Génesis 24
24
Tej tknet t-xu'jil Isaac
1Otoq tijin Abraham ex otoq ky'iwlanjtz tu'n Qman tuj tkyaqil. 2At jun q'ij tzaj ttxko'n Abraham aju mas tij xjal kyxol qe tmajen, aju kwentil tkyaqilju attoq te, ex xi tma'n te kyja':
—Q'o'nktz tq'ab'a tjaq' nkuxe, 3ex q'mantza jun yol axix tok twitz Qman aju Dios at tuj kya'j ex at twitz tx'otx', tu'n mi'n tq'onteya amb'il te Isaac aju nky'ajale tu'n tmoje' tuk'il jun xu'j tzalu tuj tx'otx' Canaán jatum najl qine, 4noq o'kx kxe'la tuj tx'otx' jatum tzajni qine ex kyxol qe xjal at nxilene kyuk'il, ex ktzajeltzun ti'na jun xu'j te t-xu'jil Isaac aju nky'ajale, chi Abraham.
5Xitzun ttzaq'we'n majen kyja':
—¿Yajtzun qa tk'i' q'apoj tu'n ttzaj wuk'ile? ¿Kxe'lpetzun wi'ne tky'ajala tuj tx'otx' jatum etza? Chi majen.
6Xitzun tma'n Abraham te kyja':
—Mi'n. Mi'n txi ti'na nky'ajale ma chixin. 7Ate Qman, aju Dios at tuj kya'j, aju etz q'inte weye tuj tja nmane ex tuj kytx'otx' qe xjal at nxilene kyuk'il, o tzaj ttziyan weye, chi kyja': Ktzajel nq'o'ne tx'otx' lu kye tiyjila; ex tzul t-sama'n t-anjel tu'n t-xi' nej twitza tu'n ttzaj ti'na jun t-xu'jil nky'ajale ma chixin. 8Qatzun tk'i' xu'j tu'n ttzaj tuk'ila, myatzun aya at til, tu'nju otoq japun tu'na aju otoq txi ttziyana, ex mi'n txi ti'na nkya'jale ma chixin, chi Abraham.
9Okxtzun tq'o'n majen tq'ab' tjaq' tkux Abraham aju tpatrón, ex xi ttziyan tu'n tjapun tu'n ik tza'n otoq tma Abraham. 10Jawtzun t-sk'o'n tkyaqil wiq oyaj tb'anilxix ti'j tkyaqilju attoq te Abraham, xi ti'n laj chej camey, ex pon tuj ttanmi Nacor tuj tx'otx' Mesopotamia. 11E ojlantzun qe chej camey tu'n majen ttzi jun xoch ti'jtzi tnam, te qale tuj or ok in che ul qe xu'j q'il a'. 12Oktzun ten majen na'l Dios ex tma kyja': Nman Dios, aya Tdios npatrone Abraham, chin tonintza tu'n tel b'a'n tkyaqil, ex b'inchama xtalb'il te npatrone Abraham. 13Atine ttzi xoch lu, ex qe q'apoj te tnam lu, atzun in che ul q'il a'. 14Aju q'apoj kxel nma'ne te kyja': Chin kub'sale twitza, pich'b'antza twi t-ẍoq'a tu'n nk'ane a', ex qa ma tzaj ttzaq'we'n weye kyja': K'ana a', ax ikx kxel nq'o'ne kyk'a tcheja camey, qa chi, awttzun q'apoj lu aju sk'o'maj tu'na tu'n tok te t-xu'jil Isaac aju tmajena. Kyja'tzun k'elel nnik'e ti'j qa otoq tb'inchaya xtalb'il te npatrone, chi majen.
15Na'nxtoq tb'aj na'n Dios tej tul Rebeca, tjax t-ẍoq' twi t-semil. Ate Rebeca tme'jel Betuel, atzunte Betuel tal Milca ex tky'ajal Nacor. Ate Nacor terman Abraham. 16Ate q'apoj lu tb'anilxix ke'yin ex na'nxtoq tlonte xinaq. Ku'x ttzi xoch, ku'x tnojsa'n t-ẍoq' ex kyja'toq taj meltz'aj, 17xi'tzun qelan majen ti'j, ex xi tma'n te kyja':
—Chin kub'sale twitza, q'ontza ch'in nk'aye a' tku'x tuj t-ẍoq'a, chi majen.
18Xi ttzaq'we'n q'apoj:
—K'ana a' tat.
Kub'tzun ti'n naj q'apoj t-ẍoq', o ttzuy tu'n tq'ab', ex xi tq'o'n tk'a majen. 19Tejtzun tb'aj k'an majen, xi tma'n q'apoj te kyja':
—Ax ikx kjawitz wi'ne a' te kyk'a tcheja camey okxi kynoj, chi q'apoj.
20Kyajtzun tqo'n naj tuj kyk'ab'l alumaj aju a' tku'xtoq tuj t-ẍoq', xi qelan, ex ela' maj b'ant tqan q'il a' ttzi xoch tu'n kyk'an kykyaqil qe chej camey. 21In ke'yintoq majen ti'j q'apoj, ex minti' o q'ajt, tu'n tel tnik' ti'j qa otoq tzaj onin tu'n Qman tuj tb'e ex qa mi'n. 22Tejtzun kyb'aj k'an qe chej camey, xi tq'o'n majen jun argoy te txin, q'an pwaq ttx'otx'il, ch'ixmi mij mey ons talil. Ax ikx xi tq'o'n kab'e tqul q'ab'aj, q'an pwaq kytx'otx'il, ex kyaje ons talil junjun. 23Xitzun tqanin te q'apoj kyja':
—¿Alkye tmana? Najsama, ¿atpe posad max tja tmana tu'n qkyaj tene tuj qonik'an ja'lo? Chi majen.
24Xi ttzaq'we'n q'apoj:
—Tme'jel Betuel qine, aju tal Milca ex tky'ajal Nacor. 25Ax ikx at ttxa triw ex nim kywa chej, ex at posad qjaye tu'n kykyaj tene tuj qonik'an ja'lo, chi q'apoj.
26Kub'tzun mok'e' majen, ok ten k'ulul te Qman, 27ex tma kyja':
—Nimanxwit tb'i Qman aju Tdios npatrone Abraham. Kukx tzaj tq'o'n t-xtalb'il te npatrone, ex ma japun tyol aju tzaj ttziyan te; ex ma chin tzaj t-ẍaqlu'n tu'n wule kyja t-xjalil npatrone, chi majen.
28Xitzun qelan Rebeca max tja q'malte te ttxu' ti'j tkyaqilju otoq b'aj. 29Attoq jun t-xib'an Rebeca, Labán tb'i. Atzun te jlu xi qelan lolte tmajen Abraham max ttzi xoch, 30tu'nju otoq tz'ok tke'yin Labán aju oyaj ex qe tqul q'ab'aj tkub'toq tqul tq'ab' tanb' ex otoq tb'i aju in tma'ntoq tanb' ti'j tkyaqilju yol otoq tma xinaq te; ultzun laq'e' Labán ti'j tmajen Abraham axtoq ta' ttzi xoch kyuk'il qe chej camey. 31Xitzun tma'n Labán kyja':
—Tzaja, aya ky'iwla'n tu'n Qman. ¿Tiqu'n kyjel tena tzalu? Ma b'ant tten ja wu'ne jatum tu'n ttena, ex at posad kye tcheja, chi Labán.
32Xi'tzun majen max tja Labán. El ti'n Labán kyiqatz qe chej camey, ex xi tq'o'n kywa tuk'ix ttxa triw; ax ikx tzaj ti'n a' tu'n tel tx'jet kyi'j tqan majen, kyuk'ix kyqan qe tuk'il. 33Kub'tzun q'o'n wab'j kywitz tu'n kywa'n, atzunte majen xi tma'n kyja':
—Mlay chin wa'ne qa na'nxtoq t-xi nma'ne nsanjelale.
Xitzun ttzaq'we'n Labán:
—Yolina, chi Labán.
34Tmatzun majen kyja':
—Majen qine te Abraham. 35Tkub' nim tky'iwb'il Qman tib'aj npatrone, ex o tz'ok q'inun tu'n: o che tzaj q'o'n t-ẍne'l kyuk'ix twakẍ, saq pwaq tuk'ix q'an pwaq, tmajen xinaq ex tmajen xu'j, tchej camey ex tbur. 36Tej otoq tijin Sara aju t-xu'jil npatrone, ul itz'j jun tal tky'ajal npatrone, ex tetzun q'a lu o txi tq'o'n tkyaqil tq'inumab'l. 37Tzaj tma'n npatrone weye tu'n t-xi nma'ne jun yol axix tok twitz Qman Dios, ex tma kyja': Mi'n taq'a amb'il te nky'ajale tu'n tmoje' tuk'il jun xu'j aj Canaán jatum najl qine ja'lo. 38Txi'ya kyxol qe wermaniye ex jyo'metza jun t-xu'jil nky'ajale kyxol qeju at nxilene kyuk'il, chi weye. 39Xitzun nma'ne te kyja': Tat, ¿yajtzun qa tk'i' q'apoj tu'n ttzaj wuk'ile? Nchiye. 40Tzajtzun ttzaq'we'n npatrone: Ate Qman aju in chin b'ete twitz, ktzajel t-sama'n t-anjel tuk'ila, ex b'a'n k'elel tb'eya tu'n. Ktzajel ti'na t-xu'jil nky'ajale kyxol qeju at nxilene kyuk'il ex kyxol qe wermaniye. 41Oktzun tpona kyxol qe xjal at nxilene kyuk'il, qatzun mi'n saj kyq'o'n q'apoj tu'n ttzaj tuk'ila, minti'tzun tila ti'j yol ma tzaj ttziyana weye, chi npatrone Abraham. 42Kyja'tzun tten, ẍin ule ttzi xoch, ẍin ok tene na'l Dios ex xi nma'ne te kyja': Qman, aya Tdios npatrone Abraham, qa ok tb'inchaya tu'n wele b'a'n tuj nsanjelale lu, 43ok tul q'apoj q'il a' ttzi xoch lu jatum atine, ex ok t-xi nma'ne te: Chin kub'sale twitza, q'ontza ch'in nk'aye a' tuj t-ẍoq'a, nchiloye te, 44ex qa ma tzaj ttzaq'we'n weye kyja': K'ana a', ex kjawitz wi'ne a' te kyk'a tcheja camey, qa chi, awttzun q'apoj lu aju sk'o'maj tu'na, Nman, tu'n tok te t-xu'jil tky'ajal npatrone, nchiye. 45Na'nxtoq nb'aj na'ne Dios tuj wanmiye tej kyja' t-xi' Rebeca tuk'il t-ẍoq' tjax twi t-semil. Tejtzun xpon ttzi xoch, xi nma'ne te kyja': Chin kub'sale twitza, q'ontza ch'in nk'aye a'. 46Xkub'tzun ti'n naj t-ẍoq' ex xtma weye kyja': K'ana a', ax ikx kxel nq'o'ne kyk'a tcheja camey, chi Rebeca. Ẍin k'ane a', ax ikx xi tq'o'n kyk'a ncheje camey. 47Xitzun nqanine te kyja': ¿Alkye tmana? Atzun te saj ttzaq'we'n: Tme'jel Betuel qine, aju tky'ajal Nacor ex tal Milca, chi txin. Soktzun nq'o'ne jun argoy ti'j ttxa'n, ex kab'e tqul q'ab'aj sok nq'o'ne ti'j tq'ab'. 48Ẍin kub'tzun mok'e'ye, ẍin ok tene k'ulul twitz Qman, ex xjaw nnimsa'ne tb'i Qman aju Tdios npatrone Abraham, aju Dios otoq ẍaqlunte weye tuj jun b'e tuj tumelxix, tu'n t-xi wi'ne tme'jel terman npatrone, tu'ntzun tok te t-xu'jil tky'ajal. 49Ja'lotzun, kymantze weye qa ok kyb'inchaye xtalb'il te npatrone ex axix tok kyu'ne, ex qatzun mi'n, kymantze weye, jakutzun wile alkye kb'antel wu'ne, chi majen.
50Xitzun ttzaq'we'n Labán ex Betuel kyja':
—Tkyaqil jlu tuk'il Qman ma tzaj, ex mlay b'ant tu'n t-xi qma'ne teya ok, ex qa mi'n. 51Lu Rebeca lu, q'inxa ex txi'ya. E tok te t-xu'jil tky'ajal tpatrona ik tza'nx ma tma Qman, che chi.
52Tejtzun tb'inte tmajen Abraham qe yol lu, kub' ẍmeje' twitz Qman, pon takl tib'aj twitz max twitz tx'otx'. 53Jatztzun ti'n majen qe oyaj q'an pwaq ex saq pwaq kytx'otx'il, kyuk'ix xb'alun, ex xi tq'o'n te Rebeca. Ax ikx xi tq'o'n qe oyaj tb'anilxix te t-xib'an ex te ttxu'. 54Tb'ajlenxitzun tkyaqil jlu, ok ten majen wa'l ex k'al kyuk'ix qe tuk'il, ex axtzun e kyaj ten te qonik'an. Te prim tuj juntl q'ij tej kyjaw we', tma majen kyja':
—Kyq'ontze amb'il weye tu'n waj meltz'aje tja npatrone.
55Xitzun ttzaq'we'n t-xib'an Rebeca ex ttxu' kyja':
—E tkyaj ten q'apoj laj q'ijtl quk'ile, ex qa mastl, ex b'a'ntzun tajxi tuk'ila.
56Atzunte majen xi tma'n:
—Mi'n chin kub' kytzyuntle. Ma tz'onin Qman weye ex b'a'n ma tz'el nb'eye. Tu'ntzun jlu, kyq'ontze amb'il weye tu'n waje tja npatrone, chi majen.
57Xitzun kytzaq'we'n:
—Qtxkontz q'apoj, ex qqaninx te chi tok tu'n.
58Txkettzun Rebeca kyu'n, ex xi kyqanin te kyja':
—¿Kxe'lpeya tuk'il xinaq lu? Che chi.
Xi ttzaq'we'n Rebeca:
—Ok. Chin xe'le.
59Xitzun kyq'o'n amb'il tu'n t-xi' Rebeca tuk'ix ju xu'j kwentil te, tuk'ix tmajen Abraham ex qe tuk'il. 60Kub'tzun ky'iwla'n Rebeca kyu'n ex kyma kyja':
Aya qanb'e, tz'okxwita te txuyb'aj kye ela' mil xjal ex tz'elwit kyetzan qe tiyjila kytanmi qe aj q'oj kyi'j.
61Atzunte Rebeca kyuk'ix qe tmajen xu'j e jaxtzun kyib'aj chej camey, ex e ok lpe' ti'j tmajen Abraham. Kyja'tzun tten xi' Rebeca tuk'il tmajen Abraham, ex kub' b'e kyu'n.
62Otoq tz'ajtz Isaac ttzi xoch Beer-lahai-roi, tu'nju atzun najltoq tuj tx'otx' Néguev. 63Otoq tz'etz Isaac na'l Dios tuj kojb'il te qale, jaw tke'yin ex o til kyja' kytzaj laq'e' junjun chej camey. 64Ax ikx te Rebeca xi tke'yin, ex o ilwaj Isaac tu'n. Tejtzun tlonte, ku'tz tib'aj chej camey. 65Xi tqanin te majen:
—¿Alkye xinaq in b'et ttzaj ma chixin? Xitzun ttzaq'we'n majen:
—Atzun npatroneju.
Tzajtzun ti'n t-xmuj Rebeca, ex ok tmaqsi'n twitz tu'n.
66Xi ttx'olb'a'n majen te Isaac tkyaqilju otoq tb'incha. 67Xitzun q'i'n Rebeca tu'n Isaac tuj tja Sara aju qtzan ttxu', ex moje' Isaac tuk'il. Nim o k'ujlanjtz Rebeca tu'n Isaac. Kyja'tzun tten o qe' tk'u'j Isaac ti'j tkyimlen qtzan ttxu'.
Currently Selected:
Génesis 24: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Génesis 24
24
Tej tknet t-xu'jil Isaac
1Otoq tijin Abraham ex otoq ky'iwlanjtz tu'n Qman tuj tkyaqil. 2At jun q'ij tzaj ttxko'n Abraham aju mas tij xjal kyxol qe tmajen, aju kwentil tkyaqilju attoq te, ex xi tma'n te kyja':
—Q'o'nktz tq'ab'a tjaq' nkuxe, 3ex q'mantza jun yol axix tok twitz Qman aju Dios at tuj kya'j ex at twitz tx'otx', tu'n mi'n tq'onteya amb'il te Isaac aju nky'ajale tu'n tmoje' tuk'il jun xu'j tzalu tuj tx'otx' Canaán jatum najl qine, 4noq o'kx kxe'la tuj tx'otx' jatum tzajni qine ex kyxol qe xjal at nxilene kyuk'il, ex ktzajeltzun ti'na jun xu'j te t-xu'jil Isaac aju nky'ajale, chi Abraham.
5Xitzun ttzaq'we'n majen kyja':
—¿Yajtzun qa tk'i' q'apoj tu'n ttzaj wuk'ile? ¿Kxe'lpetzun wi'ne tky'ajala tuj tx'otx' jatum etza? Chi majen.
6Xitzun tma'n Abraham te kyja':
—Mi'n. Mi'n txi ti'na nky'ajale ma chixin. 7Ate Qman, aju Dios at tuj kya'j, aju etz q'inte weye tuj tja nmane ex tuj kytx'otx' qe xjal at nxilene kyuk'il, o tzaj ttziyan weye, chi kyja': Ktzajel nq'o'ne tx'otx' lu kye tiyjila; ex tzul t-sama'n t-anjel tu'n t-xi' nej twitza tu'n ttzaj ti'na jun t-xu'jil nky'ajale ma chixin. 8Qatzun tk'i' xu'j tu'n ttzaj tuk'ila, myatzun aya at til, tu'nju otoq japun tu'na aju otoq txi ttziyana, ex mi'n txi ti'na nkya'jale ma chixin, chi Abraham.
9Okxtzun tq'o'n majen tq'ab' tjaq' tkux Abraham aju tpatrón, ex xi ttziyan tu'n tjapun tu'n ik tza'n otoq tma Abraham. 10Jawtzun t-sk'o'n tkyaqil wiq oyaj tb'anilxix ti'j tkyaqilju attoq te Abraham, xi ti'n laj chej camey, ex pon tuj ttanmi Nacor tuj tx'otx' Mesopotamia. 11E ojlantzun qe chej camey tu'n majen ttzi jun xoch ti'jtzi tnam, te qale tuj or ok in che ul qe xu'j q'il a'. 12Oktzun ten majen na'l Dios ex tma kyja': Nman Dios, aya Tdios npatrone Abraham, chin tonintza tu'n tel b'a'n tkyaqil, ex b'inchama xtalb'il te npatrone Abraham. 13Atine ttzi xoch lu, ex qe q'apoj te tnam lu, atzun in che ul q'il a'. 14Aju q'apoj kxel nma'ne te kyja': Chin kub'sale twitza, pich'b'antza twi t-ẍoq'a tu'n nk'ane a', ex qa ma tzaj ttzaq'we'n weye kyja': K'ana a', ax ikx kxel nq'o'ne kyk'a tcheja camey, qa chi, awttzun q'apoj lu aju sk'o'maj tu'na tu'n tok te t-xu'jil Isaac aju tmajena. Kyja'tzun k'elel nnik'e ti'j qa otoq tb'inchaya xtalb'il te npatrone, chi majen.
15Na'nxtoq tb'aj na'n Dios tej tul Rebeca, tjax t-ẍoq' twi t-semil. Ate Rebeca tme'jel Betuel, atzunte Betuel tal Milca ex tky'ajal Nacor. Ate Nacor terman Abraham. 16Ate q'apoj lu tb'anilxix ke'yin ex na'nxtoq tlonte xinaq. Ku'x ttzi xoch, ku'x tnojsa'n t-ẍoq' ex kyja'toq taj meltz'aj, 17xi'tzun qelan majen ti'j, ex xi tma'n te kyja':
—Chin kub'sale twitza, q'ontza ch'in nk'aye a' tku'x tuj t-ẍoq'a, chi majen.
18Xi ttzaq'we'n q'apoj:
—K'ana a' tat.
Kub'tzun ti'n naj q'apoj t-ẍoq', o ttzuy tu'n tq'ab', ex xi tq'o'n tk'a majen. 19Tejtzun tb'aj k'an majen, xi tma'n q'apoj te kyja':
—Ax ikx kjawitz wi'ne a' te kyk'a tcheja camey okxi kynoj, chi q'apoj.
20Kyajtzun tqo'n naj tuj kyk'ab'l alumaj aju a' tku'xtoq tuj t-ẍoq', xi qelan, ex ela' maj b'ant tqan q'il a' ttzi xoch tu'n kyk'an kykyaqil qe chej camey. 21In ke'yintoq majen ti'j q'apoj, ex minti' o q'ajt, tu'n tel tnik' ti'j qa otoq tzaj onin tu'n Qman tuj tb'e ex qa mi'n. 22Tejtzun kyb'aj k'an qe chej camey, xi tq'o'n majen jun argoy te txin, q'an pwaq ttx'otx'il, ch'ixmi mij mey ons talil. Ax ikx xi tq'o'n kab'e tqul q'ab'aj, q'an pwaq kytx'otx'il, ex kyaje ons talil junjun. 23Xitzun tqanin te q'apoj kyja':
—¿Alkye tmana? Najsama, ¿atpe posad max tja tmana tu'n qkyaj tene tuj qonik'an ja'lo? Chi majen.
24Xi ttzaq'we'n q'apoj:
—Tme'jel Betuel qine, aju tal Milca ex tky'ajal Nacor. 25Ax ikx at ttxa triw ex nim kywa chej, ex at posad qjaye tu'n kykyaj tene tuj qonik'an ja'lo, chi q'apoj.
26Kub'tzun mok'e' majen, ok ten k'ulul te Qman, 27ex tma kyja':
—Nimanxwit tb'i Qman aju Tdios npatrone Abraham. Kukx tzaj tq'o'n t-xtalb'il te npatrone, ex ma japun tyol aju tzaj ttziyan te; ex ma chin tzaj t-ẍaqlu'n tu'n wule kyja t-xjalil npatrone, chi majen.
28Xitzun qelan Rebeca max tja q'malte te ttxu' ti'j tkyaqilju otoq b'aj. 29Attoq jun t-xib'an Rebeca, Labán tb'i. Atzun te jlu xi qelan lolte tmajen Abraham max ttzi xoch, 30tu'nju otoq tz'ok tke'yin Labán aju oyaj ex qe tqul q'ab'aj tkub'toq tqul tq'ab' tanb' ex otoq tb'i aju in tma'ntoq tanb' ti'j tkyaqilju yol otoq tma xinaq te; ultzun laq'e' Labán ti'j tmajen Abraham axtoq ta' ttzi xoch kyuk'il qe chej camey. 31Xitzun tma'n Labán kyja':
—Tzaja, aya ky'iwla'n tu'n Qman. ¿Tiqu'n kyjel tena tzalu? Ma b'ant tten ja wu'ne jatum tu'n ttena, ex at posad kye tcheja, chi Labán.
32Xi'tzun majen max tja Labán. El ti'n Labán kyiqatz qe chej camey, ex xi tq'o'n kywa tuk'ix ttxa triw; ax ikx tzaj ti'n a' tu'n tel tx'jet kyi'j tqan majen, kyuk'ix kyqan qe tuk'il. 33Kub'tzun q'o'n wab'j kywitz tu'n kywa'n, atzunte majen xi tma'n kyja':
—Mlay chin wa'ne qa na'nxtoq t-xi nma'ne nsanjelale.
Xitzun ttzaq'we'n Labán:
—Yolina, chi Labán.
34Tmatzun majen kyja':
—Majen qine te Abraham. 35Tkub' nim tky'iwb'il Qman tib'aj npatrone, ex o tz'ok q'inun tu'n: o che tzaj q'o'n t-ẍne'l kyuk'ix twakẍ, saq pwaq tuk'ix q'an pwaq, tmajen xinaq ex tmajen xu'j, tchej camey ex tbur. 36Tej otoq tijin Sara aju t-xu'jil npatrone, ul itz'j jun tal tky'ajal npatrone, ex tetzun q'a lu o txi tq'o'n tkyaqil tq'inumab'l. 37Tzaj tma'n npatrone weye tu'n t-xi nma'ne jun yol axix tok twitz Qman Dios, ex tma kyja': Mi'n taq'a amb'il te nky'ajale tu'n tmoje' tuk'il jun xu'j aj Canaán jatum najl qine ja'lo. 38Txi'ya kyxol qe wermaniye ex jyo'metza jun t-xu'jil nky'ajale kyxol qeju at nxilene kyuk'il, chi weye. 39Xitzun nma'ne te kyja': Tat, ¿yajtzun qa tk'i' q'apoj tu'n ttzaj wuk'ile? Nchiye. 40Tzajtzun ttzaq'we'n npatrone: Ate Qman aju in chin b'ete twitz, ktzajel t-sama'n t-anjel tuk'ila, ex b'a'n k'elel tb'eya tu'n. Ktzajel ti'na t-xu'jil nky'ajale kyxol qeju at nxilene kyuk'il ex kyxol qe wermaniye. 41Oktzun tpona kyxol qe xjal at nxilene kyuk'il, qatzun mi'n saj kyq'o'n q'apoj tu'n ttzaj tuk'ila, minti'tzun tila ti'j yol ma tzaj ttziyana weye, chi npatrone Abraham. 42Kyja'tzun tten, ẍin ule ttzi xoch, ẍin ok tene na'l Dios ex xi nma'ne te kyja': Qman, aya Tdios npatrone Abraham, qa ok tb'inchaya tu'n wele b'a'n tuj nsanjelale lu, 43ok tul q'apoj q'il a' ttzi xoch lu jatum atine, ex ok t-xi nma'ne te: Chin kub'sale twitza, q'ontza ch'in nk'aye a' tuj t-ẍoq'a, nchiloye te, 44ex qa ma tzaj ttzaq'we'n weye kyja': K'ana a', ex kjawitz wi'ne a' te kyk'a tcheja camey, qa chi, awttzun q'apoj lu aju sk'o'maj tu'na, Nman, tu'n tok te t-xu'jil tky'ajal npatrone, nchiye. 45Na'nxtoq nb'aj na'ne Dios tuj wanmiye tej kyja' t-xi' Rebeca tuk'il t-ẍoq' tjax twi t-semil. Tejtzun xpon ttzi xoch, xi nma'ne te kyja': Chin kub'sale twitza, q'ontza ch'in nk'aye a'. 46Xkub'tzun ti'n naj t-ẍoq' ex xtma weye kyja': K'ana a', ax ikx kxel nq'o'ne kyk'a tcheja camey, chi Rebeca. Ẍin k'ane a', ax ikx xi tq'o'n kyk'a ncheje camey. 47Xitzun nqanine te kyja': ¿Alkye tmana? Atzun te saj ttzaq'we'n: Tme'jel Betuel qine, aju tky'ajal Nacor ex tal Milca, chi txin. Soktzun nq'o'ne jun argoy ti'j ttxa'n, ex kab'e tqul q'ab'aj sok nq'o'ne ti'j tq'ab'. 48Ẍin kub'tzun mok'e'ye, ẍin ok tene k'ulul twitz Qman, ex xjaw nnimsa'ne tb'i Qman aju Tdios npatrone Abraham, aju Dios otoq ẍaqlunte weye tuj jun b'e tuj tumelxix, tu'n t-xi wi'ne tme'jel terman npatrone, tu'ntzun tok te t-xu'jil tky'ajal. 49Ja'lotzun, kymantze weye qa ok kyb'inchaye xtalb'il te npatrone ex axix tok kyu'ne, ex qatzun mi'n, kymantze weye, jakutzun wile alkye kb'antel wu'ne, chi majen.
50Xitzun ttzaq'we'n Labán ex Betuel kyja':
—Tkyaqil jlu tuk'il Qman ma tzaj, ex mlay b'ant tu'n t-xi qma'ne teya ok, ex qa mi'n. 51Lu Rebeca lu, q'inxa ex txi'ya. E tok te t-xu'jil tky'ajal tpatrona ik tza'nx ma tma Qman, che chi.
52Tejtzun tb'inte tmajen Abraham qe yol lu, kub' ẍmeje' twitz Qman, pon takl tib'aj twitz max twitz tx'otx'. 53Jatztzun ti'n majen qe oyaj q'an pwaq ex saq pwaq kytx'otx'il, kyuk'ix xb'alun, ex xi tq'o'n te Rebeca. Ax ikx xi tq'o'n qe oyaj tb'anilxix te t-xib'an ex te ttxu'. 54Tb'ajlenxitzun tkyaqil jlu, ok ten majen wa'l ex k'al kyuk'ix qe tuk'il, ex axtzun e kyaj ten te qonik'an. Te prim tuj juntl q'ij tej kyjaw we', tma majen kyja':
—Kyq'ontze amb'il weye tu'n waj meltz'aje tja npatrone.
55Xitzun ttzaq'we'n t-xib'an Rebeca ex ttxu' kyja':
—E tkyaj ten q'apoj laj q'ijtl quk'ile, ex qa mastl, ex b'a'ntzun tajxi tuk'ila.
56Atzunte majen xi tma'n:
—Mi'n chin kub' kytzyuntle. Ma tz'onin Qman weye ex b'a'n ma tz'el nb'eye. Tu'ntzun jlu, kyq'ontze amb'il weye tu'n waje tja npatrone, chi majen.
57Xitzun kytzaq'we'n:
—Qtxkontz q'apoj, ex qqaninx te chi tok tu'n.
58Txkettzun Rebeca kyu'n, ex xi kyqanin te kyja':
—¿Kxe'lpeya tuk'il xinaq lu? Che chi.
Xi ttzaq'we'n Rebeca:
—Ok. Chin xe'le.
59Xitzun kyq'o'n amb'il tu'n t-xi' Rebeca tuk'ix ju xu'j kwentil te, tuk'ix tmajen Abraham ex qe tuk'il. 60Kub'tzun ky'iwla'n Rebeca kyu'n ex kyma kyja':
Aya qanb'e, tz'okxwita te txuyb'aj kye ela' mil xjal ex tz'elwit kyetzan qe tiyjila kytanmi qe aj q'oj kyi'j.
61Atzunte Rebeca kyuk'ix qe tmajen xu'j e jaxtzun kyib'aj chej camey, ex e ok lpe' ti'j tmajen Abraham. Kyja'tzun tten xi' Rebeca tuk'il tmajen Abraham, ex kub' b'e kyu'n.
62Otoq tz'ajtz Isaac ttzi xoch Beer-lahai-roi, tu'nju atzun najltoq tuj tx'otx' Néguev. 63Otoq tz'etz Isaac na'l Dios tuj kojb'il te qale, jaw tke'yin ex o til kyja' kytzaj laq'e' junjun chej camey. 64Ax ikx te Rebeca xi tke'yin, ex o ilwaj Isaac tu'n. Tejtzun tlonte, ku'tz tib'aj chej camey. 65Xi tqanin te majen:
—¿Alkye xinaq in b'et ttzaj ma chixin? Xitzun ttzaq'we'n majen:
—Atzun npatroneju.
Tzajtzun ti'n t-xmuj Rebeca, ex ok tmaqsi'n twitz tu'n.
66Xi ttx'olb'a'n majen te Isaac tkyaqilju otoq tb'incha. 67Xitzun q'i'n Rebeca tu'n Isaac tuj tja Sara aju qtzan ttxu', ex moje' Isaac tuk'il. Nim o k'ujlanjtz Rebeca tu'n Isaac. Kyja'tzun tten o qe' tk'u'j Isaac ti'j tkyimlen qtzan ttxu'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.