Juan 15
15
Aju tqan uva axix tok
1Aqine tqan uva axix tok, atzun Nmane atzun aq'nal ti'j. 2Tkyaqil tq'ab' uva tok wi'je qa minti' twitz, k'elel ttx'emin; ex tkyaqilju tq'ab' uva at twitz, k'elel ti'n ttzqijil ti'j tu'ntzun tok txqantl twitz. 3Atzun kyeye ma tz'el b'aj ttzqijil kyi'je tu'nju yol ma txi nma'ne kyeye. 4Che tenkje wuk'ile ex aqine kyuk'ile. Ik tza'n jun tq'ab' uva mlay tz'ok twitz tu'nx tib' qa mya tok ti'j tqan uva; ikxtzun kyeye mlay tz'ok kywitze qa minti' ẍe kyaj tene wuk'ile.
5Aqine tqan uva, atzun kyeye tq'ab' uva qeye; alkye ax tok wi'je ex tok qine ti'j, atzunju nim twitz k'okel. Qatzun kypa'n kyib'e wi'je, minti' kb'antel kyu'ne. 6Alkye minti' ma kyaj ten wuk'ile, k'elex xo'n ex ktzqijel ik tza'n qe tq'ab' uva in tzaj kyi'n xjal ex nno'kx kyq'o'n tuj q'aq' tu'n kyb'aj tz'e'y.
7Qa ma che kyaj tene wuk'ile, ex qa ma kyaj ten nyole tuj kyanmiye, kyqaninxe tkyaqil alkye kyajb'ile, ex ktzajel q'o'n kyeye. 8Tu'ntzun jlu kjawil nimsa'n Nmane qa ma tz'ok nim kywitze, ex kyja'tzun tten tu'n kyoke te nxnaq'tzb'ene. 9Ik tza'n te Nmane ma chin k'ujlanjtze tu'n, ikxtzun kyeye ma che nk'ujlaye. Ax che tenkje tuj nk'ujlalile. 10Qa ma che japun qe nmandamyente kyu'ne, kukx ktel nk'ujlalile kyi'je; ik tza'n weye ma che japun qe tmandamyent Nmane wu'ne ex kukx ma ten tk'ujlalil wi'je.
11Tkyaqil jlu ma txi nma'ne kyeye tu'ntzun kytzalaje junx wuk'ile ex tu'n kytzalaje nimxix. 12Atzun nmandamyente jlu: Tu'n kyk'ujlante kyib'e kyxolxe, ik tza'n weye ma che nk'ujlaye. 13Qa at jun xjal ma txi tq'on tib' tu'n tkyim tu'n kyklet qe tamiw, mas ma' tk'ujlalil, mlay pon tk'ujlalil juntl ik tza'n jlu. 14Aqeye che okele te wamiwoye qa ma kyb'inchaye aju kxel nma'ne kyeye. 15Mlay tz'ok nq'o'ntle kyb'iye majen, porke aju majen minti' b'a'n tu'n aju in tb'incha'n tpatrón; atzun kyeye ma tz'ok nq'o'ne kyb'iye te wamiwoye, ex tkyaqilju o nb'iye te Nmane, o txi ntx'olb'a'ne kyeye. 16Mya aqeye e jaw sk'onte weye; noq o'kx aqine ẍin jaw sk'onte kyeye ex ma tz'ok nq'o'ne kyoklene tu'n kyxi'ye aq'nal, ex tu'n tok kywitze ex kukx tu'n tten kywitze ik tza'n jun wi' uva at nim twitz, tu'ntzun ttzaj tq'o'n Nmane kyeye tkyaqilju kxel kyqanine te, tu'nju okslal qeye wi'je. 17Atzun jlu kxel nma'ne kyeye: Tu'n kyk'ujlante kyib'e kyxolxe.
El ik'un Jesús kyu'n xjal, kyuk'ix qe okslal
18Qa ma che el ik'une kyu'n xjal, tz'elx kynik'e ti'j, nej ma chin el ik'une kyu'n xjal kywitze. 19Noqwit te twitz tx'otx' qeye, mawtlo che k'ujlanjtze kyu'n xjal ik tza'n in che k'ujlanjtz qe kyuk'il kyu'n, ex ja'lo ma che jaw nsk'o'ne kyxol xjal, tu'ntzunju ma che el ik'une kyu'n, porke mya te twitz tx'otx' qeye. 20Kyna'ntze aju yol xi nma'ne kyeye: Aju majen mya mas nim toklen twitz tpatrón nchitzune. Qa ma chin yajlanjtze kyu'n xjal, ax ikx kyeye che yajlanjtzele kyu'n; ex qa ma txi kyniman xjal nyole, ax ikx kyeye kxel niman kyyole kyu'n. 21Tkyaqil jlu ok kyb'incha' xjal kyi'je tu'n tlaj okslal qeye wi'je, porke minti' ojtzqi'n kyu'n aju tzaj samante weye.
22Noqwit minti' ma chin ule ex noqwit minti' ma chin yoline kyuk'il, minti'wtlo kyil; atzun ja'lo minti' kykolb'il kyib' ti'j kyil. 23Alkye ma tz'el ik'unte weye, ax ikx nne'l ik'un Nmane tu'n. 24Noqwit minti' o nb'inchaye aq'untl kyxol, aju minti' o b'ant tu'n juntl xjal, minti'wtlo kyil; atzun ja'lo ma kyil waq'unb'ene ex ma chin el ik'une kyu'n, tuk'ix Nmane. 25In kyb'incha'n jlu tu'ntzun tjapun aju yol tz'ib'amaj tuj kyley, chi in tma'n: Noqx gan ma chin el ik'une kyu'n, chi tuj Tu'jil.
26Oktzun tul ju Onil kyeye ex Q'uqb'alte kyk'u'je, aju ktzajel nsama'ne, aju ktzajel tuk'il Nmane, ktzajel tma'n ju axix tok wi'je. Atzun jlu aju Xewb'aj Xjan, aju chik'b'alte ju axix tok, atzun in tzaj tuk'il Nmane. 27Ax ikx kyeye kxel kychik'b'a'ne ax tok wi'je, porke ma che tene wuk'ile atxix t-xe tnejel.
Currently Selected:
Juan 15: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Juan 15
15
Aju tqan uva axix tok
1Aqine tqan uva axix tok, atzun Nmane atzun aq'nal ti'j. 2Tkyaqil tq'ab' uva tok wi'je qa minti' twitz, k'elel ttx'emin; ex tkyaqilju tq'ab' uva at twitz, k'elel ti'n ttzqijil ti'j tu'ntzun tok txqantl twitz. 3Atzun kyeye ma tz'el b'aj ttzqijil kyi'je tu'nju yol ma txi nma'ne kyeye. 4Che tenkje wuk'ile ex aqine kyuk'ile. Ik tza'n jun tq'ab' uva mlay tz'ok twitz tu'nx tib' qa mya tok ti'j tqan uva; ikxtzun kyeye mlay tz'ok kywitze qa minti' ẍe kyaj tene wuk'ile.
5Aqine tqan uva, atzun kyeye tq'ab' uva qeye; alkye ax tok wi'je ex tok qine ti'j, atzunju nim twitz k'okel. Qatzun kypa'n kyib'e wi'je, minti' kb'antel kyu'ne. 6Alkye minti' ma kyaj ten wuk'ile, k'elex xo'n ex ktzqijel ik tza'n qe tq'ab' uva in tzaj kyi'n xjal ex nno'kx kyq'o'n tuj q'aq' tu'n kyb'aj tz'e'y.
7Qa ma che kyaj tene wuk'ile, ex qa ma kyaj ten nyole tuj kyanmiye, kyqaninxe tkyaqil alkye kyajb'ile, ex ktzajel q'o'n kyeye. 8Tu'ntzun jlu kjawil nimsa'n Nmane qa ma tz'ok nim kywitze, ex kyja'tzun tten tu'n kyoke te nxnaq'tzb'ene. 9Ik tza'n te Nmane ma chin k'ujlanjtze tu'n, ikxtzun kyeye ma che nk'ujlaye. Ax che tenkje tuj nk'ujlalile. 10Qa ma che japun qe nmandamyente kyu'ne, kukx ktel nk'ujlalile kyi'je; ik tza'n weye ma che japun qe tmandamyent Nmane wu'ne ex kukx ma ten tk'ujlalil wi'je.
11Tkyaqil jlu ma txi nma'ne kyeye tu'ntzun kytzalaje junx wuk'ile ex tu'n kytzalaje nimxix. 12Atzun nmandamyente jlu: Tu'n kyk'ujlante kyib'e kyxolxe, ik tza'n weye ma che nk'ujlaye. 13Qa at jun xjal ma txi tq'on tib' tu'n tkyim tu'n kyklet qe tamiw, mas ma' tk'ujlalil, mlay pon tk'ujlalil juntl ik tza'n jlu. 14Aqeye che okele te wamiwoye qa ma kyb'inchaye aju kxel nma'ne kyeye. 15Mlay tz'ok nq'o'ntle kyb'iye majen, porke aju majen minti' b'a'n tu'n aju in tb'incha'n tpatrón; atzun kyeye ma tz'ok nq'o'ne kyb'iye te wamiwoye, ex tkyaqilju o nb'iye te Nmane, o txi ntx'olb'a'ne kyeye. 16Mya aqeye e jaw sk'onte weye; noq o'kx aqine ẍin jaw sk'onte kyeye ex ma tz'ok nq'o'ne kyoklene tu'n kyxi'ye aq'nal, ex tu'n tok kywitze ex kukx tu'n tten kywitze ik tza'n jun wi' uva at nim twitz, tu'ntzun ttzaj tq'o'n Nmane kyeye tkyaqilju kxel kyqanine te, tu'nju okslal qeye wi'je. 17Atzun jlu kxel nma'ne kyeye: Tu'n kyk'ujlante kyib'e kyxolxe.
El ik'un Jesús kyu'n xjal, kyuk'ix qe okslal
18Qa ma che el ik'une kyu'n xjal, tz'elx kynik'e ti'j, nej ma chin el ik'une kyu'n xjal kywitze. 19Noqwit te twitz tx'otx' qeye, mawtlo che k'ujlanjtze kyu'n xjal ik tza'n in che k'ujlanjtz qe kyuk'il kyu'n, ex ja'lo ma che jaw nsk'o'ne kyxol xjal, tu'ntzunju ma che el ik'une kyu'n, porke mya te twitz tx'otx' qeye. 20Kyna'ntze aju yol xi nma'ne kyeye: Aju majen mya mas nim toklen twitz tpatrón nchitzune. Qa ma chin yajlanjtze kyu'n xjal, ax ikx kyeye che yajlanjtzele kyu'n; ex qa ma txi kyniman xjal nyole, ax ikx kyeye kxel niman kyyole kyu'n. 21Tkyaqil jlu ok kyb'incha' xjal kyi'je tu'n tlaj okslal qeye wi'je, porke minti' ojtzqi'n kyu'n aju tzaj samante weye.
22Noqwit minti' ma chin ule ex noqwit minti' ma chin yoline kyuk'il, minti'wtlo kyil; atzun ja'lo minti' kykolb'il kyib' ti'j kyil. 23Alkye ma tz'el ik'unte weye, ax ikx nne'l ik'un Nmane tu'n. 24Noqwit minti' o nb'inchaye aq'untl kyxol, aju minti' o b'ant tu'n juntl xjal, minti'wtlo kyil; atzun ja'lo ma kyil waq'unb'ene ex ma chin el ik'une kyu'n, tuk'ix Nmane. 25In kyb'incha'n jlu tu'ntzun tjapun aju yol tz'ib'amaj tuj kyley, chi in tma'n: Noqx gan ma chin el ik'une kyu'n, chi tuj Tu'jil.
26Oktzun tul ju Onil kyeye ex Q'uqb'alte kyk'u'je, aju ktzajel nsama'ne, aju ktzajel tuk'il Nmane, ktzajel tma'n ju axix tok wi'je. Atzun jlu aju Xewb'aj Xjan, aju chik'b'alte ju axix tok, atzun in tzaj tuk'il Nmane. 27Ax ikx kyeye kxel kychik'b'a'ne ax tok wi'je, porke ma che tene wuk'ile atxix t-xe tnejel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.