka Yisa daa bɔhi ba, “N ni daa tim ya ka yi bi ʒi liɣiri kolibihi bee adiikunima bee namdanim’ la, shɛli daa ti pooi ya?” Ka bɛ yɛl’ o, “Aai, shɛli daa bi pooi ti.”
36Ka o yɛli ba, “Amaa pumpɔŋɔ yi ni ŋun mal’ liɣiri kolibila, ŋun’ kpuɣim’ li; lala n-nyɛ ŋun mal’ adiiku gba. Ka ŋun mi ka takɔbi, ŋun zaŋm’ o binyɛrigu kɔhi da li. 37#Aiz 53.12 N yɛri ya mi ni di ni sab’ shɛm Naawuni Kundi ni n-yɛli ni bɛ kali ma pahila tuumbiɛrinim’ ni la ni bahi niŋ pali m bebu ni; dama di kpala talahi ni di ni sabi n yɛla shɛm maa niŋ pali.”
38Ka bɛ yɛl’ o, “Ti Duuma, nyama, n-nyɛ takɔbir’ ayi!”
Ka o yɛli ba, “Di ni saɣi.”
Yisa be Gɛtsɛmani suhiri Naawuni
(Matiu 26.36-46; Maak 14.32-42)
39Ka Yisa daa yi n-chaŋ Olivi Tihi Zol’ zuɣu kaman o ni daa yi pun niŋdi shɛm, ka o nyaandoliba gba dol’ o chaŋ. 40O ni daa ti paai nimaani ka o yɛli ba, “Suhimiya Naawuni ni yi di ti lu zahimbu puuni.”
41Ka o daa chɛ ba, ka tirisi tooni biɛla ha kaman nira ni ni tooi lab’ kuɣili paai shɛl’ tariga nti gbani tiŋa n-suhiri Naawuni yɛra, 42“M Ba, di yi ni nani, nyin’ chɛ ka pipia ŋɔ miligi n zuɣu, amaa chɛ ka a yubu n-niŋ, pa n dini.” [ 43Ka malaika daa yi alizanda ni na ti kpaŋsir’ o suhu. 44O ni daa be suhusaɣiŋgu ni pam zuɣu ka o daa suhuri Naawuni ni nimmoo hal ka o niŋgbuŋ ni woligu ti tɔɣiri luri tiŋa kaman ʒim la.]
45O ni daa ti yiɣisi o Naawuni suhibu maa shee o daa labila o nyaandoliba maa sani nti nya ka bɛ gbihirimi, suhugarigu ni daa mali ba zuɣu. 46Ka o bɔhi ba, “Bɔ n-niŋ ka yi do n-gbihira? Yiɣisimiya yirigimiya yimaŋ’ zuɣu, ka suhimiya Naawuni ni yi di ti lu zahimbu puuni!”
Yisa gbaabu yɛla
(Matiu 26.47-56; Maak 14.43-50; Jɔn 18.3-11)
47Yisa ni daa kul yɛri maa, o noli daa na bi lu tiŋa, ka o nyaandoliba pinaayi la ni yino ŋun yuli booni Judas la mini salo daa paana. Ka Judas daa chaŋ Yisa sani nti puh’ o ka mɔɣis’ o kpariŋ. 48Ka Yisa bɔh’ o, “Judas, puhigu mini kpariŋ mɔɣisibu ka a yɛn zaŋ yi Daadam Bia nyaaŋa?”
49Ka Yisa nyaandoliba maa daa baŋ din yɛn doli di nyaaŋa ka bɔh’ o, “Ti Duuma, ti cham’ ba takɔbiri?” 50Ka bɛ ni yino daa shiri chɛ n-shɛligi maligumaaniba zuɣulan’ dabili nudirigu tibili bahi.
51Ka Yisa yɛli, “Di lan pahi lala!” Ka daa zaŋ o nuu shihi doo maa tibili maa ka di lab’ tabili yaha.
52Di saha ka Yisa daa bɔhi maligumaaniba kpamba mini Naawuni jɛmbu duu tuumba kpamba ni tiŋ’ maa ni kpamba bɛn daa kana ni bɛ ti gbaag’ o maa, “Mani ka yi nyaɣi takɔbiri ka gbib’ kpahi kana ni yi ti gbaai kaman ŋmɛnditoli n-nyɛ ma maa? 53#Luk 19.47; 21.37 M mini ya n-yi be Naawuni jɛmbu duu dabisili kam ka yi bi gbaai ma. Amaa yi saha mini zibisim yiko saha m-paai.”
Pita chihibu yɛla
(Matiu 26.54-58, 69-75; Maak 14.53-54, 66-72; Jɔn 18.12-18, 25-27)
54Ka bɛ daa gbaai Yisa n-zaŋ o tahi maligumaaniba zuɣulan’ yiŋa; ka Pita daa puɣisiri doli nyaaŋa. 55Ka bɛ daa mali buɣim sɔŋ dundɔŋ sunsuuni ʒiya wuɣisira, ka Pita daa chaŋ ti ʒini pahi bɛ zuɣu. 56Ka yili maa ni bipuɣin’ so daa ti nya Pita ni ʒi buɣim maa neesim ni n-lihir’ o ka ti yɛli, “Doo ŋɔ gba yi be Yisa sani!”
57Ka Pita chihi yɛli, “Paɣa, man’ bi mi a ni yɛri so maa.”
58Ka di tooi biɛla ka so lan nya o n-yɛli, “A gba nyɛla bɛ ni yino!”
Ka Pita yɛli, “Zɔri, m pala bɛ ni yino.”
59Ka di daa tooi biɛla kaman awa yini laasabu yaha ka so lan yɛli, “Yɛlimaŋli, doo ŋɔ gba yi bela Yisa sani, dama o nyɛla Galili nira.”
60Amaa ka Pita yɛl’ o, “Zɔri, m bi baŋ a ni yɛli shɛm maa gbinni.”
Pita ni daa kul yɛri maa, o noli daa na bi lu tiŋa, ka nolɔɣu dii kum. 61Ka ti Duuma Yisa daa ŋmaligi lihi Pita. Ka Pita teei Yisa ni daa yɛl’ o ni o ni ti chihi siɣimsiɣim buta ni o bi mi ŋun’ Yisa ka nolɔɣu naanyi kum la yɛla, 62Ka daa yi nti kum pam.
Bɛ mali Yisa ansarisi ka bu o
(Matiu 26.67-68; Maak 14.65)
63Ka bɛn daa guli Yisa maa maan’ o ansarisi ka ŋmɛr’ o, 64ka pɔb’ o nina ka yɛl’ o, “A daanabitali puuni, wuhim’ ti bɛn ŋmɛr’ a ŋɔ!” 65Ka bɛ daa yɛl’ o zilima pam ka tur’ o.
Yisa zani jintɔriba tooni
(Matiu 26.59-66; Maak 14.55-64; Jɔn 18.19-24)
66Ka biɛɣu daa ti neei, ka maligumaaniba kpamba mini Naawuni zaligubaŋdiba bɛn nyɛ jintɔriba la daa laɣim n-zaŋ Yisa tahi bɛ jina tɔbu shee ti yɛl’ o, 67“Nyini n-yi shiri nyɛ Masia, nyin’ yɛlim’ ti.”
Ka Yisa yɛli ba, “N yi yɛli ya, yi ku niŋ yɛda; 68ka m mi yi bɔhi ya, yi ku garigi ma. 69Amaa zuŋɔ zaŋ chana, Daadam Bia ni ti ʒila Kpiɔŋlan’ Naa nudirigu polo.”
70Di saha ka bɛ zaa bɔh’ o, “Ka daɣila a shiri nyɛla Naawuni Bia?”
Ka o yɛli ba, “Yi ni yɛli shɛm maa n-nyɛ li.”
71Ka bɛ yɛli, “Bɔ ka ti lee lan bɔri shɛhiranim’ ni ti niŋ yaha? Timaŋmaŋ’ wum li o nol’ ni!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011