Juan 14
14
Ate Jesús ju b'e tu'n qpon tuk'il Dios Mamb'aj
1Mi'n b'aj kyk'u'je; qe'k kyk'u'je ti'j Dios, ax ikx qe'k kyk'u'je wi'je. 2Tuj tja Nmane at nimku najb'il; noqwit minti', mawtlo txi nma'ne kyeye; chin xe'ltzune tu'n tb'aj nb'incha'ne jun najb'il kyeye. 3Ok nxi'ye ex ok tb'aj nb'incha'ne jun kynajb'ile, chin ule juntl maj ex che xel wi'ne wuk'ile tu'ntzun kytene wuk'ile jatum chin tele. 4Ex b'a'n kyu'ne jatum chin xe'le, ex ojtzqi'n b'e kyu'ne, chi Jesús.
5Xitzun tma'n Tomás te:
—Tat, minti' b'a'n qu'ne jatum kxe'la, ¿tza'ntzun tten tu'n tel qnik'e ti'j ju b'e?
6Xi ttzaq'we'n Jesús:
—Aqine ju b'e, aqine ju yol axix tok, ex aqine q'ol chwinqlal; mi a'l jun xjal jaku pon tuk'il Dios Mamb'aj, qa mya wu'ne. 7Noqwit ma tz'el kynik'e wi'je, mawtlo tz'el kynik'e ti'j Nmane; atzun ja'lo ma tz'el kynik'e ti'j ex ma kyile.
8Xitzun tma'n Felipe te Jesús:
—Tat, yek'untza Dios Mamb'aj qeye, ex akuxtzunju.
9Xi ttzaq'we'n Jesús:
—¿Maj na'nx tel tnik'a wi'je, Felipe? Ex ma chin tene nim q'ij kyuk'ile. Alkye ma chin ilwaje tu'n, ma ilwaj Dios Mamb'aj tu'n. ¿Tza'ntzun tten in tzaj tma'na tu'n t-xi nyek'une Dios Mamb'aj kyeye? 10¿Maj minti' in xi toksla'na qa aqine tuk'il Nmane ex a Nmane wuk'ile? Aju yol in xi nma'ne kyeye, mya wexwe nyol, noq o'kx ate Nmane najl wuk'ile, axtzunju in b'inchante taq'un. 11Kyokslame nyole, aqine tuk'il Nmane ex at Nmane wuk'ile; qatzun mi'n kyaje tu'n t-xi kyoksla'ne nyole, ex kuchiwt tu'n t-xi kyoksla'ne tu'nju nno'k kyke'yine nb'inchb'ene. 12Ax tok kxel nma'ne kyeye, alkye ma tz'okslan wi'je, ax aq'untl ok tb'incha' ik tza'n in nb'incha'ne; ex mas nim aq'untl ok tb'incha' kywitz qe jlu, porke aqine ma chinxe tuk'il Nmane. 13Ex tkyaqilju kxel kyqanine te Nmane tu'nju okslal qeye wi'je, ok nb'incha'ye kyeye tu'ntzun tjaw nimsa'n tb'i Nmane ti'j ju ok nb'incha'ye kyeye, aqine Tk'wa'l. 14Qa at jun ti'xti ma txi kyqanine tu'nju okslal qeye wi'je, ok nb'incha'ye kyeye.
In tma'n Jesús tu'n tul Xewb'aj Xjan
15Qa in chin kyk'ujla'ne, che japunx qe nmandamyente kyu'ne. 16Ex aqine chin kub'sal twitz Nmane, ktzajeltzun tq'o'n Nmane juntl onil kyeye ex q'uqb'alte kyk'u'je tu'n tten kyuk'ile te jumajx. 17Aju onil kyeye ex q'uqb'alte kyk'u'je, atzunju Xewb'aj Xjan, aju chik'b'alte ju axix tok. Mlay b'ant tu'n tk'monjtz kyu'n xjal, porke minti' nno'k kyke'yin, ex minti' ojtzqi'n kyu'n; atzun kyeye ojtzqi'n kyu'ne, ex ax najl kyuk'ile ex ax ktel tuj kyanmiye. 18Mlay che kyaj nq'o'ne meb'a; chin ultle kyuk'ile. 19Noq ch'intl chin tele ja'lo, ex mlay chin ok ke'yintle kyu'n xjal; atzun kyeye chin okel kyke'yine; ex tu'nju kukx chin anq'ile, ax ikx kyeye che anq'ile. 20Tuj tq'ijlalil tzul k'elel kynik'e ti'j qa atine tuk'il Nmane, ex ate'ye wuk'ile, ex atine kyuk'ile. 21Aju xjal at qe nmandamyente tuk'il ex in che japun tu'n, atzunju in chin k'ujlanjtze tu'n; ex aju xjal in chin k'ujlanjtze tu'n, ok kk'ujlanjtzel tu'n Nmane, ax ikx weye ok nk'ujla'ye, ex kxel nyek'un wib'e te, chi Jesús xi tma'n kye.
22Xitzun tma'n Judas te (mya aju Iscariote):
—Tat, ¿tza'ntzun tten noq o'kx qeye ktzajel tyek'un tib'a, ex mya kye kykyaqil xjal?
23Xi ttzaq'we'n Jesús:
—Aju xjal in k'ujlante weye, kxel tniman nyole; ex ok kk'ujlanjtzel tu'n Nmane, qo ule tuk'il, ex qo najale tuk'il. 24Ex alkye jun xjal minti' in chin k'ujlanjtze tu'n, minti' in xi tniman nyole; ex aju yol ma kyb'iye, mya weye; tete Nmane aju tzaj samante weye.
25A jlu ma txi nma'ne kyeye atinxe kyuk'ile. 26Atzunju onil kyeye ex q'uqb'al kyk'u'je, aju Xewb'aj Xjan, aju ktzajel t-sama'n Nmane te nxele, atzunju kq'olte xnaq'tzb'il kyeye ti'j tkyaqil, ex ok tma' tu'n ttzaj kyna'ne tkyaqilju ma txi nma'ne kyeye.
27Che kyjel nkawine tuj cheb'a tu'n tqe' kyk'u'je; kyjel nq'uqb'a'ne kyk'u'je, ex mya ik tten q'uqb'ab'l kyk'u'je kxel nq'o'ne ik tza'n kye xjal in kyq'o'n. Kyja'tzun mi'n b'aj kyk'u'je ex mi'n che xob'e. 28Ma kyb'iye aju ma txi nma'ne kyeye: Chin xe'le ex chin ule juntl maj kyuk'ile. Noqwit k'ujla'n qine kyu'ne, mawtlo che tzalaje tu'nju ma txi nma'ne ma chinxe tuk'il Nmane; porke ate Nmane mas at toklen nwitze. 29Ma txi nma'ne kyeye ja'lo na'nxtoq tjapun, tu'ntzun t-xi kyoksla'ne ok tjapun.
30Mya nimtl yol tu'n t-xi nma'ne kyeye porke tzul ju nejenel, aju in kawin kyib'aj kykyaqil xjal twitz tx'otx'. Minti' toklen wi'je, 31ex il ti'j tu'n tel kynik' kykyaqil xjal ti'j qa k'ujla'n Nmane wu'ne, ex in nb'incha'ne ik tza'nx tzaj tma'n Nmane weye. Che we'ktze, qo ik' tzalu.
Currently Selected:
Juan 14: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Juan 14
14
Ate Jesús ju b'e tu'n qpon tuk'il Dios Mamb'aj
1Mi'n b'aj kyk'u'je; qe'k kyk'u'je ti'j Dios, ax ikx qe'k kyk'u'je wi'je. 2Tuj tja Nmane at nimku najb'il; noqwit minti', mawtlo txi nma'ne kyeye; chin xe'ltzune tu'n tb'aj nb'incha'ne jun najb'il kyeye. 3Ok nxi'ye ex ok tb'aj nb'incha'ne jun kynajb'ile, chin ule juntl maj ex che xel wi'ne wuk'ile tu'ntzun kytene wuk'ile jatum chin tele. 4Ex b'a'n kyu'ne jatum chin xe'le, ex ojtzqi'n b'e kyu'ne, chi Jesús.
5Xitzun tma'n Tomás te:
—Tat, minti' b'a'n qu'ne jatum kxe'la, ¿tza'ntzun tten tu'n tel qnik'e ti'j ju b'e?
6Xi ttzaq'we'n Jesús:
—Aqine ju b'e, aqine ju yol axix tok, ex aqine q'ol chwinqlal; mi a'l jun xjal jaku pon tuk'il Dios Mamb'aj, qa mya wu'ne. 7Noqwit ma tz'el kynik'e wi'je, mawtlo tz'el kynik'e ti'j Nmane; atzun ja'lo ma tz'el kynik'e ti'j ex ma kyile.
8Xitzun tma'n Felipe te Jesús:
—Tat, yek'untza Dios Mamb'aj qeye, ex akuxtzunju.
9Xi ttzaq'we'n Jesús:
—¿Maj na'nx tel tnik'a wi'je, Felipe? Ex ma chin tene nim q'ij kyuk'ile. Alkye ma chin ilwaje tu'n, ma ilwaj Dios Mamb'aj tu'n. ¿Tza'ntzun tten in tzaj tma'na tu'n t-xi nyek'une Dios Mamb'aj kyeye? 10¿Maj minti' in xi toksla'na qa aqine tuk'il Nmane ex a Nmane wuk'ile? Aju yol in xi nma'ne kyeye, mya wexwe nyol, noq o'kx ate Nmane najl wuk'ile, axtzunju in b'inchante taq'un. 11Kyokslame nyole, aqine tuk'il Nmane ex at Nmane wuk'ile; qatzun mi'n kyaje tu'n t-xi kyoksla'ne nyole, ex kuchiwt tu'n t-xi kyoksla'ne tu'nju nno'k kyke'yine nb'inchb'ene. 12Ax tok kxel nma'ne kyeye, alkye ma tz'okslan wi'je, ax aq'untl ok tb'incha' ik tza'n in nb'incha'ne; ex mas nim aq'untl ok tb'incha' kywitz qe jlu, porke aqine ma chinxe tuk'il Nmane. 13Ex tkyaqilju kxel kyqanine te Nmane tu'nju okslal qeye wi'je, ok nb'incha'ye kyeye tu'ntzun tjaw nimsa'n tb'i Nmane ti'j ju ok nb'incha'ye kyeye, aqine Tk'wa'l. 14Qa at jun ti'xti ma txi kyqanine tu'nju okslal qeye wi'je, ok nb'incha'ye kyeye.
In tma'n Jesús tu'n tul Xewb'aj Xjan
15Qa in chin kyk'ujla'ne, che japunx qe nmandamyente kyu'ne. 16Ex aqine chin kub'sal twitz Nmane, ktzajeltzun tq'o'n Nmane juntl onil kyeye ex q'uqb'alte kyk'u'je tu'n tten kyuk'ile te jumajx. 17Aju onil kyeye ex q'uqb'alte kyk'u'je, atzunju Xewb'aj Xjan, aju chik'b'alte ju axix tok. Mlay b'ant tu'n tk'monjtz kyu'n xjal, porke minti' nno'k kyke'yin, ex minti' ojtzqi'n kyu'n; atzun kyeye ojtzqi'n kyu'ne, ex ax najl kyuk'ile ex ax ktel tuj kyanmiye. 18Mlay che kyaj nq'o'ne meb'a; chin ultle kyuk'ile. 19Noq ch'intl chin tele ja'lo, ex mlay chin ok ke'yintle kyu'n xjal; atzun kyeye chin okel kyke'yine; ex tu'nju kukx chin anq'ile, ax ikx kyeye che anq'ile. 20Tuj tq'ijlalil tzul k'elel kynik'e ti'j qa atine tuk'il Nmane, ex ate'ye wuk'ile, ex atine kyuk'ile. 21Aju xjal at qe nmandamyente tuk'il ex in che japun tu'n, atzunju in chin k'ujlanjtze tu'n; ex aju xjal in chin k'ujlanjtze tu'n, ok kk'ujlanjtzel tu'n Nmane, ax ikx weye ok nk'ujla'ye, ex kxel nyek'un wib'e te, chi Jesús xi tma'n kye.
22Xitzun tma'n Judas te (mya aju Iscariote):
—Tat, ¿tza'ntzun tten noq o'kx qeye ktzajel tyek'un tib'a, ex mya kye kykyaqil xjal?
23Xi ttzaq'we'n Jesús:
—Aju xjal in k'ujlante weye, kxel tniman nyole; ex ok kk'ujlanjtzel tu'n Nmane, qo ule tuk'il, ex qo najale tuk'il. 24Ex alkye jun xjal minti' in chin k'ujlanjtze tu'n, minti' in xi tniman nyole; ex aju yol ma kyb'iye, mya weye; tete Nmane aju tzaj samante weye.
25A jlu ma txi nma'ne kyeye atinxe kyuk'ile. 26Atzunju onil kyeye ex q'uqb'al kyk'u'je, aju Xewb'aj Xjan, aju ktzajel t-sama'n Nmane te nxele, atzunju kq'olte xnaq'tzb'il kyeye ti'j tkyaqil, ex ok tma' tu'n ttzaj kyna'ne tkyaqilju ma txi nma'ne kyeye.
27Che kyjel nkawine tuj cheb'a tu'n tqe' kyk'u'je; kyjel nq'uqb'a'ne kyk'u'je, ex mya ik tten q'uqb'ab'l kyk'u'je kxel nq'o'ne ik tza'n kye xjal in kyq'o'n. Kyja'tzun mi'n b'aj kyk'u'je ex mi'n che xob'e. 28Ma kyb'iye aju ma txi nma'ne kyeye: Chin xe'le ex chin ule juntl maj kyuk'ile. Noqwit k'ujla'n qine kyu'ne, mawtlo che tzalaje tu'nju ma txi nma'ne ma chinxe tuk'il Nmane; porke ate Nmane mas at toklen nwitze. 29Ma txi nma'ne kyeye ja'lo na'nxtoq tjapun, tu'ntzun t-xi kyoksla'ne ok tjapun.
30Mya nimtl yol tu'n t-xi nma'ne kyeye porke tzul ju nejenel, aju in kawin kyib'aj kykyaqil xjal twitz tx'otx'. Minti' toklen wi'je, 31ex il ti'j tu'n tel kynik' kykyaqil xjal ti'j qa k'ujla'n Nmane wu'ne, ex in nb'incha'ne ik tza'nx tzaj tma'n Nmane weye. Che we'ktze, qo ik' tzalu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.