Lucas 6
6
El kyi'n t-xnaq'tzb'en Jesús triw twi tqan tuj q'ij te ojlab'l
Mateo 12.1-8; Marcos 2.23-28
1In b'ettoq Jesús kyxol awal tuj jun q'ij te ojlab'l, kyuk'ix qe t-xnaq'tzb'en; in che b'ettoq ex e ok ten q'ilte triw twi tqan, ex kub' kyxq'uchin tuj kyq'ab', ex xi kywa'n. 2Ex at junjun fariseo xi kyma'n kye:
—¿Tiqu'n in kyb'incha'ne jlu, aju mya q'o'n tu'n ley tu'n tb'inchanjtz tuj q'ij te ojlab'l?
3Xi ttzaq'we'n Jesús:
—¿B'ajxpe jaw kysch'i'ne tuj Tu'jil ti o tb'incha David tej ttzaj el tk'u'j kyuk'ix qe tuk'il? 4Okx tuj tja Dios, e jaw ttzyu'n qe pan ky'iwla'maj ex xi twa'n, ex xi tq'o'n kye tuk'il, maske minti' kyoklen ti'j tu'n t-xi kywa'n qe pan lu, porke o'kx qe pal kye judiy at kyoklen ti'j.
5Ex xi tma'ntl kye:
—Aqine tajaw q'ij te ojlab'l, aqine sk'o'maj qine tu'n Dios tu'n ntene kyuk'il xjal.
B'anix jun xjal tzqijtoq tq'ab'
Mateo 12.9-14; Marcos 3.1-6
6Tuj juntl q'ij te ojlab'l okx Jesús tuj ja te k'ulb'il in tq'o'n xnaq'tzb'il kye xjal. Axtoq ta' jun xinaq tzqijtoq tb'anq'ab'. 7Atzun kye xnaq'tzal ti'j ley ex qe fariseo in che ke'yintoq ti'j qa tu'n tb'ant tq'ab' xjal tu'n Jesús tuj q'ij te ojlab'l, in che jyon tumel tu'n tkub' tz'aq tuj kyley. 8Atzunte Jesús el tnik' ti'j kyximb'etz, ex xi tma'n te xinaq tzqij tq'ab':
—We'ktza ex we'kuya kyxol xjal.
Jawtzun we' ex ax kub' we'. 9Xitzun tma'n Jesús kye fariseo:
—At jun yol kxel nxjeline kyeye: ¿Q'o'npelo tu'n ley tu'n tb'inchet b'a'n tuj q'ij te ojlab'l, ex qa tu'n tb'inchet mya b'a'n? ¿Q'o'npelo tu'n ley tu'n tklet jun xjal ex qa tu'n tnaj?
10Xitzun tke'yin Jesús kywitz kykyaqil ti'jele, ex xi tma'n te xinaq:
—Nuqpi'mil tq'ab'a.
Atzunte xinaq el tnuqpi'n, ex b'anttzun tq'ab'. 11Atzun kye fariseo tzaj nim kyq'oj, in che yolintoq kyxolx alkye tu'n kyb'inchante ti'j Jesús.
E jaw t-sk'o'n Jesús qe kab'laj t-xnaq'tzb'en
Mateo 10.1-4; Marcos 3.13-19
12Ax tq'ijlalil lu xi aj Jesús twi witz na'l Dios, ex jun qonik'an tu'n in na'n Dios. 13Tejtzun tjawil q'ij e tzaj ttxko'n qe t-xnaq'tzb'en, ex e jaw t-sk'o'n kab'laj kyxol ex ok tq'o'n kyb'i apostol. 14Atzun qe jlu: Simón aju ok q'o'n tb'i Pedro, tuk'ix Andrés aju titz'in Pedro, tuk'ix Jacobo, tuk'ix Juan, tuk'ix Felipe, tuk'ix Bartolomé, 15tuk'ix Mateo, tuk'ix Tomás, tuk'ix Jacobo aju tky'ajal Alfeo, tuk'ix Simón aju toktoq te tajlal kyxol jun partid xjal Cananista kyb'i, 16tuk'ix Judas aju titz'in Jacobo, tuk'ix Judas Iscariote aju xi q'onte Jesús tuj kyq'ab' xjal.
Xi tq'o'n Jesús xnaq'tzb'il kye nimku xjal
Mateo 4.23-25
17Ku'tz Jesús twi witz kyuk'ix apostol ex kub' ten tuj jun tal chq'ajlaj kyuk'il t-xnaq'tzb'en ex kyuk'il nim xjal tzajni qe tuj tx'otx' Judea ex tuj tnam Jerusalén ex tuj mlaj te tnam Tiro ex te tnam Sidón, otoq che tzaj b'ilte tyol Jesús, ex tu'n kyb'anix qe yab'. 18Aqeju in che yajlanjtz kyu'n ju'ẍ ax ikx e b'ant. 19Ex kykyaqil xjal ok tilil kyu'n tu'n tok kymako'n Jesús, porke tu'n tipumal Jesús in che b'anix kykyaqil yab'.
Qe xjal at tzalajb'il kye ex qeju b'ek'b'il kywitz
Mateo 5.1-12
20Xitzun tke'yin Jesús kywitz qe t-xnaq'tzb'en ex xi tma'n kye:
—At tzalajb'il kyeye aqeye meb'a, porke kyeye aju tkawb'il Dios.
21At tzalajb'il kyeye, aqeye nne'l kyk'u'je ja'lo, porke ok che nojele.
At tzalajb'il kyeye, aqeye in che oq'e ja'lo, porke ok che jawil tze'ne.
22At tzalajb'il kyeye ok kyel ik'une kyu'n xjal tu'n nlaje, aqine sk'o'maj qine tu'n Dios tu'n ntene kyuk'il xjal, ex ok kyex lajo'ne kyxol, ex ok kyyasun kyi'je, ex ok kyyolin kyi'je qa mya b'a'n qeye. 23Che tzalajxe tuj ju q'ij ok tb'inchanjtz jlu kyi'je, ex che tenxe alegr, porke ma' t-xilen jun oyaj tzul q'o'n kyeye tuj kya'j; porke ikx kyb'incha qe kyxe'chel ojtxi kyi'j t-sanjel Dios.
24Pero, b'ek'b'il kywitze aqeye q'inun, porke o'kx ja'lo ma q'uqb'anjtz kyk'u'je.
25B'ek'b'il kywitze aqeye ma noj kyk'u'je ja'lo, porke ktzajel el kyk'u'je.
B'ek'b'il kywitze aqeye in che tze'ne ja'lo, porke ok che wu'yile ex ok che oq'ele tu'n b'is.
26B'ek'b'il kywitze ok kyyolin kykyaqil xjal b'a'n kyi'je, porke ikx o kyb'incha qe kyxe'chel ojtxi kyi'j qe pakb'al nik'al yol.
Aju tu'n qk'ujlante qe aj q'oj qi'j
Mateo 5.38-48; 7.12
27Atzun kyeye, aqeye in che b'in ti'j nyole, kxel nma'ne kyeye: Kyk'ujlame qe aj q'oj kyi'je, kyb'inchame b'a'n kye qeju in che el ik'un te kyeye; 28kyqaninxe ky'iwb'il kyib'aj qeju in tzaj kyqanin mya b'a'n kyib'aje ex che na'ne Dios kyi'j qeju in che yasun kyi'je. 29Ex qa at jun xjal ma tz'ok jun tq'o'txa tu'n, q'onxa juntl tq'o'txa qa taj xjal tu'n tok juntl; ex qa at jun xjal ma tz'el q'inte tchikyeta, ax ikx q'onxa tkamiẍa te, mi'n kub' t-xk'ayina. 30Qa at jun xjal ma tzaj tqanin jun ti'xti teya, q'onxa te; ex qa at jun xjal ma tz'el q'inte jun ti'xti teya, mi'n txi tqanintla. 31Ik tza'n kyaje tu'n kyb'inchante xjal kyeye, ikxtzun kyeye kyb'inchame kye.
32Qa ma kyk'ujlaye o'kx qeju in che k'ujlan kyeye, ¿alkye jun b'a'n in kyb'incha'ne ikju? Porke ikx qe xjal mya b'a'n in kyk'ujla'n qeju in che k'ujlan kye. 33Ex qa o'kx ma kyb'inchaye b'a'n kye qeju in che b'inchan b'a'n kyeye, ¿alkye jun b'a'n in kyb'incha'ne ikju? Porke ikx qe xjal mya b'a'n in kyb'incha'n ikju. 34Ex qa ma txi kyq'o'ne kych'ex xjal o'kx kye qeju at tumel tu'n tchjet kyu'n, ¿alkye jun b'a'n in kyb'incha'ne ikju? Porke ikx qe xjal mya b'a'n in xi kyq'o'n kych'ex xjal mya b'a'n tu'nju b'a'n kyu'n qa ok kyk'ma' t-xel. 35Kyk'ujlamtzune qe aj q'oj kyi'je ex kyb'inchame b'a'n, ex kyq'onxe kych'ex xjal, ex mi'n che ayone tu'n tajtz q'o'n t-xel; kyja'tzun ma' t-xilen jun oyaj tzul q'o'n kyeye, ex che okele tk'wa'l Dios, aju Dios Ma'xix Toklen; porke ate Dios in tzaj q'onte ju b'a'n kye qeju minti' in xi kyq'o'n chjonte te ex kye qeju mya b'a'n qe. 36Tzaj q'aq'an kyk'u'je kyi'j xjal ik tza'n te Kymane in q'aq'an tk'u'j kyi'j.
Mi'n che yoline mya b'a'n kyi'j kyuk'ile
Mateo 7.1-5
37Mi'n che yoline kyi'j kyuk'ile qa mya b'a'n qe, tu'ntzun mi'n kyoke tuj xjel tu'n Dios. Mi'n kub' kyq'o'ne kysentens txqantl, tu'ntzun mi'n tkub' q'o'n kysentense tu'n Dios. Kynajsame aju mya b'a'n in kyb'incha'n xjal kyi'je, ex knajseteltzun kyile tu'n Dios. 38Kyq'onxe ch'in kye mastl ex ktzajel tq'o'n Dios ch'intl kyeye; jun malb'il tz'aqlxix ktzajel tq'o'n Dios kyeye, nojnixix wen ex nne'l tilj. Ex ax ju malb'il k'ajb'el tu'n Dios kyeye jatum in xi kymalo'ne te juntl.
39Ax ikx xi tma'n Jesús jun techal kye:
—¿Jakupe b'ant tu'n jun moẍ tu'n t-xi tyek'un tb'e juntl moẍ? ¿Mlaypelo che'x tz'aq tuj jul kykab'il? 40Aju xnaq'tzb'en mya mas toklen twitz ju xnaq'tzal te; maxitzun k'okel ik tza'n te xnaq'tzal te okxi tjapun b'aj xnaq'tzb'il tu'n.
41¿Tiqu'n nno'k kyke'yine aju tal tz'is tokx tuj twitz kyermaniye, ex minti' nno'k kyq'o'ne kwent ti'j ju viga tokx tuj kywitze? 42¿Tza'ntzun tten tu'n t-xi kyma'ne te kyermaniye: K'eletz qi'ne ju tal tz'is tokx tuj twitza erman, ex lu ju viga tokx tuj kywitze? Xmletz' qeye. Nej kyi'metze aju viga tokx tuj kywitze, ex q'ancha'lxix ok kyila'ye tu'n tetz kyi'ne ju tal tz'is tokx tuj twitz kyermaniye.
Nne'l qnik' ti'j tze' noq tu'n twitz
Mateo 7.17-20; 12.34-35
43Porke jun tze' b'a'n minti' in tq'o'n twitz mya b'a'n; ex jun tze' mya b'a'n minti' in tq'o'n twitz b'a'n. 44Porke teyle junjun tze' nne'l qnik' ti'j tu'n twitz; mlay tz'el qtuxin qlo' higo ti'j ch'i'x, ex mlay tz'el qtuxin qlo' uva ti'j ch'i'x k'ul. 45Aju xjal b'a'n, in tb'incha'n ju b'a'n ex atzun ta' ju b'a'n tuj tanmi; atzunte xjal mya b'a'n in tb'incha'n mya b'a'n ex atzun ta' ju mya b'a'n tuj tanmi; porke ik tza'nx tten tkyaqilju at tuj kyanmi xjal, axtzunju in che yolin ti'j.
In yolin Jesús kyi'j kab'e simyent
Mateo 7.24-27
46¿Tiqu'n nno'k kyma'ne weye: Tat, Tat, che chiye, ex minti' in kyb'incha'ne aju in xi nma'ne kyeye? 47Tkyaqilju nnu'l wuk'ile ex in xi tb'i'n nyole ex in tb'incha'n aju in xi nma'ne, kxel nma'ne kyeye tza'n tten. 48Ik tten ik tza'n jun xinaq jaw tb'incha'n tja, nej ku'x tlaku'n ma' t-xe' tkub'il tja ex kub' tq'o'n ju simyent tib'aj pk'at. Tejtzun ttzaj jun nintz a', pon tilj nimxix ti'j ja, ex minti' o yukch, porke tkub' t-simyentil tib'aj pk'at. 49Ex alkye ma b'inte nyole ex minti' in tb'incha'n aju in xi nma'ne, ik tten ik tza'n jun xinaq jaw tb'incha'n tja tib'aj tx'otx' minti' t-simyentil kub' tq'o'n; ex pon tilj nimxix a' ti'j, ex kub' tilj naj; ex b'i'x kub' xitj ju ja tkyaqil.
Currently Selected:
Lucas 6: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Lucas 6
6
El kyi'n t-xnaq'tzb'en Jesús triw twi tqan tuj q'ij te ojlab'l
Mateo 12.1-8; Marcos 2.23-28
1In b'ettoq Jesús kyxol awal tuj jun q'ij te ojlab'l, kyuk'ix qe t-xnaq'tzb'en; in che b'ettoq ex e ok ten q'ilte triw twi tqan, ex kub' kyxq'uchin tuj kyq'ab', ex xi kywa'n. 2Ex at junjun fariseo xi kyma'n kye:
—¿Tiqu'n in kyb'incha'ne jlu, aju mya q'o'n tu'n ley tu'n tb'inchanjtz tuj q'ij te ojlab'l?
3Xi ttzaq'we'n Jesús:
—¿B'ajxpe jaw kysch'i'ne tuj Tu'jil ti o tb'incha David tej ttzaj el tk'u'j kyuk'ix qe tuk'il? 4Okx tuj tja Dios, e jaw ttzyu'n qe pan ky'iwla'maj ex xi twa'n, ex xi tq'o'n kye tuk'il, maske minti' kyoklen ti'j tu'n t-xi kywa'n qe pan lu, porke o'kx qe pal kye judiy at kyoklen ti'j.
5Ex xi tma'ntl kye:
—Aqine tajaw q'ij te ojlab'l, aqine sk'o'maj qine tu'n Dios tu'n ntene kyuk'il xjal.
B'anix jun xjal tzqijtoq tq'ab'
Mateo 12.9-14; Marcos 3.1-6
6Tuj juntl q'ij te ojlab'l okx Jesús tuj ja te k'ulb'il in tq'o'n xnaq'tzb'il kye xjal. Axtoq ta' jun xinaq tzqijtoq tb'anq'ab'. 7Atzun kye xnaq'tzal ti'j ley ex qe fariseo in che ke'yintoq ti'j qa tu'n tb'ant tq'ab' xjal tu'n Jesús tuj q'ij te ojlab'l, in che jyon tumel tu'n tkub' tz'aq tuj kyley. 8Atzunte Jesús el tnik' ti'j kyximb'etz, ex xi tma'n te xinaq tzqij tq'ab':
—We'ktza ex we'kuya kyxol xjal.
Jawtzun we' ex ax kub' we'. 9Xitzun tma'n Jesús kye fariseo:
—At jun yol kxel nxjeline kyeye: ¿Q'o'npelo tu'n ley tu'n tb'inchet b'a'n tuj q'ij te ojlab'l, ex qa tu'n tb'inchet mya b'a'n? ¿Q'o'npelo tu'n ley tu'n tklet jun xjal ex qa tu'n tnaj?
10Xitzun tke'yin Jesús kywitz kykyaqil ti'jele, ex xi tma'n te xinaq:
—Nuqpi'mil tq'ab'a.
Atzunte xinaq el tnuqpi'n, ex b'anttzun tq'ab'. 11Atzun kye fariseo tzaj nim kyq'oj, in che yolintoq kyxolx alkye tu'n kyb'inchante ti'j Jesús.
E jaw t-sk'o'n Jesús qe kab'laj t-xnaq'tzb'en
Mateo 10.1-4; Marcos 3.13-19
12Ax tq'ijlalil lu xi aj Jesús twi witz na'l Dios, ex jun qonik'an tu'n in na'n Dios. 13Tejtzun tjawil q'ij e tzaj ttxko'n qe t-xnaq'tzb'en, ex e jaw t-sk'o'n kab'laj kyxol ex ok tq'o'n kyb'i apostol. 14Atzun qe jlu: Simón aju ok q'o'n tb'i Pedro, tuk'ix Andrés aju titz'in Pedro, tuk'ix Jacobo, tuk'ix Juan, tuk'ix Felipe, tuk'ix Bartolomé, 15tuk'ix Mateo, tuk'ix Tomás, tuk'ix Jacobo aju tky'ajal Alfeo, tuk'ix Simón aju toktoq te tajlal kyxol jun partid xjal Cananista kyb'i, 16tuk'ix Judas aju titz'in Jacobo, tuk'ix Judas Iscariote aju xi q'onte Jesús tuj kyq'ab' xjal.
Xi tq'o'n Jesús xnaq'tzb'il kye nimku xjal
Mateo 4.23-25
17Ku'tz Jesús twi witz kyuk'ix apostol ex kub' ten tuj jun tal chq'ajlaj kyuk'il t-xnaq'tzb'en ex kyuk'il nim xjal tzajni qe tuj tx'otx' Judea ex tuj tnam Jerusalén ex tuj mlaj te tnam Tiro ex te tnam Sidón, otoq che tzaj b'ilte tyol Jesús, ex tu'n kyb'anix qe yab'. 18Aqeju in che yajlanjtz kyu'n ju'ẍ ax ikx e b'ant. 19Ex kykyaqil xjal ok tilil kyu'n tu'n tok kymako'n Jesús, porke tu'n tipumal Jesús in che b'anix kykyaqil yab'.
Qe xjal at tzalajb'il kye ex qeju b'ek'b'il kywitz
Mateo 5.1-12
20Xitzun tke'yin Jesús kywitz qe t-xnaq'tzb'en ex xi tma'n kye:
—At tzalajb'il kyeye aqeye meb'a, porke kyeye aju tkawb'il Dios.
21At tzalajb'il kyeye, aqeye nne'l kyk'u'je ja'lo, porke ok che nojele.
At tzalajb'il kyeye, aqeye in che oq'e ja'lo, porke ok che jawil tze'ne.
22At tzalajb'il kyeye ok kyel ik'une kyu'n xjal tu'n nlaje, aqine sk'o'maj qine tu'n Dios tu'n ntene kyuk'il xjal, ex ok kyex lajo'ne kyxol, ex ok kyyasun kyi'je, ex ok kyyolin kyi'je qa mya b'a'n qeye. 23Che tzalajxe tuj ju q'ij ok tb'inchanjtz jlu kyi'je, ex che tenxe alegr, porke ma' t-xilen jun oyaj tzul q'o'n kyeye tuj kya'j; porke ikx kyb'incha qe kyxe'chel ojtxi kyi'j t-sanjel Dios.
24Pero, b'ek'b'il kywitze aqeye q'inun, porke o'kx ja'lo ma q'uqb'anjtz kyk'u'je.
25B'ek'b'il kywitze aqeye ma noj kyk'u'je ja'lo, porke ktzajel el kyk'u'je.
B'ek'b'il kywitze aqeye in che tze'ne ja'lo, porke ok che wu'yile ex ok che oq'ele tu'n b'is.
26B'ek'b'il kywitze ok kyyolin kykyaqil xjal b'a'n kyi'je, porke ikx o kyb'incha qe kyxe'chel ojtxi kyi'j qe pakb'al nik'al yol.
Aju tu'n qk'ujlante qe aj q'oj qi'j
Mateo 5.38-48; 7.12
27Atzun kyeye, aqeye in che b'in ti'j nyole, kxel nma'ne kyeye: Kyk'ujlame qe aj q'oj kyi'je, kyb'inchame b'a'n kye qeju in che el ik'un te kyeye; 28kyqaninxe ky'iwb'il kyib'aj qeju in tzaj kyqanin mya b'a'n kyib'aje ex che na'ne Dios kyi'j qeju in che yasun kyi'je. 29Ex qa at jun xjal ma tz'ok jun tq'o'txa tu'n, q'onxa juntl tq'o'txa qa taj xjal tu'n tok juntl; ex qa at jun xjal ma tz'el q'inte tchikyeta, ax ikx q'onxa tkamiẍa te, mi'n kub' t-xk'ayina. 30Qa at jun xjal ma tzaj tqanin jun ti'xti teya, q'onxa te; ex qa at jun xjal ma tz'el q'inte jun ti'xti teya, mi'n txi tqanintla. 31Ik tza'n kyaje tu'n kyb'inchante xjal kyeye, ikxtzun kyeye kyb'inchame kye.
32Qa ma kyk'ujlaye o'kx qeju in che k'ujlan kyeye, ¿alkye jun b'a'n in kyb'incha'ne ikju? Porke ikx qe xjal mya b'a'n in kyk'ujla'n qeju in che k'ujlan kye. 33Ex qa o'kx ma kyb'inchaye b'a'n kye qeju in che b'inchan b'a'n kyeye, ¿alkye jun b'a'n in kyb'incha'ne ikju? Porke ikx qe xjal mya b'a'n in kyb'incha'n ikju. 34Ex qa ma txi kyq'o'ne kych'ex xjal o'kx kye qeju at tumel tu'n tchjet kyu'n, ¿alkye jun b'a'n in kyb'incha'ne ikju? Porke ikx qe xjal mya b'a'n in xi kyq'o'n kych'ex xjal mya b'a'n tu'nju b'a'n kyu'n qa ok kyk'ma' t-xel. 35Kyk'ujlamtzune qe aj q'oj kyi'je ex kyb'inchame b'a'n, ex kyq'onxe kych'ex xjal, ex mi'n che ayone tu'n tajtz q'o'n t-xel; kyja'tzun ma' t-xilen jun oyaj tzul q'o'n kyeye, ex che okele tk'wa'l Dios, aju Dios Ma'xix Toklen; porke ate Dios in tzaj q'onte ju b'a'n kye qeju minti' in xi kyq'o'n chjonte te ex kye qeju mya b'a'n qe. 36Tzaj q'aq'an kyk'u'je kyi'j xjal ik tza'n te Kymane in q'aq'an tk'u'j kyi'j.
Mi'n che yoline mya b'a'n kyi'j kyuk'ile
Mateo 7.1-5
37Mi'n che yoline kyi'j kyuk'ile qa mya b'a'n qe, tu'ntzun mi'n kyoke tuj xjel tu'n Dios. Mi'n kub' kyq'o'ne kysentens txqantl, tu'ntzun mi'n tkub' q'o'n kysentense tu'n Dios. Kynajsame aju mya b'a'n in kyb'incha'n xjal kyi'je, ex knajseteltzun kyile tu'n Dios. 38Kyq'onxe ch'in kye mastl ex ktzajel tq'o'n Dios ch'intl kyeye; jun malb'il tz'aqlxix ktzajel tq'o'n Dios kyeye, nojnixix wen ex nne'l tilj. Ex ax ju malb'il k'ajb'el tu'n Dios kyeye jatum in xi kymalo'ne te juntl.
39Ax ikx xi tma'n Jesús jun techal kye:
—¿Jakupe b'ant tu'n jun moẍ tu'n t-xi tyek'un tb'e juntl moẍ? ¿Mlaypelo che'x tz'aq tuj jul kykab'il? 40Aju xnaq'tzb'en mya mas toklen twitz ju xnaq'tzal te; maxitzun k'okel ik tza'n te xnaq'tzal te okxi tjapun b'aj xnaq'tzb'il tu'n.
41¿Tiqu'n nno'k kyke'yine aju tal tz'is tokx tuj twitz kyermaniye, ex minti' nno'k kyq'o'ne kwent ti'j ju viga tokx tuj kywitze? 42¿Tza'ntzun tten tu'n t-xi kyma'ne te kyermaniye: K'eletz qi'ne ju tal tz'is tokx tuj twitza erman, ex lu ju viga tokx tuj kywitze? Xmletz' qeye. Nej kyi'metze aju viga tokx tuj kywitze, ex q'ancha'lxix ok kyila'ye tu'n tetz kyi'ne ju tal tz'is tokx tuj twitz kyermaniye.
Nne'l qnik' ti'j tze' noq tu'n twitz
Mateo 7.17-20; 12.34-35
43Porke jun tze' b'a'n minti' in tq'o'n twitz mya b'a'n; ex jun tze' mya b'a'n minti' in tq'o'n twitz b'a'n. 44Porke teyle junjun tze' nne'l qnik' ti'j tu'n twitz; mlay tz'el qtuxin qlo' higo ti'j ch'i'x, ex mlay tz'el qtuxin qlo' uva ti'j ch'i'x k'ul. 45Aju xjal b'a'n, in tb'incha'n ju b'a'n ex atzun ta' ju b'a'n tuj tanmi; atzunte xjal mya b'a'n in tb'incha'n mya b'a'n ex atzun ta' ju mya b'a'n tuj tanmi; porke ik tza'nx tten tkyaqilju at tuj kyanmi xjal, axtzunju in che yolin ti'j.
In yolin Jesús kyi'j kab'e simyent
Mateo 7.24-27
46¿Tiqu'n nno'k kyma'ne weye: Tat, Tat, che chiye, ex minti' in kyb'incha'ne aju in xi nma'ne kyeye? 47Tkyaqilju nnu'l wuk'ile ex in xi tb'i'n nyole ex in tb'incha'n aju in xi nma'ne, kxel nma'ne kyeye tza'n tten. 48Ik tten ik tza'n jun xinaq jaw tb'incha'n tja, nej ku'x tlaku'n ma' t-xe' tkub'il tja ex kub' tq'o'n ju simyent tib'aj pk'at. Tejtzun ttzaj jun nintz a', pon tilj nimxix ti'j ja, ex minti' o yukch, porke tkub' t-simyentil tib'aj pk'at. 49Ex alkye ma b'inte nyole ex minti' in tb'incha'n aju in xi nma'ne, ik tten ik tza'n jun xinaq jaw tb'incha'n tja tib'aj tx'otx' minti' t-simyentil kub' tq'o'n; ex pon tilj nimxix a' ti'j, ex kub' tilj naj; ex b'i'x kub' xitj ju ja tkyaqil.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.