Mose I, 6
6
Adesa yi mi wa
1 #
Hiob 1.6; 2.1 Nimli adesahi a he ba hiɛ ngɛ je ɔ mi, nɛ a fɔ biyihi. 2Mawu binyumu ɔmɛ#6.2 Mawu binyumu ɔmɛ: Sisi tsɔɔmi kpa ji jemɛ a wɔhi a bimɛ. ekomɛ na kaa yi nɛ ɔmɛ a he ngɛ fɛu; lɔ ɔ he ɔ, a ngɔ a ti ni nɛmɛ nɛ a suɔ. 3Kɛkɛ nɛ Yawɛ de ke, “I be hae nɛ nɔmlɔ nɛ hi je mi kɛ ya neneene; ejakaa nɔ́ nɛ gboɔ ji lɛ. Kɛ je be nɛ ɔ mi kɛ yaa a, nɔmlɔ be yee pe jeha lafa kɛ nyingmi enyɔ.” 4#Mose IV, 13.33 Jamɛ a be ɔ mi, benɛ Mawu binyumu ɔmɛ kɛ nimli a biyi ɔmɛ, ba na bɔmi, nɛ a kɛ mɛ bɔni fɔmi ɔ, oblaihi#6.4 Oblaihi: A tsɛɔ oblai nɛ ɔmɛ ngɛ Hebri gbi mi ke “Nefilim.” ngɛ je ɔ mi. Mɛ ji blema katsɛmɛ, kɛ nimli nɛ a he biɛ.
5 #
Mat 24.37; Luk 17.26; Pet I, 3.20 Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ, 6e dɔ lɛ nɛ e pia e he kaa e bɔ nɔmlɔ nɛ e kɛ lɛ wo je ɔ mi. 7Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.” 8Se Noa lɛɛ, Yawɛ bua jɔ e he.
Noa he sane
9-10 #
Pet II, 2.5
Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní. 11Se nimli kpa amɛ lɛɛ a peeɔ yayami ngɛ Mawu hɛ mi, nɛ basabasa ngɛ je ɔ mi he tsuaa he. 12Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.
13Mawu de Noa ke, “I to kaa ma kpata nimli adesahi tsuo kulaa a hɛ mi, ejakaa a ha je ɔ tsuo pee kɛ yayami sɔuu. Ɛɛ, ma kpata a kɛ je ɔ tsuo a hɛ mi. 14Ngɔɔ tso kpakpa nɛ o kɛ kpɛ lɛ. Moo pee tsuhi ngɛ mi, nɛ o ngɔ amã kɛ kpa lɛ ɔ he kɛ e mi tsuo. 15Bɔ nɛ o maa kpɛ lɛ ɔ ha ji nɛ ɔ nɛ: lɛ ɔ kami nɛ pee gugue nyingmi kpaago kɛ enuɔ, e blimi nɛ pee gugue nyɔngma kɛ enyɔ kɛ fa, konɛ e mi kuɔmi nɛ pee gugue kpaago kɛ fa. 16Mo bu lɛ ɔ yi, nɛ o si blɔ maa pee nine mi blimi enyɔ ngɛ gba a kɛ lɛ ɔ nitsɛ a kpɛti. Moo kpɛ lɛ ɔ kaa hiɔwe tsu siaudo etɛ, nɛ o je sinya ngɛ kasa nya. 17Ma ha nɛ nyu kpekpemi maa ba je ɔ mi nɛ e ma kpata nɔ́ tsuaa nɔ́ nɛ wami ngɛ e mi ɔ hɛ mi. Nɔ́ tsuaa nɔ́ nɛ ngɛ je ɔ mi ɔ hɛ mi ma kpata, 18se moo lɛɛ i kɛ mo maa so. O kɛ o yo, kɛ o binyumu ɔmɛ, kɛ a yi ɔmɛ nɛ ba sɛ lɛ ɔ mi. 19-20Ngɔɔ lohwe tsuaa lohwe, eku kɛ eyo kɛ ba lɛ ɔ mi, konɛ a yi nɛ na wami: pɛlitsɛmɛ, nane eywiɛɛywiɛtsɛmɛ, kɛ ní nɛmɛ nɛ sãã si. 21Jehanɛ, ngɔɔ, niye ní slɔɔtohi kɛ to, konɛ nyɛɛ kɛ lohwe ɔmɛ nɛ ye.” 22#Heb 11.7 Nɛ Noa pee nɔ́ tsuaa nɔ́ nɛ Mawu fa lɛ ke e pee ɔ.
Currently Selected:
Mose I, 6: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.
