Mose I, 20
20
Abraham kɛ Abimelek
1Abraham hia kɛ je Mamre kɛ ho Kanaan zugba a leneyi je ya nɛ e ya hi Kadesh kɛ Shur a kpɛti. Pee se ɔ, e klɛ kɛ ya hi Gerar a, 2#Mose I, 12.13; 26.7 nɛ lej ɔ, Abrahamde ke e nyɛmiyo ji e yo Sara a nɛ. Lɔ ɔ he ɔ, Gerar matsɛ, Abimelek tsɔ nɛ a ya tsɛ Sara ba ha lɛ. 3Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”
4Se jamɛ a be ɔ mi ɔ, Abimelek kɛ yo ɔ na we bɔmi lolo, lɔ ɔ he ɔ, e de ke, “Ye nyɔmtsɛ, i yi fɔ! Anɛ o maa gbe i kɛ ye ma mi bi ɔmɛ lo? 5Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”
6Mawu ha lɛ heto ngɛ nlami ɔ mi ke, “Niinɛ, i le kaa nɔ́ nɛ o pee nɛ ɔ je o tsui mi faa, nɛ o he nile bui mo fɔ; enɛ ɔ he je nɛ i ha we nɛ o ta yo ɔ he, konɛ o ko pee yayami kɛ si mi. 7Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”
8Abimelek te si mɔtu kpla, nɛ e tsɔ ya kpee e tsɔli ɔmɛ tsuo kɛ ba e ngɔ. E bɔ mɛ amaniɛ ngɛ e nlami ɔ he, nɛ mɛ tsuo a nu sawale. 9Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ. 10Mɛni o susu loko o pee nɔ́ nɛ ɔ?”
11Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ. 12Anɔkuale mi ɔ, ye yo ɔ, imi nitsɛ ye nyɛmi ji lɛ. Tsaatsɛ bi ji lɛ, se pi maa bi, nɛ e ba pee ye yo. 13Lɔ ɔ he ɔ, benɛ Mawu je mi kɛ je ye weku li a he nɛ e ha nɛ i ba ngɛ lalaalo woe kɛ ngɛ nyɛɛe ɔ, i de ye yo ɔ ke, ‘Kpakpa nɛ o maa pee ha mi ji nɛ ɔ nɛ: he tsuaa he nɛ wa maa ya a, de ke o nyɛminyumu ji mi.’ ”
14Enɛ ɔ se ɔ, Abimelek kpale Sara ya ha Abraham ekohu, nɛ e ke lɛ tohi, nahi, kɛ nyɔguɛhi nyumuhi kɛ yihi ngɔ piɛ he. 15Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.” 16Lɔ ɔ se ɔ, e de Sara ke, “I kɛ sika hiɔ yi akpe kake ngɛ o nyɛminyumu ɔ hae kaa kpatami dã ngɛ nɔ́ nɛ i pee ɔ he. I pee nɔ́ nɛ ɔ kɛ ngɛ mo nguɔ woe, konɛ nihi tsuo nɛ kɛ mo ngɛ ɔ, a ná nɛ a le kaa o pee we yayami ko.”
17-18Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.
Currently Selected:
Mose I, 20: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
Mose I, 20
20
Abraham kɛ Abimelek
1Abraham hia kɛ je Mamre kɛ ho Kanaan zugba a leneyi je ya nɛ e ya hi Kadesh kɛ Shur a kpɛti. Pee se ɔ, e klɛ kɛ ya hi Gerar a, 2#Mose I, 12.13; 26.7 nɛ lej ɔ, Abrahamde ke e nyɛmiyo ji e yo Sara a nɛ. Lɔ ɔ he ɔ, Gerar matsɛ, Abimelek tsɔ nɛ a ya tsɛ Sara ba ha lɛ. 3Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”
4Se jamɛ a be ɔ mi ɔ, Abimelek kɛ yo ɔ na we bɔmi lolo, lɔ ɔ he ɔ, e de ke, “Ye nyɔmtsɛ, i yi fɔ! Anɛ o maa gbe i kɛ ye ma mi bi ɔmɛ lo? 5Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”
6Mawu ha lɛ heto ngɛ nlami ɔ mi ke, “Niinɛ, i le kaa nɔ́ nɛ o pee nɛ ɔ je o tsui mi faa, nɛ o he nile bui mo fɔ; enɛ ɔ he je nɛ i ha we nɛ o ta yo ɔ he, konɛ o ko pee yayami kɛ si mi. 7Se jehanɛ lɛɛ, ngɔɔ yo ɔ kɛ ya ha e huno. E huno ɔ, gbalɔ ji lɛ; e ma kpa pɛɛ ha mo, konɛ o ko gbo. Se ke o kpale we yo ɔ kɛ ya ha we e huno ɔ, lɛɛ i ngɛ mo dee ke, o kɛ o weku li tsuo nyɛ ma gbo!”
8Abimelek te si mɔtu kpla, nɛ e tsɔ ya kpee e tsɔli ɔmɛ tsuo kɛ ba e ngɔ. E bɔ mɛ amaniɛ ngɛ e nlami ɔ he, nɛ mɛ tsuo a nu sawale. 9Kɛkɛ nɛ Abimelek tsɔ ya tsɛ Abraham kɛ ba, nɛ e bi lɛ ke, “Mɛni o pee wɔ nɛ ɔ? Mɛni yayami i pee mo loko o ha amanehlu kaa kikɛ nɛ ɔ ba i kɛ ye ma mi bi ɔmɛ wa nɔ ɔ? Nɔ́ nɛ a pee we nɔ nɛ o pee mi nɛ ɔ nɛ. 10Mɛni o susu loko o pee nɔ́ nɛ ɔ?”
11Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ. 12Anɔkuale mi ɔ, ye yo ɔ, imi nitsɛ ye nyɛmi ji lɛ. Tsaatsɛ bi ji lɛ, se pi maa bi, nɛ e ba pee ye yo. 13Lɔ ɔ he ɔ, benɛ Mawu je mi kɛ je ye weku li a he nɛ e ha nɛ i ba ngɛ lalaalo woe kɛ ngɛ nyɛɛe ɔ, i de ye yo ɔ ke, ‘Kpakpa nɛ o maa pee ha mi ji nɛ ɔ nɛ: he tsuaa he nɛ wa maa ya a, de ke o nyɛminyumu ji mi.’ ”
14Enɛ ɔ se ɔ, Abimelek kpale Sara ya ha Abraham ekohu, nɛ e ke lɛ tohi, nahi, kɛ nyɔguɛhi nyumuhi kɛ yihi ngɔ piɛ he. 15Abimelek de Abraham ke, “O nɛ, ye zugba nɛ ngɛ o hɛ mi tilaa a nɛ; he tsuaa he nɛ o suɔ ɔ, moo hi lejɛ ɔ.” 16Lɔ ɔ se ɔ, e de Sara ke, “I kɛ sika hiɔ yi akpe kake ngɛ o nyɛminyumu ɔ hae kaa kpatami dã ngɛ nɔ́ nɛ i pee ɔ he. I pee nɔ́ nɛ ɔ kɛ ngɛ mo nguɔ woe, konɛ nihi tsuo nɛ kɛ mo ngɛ ɔ, a ná nɛ a le kaa o pee we yayami ko.”
17-18Nɔ́ nɛ Abimelek pee Abraham yo Sara a he je ɔ, Yawɛ tsi yihi tsuo nɛ ngɛ matsɛ we ɔ mi ɔ a fɔmi nya. Lɔ ɔ he ɔ, Abraham kpa pɛɛ ha Abimelek, nɛ Mawu tsa lɛ. Jehanɛ hu, Mawu tsa Abimelek yo ɔ kɛ nyɔguɛ yi ɔmɛ, nɛ a fɔ bimɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.