Génesis 23
23
Kyim Sara ex okx maqu'n
1O ten Sara 127 ab'q'i, 2ex kyim tuj Quiriat-arba (aju ax juntl tb'i Hebrón) tuj kytx'otx' aj Canaán. Ok ten Abraham oq'el ti'j Sara tej tkyim, ex kyaj ten tuj b'is. 3Jawtzun we' Abraham jatum tkub'sa'n t-ximlal Sara, ex xi tma'n kye aj Heteo kyja':
4—Stranjer ex b'etin xjal qine kyxole. Kyk'ayintze jun piẍ tx'otx' te nmuqb'ile. Atzun k'okex maqut nkyimniye, chi Abraham.
5Xitzun kytzaq'we'n qe aj Heteo te Abraham kyja':
6—Tat, qo tb'intza. Aya jun nejenel qxole tu'n Dios. Maqu'nkxa tkyimniya tuj qmuqb'ile mas tb'anil. Mi a'l jun qeye jaku kub' t-xk'ayin tmuqb'il tu'n tku'x maqet tkyimniya.
7Jawtzun we' Abraham ex kub' mok'e' kywitz aj Heteo, aqeju najl tuj tx'otx' lu, 8ex xi tma'n kyja':
—Qa ax tok kyajb'ile tu'n tokx nmaqu'ne nkyimniye tzalu, kyb'inchame xtalb'il tu'n kyyoline wi'je twitz Efrón aju tky'ajal Zohar, 9tu'n ttzaj tk'ayin aju toy' pik at tuj Macpela, aju tkub' ttzi ttx'otx'. Jaku txi nchjo'ne cabal twi' toy' pik, ex kyja'tzun jaku chin oke tajwil muqb'il kyxole, chi Abraham.
10Q'uqltoq Efrón kyxol aj Heteo, ex in che b'intoq aj Heteo ex kykyaqil qe xjal in che okxtoq ttzi tlamel tnam tej t-xi ttzaq'we'n Efrón te Abraham kyja':
11—Mi'n, tat. Chin tb'intza. Jaku txi nq'o'ne tx'otx' teya, tuk'ix toy' pik tkub' tuj. Jaku txi nq'o'ne teya kywitz kykyaqil nxjalile. Maqu'nkx tkyimniya, chi Efrón.
12Atzunte Abraham kub' mok'e' juntl maj kywitz xjal, aqeju najl tuj tx'otx' lu, 13ex xi ttzaq'we'n te Efrón kywitz xjal kyja':
—Chin tb'intza. Chin kub'sale twitza tu'n t-xi tk'mo'na twi tx'otx'. Jakutzun tz'okx nmaqu'ne nkyimniye tuj, chi Abraham.
14Xi ttzaq'we'n Efrón te Abraham kyja':
15—Chin tb'intza tat: kyaje syent tajlal saq pwaq twi tx'otx'. ¿Nimpetzun jlu te qe? Maqu'nkx tkyimniya, chi Efrón.
16Kub'tzun tuj twitz Abraham aju twi tx'otx' tma Efrón. Kywitz aj Heteo jaw tmalo'n Abraham aju kyaje syent tajlal saq pwaq ex xi tq'o'n te Efrón, cabalxix talil. 17Kyja'tzun o b'aj ti'j ttx'otx' Efrón tuj Macpela, aju tokx ti'jxi Mamre tuj tjawitz q'ij, tuk'ix toy' pik ex kykyaqil tze' ate'toq tuj tx'otx'; 18ok Abraham tajwil tx'otx' lu kywitz qe aj Heteo ex kykyaqil qe xjal in che okxtoq ttzi tlamel tnam.
19Tb'ajlenxi tkyaqil jlu, xi'tzun Abraham maqulte qtzan Sara aju t-xu'jil. Okx tmaqu'n tuj toy' pik tkub' tuj Macpela, tokx ti'jxi Mamre (aju ax juntl tb'i Hebrón), tuj kytx'otx' qe aj Canaán. 20Oktzun Abraham tajwil tx'otx' tuk'ix toy' pik tkub' tuj. Xi k'ayin jlu kyu'n aj Heteo tu'n tokx maqut kyimni tuj.
Currently Selected:
Génesis 23: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Génesis 23
23
Kyim Sara ex okx maqu'n
1O ten Sara 127 ab'q'i, 2ex kyim tuj Quiriat-arba (aju ax juntl tb'i Hebrón) tuj kytx'otx' aj Canaán. Ok ten Abraham oq'el ti'j Sara tej tkyim, ex kyaj ten tuj b'is. 3Jawtzun we' Abraham jatum tkub'sa'n t-ximlal Sara, ex xi tma'n kye aj Heteo kyja':
4—Stranjer ex b'etin xjal qine kyxole. Kyk'ayintze jun piẍ tx'otx' te nmuqb'ile. Atzun k'okex maqut nkyimniye, chi Abraham.
5Xitzun kytzaq'we'n qe aj Heteo te Abraham kyja':
6—Tat, qo tb'intza. Aya jun nejenel qxole tu'n Dios. Maqu'nkxa tkyimniya tuj qmuqb'ile mas tb'anil. Mi a'l jun qeye jaku kub' t-xk'ayin tmuqb'il tu'n tku'x maqet tkyimniya.
7Jawtzun we' Abraham ex kub' mok'e' kywitz aj Heteo, aqeju najl tuj tx'otx' lu, 8ex xi tma'n kyja':
—Qa ax tok kyajb'ile tu'n tokx nmaqu'ne nkyimniye tzalu, kyb'inchame xtalb'il tu'n kyyoline wi'je twitz Efrón aju tky'ajal Zohar, 9tu'n ttzaj tk'ayin aju toy' pik at tuj Macpela, aju tkub' ttzi ttx'otx'. Jaku txi nchjo'ne cabal twi' toy' pik, ex kyja'tzun jaku chin oke tajwil muqb'il kyxole, chi Abraham.
10Q'uqltoq Efrón kyxol aj Heteo, ex in che b'intoq aj Heteo ex kykyaqil qe xjal in che okxtoq ttzi tlamel tnam tej t-xi ttzaq'we'n Efrón te Abraham kyja':
11—Mi'n, tat. Chin tb'intza. Jaku txi nq'o'ne tx'otx' teya, tuk'ix toy' pik tkub' tuj. Jaku txi nq'o'ne teya kywitz kykyaqil nxjalile. Maqu'nkx tkyimniya, chi Efrón.
12Atzunte Abraham kub' mok'e' juntl maj kywitz xjal, aqeju najl tuj tx'otx' lu, 13ex xi ttzaq'we'n te Efrón kywitz xjal kyja':
—Chin tb'intza. Chin kub'sale twitza tu'n t-xi tk'mo'na twi tx'otx'. Jakutzun tz'okx nmaqu'ne nkyimniye tuj, chi Abraham.
14Xi ttzaq'we'n Efrón te Abraham kyja':
15—Chin tb'intza tat: kyaje syent tajlal saq pwaq twi tx'otx'. ¿Nimpetzun jlu te qe? Maqu'nkx tkyimniya, chi Efrón.
16Kub'tzun tuj twitz Abraham aju twi tx'otx' tma Efrón. Kywitz aj Heteo jaw tmalo'n Abraham aju kyaje syent tajlal saq pwaq ex xi tq'o'n te Efrón, cabalxix talil. 17Kyja'tzun o b'aj ti'j ttx'otx' Efrón tuj Macpela, aju tokx ti'jxi Mamre tuj tjawitz q'ij, tuk'ix toy' pik ex kykyaqil tze' ate'toq tuj tx'otx'; 18ok Abraham tajwil tx'otx' lu kywitz qe aj Heteo ex kykyaqil qe xjal in che okxtoq ttzi tlamel tnam.
19Tb'ajlenxi tkyaqil jlu, xi'tzun Abraham maqulte qtzan Sara aju t-xu'jil. Okx tmaqu'n tuj toy' pik tkub' tuj Macpela, tokx ti'jxi Mamre (aju ax juntl tb'i Hebrón), tuj kytx'otx' qe aj Canaán. 20Oktzun Abraham tajwil tx'otx' tuk'ix toy' pik tkub' tuj. Xi k'ayin jlu kyu'n aj Heteo tu'n tokx maqut kyimni tuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.