Yibu 19
19
Izraɛlnim’ be Sinai Zoli gbini
1Izraɛlnim’ ni daa yi Ijipti tiŋgbɔŋ ni maa nyaaŋa gol’ so ŋun pahir’ ata dahin yini dali ka bɛ daa paai Sinai tiŋgban’ nɛli ni. 2Izraɛlnim’ ni daa yiɣisi Rɛfidim chaŋ ti paai Sinai tiŋgban’ nɛli maa ni. Bɛ daa ti bɛ suɣa dɔnila tiŋgban’ nɛli maa ni. Bɛ daa ti bɛ suɣa maa la Sinai Zoli gbini. 3Ka Musa daa du zoli maa zuɣu Naawuni sani.
Ka Yawɛ ti bol’ o zoli maa zuɣu yɛl’ o, “A ni ti yɛn yɛli Yaakubu zuliya bɛn nyɛ Izraɛlnim’ maa shɛm m-bɔŋɔ: 4‘Yi daa nya n ni daa niŋ Ijiptinim’ shɛm la mini n ni daa zaŋ ya tam tɔra kpiŋkpama zuɣu n-zaŋ ya tahi mmaŋmaŋ’ sanna la. 5#Zal 4.20; 7.6; 26.18; Tait 2.14 Dinzuɣu yi yi ni deei n noli ka gbibi n daalikauli, n ni zaŋ ya leei n dahalali niriba zuliya kam sunsuuni, dama mani n-su dunia zaa. 6#1 Pita 2.9; Kah 1.6; 5.10 Ka n ti chɛ ka yi leei maligumaaniba ni zuliya kasi.’ A ni yɛn yɛli Izraɛlnim’ maa yɛtɔɣ’ shɛŋa m-bala.” 7Ka Musa daa siɣina, ka boli Izraɛl kpamba na nti yɛli ba Yawɛ ni yɛl’ o ni o yɛli ba yɛtɔɣ’ shɛŋa maa zaa. 8Ka niriba maa zaa daa laɣim garigi yɛli, “Ti ni niŋ Yawɛ ni yɛli ni ti niŋ shɛlikam zaa.” Ka Musa daa zaŋ niriba maa ni yɛli shɛm maa yɛli Yawɛ.
9Ka Yawɛ daa yɛli Musa, “N ni ka a sanna sagban’ tibisili puuni, dina n-ni chɛ ka niriba maa wum n ni tɔɣisir’ a yɛtɔɣa shɛm, ka lan chɛ ka bɛ niŋ a yɛda sahakam.”
Musa ni daa zaŋ niriba maa ni yɛli shɛm zaa yɛli Yawɛ, 10ka Yawɛ daa yɛli Musa, “Cham’ ti yɛli niriba maa ka bɛ mali bɛmaŋa m-be kasi zuŋɔ ni biɛɣuni, ka chɛ ka bɛ paɣi bɛ situra zaa. 11Zaŋ chaŋ dali ka bɛ mali shili, dama dali man’ Yawɛ ni yi Sinai Zoli maa zuɣu siɣina niriba maa zaa ninni. 12#Hib 12.18-20 Di simdi ka a daa beei chɛriga gili zoli maa, ka di chɛ ka so baai yaɣ’ li, ka yɛli ba ni so di miri zoli maa gbini bee so ti du li. Ka ŋunkam ti shihi zoli maa, bɛn’ kum’ o. 13So di ti zaŋ o nuu shih’ o, amaa bɛ ti labim’ o kuɣa ku o bee n-to o piɛma ku o. Biŋkɔbigu bee ninsala yi ti shihi li, bɛn’ kum’ o. Ka kikaa yi ti kum pam, di saha bɛn’ dum’ zoli maa zuɣu na.”
14Di saha ka Musa daa siɣi zoli maa zuɣu na nti chɛ ka niriba maa paɣi bɛ situra, ka o mali ba ka bɛ be kasi. 15Ka o daa yɛli ba, “Malimiya shili zaŋ chaŋ dali, so di chɛ ka o mini paɣa dɔni.”
16 #
Zal 4.11-12; Kah 4.5 Daba ata maa dali asiba, ka saa daa gbaai tahibu, ka nyaɣisira, ka sagban’ tibisili daa be zoli maa zuɣu, ka kika’ titali din yo vuri pam kum, ka niriba bɛn daa be sansani maa ni zaa niŋgbuna sɔhira. 17Di saha ka Musa daa zaŋ niriba maa zaa yi sansani maa ni na ni bɛ ti zani Naawuni tooni, ka bɛ daa kana ti zani zoli maa gbini. 18Ka nyɔhi daa mɔni Sinai Zoli maa zuɣu zaa, dama Yawɛ n-daa siɣi di zuɣu na ni buɣim, ka di nyɔhi maa daa kpuɣi du kaman tampuli zuɣu nyɔhi la, ka zoli maa zaa daa dam pam. 19Ka kikaa maa kumsi vuri daa maan pahi, ka Musa daa tɔɣisi yɛtɔɣa, ka Naawuni garig’ o satahiŋga puuni. 20Ka Yawɛ daa siɣina Sinai Zoli maa kpaakpaanyom ni nti boli Musa du zoli maa kpaakpaanyom maa ni, ka Musa daa du zoli maa zuɣu. 21Ka Yawɛ daa ti yɛli Musa, “Siɣimi ti saɣisi niriba maa, di yi pa lala bɛ ni kab’ kana ni bɛ ti nya man’ Yawɛ, ka bɛ pam ni kpi. 22Chɛ ka maligumaaniba bɛn miri ma na ŋɔ gba mali bɛmaŋa m-be kasi, di yi pa lala, man’ Yawɛ suhu ni yiɣisi bahi bɛ zuɣu.”
23Ka Musa daa yɛli Yawɛ, “Niriba maa ku tooi du Sinai Zoli ŋɔ na, dama nyin’ maŋmaŋ’ daa yɛli ti ni m beemi chɛriga gil’ li, ka mal’ li ka di be kasi.”
24Ka Yawɛ daa yɛl’ o, “Siɣimi ti zaŋ Aduna pah’ amaŋ’ zuɣu duna, amaa di chɛ ka maligumaaniba mini niriba maa kab’ ka man’ Yawɛ sanna, ka n suhu ti yiɣisi bahi bɛ zuɣu.” 25Di saha ka Musa daa siɣi niriba maa sani nti zaŋ li yɛli ba.
Currently Selected:
Yibu 19: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Yibu 19
19
Izraɛlnim’ be Sinai Zoli gbini
1Izraɛlnim’ ni daa yi Ijipti tiŋgbɔŋ ni maa nyaaŋa gol’ so ŋun pahir’ ata dahin yini dali ka bɛ daa paai Sinai tiŋgban’ nɛli ni. 2Izraɛlnim’ ni daa yiɣisi Rɛfidim chaŋ ti paai Sinai tiŋgban’ nɛli maa ni. Bɛ daa ti bɛ suɣa dɔnila tiŋgban’ nɛli maa ni. Bɛ daa ti bɛ suɣa maa la Sinai Zoli gbini. 3Ka Musa daa du zoli maa zuɣu Naawuni sani.
Ka Yawɛ ti bol’ o zoli maa zuɣu yɛl’ o, “A ni ti yɛn yɛli Yaakubu zuliya bɛn nyɛ Izraɛlnim’ maa shɛm m-bɔŋɔ: 4‘Yi daa nya n ni daa niŋ Ijiptinim’ shɛm la mini n ni daa zaŋ ya tam tɔra kpiŋkpama zuɣu n-zaŋ ya tahi mmaŋmaŋ’ sanna la. 5#Zal 4.20; 7.6; 26.18; Tait 2.14 Dinzuɣu yi yi ni deei n noli ka gbibi n daalikauli, n ni zaŋ ya leei n dahalali niriba zuliya kam sunsuuni, dama mani n-su dunia zaa. 6#1 Pita 2.9; Kah 1.6; 5.10 Ka n ti chɛ ka yi leei maligumaaniba ni zuliya kasi.’ A ni yɛn yɛli Izraɛlnim’ maa yɛtɔɣ’ shɛŋa m-bala.” 7Ka Musa daa siɣina, ka boli Izraɛl kpamba na nti yɛli ba Yawɛ ni yɛl’ o ni o yɛli ba yɛtɔɣ’ shɛŋa maa zaa. 8Ka niriba maa zaa daa laɣim garigi yɛli, “Ti ni niŋ Yawɛ ni yɛli ni ti niŋ shɛlikam zaa.” Ka Musa daa zaŋ niriba maa ni yɛli shɛm maa yɛli Yawɛ.
9Ka Yawɛ daa yɛli Musa, “N ni ka a sanna sagban’ tibisili puuni, dina n-ni chɛ ka niriba maa wum n ni tɔɣisir’ a yɛtɔɣa shɛm, ka lan chɛ ka bɛ niŋ a yɛda sahakam.”
Musa ni daa zaŋ niriba maa ni yɛli shɛm zaa yɛli Yawɛ, 10ka Yawɛ daa yɛli Musa, “Cham’ ti yɛli niriba maa ka bɛ mali bɛmaŋa m-be kasi zuŋɔ ni biɛɣuni, ka chɛ ka bɛ paɣi bɛ situra zaa. 11Zaŋ chaŋ dali ka bɛ mali shili, dama dali man’ Yawɛ ni yi Sinai Zoli maa zuɣu siɣina niriba maa zaa ninni. 12#Hib 12.18-20 Di simdi ka a daa beei chɛriga gili zoli maa, ka di chɛ ka so baai yaɣ’ li, ka yɛli ba ni so di miri zoli maa gbini bee so ti du li. Ka ŋunkam ti shihi zoli maa, bɛn’ kum’ o. 13So di ti zaŋ o nuu shih’ o, amaa bɛ ti labim’ o kuɣa ku o bee n-to o piɛma ku o. Biŋkɔbigu bee ninsala yi ti shihi li, bɛn’ kum’ o. Ka kikaa yi ti kum pam, di saha bɛn’ dum’ zoli maa zuɣu na.”
14Di saha ka Musa daa siɣi zoli maa zuɣu na nti chɛ ka niriba maa paɣi bɛ situra, ka o mali ba ka bɛ be kasi. 15Ka o daa yɛli ba, “Malimiya shili zaŋ chaŋ dali, so di chɛ ka o mini paɣa dɔni.”
16 #
Zal 4.11-12; Kah 4.5 Daba ata maa dali asiba, ka saa daa gbaai tahibu, ka nyaɣisira, ka sagban’ tibisili daa be zoli maa zuɣu, ka kika’ titali din yo vuri pam kum, ka niriba bɛn daa be sansani maa ni zaa niŋgbuna sɔhira. 17Di saha ka Musa daa zaŋ niriba maa zaa yi sansani maa ni na ni bɛ ti zani Naawuni tooni, ka bɛ daa kana ti zani zoli maa gbini. 18Ka nyɔhi daa mɔni Sinai Zoli maa zuɣu zaa, dama Yawɛ n-daa siɣi di zuɣu na ni buɣim, ka di nyɔhi maa daa kpuɣi du kaman tampuli zuɣu nyɔhi la, ka zoli maa zaa daa dam pam. 19Ka kikaa maa kumsi vuri daa maan pahi, ka Musa daa tɔɣisi yɛtɔɣa, ka Naawuni garig’ o satahiŋga puuni. 20Ka Yawɛ daa siɣina Sinai Zoli maa kpaakpaanyom ni nti boli Musa du zoli maa kpaakpaanyom maa ni, ka Musa daa du zoli maa zuɣu. 21Ka Yawɛ daa ti yɛli Musa, “Siɣimi ti saɣisi niriba maa, di yi pa lala bɛ ni kab’ kana ni bɛ ti nya man’ Yawɛ, ka bɛ pam ni kpi. 22Chɛ ka maligumaaniba bɛn miri ma na ŋɔ gba mali bɛmaŋa m-be kasi, di yi pa lala, man’ Yawɛ suhu ni yiɣisi bahi bɛ zuɣu.”
23Ka Musa daa yɛli Yawɛ, “Niriba maa ku tooi du Sinai Zoli ŋɔ na, dama nyin’ maŋmaŋ’ daa yɛli ti ni m beemi chɛriga gil’ li, ka mal’ li ka di be kasi.”
24Ka Yawɛ daa yɛl’ o, “Siɣimi ti zaŋ Aduna pah’ amaŋ’ zuɣu duna, amaa di chɛ ka maligumaaniba mini niriba maa kab’ ka man’ Yawɛ sanna, ka n suhu ti yiɣisi bahi bɛ zuɣu.” 25Di saha ka Musa daa siɣi niriba maa sani nti zaŋ li yɛli ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.