Marcos 14
14
In che jyon xjal tumel tza'n tten tu'n ttzyet Jesús
Mateo 26.1-5; Lucas 22.1-2; Juan 11.45-53
1Atxtoq kab' q'ij tu'n tik'set Xjan Q'ij ex tu'n t-xi kywa'n xjal pan minti' t-samel tu'n tjaw mal tk'u'j; atzun qe nejenel kye pal kyuk'ix qe xnaq'tzal ti'j ley in che jyon tumel tza'n tten tu'n ttzyet Jesús kyu'n tuj ewaj ex tu'n tkub' kyb'yo'n.
2—Mya tuj ninq'ij tu'n ttzyet qu'n, tu'ntzun mi'n kyjaw tilj xjal, che chi.
Jax qo'n perjum tib'aj twi Jesús tu'n jun xu'j
Mateo 26.6-13; Juan 12.1-8
3Attoq Jesús tuj Betania tuj tja Simón aju at tx'a'k ti'j nej, aju tx'a'k minti' q'anb'il ti'j; ex q'uqltoq Jesús ti'j mes, ultzun jun xu'j q'i'n jun tal botey tu'n, alabastro ttx'otx'il, nojni tu'n perjum nardo tb'i, junxte, mya smo'n, ex puro wi'yilxix: kub'tzun tpa'n xu'j ju tal botey, jax tqo'n perjum tib'aj twi' Jesús. 4Ex at junjun tzaj tlo'ch kyk'u'j ex kyma kyxolx:
—¿Tiqu'n noqx gan ma naj perjum lu? 5Ex mawtlo txi k'ayit tu'n ox syent denari pwaq ex qa mastl, tu'n t-xi q'ot kye meb'a, che chi.
Ex ok ilin xu'j kyu'n.
6Atzunte Jesús xi tma'n kye:
—E tten xu'j, ¿tiqu'n in che lab'te ti'j? B'a'n ma tb'incha weye. 7Qe xjal meb'a kukx che tel kyuk'ile, ex alkye q'ij kyajb'ile tu'n kyonine kyi'j, b'a'n tu'n kyb'inchanteye b'a'n kye; atzun weye, mya kukx chin tele kyuk'ile. 8Aju b'a'n tb'ant tu'n xu'j lu ma tb'incha; porke ma tz'ok tq'o'n naj perjum ti'j nximlale na'nxtoq nku'x maqu'ne. 9Ax tok kxel nma'ne kyeye, tuj tkyaqil lugar jatum kxel pakb'et tqanil kolb'il tuj tkyaqil twitz tx'otx', ax ikx kxel q'met aju ma tb'incha xu'j lu, te nab'l te.
Xi k'ayin Jesús tu'n Judas
Mateo 26.14-16; Lucas 22.3-6
10Atzunte Judas Iscariote, jun kye kab'laj xnaq'tzb'en, xi' kyuk'il nejenel kye pal, q'malte kye tu'n t-xi q'o'n Jesús tuj kyq'ab' tu'n. 11Tejtzun kyb'inte jlu e jaw tzalajxix, ex o b'ant ti'j kyu'n tu'n t-xi kyq'o'n ch'in pwaq te Judas. Atzunte Judas ok ten jyol jun tumel tza'n tten tu'n t-xi q'o'n Jesús tuj kyq'ab'.
Wa'n Jesús kyuk'il t-xnaq'tzb'en tuj Xjan Q'ij
Mateo 26.17-29; Lucas 22.7-23; Juan 13.21-30; 1 Corinto 11.23-26
12Kanuntzun tnejel q'ij tu'n kywa'n xjal pan minti' t-samel tu'n tjaw mal tk'u'j, atzun q'ij tu'n tkub' b'yet ju tal ẍne'l te ik'sb'il Xjan Q'ij. Xitzun kyma'n qe t-xnaq'tzb'en Jesús te:
—¿Jatum tajb'ila tu'n qxi'ye b'inchal wab'j tu'n twa'na tuj Xjan Q'ij?
13Xitzun t-sama'n Jesús kab'e t-xnaq'tzb'en, ex xi tma'n kye:
—Kyxi'ye tuj tnam ex k'okel kyk'ulb'a'ne jun xinaq q'i'n jun ẍoq' a' tu'n; che lpe'xtzune ti'j. 14Oktzun tokx tuj jun ja, kxel kyma'ne te tajaw ja: ¿Alkye jun kol ja jatum tu'n nwa'ne kyuk'il nxnaq'tzb'ene tu'n tik'set Xjan Q'ij? Chi Xnaq'tzal, che chikuye. 15Ktzajeltzun tyek'un jun tkab' kolin ja ma'xix, b'animaj tten; atzun kyb'inchame qwa, chi Jesús kye.
16E je'xtzun qe t-xnaq'tzb'en, ex e okx tuj tnam, knettzun ju ja kyu'n ik tza'n otoq txi tma'n Jesús kye; b'ajtzun kyb'incha'n wab'j tu'n tik'set Xjan Q'ij.
17Tejtzun tok qax, pontzun Jesús kyuk'ix qeju kab'laj t-xnaq'tzb'en. 18Tejtzun kykub' qe' ti'j mes, matoq in che wa'n, xi tma'n Jesús kye:
—Ax tok kxel nma'ne kyeye, ax jun kyeye aju in wa'n wuk'ile kxel q'onte weye tuj kyq'ab' xjal.
19Atzun kye t-xnaq'tzb'en tzaj kyb'is, ex teyle junjun xi tma'n te:
—¿Apelo qine? Chi jun.
Ax ikx tma juntl, ax ikx tma juntl.
20Xitzun ttzaq'we'n Jesús:
—Kab'laj kyb'ete nxnaq'tzb'en qeye, ex ax jun kyxole kxel q'onte weye tuj kyq'ab' xjal. Aju in ku'x tmu'n twa tuj laq junx wuk'ile, atzunju. 21Ax tok chin xel q'o'ne tuj kyq'ab' xjal ik tza'n ju yol tz'ib'an wi'je tuj Tu'jil, ex b'ek'b'il twitz ju xjal aju kxel q'onte weye tuj kyq'ab' xjal, aqine sk'o'maj qine tu'n Dios tu'n ntene kyuk'il xjal. Mas b'a'nwtlo miwt o itz'j ju xjal lu, chi Jesús kye.
22Kukxtoq kywa'n, jaw ttzyu'n Jesús ju pan, xi tq'o'n chjonte te Dios, kub' tpiẍk'u'n, xi tq'o'n kye ex xi tma'n:
—Kywa'nxe jlu, atzun nximlale jlu.
23Ax ikx jaw ttzyu'n ju vas, xi tq'o'n chjonte te Dios ex xi tq'o'n kye; kykyaqiltzun e k'an ti'j. 24Ex xi tma'n kye:
—Atzun nchk'ele jlu te kyuwsab'l teju ak'aj yol aju ma kyaj b'ant ti'j tu'n Dios kyuk'ile; atzun nchk'ele k'elel chitj tu'n kyklet nimku xjal. 25Ax tok kxel nma'ne kyeye, mlay txi nk'a'ntle juntl maj ta'l twitz uva ja'lo, maxitzun kxel nk'a'ntle tuj tq'ijlalil ok tul tkawb'il Dios.
Chin b'el tewana ox maj, chi Jesús te Pedro
Mateo 26.30-35; Lucas 22.31-34; Juan 13.36-38
26Tb'ajlenxitzun kyb'itzan jun b'itz, e je'xtzun twi witz Olivos. 27Xitzun tma'n Jesús kye:
—Kykyaqile che kyjel kolinte weye tuj qonik'an ja'lo; porke in tma'n tuj Tu'jil: Kb'el nb'yo'ne ju pastor, ex che elel sputj qe ẍne'l. 28Ex njatzlenxi anq'ine, nej chin pole kywitze tuj Galilea.
29Xitzun tma'n Pedro te Jesús:
—Maske kyjel kolina kyu'n kykyaqil, atzun weye mlayx kyaj nkoline, chi Pedro.
30Xi tma'n Jesús te:
—Ax tok kxel nma'ne teya, teju qonik'an ja'lo, na'nxtoq ttzaj oq' tkab'maji'n tzek', ox maj kb'el tewana kywitz xjal qa minti' ojtzqi'n qine tu'na.
31Atzunte Pedro xi tkyuwsa'nxix:
—Maske chin kyime tuk'ila ma b'ant-x pero mlay kub' wewane, chi Pedro.
Ax ikx o kyma kykyaqil.
In na'n Jesús Dios tuj Getsemaní
Mateo 26.36-46; Lucas 22.39-46
32E ultzun tuj jun lugar Getsemaní tb'i; ex xi tma'n Jesús kye t-xnaq'tzb'en:
—Che qekuye tzalu, atzun weye chin na'le Dios.
33Ex xi uk'in Pedro tu'n Jesús, tuk'ix Jacobo ex Juan; tzajtzun nim tb'is ex tzaj ta'w tuj tanmi, 34ex xi tma'n kye:
—Ma tzajxix b'is tuj wanmiye, chin kymele tu'n b'is; che tenkje tzalu ex che xq'uqine, chi Jesús.
35Ex xi laq'e' ch'intl Jesús, kub' mutze' twitz tx'otx', o kub'san twitz Dios ex tma:
—Qa at tumel, kuchiwt tu'n mi'n tik'x wu'ne aju k'ixk'oj tzul tuj or lu. 36Tat, aya Nman, tkyaqil jaku b'ant tu'na; q'i'mela k'ixk'oj lu wi'je tu'n mi'n tik'x wu'ne; ex mya tu'n tb'ant aju wajb'ile, noq o'kx tu'n tb'ant aju tajb'ila, chi Jesús.
37Ultzun meltz'aj Jesús kyuk'il t-xnaq'tzb'en, in che tan tej tul; xi tma'n te Pedro:
—Simón, ¿maj in tana? ¿Maj minti' ma tipaya tu'n t-xq'uqina jun or? 38Che xq'uqine ex che na'ne Dios tu'ntzun mi'n kyoke tuj joyb'il kyi'je. Ax tok tajb'il kyanmiye, atzunju kychib'jale minti' tipun.
39Xi' Jesús juntl maj ex ok ten na'l Dios, ax yol xi tma'n ik tza'n xi tma'n nej. 40Tej tul meltz'aj juntl maj kyuk'il t-xnaq'tzb'en, lu qe in che tantl, porke attoq nim watl tuj kywitz, ex minti' b'a'n kyu'n alkye tu'n t-xi kyma'n. 41Tejtzun tul meltz'aj toxmaji'n, xi tma'n kye:
—Che tanxtzune ja'lo ex che ojlane. O'kxtzunju, ya ma pon or; lu qine chin xel q'o'ne tuj kyq'ab' aj il, aqine sk'o'maj qine tu'n Dios tu'n ntene kyuk'il xjal. 42Che we'ktze, qo'qe; lu ma tzul laq'e' aju kxel q'onte weye tuj kyq'ab' xjal, chi Jesús kye.
Tej t-xi q'i'n Jesús pres
Mateo 26.47-56; Lucas 22.47-53; Juan 18.2-11
43Kukxtoq tyolin Jesús pon naj Judas, jun kyxol qeju kab'laj xnaq'tzb'en, kyuk'ix nim xjal tuk'il, q'i'n spad kyu'n tuk'ix tze', otoq che tzaj sama'n kyu'n nejenel kye pal ex kyu'n xnaq'tzal ti'j ley ex kyu'n kytijil xjal. 44Otoq txi tma'n Judas kye tza'n tten tu'n t-xi tq'o'n tuj kyq'ab':
—Aju k'elel ntz'ub'ane twitz, atzunju; kytzyuntztzune ex kyi'nxe, mi'n txi kytzoqpi'ne, chi Judas.
45Tejtzun tpon Judas tuk'il Jesús, jurat naj pon laq'e' ttxlaj, ex tma:
—Xnaq'tzal, Xnaq'tzal.
Ex el ttz'ub'an twitz. 46Tzyettzun Jesús kyu'n, ex xi kyi'n.
47Ex at jun kyxol qeju ax wa'l qe'toq, jatz ti'n t-spad ex ok ttx'emin tmajen nejenel kye pal, b'i'x el t-ẍkyin tu'n. 48Xitzun tma'n Jesús kye xjal:
—¿Eleq'pe qine tuj kywitze ma che ule tzyul weye, q'i'n spad kyu'ne tuk'ix tze'? 49Tkyaqil q'ij in tene kyxole tuj tja Dios, xi nq'o'ne xnaq'tzb'il kyeye, ex minti' in tzaj kytzyu'ne; pero ma kyb'inchaye jlu tu'ntzun tjapun aju yol tz'ib'an tuj Tu'jil, chi Jesús kye.
50Kyajtzun kolin Jesús kyu'n kykyaqil xnaq'tzb'en, e je'l oq.
Aju ku'xun el oq
51Ex at jun ku'xun lepchix t-xi' ti'j Jesús, minti' t-xb'alun tok, noq o'kx jun sábana b'alq'i'n ti'j, tzyettzun kyu'n xjal. 52Atzunte ku'xun kyaj kotpaj aju sábana tok ti'j, ex el oq sqi't ti'j.
Pon q'i'n Jesús kywitz aj sanjelal
Mateo 26.57-68; Lucas 22.54-55,63-71; Juan 18.12-14,19-24
53Xitzun q'i'n Jesús kyu'n twitz nejenel kye pal; ex ok kychmon kyib' kykyaqil nejenel kye pal kyuk'ix qe kytijil xjal ex qe xnaq'tzal ti'j ley. 54Atzunte Pedro lepchix t-xi najchaq, okx max ttxa'n tpe'n nejenel kye pal; ex ax kub' qe' kyxol qe polisiy in q'axnen q'aq'.
55Atzun qe nejenel kye pal kyuk'ix kykyaqil aj sanjelal kye xjal judiy in che jyon kyi'j xjal tu'n kyok te testiw ti'j Jesús tu'n tkub' t-sentens Jesús tu'n tkyim; ex minti' o knet kyu'n jun testiw axix tok tyol. 56Ex nimku xjal e nik'an yol ti'j, ex minti' moje' kyyol. 57E jawtzun we' junjun xjal, e ok ten si'mil yol ti'j, in kyma'n:
58—O qb'iye in tma'n xjal lu: Kb'el nxitune tja Dios lu, aju kyu'n xjal o b'ant, ex tuj ox q'ij kjawil nb'incha'ne juntl tja Dios mya kyu'n xjal kb'antel, chi xjal lu, che chi.
59Ex ikx qe xjal lu minti' moje' kyyol.
60Jawtzun we' ju nejenel kye pal ex xi tqanin te Jesús:
—¿Maj minti' in tzaj ttzaq'we'na? ¿Chi tok tu'na ti'j ju in kyma'n qe xjal lu ti'ja?
61Atzunte Jesús minti' o q'ajt, ex minti' jun yol xi tma'n. Atzunte nejenel kye pal xi tqanin juntl maj te Jesús:
—¿Apeya ju Crist Tk'wa'l Dios, aju Dios nimanxix tb'i qu'n? Chi xjal.
62Xi tma'n Jesús te:
—Aqine, ex ok kyila'ye q'uql qine tuj b'anq'ab'aj ttxlaj Dios at nim tipumal, aqine sk'o'maj qine tu'n Dios tu'n ntene kyuk'il xjal, ex ok kyila'ye ok ntzaje tuj muj twitz kya'j, chi Jesús.
63Atzunte nejenel kye pal el t-sb'it'un t-xb'alun ex tma:
—¿Ti til txqantl testiw qe? 64Ma kyb'iye ma yolin mya b'a'n ti'j Dios. ¿Chi tok kyu'ne? Chi nejenel kye pal.
Kykyaqiltzun o kyma: At til, b'a'n tu'n tkub' t-sentens tu'n tkyim, che chi.
65E oktzun ten junjun tzub'al tuj twitz, ok kymaqsi'n twitz, ex ok kyb'ju'n, ex xi kyma'n te:
—Q'mantza alkye ma tz'ok b'jun teya, che chi.
Ikx qe polisiy ok kytz'ajan twitz.
Kub' tewan Pedro qa minti' ojtzqi'ntoq Jesús tu'n
Mateo 26.69-75; Lucas 22.56-62; Juan 18.15-18,25-29
66Atzunte Pedro tku'tztoq ttxa'n pe'n; ultzun jun tcriad nejenel kye pal; 67tejtzun tlonte criad lu Pedro in q'axnen q'aq', xi tke'yin criad twitz Pedro ex tma:
—Ikx teya o tena tuk'il Jesús aj Nazaret.
68Atzunte Pedro kub' tewan ex tma:
—Minti' ojtzqi'n xjal lu wu'ne, ex minti' nne'l nnik'e ti'j ju in tma'na, chi Pedro.
Etztzun laq'e' Pedro ttzi sawan ex tzajtzun oq' tzek'. 69Ok tke'yin criad juntl maj ti'j Pedro, oktzun ten criad q'malte kye xjal ax ate'toq:
—Ajun te xjal lu kyuk'il.
70Atzunte Pedro kub' tewan juntl maj. Te yajxi ch'intl tzaj kyma'n qe xjal te Pedro, aqeju ax ate'toq:
—Ax tok ajuna kyuk'il porke aj Galilea, [ex ikx yolina ik tza'n kye], che chi.
71Xi tma'n Pedro:
—Tzqan Dios ax tok nyole. B'a'n tu'n ttzaj jun ncastiwoye tu'n Dios qa mya ax tok nyole; minti' ojtzqi'n wu'ne aju xjal in kyma'ne, chi Pedro.
72Ex tzajtzun oq' tkab'maji'n tzek'. Ultzun ti'j tk'u'j Pedro aju yol otoq tma Jesús te: Na'nxtoq ttzaj oq' tkab'maji'n tzek', ox maj kb'el tewana kywitz xjal qa minti' ojtzqi'n qine tu'na, chi Jesús. Tej tul jlu tuj tnab'l Pedro, b'i'x jaw oq'.
Currently Selected:
Marcos 14: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Marcos 14
14
In che jyon xjal tumel tza'n tten tu'n ttzyet Jesús
Mateo 26.1-5; Lucas 22.1-2; Juan 11.45-53
1Atxtoq kab' q'ij tu'n tik'set Xjan Q'ij ex tu'n t-xi kywa'n xjal pan minti' t-samel tu'n tjaw mal tk'u'j; atzun qe nejenel kye pal kyuk'ix qe xnaq'tzal ti'j ley in che jyon tumel tza'n tten tu'n ttzyet Jesús kyu'n tuj ewaj ex tu'n tkub' kyb'yo'n.
2—Mya tuj ninq'ij tu'n ttzyet qu'n, tu'ntzun mi'n kyjaw tilj xjal, che chi.
Jax qo'n perjum tib'aj twi Jesús tu'n jun xu'j
Mateo 26.6-13; Juan 12.1-8
3Attoq Jesús tuj Betania tuj tja Simón aju at tx'a'k ti'j nej, aju tx'a'k minti' q'anb'il ti'j; ex q'uqltoq Jesús ti'j mes, ultzun jun xu'j q'i'n jun tal botey tu'n, alabastro ttx'otx'il, nojni tu'n perjum nardo tb'i, junxte, mya smo'n, ex puro wi'yilxix: kub'tzun tpa'n xu'j ju tal botey, jax tqo'n perjum tib'aj twi' Jesús. 4Ex at junjun tzaj tlo'ch kyk'u'j ex kyma kyxolx:
—¿Tiqu'n noqx gan ma naj perjum lu? 5Ex mawtlo txi k'ayit tu'n ox syent denari pwaq ex qa mastl, tu'n t-xi q'ot kye meb'a, che chi.
Ex ok ilin xu'j kyu'n.
6Atzunte Jesús xi tma'n kye:
—E tten xu'j, ¿tiqu'n in che lab'te ti'j? B'a'n ma tb'incha weye. 7Qe xjal meb'a kukx che tel kyuk'ile, ex alkye q'ij kyajb'ile tu'n kyonine kyi'j, b'a'n tu'n kyb'inchanteye b'a'n kye; atzun weye, mya kukx chin tele kyuk'ile. 8Aju b'a'n tb'ant tu'n xu'j lu ma tb'incha; porke ma tz'ok tq'o'n naj perjum ti'j nximlale na'nxtoq nku'x maqu'ne. 9Ax tok kxel nma'ne kyeye, tuj tkyaqil lugar jatum kxel pakb'et tqanil kolb'il tuj tkyaqil twitz tx'otx', ax ikx kxel q'met aju ma tb'incha xu'j lu, te nab'l te.
Xi k'ayin Jesús tu'n Judas
Mateo 26.14-16; Lucas 22.3-6
10Atzunte Judas Iscariote, jun kye kab'laj xnaq'tzb'en, xi' kyuk'il nejenel kye pal, q'malte kye tu'n t-xi q'o'n Jesús tuj kyq'ab' tu'n. 11Tejtzun kyb'inte jlu e jaw tzalajxix, ex o b'ant ti'j kyu'n tu'n t-xi kyq'o'n ch'in pwaq te Judas. Atzunte Judas ok ten jyol jun tumel tza'n tten tu'n t-xi q'o'n Jesús tuj kyq'ab'.
Wa'n Jesús kyuk'il t-xnaq'tzb'en tuj Xjan Q'ij
Mateo 26.17-29; Lucas 22.7-23; Juan 13.21-30; 1 Corinto 11.23-26
12Kanuntzun tnejel q'ij tu'n kywa'n xjal pan minti' t-samel tu'n tjaw mal tk'u'j, atzun q'ij tu'n tkub' b'yet ju tal ẍne'l te ik'sb'il Xjan Q'ij. Xitzun kyma'n qe t-xnaq'tzb'en Jesús te:
—¿Jatum tajb'ila tu'n qxi'ye b'inchal wab'j tu'n twa'na tuj Xjan Q'ij?
13Xitzun t-sama'n Jesús kab'e t-xnaq'tzb'en, ex xi tma'n kye:
—Kyxi'ye tuj tnam ex k'okel kyk'ulb'a'ne jun xinaq q'i'n jun ẍoq' a' tu'n; che lpe'xtzune ti'j. 14Oktzun tokx tuj jun ja, kxel kyma'ne te tajaw ja: ¿Alkye jun kol ja jatum tu'n nwa'ne kyuk'il nxnaq'tzb'ene tu'n tik'set Xjan Q'ij? Chi Xnaq'tzal, che chikuye. 15Ktzajeltzun tyek'un jun tkab' kolin ja ma'xix, b'animaj tten; atzun kyb'inchame qwa, chi Jesús kye.
16E je'xtzun qe t-xnaq'tzb'en, ex e okx tuj tnam, knettzun ju ja kyu'n ik tza'n otoq txi tma'n Jesús kye; b'ajtzun kyb'incha'n wab'j tu'n tik'set Xjan Q'ij.
17Tejtzun tok qax, pontzun Jesús kyuk'ix qeju kab'laj t-xnaq'tzb'en. 18Tejtzun kykub' qe' ti'j mes, matoq in che wa'n, xi tma'n Jesús kye:
—Ax tok kxel nma'ne kyeye, ax jun kyeye aju in wa'n wuk'ile kxel q'onte weye tuj kyq'ab' xjal.
19Atzun kye t-xnaq'tzb'en tzaj kyb'is, ex teyle junjun xi tma'n te:
—¿Apelo qine? Chi jun.
Ax ikx tma juntl, ax ikx tma juntl.
20Xitzun ttzaq'we'n Jesús:
—Kab'laj kyb'ete nxnaq'tzb'en qeye, ex ax jun kyxole kxel q'onte weye tuj kyq'ab' xjal. Aju in ku'x tmu'n twa tuj laq junx wuk'ile, atzunju. 21Ax tok chin xel q'o'ne tuj kyq'ab' xjal ik tza'n ju yol tz'ib'an wi'je tuj Tu'jil, ex b'ek'b'il twitz ju xjal aju kxel q'onte weye tuj kyq'ab' xjal, aqine sk'o'maj qine tu'n Dios tu'n ntene kyuk'il xjal. Mas b'a'nwtlo miwt o itz'j ju xjal lu, chi Jesús kye.
22Kukxtoq kywa'n, jaw ttzyu'n Jesús ju pan, xi tq'o'n chjonte te Dios, kub' tpiẍk'u'n, xi tq'o'n kye ex xi tma'n:
—Kywa'nxe jlu, atzun nximlale jlu.
23Ax ikx jaw ttzyu'n ju vas, xi tq'o'n chjonte te Dios ex xi tq'o'n kye; kykyaqiltzun e k'an ti'j. 24Ex xi tma'n kye:
—Atzun nchk'ele jlu te kyuwsab'l teju ak'aj yol aju ma kyaj b'ant ti'j tu'n Dios kyuk'ile; atzun nchk'ele k'elel chitj tu'n kyklet nimku xjal. 25Ax tok kxel nma'ne kyeye, mlay txi nk'a'ntle juntl maj ta'l twitz uva ja'lo, maxitzun kxel nk'a'ntle tuj tq'ijlalil ok tul tkawb'il Dios.
Chin b'el tewana ox maj, chi Jesús te Pedro
Mateo 26.30-35; Lucas 22.31-34; Juan 13.36-38
26Tb'ajlenxitzun kyb'itzan jun b'itz, e je'xtzun twi witz Olivos. 27Xitzun tma'n Jesús kye:
—Kykyaqile che kyjel kolinte weye tuj qonik'an ja'lo; porke in tma'n tuj Tu'jil: Kb'el nb'yo'ne ju pastor, ex che elel sputj qe ẍne'l. 28Ex njatzlenxi anq'ine, nej chin pole kywitze tuj Galilea.
29Xitzun tma'n Pedro te Jesús:
—Maske kyjel kolina kyu'n kykyaqil, atzun weye mlayx kyaj nkoline, chi Pedro.
30Xi tma'n Jesús te:
—Ax tok kxel nma'ne teya, teju qonik'an ja'lo, na'nxtoq ttzaj oq' tkab'maji'n tzek', ox maj kb'el tewana kywitz xjal qa minti' ojtzqi'n qine tu'na.
31Atzunte Pedro xi tkyuwsa'nxix:
—Maske chin kyime tuk'ila ma b'ant-x pero mlay kub' wewane, chi Pedro.
Ax ikx o kyma kykyaqil.
In na'n Jesús Dios tuj Getsemaní
Mateo 26.36-46; Lucas 22.39-46
32E ultzun tuj jun lugar Getsemaní tb'i; ex xi tma'n Jesús kye t-xnaq'tzb'en:
—Che qekuye tzalu, atzun weye chin na'le Dios.
33Ex xi uk'in Pedro tu'n Jesús, tuk'ix Jacobo ex Juan; tzajtzun nim tb'is ex tzaj ta'w tuj tanmi, 34ex xi tma'n kye:
—Ma tzajxix b'is tuj wanmiye, chin kymele tu'n b'is; che tenkje tzalu ex che xq'uqine, chi Jesús.
35Ex xi laq'e' ch'intl Jesús, kub' mutze' twitz tx'otx', o kub'san twitz Dios ex tma:
—Qa at tumel, kuchiwt tu'n mi'n tik'x wu'ne aju k'ixk'oj tzul tuj or lu. 36Tat, aya Nman, tkyaqil jaku b'ant tu'na; q'i'mela k'ixk'oj lu wi'je tu'n mi'n tik'x wu'ne; ex mya tu'n tb'ant aju wajb'ile, noq o'kx tu'n tb'ant aju tajb'ila, chi Jesús.
37Ultzun meltz'aj Jesús kyuk'il t-xnaq'tzb'en, in che tan tej tul; xi tma'n te Pedro:
—Simón, ¿maj in tana? ¿Maj minti' ma tipaya tu'n t-xq'uqina jun or? 38Che xq'uqine ex che na'ne Dios tu'ntzun mi'n kyoke tuj joyb'il kyi'je. Ax tok tajb'il kyanmiye, atzunju kychib'jale minti' tipun.
39Xi' Jesús juntl maj ex ok ten na'l Dios, ax yol xi tma'n ik tza'n xi tma'n nej. 40Tej tul meltz'aj juntl maj kyuk'il t-xnaq'tzb'en, lu qe in che tantl, porke attoq nim watl tuj kywitz, ex minti' b'a'n kyu'n alkye tu'n t-xi kyma'n. 41Tejtzun tul meltz'aj toxmaji'n, xi tma'n kye:
—Che tanxtzune ja'lo ex che ojlane. O'kxtzunju, ya ma pon or; lu qine chin xel q'o'ne tuj kyq'ab' aj il, aqine sk'o'maj qine tu'n Dios tu'n ntene kyuk'il xjal. 42Che we'ktze, qo'qe; lu ma tzul laq'e' aju kxel q'onte weye tuj kyq'ab' xjal, chi Jesús kye.
Tej t-xi q'i'n Jesús pres
Mateo 26.47-56; Lucas 22.47-53; Juan 18.2-11
43Kukxtoq tyolin Jesús pon naj Judas, jun kyxol qeju kab'laj xnaq'tzb'en, kyuk'ix nim xjal tuk'il, q'i'n spad kyu'n tuk'ix tze', otoq che tzaj sama'n kyu'n nejenel kye pal ex kyu'n xnaq'tzal ti'j ley ex kyu'n kytijil xjal. 44Otoq txi tma'n Judas kye tza'n tten tu'n t-xi tq'o'n tuj kyq'ab':
—Aju k'elel ntz'ub'ane twitz, atzunju; kytzyuntztzune ex kyi'nxe, mi'n txi kytzoqpi'ne, chi Judas.
45Tejtzun tpon Judas tuk'il Jesús, jurat naj pon laq'e' ttxlaj, ex tma:
—Xnaq'tzal, Xnaq'tzal.
Ex el ttz'ub'an twitz. 46Tzyettzun Jesús kyu'n, ex xi kyi'n.
47Ex at jun kyxol qeju ax wa'l qe'toq, jatz ti'n t-spad ex ok ttx'emin tmajen nejenel kye pal, b'i'x el t-ẍkyin tu'n. 48Xitzun tma'n Jesús kye xjal:
—¿Eleq'pe qine tuj kywitze ma che ule tzyul weye, q'i'n spad kyu'ne tuk'ix tze'? 49Tkyaqil q'ij in tene kyxole tuj tja Dios, xi nq'o'ne xnaq'tzb'il kyeye, ex minti' in tzaj kytzyu'ne; pero ma kyb'inchaye jlu tu'ntzun tjapun aju yol tz'ib'an tuj Tu'jil, chi Jesús kye.
50Kyajtzun kolin Jesús kyu'n kykyaqil xnaq'tzb'en, e je'l oq.
Aju ku'xun el oq
51Ex at jun ku'xun lepchix t-xi' ti'j Jesús, minti' t-xb'alun tok, noq o'kx jun sábana b'alq'i'n ti'j, tzyettzun kyu'n xjal. 52Atzunte ku'xun kyaj kotpaj aju sábana tok ti'j, ex el oq sqi't ti'j.
Pon q'i'n Jesús kywitz aj sanjelal
Mateo 26.57-68; Lucas 22.54-55,63-71; Juan 18.12-14,19-24
53Xitzun q'i'n Jesús kyu'n twitz nejenel kye pal; ex ok kychmon kyib' kykyaqil nejenel kye pal kyuk'ix qe kytijil xjal ex qe xnaq'tzal ti'j ley. 54Atzunte Pedro lepchix t-xi najchaq, okx max ttxa'n tpe'n nejenel kye pal; ex ax kub' qe' kyxol qe polisiy in q'axnen q'aq'.
55Atzun qe nejenel kye pal kyuk'ix kykyaqil aj sanjelal kye xjal judiy in che jyon kyi'j xjal tu'n kyok te testiw ti'j Jesús tu'n tkub' t-sentens Jesús tu'n tkyim; ex minti' o knet kyu'n jun testiw axix tok tyol. 56Ex nimku xjal e nik'an yol ti'j, ex minti' moje' kyyol. 57E jawtzun we' junjun xjal, e ok ten si'mil yol ti'j, in kyma'n:
58—O qb'iye in tma'n xjal lu: Kb'el nxitune tja Dios lu, aju kyu'n xjal o b'ant, ex tuj ox q'ij kjawil nb'incha'ne juntl tja Dios mya kyu'n xjal kb'antel, chi xjal lu, che chi.
59Ex ikx qe xjal lu minti' moje' kyyol.
60Jawtzun we' ju nejenel kye pal ex xi tqanin te Jesús:
—¿Maj minti' in tzaj ttzaq'we'na? ¿Chi tok tu'na ti'j ju in kyma'n qe xjal lu ti'ja?
61Atzunte Jesús minti' o q'ajt, ex minti' jun yol xi tma'n. Atzunte nejenel kye pal xi tqanin juntl maj te Jesús:
—¿Apeya ju Crist Tk'wa'l Dios, aju Dios nimanxix tb'i qu'n? Chi xjal.
62Xi tma'n Jesús te:
—Aqine, ex ok kyila'ye q'uql qine tuj b'anq'ab'aj ttxlaj Dios at nim tipumal, aqine sk'o'maj qine tu'n Dios tu'n ntene kyuk'il xjal, ex ok kyila'ye ok ntzaje tuj muj twitz kya'j, chi Jesús.
63Atzunte nejenel kye pal el t-sb'it'un t-xb'alun ex tma:
—¿Ti til txqantl testiw qe? 64Ma kyb'iye ma yolin mya b'a'n ti'j Dios. ¿Chi tok kyu'ne? Chi nejenel kye pal.
Kykyaqiltzun o kyma: At til, b'a'n tu'n tkub' t-sentens tu'n tkyim, che chi.
65E oktzun ten junjun tzub'al tuj twitz, ok kymaqsi'n twitz, ex ok kyb'ju'n, ex xi kyma'n te:
—Q'mantza alkye ma tz'ok b'jun teya, che chi.
Ikx qe polisiy ok kytz'ajan twitz.
Kub' tewan Pedro qa minti' ojtzqi'ntoq Jesús tu'n
Mateo 26.69-75; Lucas 22.56-62; Juan 18.15-18,25-29
66Atzunte Pedro tku'tztoq ttxa'n pe'n; ultzun jun tcriad nejenel kye pal; 67tejtzun tlonte criad lu Pedro in q'axnen q'aq', xi tke'yin criad twitz Pedro ex tma:
—Ikx teya o tena tuk'il Jesús aj Nazaret.
68Atzunte Pedro kub' tewan ex tma:
—Minti' ojtzqi'n xjal lu wu'ne, ex minti' nne'l nnik'e ti'j ju in tma'na, chi Pedro.
Etztzun laq'e' Pedro ttzi sawan ex tzajtzun oq' tzek'. 69Ok tke'yin criad juntl maj ti'j Pedro, oktzun ten criad q'malte kye xjal ax ate'toq:
—Ajun te xjal lu kyuk'il.
70Atzunte Pedro kub' tewan juntl maj. Te yajxi ch'intl tzaj kyma'n qe xjal te Pedro, aqeju ax ate'toq:
—Ax tok ajuna kyuk'il porke aj Galilea, [ex ikx yolina ik tza'n kye], che chi.
71Xi tma'n Pedro:
—Tzqan Dios ax tok nyole. B'a'n tu'n ttzaj jun ncastiwoye tu'n Dios qa mya ax tok nyole; minti' ojtzqi'n wu'ne aju xjal in kyma'ne, chi Pedro.
72Ex tzajtzun oq' tkab'maji'n tzek'. Ultzun ti'j tk'u'j Pedro aju yol otoq tma Jesús te: Na'nxtoq ttzaj oq' tkab'maji'n tzek', ox maj kb'el tewana kywitz xjal qa minti' ojtzqi'n qine tu'na, chi Jesús. Tej tul jlu tuj tnab'l Pedro, b'i'x jaw oq'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.