Yibu 21

Bɛ ni yɛn niŋdi daba shɛm

(Zaligu Teebu 15.12-18)

1Pumpɔŋɔ a ni yɛn zaŋ zaligu shɛŋa ti Izraɛlnima m-bɔŋɔ, 2“Yi yi da Yɛhudia nira ka o leei dabili, o ni tum yi tuma yuma ayɔbu, ka yuun’ shɛli din pahir’ ayopɔin ni, di simdi ka yi chɛ ka o chaŋ yoli, ka ku yo shɛli. 3O yi daa kala o zaɣ’ zaŋli na, di simdi ka o lan chaŋ o zaɣ’ zaŋli. Ka di yi nyɛla o min’ o paɣa n-daa kana, dindina di simdi ka o min’ o paɣa maa zaa lan chaŋ. 4Ka ŋun su o maa yi daa bo paɣ’ ti o, ka paɣ’ maa dɔɣi bihi, di saha paɣ’ maa min’ o bihi maa bɛn’ ni kpalim o dana maa sani, ka chɛ ka o kɔŋko chaŋ. 5Amaa dabili maa yi zani yim yɛli, ‘N yuri n dana maa mini m paɣa ni m bihi, dinzuɣu n ku chaŋ,’ 6#Lɛv 25.39-46 dindina o dana maa ŋun zaŋm’ o chaŋ Naawuni sani nti zaŋ o zali baɣili dunoli bee duno’ paɣirili, ka zaŋ peenkpaa chib’ o tibili voli, ka o leeg’ o dabili hal ni o nyɛvili tariga.

7“Ka so yi zaŋ o bipuɣiŋga kɔhi ka o leei dabili, di bi simdi ka o ti chaŋ kaman dɔbba ni chani shɛm. 8So yi da o ni o zaŋ o leeg’ o paɣa, ka o nini ti bi lan tiɣ’ o, di saha o ni tooi chɛ ka paɣ’ maa yiŋnim’ yo o zuɣu ka deeg’ o. Di bi simdi ka o zaŋ o tom kɔhi tinzunnim’ zuɣu, dama o pun niŋ o din bi tuhi. 9Ka o yi zaŋ o ti o bidibiga ni o niŋ o paɣa, di simdi ka o gbib’ o kaman o bipuɣiŋga la. 10Ka o yi ti kpuɣi paɣ’ so pah’ o zuɣu, di bi simdi ka o filim’ o bindirigu bee situra bee n-zaɣis’ o min’ o dɔnibu. 11O yi bi niŋ bini ata ŋɔ ti o, dindina paɣ’ maa ŋun’ yim’ chaŋ yoli, ka di yo shɛli.”

Duŋ taabu zaligu

12 # Lɛv 24.17 “Ŋunkam ŋme n-ku nira, bɛn’ kum o gba. 13#Kal 35.10-34; Zal 19.1-13; Jɔsh 20.1-9 Amaa di yi pala o pun lomi ni o ku o, ka di nyɛla Naawuni n-chɛ ka di niŋ, dindina n ni wuhi ya luɣ’ shɛli zali ka ŋun ku nir’ maa zo n-kuli nimaani. 14Amaa nir’ yi yuri ka ku o kpee, yin’ zaŋmiya dilana sara maligu bimbini gbini n-yi kpaŋ’ ti ku o.

15“Ŋunkam ŋme o ba bee o ma, bɛn’ kum’ o.

16 # Zal 24.7 “Ŋunkam zu ninsal’ ti kɔhi bee n-na gbib’ o ka bɛ gbaag’ o, bɛn’ kum’ o.

17 # Lɛv 20.9; Mat 15.4; Maak 7.10 “Ŋunkam tu o ba bee o ma, bɛn’ kum’ o.

18“Niriba yi zabira, ka yino ti zaŋ kuɣili lab’ o kpee bee n-kpilim o nuu ŋme o kpee, ka o nya daŋa ka bi kpi, amaa ka lee dɔni, 19o yi ti nya alaafee n-yiɣisi kpuɣi jaaŋgbee chana, di saha ŋun daa ŋme o maa lan ka taali, amaa di lee simdi ka ŋun daa ŋme o maa yo o ni saɣim o saha shɛli maa samli, ka lih’ o hal ka o ti kpaŋ zaa.

20“Ka so yi zaŋ jaaŋgbee ŋme o dabipaɣ’ bee dabidoo ka o kpi o nuu ni, bɛn’ darigim’ o tibili. 21Amaa biɛɣu yi neei bee di yi niŋ daba ayi ka dabili maa kpaŋ, di bi simdi ni bɛ darig’ o tibili dama ŋuna n-su dabili maa.

22“Dɔbba yi zabira nti zaŋ ŋme paɣ’ puulana, ka paɣ’ puulan’ maa zaŋ bahi, amaa ka mali alaafee, di simdi ka bɛ zali ŋun ŋme o maa samli kaman paɣ’ maa yidan’ ni bɔr’ shɛm, ka o yo li kaman sariakaritiba ni wuhi shɛm. 23Amaa paɣ’ maa yi nyala daŋa, dindina yin’ doliya zaligu shɛli din wuhiri ni nyɛvili la nyɛvili, 24#Lɛv 24.19-20; Zal 19.21; Mat 5.38 nini la nini, nyini la nyini, nuu la nuu, gbali la gbali, 25buɣim dibu la buɣim dibu, daŋ’ la daŋa, fiɛb’ bɔba la fiɛb’ bɔba la n-darigi dilan’ tibili. 26Nir’ yi ŋme o dabipaɣ’ bee o dabidoo nimbila ka di saɣim, ŋun’ chɛ ka dabili maa chaŋ yoli, o nimbil’ maa zuɣu. 27O mi yi ŋme n-vuɣ’ o dabipaɣ’ bee o dabidoo nyini, ŋun chɛ ka dabili maa chaŋ yoli, o nyini maa zuɣu.”

Bɛn mali biŋkɔbiri talahi tuma

28“Nahu yi ʒe n-ku doo bee paɣa, bɛn’ labimi nahu maa kuɣa ku o, ka di bi simdi ka so ŋubi nahu maa nimdi, ka nahu maa lana ku mali taali. 29Amaa nahu maa yi pun ʒiɛri niriba ka bɛ yɛl’ o lana ka o bi niŋ o fukumsi, ka chɛ ka o ti ʒe n-ku doo bee paɣa, di simdi ka bɛ labi nahu maa kuɣa ku o, ka ku nahu maa lan’ gba. 30Ka bɛ yi wuh’ o la samli, di simdi ka o yo bɛ ni wuh’ o sam’ shɛli maa zaa o nyɛvili tiligibu zuɣu. 31Nahu yi ʒe n-ku so bidibiga bee o bipuɣiŋga yin’ doliya zaligu ŋɔ. 32Nahu yi ʒe n-ku so dabidoo bee dabipaɣa, di simdi ka nahu maa lan’ yo dabili maa lana anzinfa laɣibaligu pihita, ka chɛ ka bɛ labi nahu maa kuɣa ku o.

33“So yi chɛ bɔɣili yali bee so yi gbi bɔɣili ka bi ŋari li, ka nahu bee buŋ’ lu di puuni kpi, 34bɔɣili maa lan’ ni yo samli. Di simdi ka o yo biŋkɔbigu maa lana, ka zaŋ biŋkɔb’ kpiŋ maa. 35So nahu yi ʒe n-ti o kpee nahu daŋa ka o kpi, bɛn’ kɔhimi naɣ’ nɛɔŋ maa m-pirigi liɣiri maa ti taba, ka lan pirigi naɣ’ kpiŋ maa gba ti taba. 36Ka niriba yi mi ni nahu maa pun ʒiɛrila o taba ka o lan’ maa bi lɔr’ o zaana, dindina o ni bo nahu yo nahu maa zuɣu, ka zaŋ naɣ’ kpiŋ maa.”

Currently Selected:

Yibu 21: DBwDB

Highlight

Copy

Compare