Yibu 20
20
Naawuni zaligu pia yɛla
(Zaligu Teebu 5.1-21)
1Ka Naawuni daa tɔɣisi yɛtɔɣa ŋɔ zaa yɛli, 2“Man’ Yawɛ ŋun nyɛ yi Naawuni ŋɔ n-daa yihi ya Ijipti tiŋgbɔŋ ni na, ka yihi ya dabitim bandi ni.
3“Miriya ka yi jɛm wun’ shɛŋa pahi n zuɣu.
4 #
Yibu 34.17; Lɛv 19.4; 26.1; Zal 4.15-18; 27.15 “Miriya ka yi mali binnani zali bee m-mali binshɛli ŋ-ŋmahindi binshɛli din be zuɣusaa bee tiŋgbani puuni bee binshɛli din be kom puuni. 5#Yibu 34.6-7; Kal 14.18; Zal 7.9-10 Miriya ka yi damdi binyɛra maa tooni bee n-jɛm binyɛra maa, dama man’ Yawɛ ŋun nyɛ yi Naawuni ŋɔ nyɛla ŋun zabiri nyuli, ka darigiri bihi tibili bɛ banim’ mini bɛ manim’ bɛn je ma taali zuɣu hal zaŋ tabili bɛ yaantibichɛhi gba. 6Amaa n wuhiri n yurilim ni galisi shɛm niriba tusatusa bɛn yuri ma ka doli n zaligunim’ sani.
7 #
Lɛv 19.2
“Miriya ka yi booni man’ Yawɛ ŋun nyɛ yi Naawuni ŋɔ yuli yoliyoli, dama ŋunkam booni man’ Yawɛ yuli yoliyoli mali taali man’ Yawɛ sani.
8 #
Yibu 16.23-30; 31.12-14 Teemiya Vuhim Dabisili yɛla, ka chɛ ka di nyɛ dabisili kasi. 9#Yibu 23.12; 31.15; 34.21; 35.2; Lɛv 23.3 Zaŋmiya daba ayɔbu n-tum yi tuma, 10amaa dabisi’ shɛli din pahir’ ayopɔin nyɛla Yawɛ ŋun nyɛ yi Naawuni ŋɔ Vuhim Dabisili. Dindali maa di bi simdi ka yi tum tuma, yi bidibisi mini yi bipuɣinsi ni yi tumtumdi’ dɔbba ni paɣiba zaa zaŋ tabili yi biŋkɔbiri hal saan’ so ŋun be yi yiŋ’ gba di tum tuma dindali maa. 11#Pil 2.1-3; Yibu 31.17 Dama daba ayɔbu ka man’ Yawɛ daa zaŋ nam zuɣusaa mini dunia ni teeku ni binshɛɣukam zaa din be di ni, ka daa vuhi daba ayopɔin dali. Lala zuɣu man’ Yawɛ niŋla alibarika niŋ di ni, ka zaŋ li leei dabisili kasi.
12 #
Zal 27.16; Mat 15.4; 19.19; Maak 7.10; 10.19; Luk 18.20; Ɛfɛs 6.2-3 Timiya yi banim’ mini yi manim’ jilima din ni chɛ ka yi mali nyɛvili wɔɣinli m-be Yawɛ ŋun nyɛ yi Naawuni ŋɔ ni zaŋ tiŋgbɔn shɛli tin ya ŋɔ ni.
13 #
Pil 9.6; Lɛv 24.17; Mat 5.21; 19.18; Maak 10.19; Luk 18.20; Rom 13.9; Jeem 2.11 “Miriya ka yi ku ninsala.
14 #
Lɛv 20.10; Mat 5.27; 19.18; Maak 10.19; Luk 18.20; Rom 13.9; Jeem 2.11 “Miriya ka yi niŋ zina.
15 #
Lɛv 19.11; Mat 19.18; Maak 10.19; Luk 18.20; Rom 13.9 “Miriya ka yi zu.
16 #
Yibu 23.1; Mat 19.18; Maak 10.19; Luk 18.20 “Miriya ka yi di ʒiri shɛhira n-jɛndi yi kpee.
17 #
Rom 7.7; 13.9 “Miriya ka yi chɛ ka yi kɔre kpe yi kpee yili ni. Miriya ka yi mi chɛ ka yi kɔre kpe yi kpee paɣa ni bee o tumtumdi’ dɔbba bee o tumtumdi’ paɣiba ni bee o naɣilalantabili ni bee o buŋ’ ni bee n-chɛ ka yi kɔre kpe yi kpee binshɛli ni.”
Dabiɛm gbahi niriba maa
(Zaligu Teebu 5.22-33)
18 #
Hib 12.18-19
Niriba maa ni daa wum saa tahibu mini kikaa maa kumsi, ka nya saa nyaɣisibu mini nyɔhi ni mɔni zoli maa zuɣu shɛm maa, ka dabiɛm gbahi ba ka bɛ niŋgbuna sɔhira, ka bɛ daa kaɣi ʒe kpaŋ’ ha 19ka yɛli Musa, “Amaŋmaŋ’ tɔɣisim ti yɛtɔɣa ka ti wumda, amaa di lan chɛ ka Naawuni tɔɣisi ti yɛtɔɣa, di yi nyɛ lala ti ni kpi.”
20Ka Musa daa yɛli niriba maa, “Di zɔriya dabiɛm, dama Naawuni kamina ni o ti zahim ya, dina n-nyɛ ni o chɛ ka dabiɛm be yi suhuri ni ka yi ku tum alahichi.” 21Ka niriba maa daa na kul kaɣ’ ʒe kpaŋ’ maa, ka Musa daa chaŋ miri Naawuni ni daa be sagban’ sabili shɛli ni maa.
Sara maligu bimbina zaligunima
22Ka Yawɛ daa yɛli Musa, “A ni yɛn yɛli Izraɛlnim’ maa shɛm m-bɔŋɔ, ‘Yi nya n ni tɔɣisi ya yɛtɔɣa alizanda ni na shɛm. 23Di bi simdi ka yi ti zaŋ anzinfa mali wuni pahi n zuɣu bee n-zaŋ salima mali wuni zali yi sani. 24Zaŋmiya taŋkpaɣu me sara maligu bimbini ti ma, ka maani yi ni yɛn zaŋ sara shɛli nyo buɣim mini yi suhudoo sara di zuɣu, dina n-nyɛ yi biŋkɔbbaligu mini yi niɣi; ka n ni chɛ ka n yuli yɛla teebu be luɣ’ shɛlikam zaa, n ni ka nimaani na ti niŋ alibarika niŋ yi ni. 25#Zal 27.5-7; Jɔsh 8.31 Ka yi yi yɛn zaŋ kuɣa me sara maligu bimbini ti ma, yin’ di zaŋya kuɣ’ kpɛra me li, dama yi yi zaŋ chiriga shihi kuɣ’ shɛli, di ni leei kuɣ’ shɛli din mali daɣiri. 26Miriya ka yi me napɔna dubu shee n-zali n sara maligu bimbini gbini n-dur’ li din ni chɛ ka so nya yi zaɣim.’ ”
Currently Selected:
Yibu 20: DBwDB
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.
Yibu 20
20
Naawuni zaligu pia yɛla
(Zaligu Teebu 5.1-21)
1Ka Naawuni daa tɔɣisi yɛtɔɣa ŋɔ zaa yɛli, 2“Man’ Yawɛ ŋun nyɛ yi Naawuni ŋɔ n-daa yihi ya Ijipti tiŋgbɔŋ ni na, ka yihi ya dabitim bandi ni.
3“Miriya ka yi jɛm wun’ shɛŋa pahi n zuɣu.
4 #
Yibu 34.17; Lɛv 19.4; 26.1; Zal 4.15-18; 27.15 “Miriya ka yi mali binnani zali bee m-mali binshɛli ŋ-ŋmahindi binshɛli din be zuɣusaa bee tiŋgbani puuni bee binshɛli din be kom puuni. 5#Yibu 34.6-7; Kal 14.18; Zal 7.9-10 Miriya ka yi damdi binyɛra maa tooni bee n-jɛm binyɛra maa, dama man’ Yawɛ ŋun nyɛ yi Naawuni ŋɔ nyɛla ŋun zabiri nyuli, ka darigiri bihi tibili bɛ banim’ mini bɛ manim’ bɛn je ma taali zuɣu hal zaŋ tabili bɛ yaantibichɛhi gba. 6Amaa n wuhiri n yurilim ni galisi shɛm niriba tusatusa bɛn yuri ma ka doli n zaligunim’ sani.
7 #
Lɛv 19.2
“Miriya ka yi booni man’ Yawɛ ŋun nyɛ yi Naawuni ŋɔ yuli yoliyoli, dama ŋunkam booni man’ Yawɛ yuli yoliyoli mali taali man’ Yawɛ sani.
8 #
Yibu 16.23-30; 31.12-14 Teemiya Vuhim Dabisili yɛla, ka chɛ ka di nyɛ dabisili kasi. 9#Yibu 23.12; 31.15; 34.21; 35.2; Lɛv 23.3 Zaŋmiya daba ayɔbu n-tum yi tuma, 10amaa dabisi’ shɛli din pahir’ ayopɔin nyɛla Yawɛ ŋun nyɛ yi Naawuni ŋɔ Vuhim Dabisili. Dindali maa di bi simdi ka yi tum tuma, yi bidibisi mini yi bipuɣinsi ni yi tumtumdi’ dɔbba ni paɣiba zaa zaŋ tabili yi biŋkɔbiri hal saan’ so ŋun be yi yiŋ’ gba di tum tuma dindali maa. 11#Pil 2.1-3; Yibu 31.17 Dama daba ayɔbu ka man’ Yawɛ daa zaŋ nam zuɣusaa mini dunia ni teeku ni binshɛɣukam zaa din be di ni, ka daa vuhi daba ayopɔin dali. Lala zuɣu man’ Yawɛ niŋla alibarika niŋ di ni, ka zaŋ li leei dabisili kasi.
12 #
Zal 27.16; Mat 15.4; 19.19; Maak 7.10; 10.19; Luk 18.20; Ɛfɛs 6.2-3 Timiya yi banim’ mini yi manim’ jilima din ni chɛ ka yi mali nyɛvili wɔɣinli m-be Yawɛ ŋun nyɛ yi Naawuni ŋɔ ni zaŋ tiŋgbɔn shɛli tin ya ŋɔ ni.
13 #
Pil 9.6; Lɛv 24.17; Mat 5.21; 19.18; Maak 10.19; Luk 18.20; Rom 13.9; Jeem 2.11 “Miriya ka yi ku ninsala.
14 #
Lɛv 20.10; Mat 5.27; 19.18; Maak 10.19; Luk 18.20; Rom 13.9; Jeem 2.11 “Miriya ka yi niŋ zina.
15 #
Lɛv 19.11; Mat 19.18; Maak 10.19; Luk 18.20; Rom 13.9 “Miriya ka yi zu.
16 #
Yibu 23.1; Mat 19.18; Maak 10.19; Luk 18.20 “Miriya ka yi di ʒiri shɛhira n-jɛndi yi kpee.
17 #
Rom 7.7; 13.9 “Miriya ka yi chɛ ka yi kɔre kpe yi kpee yili ni. Miriya ka yi mi chɛ ka yi kɔre kpe yi kpee paɣa ni bee o tumtumdi’ dɔbba bee o tumtumdi’ paɣiba ni bee o naɣilalantabili ni bee o buŋ’ ni bee n-chɛ ka yi kɔre kpe yi kpee binshɛli ni.”
Dabiɛm gbahi niriba maa
(Zaligu Teebu 5.22-33)
18 #
Hib 12.18-19
Niriba maa ni daa wum saa tahibu mini kikaa maa kumsi, ka nya saa nyaɣisibu mini nyɔhi ni mɔni zoli maa zuɣu shɛm maa, ka dabiɛm gbahi ba ka bɛ niŋgbuna sɔhira, ka bɛ daa kaɣi ʒe kpaŋ’ ha 19ka yɛli Musa, “Amaŋmaŋ’ tɔɣisim ti yɛtɔɣa ka ti wumda, amaa di lan chɛ ka Naawuni tɔɣisi ti yɛtɔɣa, di yi nyɛ lala ti ni kpi.”
20Ka Musa daa yɛli niriba maa, “Di zɔriya dabiɛm, dama Naawuni kamina ni o ti zahim ya, dina n-nyɛ ni o chɛ ka dabiɛm be yi suhuri ni ka yi ku tum alahichi.” 21Ka niriba maa daa na kul kaɣ’ ʒe kpaŋ’ maa, ka Musa daa chaŋ miri Naawuni ni daa be sagban’ sabili shɛli ni maa.
Sara maligu bimbina zaligunima
22Ka Yawɛ daa yɛli Musa, “A ni yɛn yɛli Izraɛlnim’ maa shɛm m-bɔŋɔ, ‘Yi nya n ni tɔɣisi ya yɛtɔɣa alizanda ni na shɛm. 23Di bi simdi ka yi ti zaŋ anzinfa mali wuni pahi n zuɣu bee n-zaŋ salima mali wuni zali yi sani. 24Zaŋmiya taŋkpaɣu me sara maligu bimbini ti ma, ka maani yi ni yɛn zaŋ sara shɛli nyo buɣim mini yi suhudoo sara di zuɣu, dina n-nyɛ yi biŋkɔbbaligu mini yi niɣi; ka n ni chɛ ka n yuli yɛla teebu be luɣ’ shɛlikam zaa, n ni ka nimaani na ti niŋ alibarika niŋ yi ni. 25#Zal 27.5-7; Jɔsh 8.31 Ka yi yi yɛn zaŋ kuɣa me sara maligu bimbini ti ma, yin’ di zaŋya kuɣ’ kpɛra me li, dama yi yi zaŋ chiriga shihi kuɣ’ shɛli, di ni leei kuɣ’ shɛli din mali daɣiri. 26Miriya ka yi me napɔna dubu shee n-zali n sara maligu bimbini gbini n-dur’ li din ni chɛ ka so nya yi zaɣim.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dagbani Bible with Deuterocanonical Books © Bible Society of Ghana, 2011.