Marcos 15
15
Pon q'i'n Jesús twitz Pilato
Mateo 27.1-2,11-14; Lucas 23.1-5; Juan 18.28-38
1Tejtzun qsqix, e yolin qe nejenel kye pal ti'j alkye tu'n tb'ant kyu'n, kyuk'ix qe kytijil xjal ex qe xnaq'tzal ti'j ley ex kykyaqil Aj Sanjelal kye xjal judiy. B'ajtzun k'alo'n Jesús kyu'n, xi kyi'n ex xi kyq'o'n tuj tq'ab' Pilato. 2Xitzun tqanin Pilato te Jesús:
—¿Apeya ju Rey kye xjal judiy?
Xi ttzaq'we'n Jesús:
—Aqine ik tza'n ma tmaya.
3Atzun kye nejenel kye pal nimku til Jesús xi kyma'n te Pilato. 4Xitzun tqanin Pilato juntl maj te Jesús:
—¿Maj minti' jun tyola? B'inxa nimku tila in kyma'n xjal.
5Pero te Jesús mi jun yol xi tma'n; kyja'tzun nim o lab'in Pilato ti'j.
Kub' t-sentens Jesús tu'n tkyim
Mateo 27.15-31; Lucas 23.13-25; Juan 18.38—19.16
6Tkyaqil ab'q'i nne'tz ttzoqpi'n Pilato jun pres tuj ninq'ij, noq alkye kyajb'il tnam xjal tu'n tetz tzoqpi'n. 7Ex attoq jun xjal Barrabás tb'i, presintoq kyuk'ix qe tuk'il tu'n tlaj at xjal otoq kub' kyu'n tej kyq'ojin ti'j gobierni. 8E ultzun nim xjal tuk'il Pilato qanil te tu'n tetz ttzoqpi'n jun pres ik tza'n in tb'incha'n junjun maj. 9Xitzun tma'n Pilato kye:
—¿Kyajpeye tu'n tex ntzoqpi'ne aju Kyreye, aqeye xjal judiy? Chi Pilato.
10Porke el tnik' Pilato ti'j, xi q'o'n Jesús tuj tq'ab' Pilato kyu'n qe nejenel kye pal tu'nju at tlo'ch kyk'u'j ti'j. 11Atzun kye nejenel kye pal e ok ten kyuwsal kyk'u'j xjal tu'n t-xi kyqanin xjal tu'n tetz tzoqpi'n Barrabás, ex mya ate Jesús tu'n tetz tzoqpi'n. 12Xi tqanin Pilato juntl maj kye:
—¿Alkyetzun kyajb'ile tu'n nb'inchanteye ti'j ju xjal lu, aju in kyma'ne ti'j qa atzun Kyreye? Chi Pilato.
13Atzun kye xjal e jaw sch'in juntl maj:
—E tjaw twitz crus.
14Atzunte Pilato xi tma'ntl kye:
—¿Alkyetzun mya b'a'n ma tb'incha?
Atzun kye xjal mas e jaw sch'in:
—E tjaw twitz crus.
15Etztzun tzoqpi'n Barrabás tu'n Pilato tu'ntzun tqe' kyk'u'j xjal, atzunte Jesús b'aj asyalin, ex xi tq'o'n tuj kyq'ab' soldad tu'n tjaw kyq'o'n twitz crus.
16Atzun kye soldad xi q'i'n Jesús kyu'n tuja, okx kyi'n tuj cuartel, ex tzaj kytxko'n txqantl soldad. 17Ex ok kyq'o'n jun t-xb'alun Jesús ẍjulin ke'yin, ex b'aj kyb'incha'n jun coron ch'i'x, ex jax kyq'o'n tuj twi'. 18E oktzun ten q'olb'elte:
—Kuchiwt kukx tel tq'ija, aya Rey kye xjal judiy.
19Ex ok kyb'ju'n ti'j twi' tu'n ajlaj, ex xi kytzub'an ti'j, ex e kub' ẍmeje' k'ulul twitz. 20Kyb'ajlenxitzun tze'n ti'j, el kyi'n ju xb'alun ẍjulin ke'yin tok ti'j, ex ok kyq'o'n aju tex t-xb'alun, etztzun kyi'n tu'n tjaw kyq'o'n twitz crus.
Jaw q'o'n Jesús twitz crus
Mateo 27.32-44; Lucas 23.26-43; Juan 19.17-27
21Ex nnik'ku jun xjal tzajni tuj kojb'il, Simón tb'i xjal ex aj Sirene, atzun tman Alejandro tuk'ix Rufo, tzyettzun Simón kyu'n ex ok kyq'o'n jwers ti'j tu'n t-xi ti'n tcrus Jesús.
22Xitzun q'i'n Jesús kyu'n tuj jun lugar Gólgota tb'i, atzun in tma'n ju yol lu: Jun lugar Tb'aqil wib'aj. 23Ex xi kyq'o'n tk'a' vin t-sem tib' tuk'il ta'l tze' mirra tb'i; atzunte Jesús minti' xi tk'a'n. 24Jawtzun q'o'n Jesús twitz crus kyu'n soldad, b'aj kysipan t-xb'alun kyxolx ex e ok ten q'il swert ti'j tu'n tel kynik' ti'j alkye te junjun tu'n t-xi ti'n.
25Las nueve te prim tej tjaw q'o'n Jesús twitz crus. 26Aju tb'i tkaws tz'ib'antoq jax kyq'o'n twitz crus in tma'n: Aju Rey kye xjal judiy. 27Ax ikx e jaw q'o'n kab'e eleq' twitz crus tuk'il Jesús, jun tuj tb'anq'ab' ex jun tuj tnayaj. 28[Ex japun aju tz'ib'an tuj Tu'jil in tma'n: Ok te tajlal kyxol qe mya b'a'n.]
29Ex qeju in che ik' twitz crus, in che xmayin ti'j Jesús, in xi kyyukun kywi' ex in kyma'n:
—Bay atzun taja, aya o tmaya tu'n tkub' t-xituna tja Dios ex tuj ox q'ij tu'n tjaw tb'incha'na juntl maj. 30Klom tib'a, ex tku'tza twitz crus, che chi.
31Ax ikx qe nejenel kye pal e xmayin ti'j kyuk'ix qe xnaq'tzal ti'j ley, in kyma'n kyxolx:
—Qe txqantl xjal e klet tu'n, atzunte minti' in b'ant tu'n tklonte tib'. 32Qa a Crist jlu, aju Rey kye aj Israel, e tku'tz twitz crus ja'lo tu'ntzun qlonte ex tu'n qokslan ti'j, che chi.
Ax ikx qeju otoq che jaw q'o'n twitz crus ttxlaj Jesús e ilin ti'j.
Tej tkyim Jesús
Mateo 27.45-56; Lucas 23.44-49; Juan 19.28-30
33Tejtzun tpon chilkuq'ij, ok qloljxix tkyaqil twitz tx'otx', texi las tres te qale el spik'e'. 34Tejtzun tpon las tres te qale, jaw tq'ajq'ajel twi' Jesús kyuwxix:
—Eloi, Eloi, ¿lama sabactani? chi Jesús; atzun in tma'n ju yol lu: Nman Dios, Nman Dios, ¿tiqu'n ma chin kyaj tkolina?
35Ex at junjun xjal ax wa'l qe'toq, tej kyb'inte tyol Jesús, kyma:
—Kyb'inxe in txokon ti'j Elías aju t-sanjel Dios.
36Tu'n jlu xi ojqelan jun, ku'x tmu'n jun esponja tuj vinagre ex ok tq'o'n twi' jun ajlaj, ex jax tq'o'n tu'n tel ttz'ub'an Jesús.
—E tten nej, chi xjal, jaku qil qa ma tzul Elías tu'n tku'tz q'i'n tu'n.
37Atzunte Jesús jaw tq'ajq'ajel twi' kyuwxix, ex kyimtzun. 38Atzunju xb'alun tkub' te maqb'il tuj tmij tja Dios kub' sb'it'j tuj tmijil, tzajx twi', kub'il t-xe'. 39Atzunte capitán aju wa'ltoq twitz Jesús, tej tlonte tza'n tten jaw sch'in Jesús ex tza'n tten kyim, tma capitán:
—Axix tok ate xjal lu Tk'wa'l Dios.
40Ax ikx at junjun xu'j in che ke'yin najchaq, tuk'ix Mariy aj Magdala at kyxol, tuk'ix Mariy ttxu' Jacobo ch'in ex ttxu' José, ex tuk'ix Salomé at kyxol. 41Tej tten Jesús tuj Galilea e ten qe xu'j lu tuk'il ex in che ajb'en te; ex nimku txqantl xu'j in che ke'yin, otoq che ja'wil junx tuk'il Jesús tuj Jerusalén.
Tej tku'x maqu'n Jesús
Mateo 27.57-61; Lucas 23.50-56; Juan 19.38-42
42Ch'ixtoq tok qax, atzun q'ij tu'n tb'ant kyten xjal, porke ch'ixtoq t-xe't q'ij te ojlab'l, 43ultzun José aj Arimatea, ajun kyxol Aj Sanjelal kye xjal judiy ex nim toklen. In ayontoq José ti'j tq'ijlalil tu'n tkawin Dios; okx tuk'il Pilato minti' o xob', xi tqanin t-ximlal Jesús. 44Ex jaw lab'in Pilato ti'j qa otoq kyim Jesús; tzajtzun ttxko'n Pilato aju capitán, xi tqanin te qa otoq kyim Jesús. 45Tejtzun tb'inte tu'n capitán qa otoq kyim, xi tma'n tu'n t-xi ti'n José t-ximlal Jesús. 46Laq'ettzun jun saq xb'alun tb'anilxix tu'n José, ku'tz ti'n t-ximlal Jesús, okx tb'alq'i'n tuj saq xb'alun, ex okx tq'o'n tuj jun pantyón lakumaj tuj pik, ex tzaj ttolin jun ab'j, ok tq'o'n ttzi pantyón. 47In che ke'yin Mariy aj Magdala tuk'ix Mariy ttxu' José, ex o kyil jatum okx q'o'n t-ximlal Jesús.
Currently Selected:
Marcos 15: MAMNO
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Marcos 15
15
Pon q'i'n Jesús twitz Pilato
Mateo 27.1-2,11-14; Lucas 23.1-5; Juan 18.28-38
1Tejtzun qsqix, e yolin qe nejenel kye pal ti'j alkye tu'n tb'ant kyu'n, kyuk'ix qe kytijil xjal ex qe xnaq'tzal ti'j ley ex kykyaqil Aj Sanjelal kye xjal judiy. B'ajtzun k'alo'n Jesús kyu'n, xi kyi'n ex xi kyq'o'n tuj tq'ab' Pilato. 2Xitzun tqanin Pilato te Jesús:
—¿Apeya ju Rey kye xjal judiy?
Xi ttzaq'we'n Jesús:
—Aqine ik tza'n ma tmaya.
3Atzun kye nejenel kye pal nimku til Jesús xi kyma'n te Pilato. 4Xitzun tqanin Pilato juntl maj te Jesús:
—¿Maj minti' jun tyola? B'inxa nimku tila in kyma'n xjal.
5Pero te Jesús mi jun yol xi tma'n; kyja'tzun nim o lab'in Pilato ti'j.
Kub' t-sentens Jesús tu'n tkyim
Mateo 27.15-31; Lucas 23.13-25; Juan 18.38—19.16
6Tkyaqil ab'q'i nne'tz ttzoqpi'n Pilato jun pres tuj ninq'ij, noq alkye kyajb'il tnam xjal tu'n tetz tzoqpi'n. 7Ex attoq jun xjal Barrabás tb'i, presintoq kyuk'ix qe tuk'il tu'n tlaj at xjal otoq kub' kyu'n tej kyq'ojin ti'j gobierni. 8E ultzun nim xjal tuk'il Pilato qanil te tu'n tetz ttzoqpi'n jun pres ik tza'n in tb'incha'n junjun maj. 9Xitzun tma'n Pilato kye:
—¿Kyajpeye tu'n tex ntzoqpi'ne aju Kyreye, aqeye xjal judiy? Chi Pilato.
10Porke el tnik' Pilato ti'j, xi q'o'n Jesús tuj tq'ab' Pilato kyu'n qe nejenel kye pal tu'nju at tlo'ch kyk'u'j ti'j. 11Atzun kye nejenel kye pal e ok ten kyuwsal kyk'u'j xjal tu'n t-xi kyqanin xjal tu'n tetz tzoqpi'n Barrabás, ex mya ate Jesús tu'n tetz tzoqpi'n. 12Xi tqanin Pilato juntl maj kye:
—¿Alkyetzun kyajb'ile tu'n nb'inchanteye ti'j ju xjal lu, aju in kyma'ne ti'j qa atzun Kyreye? Chi Pilato.
13Atzun kye xjal e jaw sch'in juntl maj:
—E tjaw twitz crus.
14Atzunte Pilato xi tma'ntl kye:
—¿Alkyetzun mya b'a'n ma tb'incha?
Atzun kye xjal mas e jaw sch'in:
—E tjaw twitz crus.
15Etztzun tzoqpi'n Barrabás tu'n Pilato tu'ntzun tqe' kyk'u'j xjal, atzunte Jesús b'aj asyalin, ex xi tq'o'n tuj kyq'ab' soldad tu'n tjaw kyq'o'n twitz crus.
16Atzun kye soldad xi q'i'n Jesús kyu'n tuja, okx kyi'n tuj cuartel, ex tzaj kytxko'n txqantl soldad. 17Ex ok kyq'o'n jun t-xb'alun Jesús ẍjulin ke'yin, ex b'aj kyb'incha'n jun coron ch'i'x, ex jax kyq'o'n tuj twi'. 18E oktzun ten q'olb'elte:
—Kuchiwt kukx tel tq'ija, aya Rey kye xjal judiy.
19Ex ok kyb'ju'n ti'j twi' tu'n ajlaj, ex xi kytzub'an ti'j, ex e kub' ẍmeje' k'ulul twitz. 20Kyb'ajlenxitzun tze'n ti'j, el kyi'n ju xb'alun ẍjulin ke'yin tok ti'j, ex ok kyq'o'n aju tex t-xb'alun, etztzun kyi'n tu'n tjaw kyq'o'n twitz crus.
Jaw q'o'n Jesús twitz crus
Mateo 27.32-44; Lucas 23.26-43; Juan 19.17-27
21Ex nnik'ku jun xjal tzajni tuj kojb'il, Simón tb'i xjal ex aj Sirene, atzun tman Alejandro tuk'ix Rufo, tzyettzun Simón kyu'n ex ok kyq'o'n jwers ti'j tu'n t-xi ti'n tcrus Jesús.
22Xitzun q'i'n Jesús kyu'n tuj jun lugar Gólgota tb'i, atzun in tma'n ju yol lu: Jun lugar Tb'aqil wib'aj. 23Ex xi kyq'o'n tk'a' vin t-sem tib' tuk'il ta'l tze' mirra tb'i; atzunte Jesús minti' xi tk'a'n. 24Jawtzun q'o'n Jesús twitz crus kyu'n soldad, b'aj kysipan t-xb'alun kyxolx ex e ok ten q'il swert ti'j tu'n tel kynik' ti'j alkye te junjun tu'n t-xi ti'n.
25Las nueve te prim tej tjaw q'o'n Jesús twitz crus. 26Aju tb'i tkaws tz'ib'antoq jax kyq'o'n twitz crus in tma'n: Aju Rey kye xjal judiy. 27Ax ikx e jaw q'o'n kab'e eleq' twitz crus tuk'il Jesús, jun tuj tb'anq'ab' ex jun tuj tnayaj. 28[Ex japun aju tz'ib'an tuj Tu'jil in tma'n: Ok te tajlal kyxol qe mya b'a'n.]
29Ex qeju in che ik' twitz crus, in che xmayin ti'j Jesús, in xi kyyukun kywi' ex in kyma'n:
—Bay atzun taja, aya o tmaya tu'n tkub' t-xituna tja Dios ex tuj ox q'ij tu'n tjaw tb'incha'na juntl maj. 30Klom tib'a, ex tku'tza twitz crus, che chi.
31Ax ikx qe nejenel kye pal e xmayin ti'j kyuk'ix qe xnaq'tzal ti'j ley, in kyma'n kyxolx:
—Qe txqantl xjal e klet tu'n, atzunte minti' in b'ant tu'n tklonte tib'. 32Qa a Crist jlu, aju Rey kye aj Israel, e tku'tz twitz crus ja'lo tu'ntzun qlonte ex tu'n qokslan ti'j, che chi.
Ax ikx qeju otoq che jaw q'o'n twitz crus ttxlaj Jesús e ilin ti'j.
Tej tkyim Jesús
Mateo 27.45-56; Lucas 23.44-49; Juan 19.28-30
33Tejtzun tpon chilkuq'ij, ok qloljxix tkyaqil twitz tx'otx', texi las tres te qale el spik'e'. 34Tejtzun tpon las tres te qale, jaw tq'ajq'ajel twi' Jesús kyuwxix:
—Eloi, Eloi, ¿lama sabactani? chi Jesús; atzun in tma'n ju yol lu: Nman Dios, Nman Dios, ¿tiqu'n ma chin kyaj tkolina?
35Ex at junjun xjal ax wa'l qe'toq, tej kyb'inte tyol Jesús, kyma:
—Kyb'inxe in txokon ti'j Elías aju t-sanjel Dios.
36Tu'n jlu xi ojqelan jun, ku'x tmu'n jun esponja tuj vinagre ex ok tq'o'n twi' jun ajlaj, ex jax tq'o'n tu'n tel ttz'ub'an Jesús.
—E tten nej, chi xjal, jaku qil qa ma tzul Elías tu'n tku'tz q'i'n tu'n.
37Atzunte Jesús jaw tq'ajq'ajel twi' kyuwxix, ex kyimtzun. 38Atzunju xb'alun tkub' te maqb'il tuj tmij tja Dios kub' sb'it'j tuj tmijil, tzajx twi', kub'il t-xe'. 39Atzunte capitán aju wa'ltoq twitz Jesús, tej tlonte tza'n tten jaw sch'in Jesús ex tza'n tten kyim, tma capitán:
—Axix tok ate xjal lu Tk'wa'l Dios.
40Ax ikx at junjun xu'j in che ke'yin najchaq, tuk'ix Mariy aj Magdala at kyxol, tuk'ix Mariy ttxu' Jacobo ch'in ex ttxu' José, ex tuk'ix Salomé at kyxol. 41Tej tten Jesús tuj Galilea e ten qe xu'j lu tuk'il ex in che ajb'en te; ex nimku txqantl xu'j in che ke'yin, otoq che ja'wil junx tuk'il Jesús tuj Jerusalén.
Tej tku'x maqu'n Jesús
Mateo 27.57-61; Lucas 23.50-56; Juan 19.38-42
42Ch'ixtoq tok qax, atzun q'ij tu'n tb'ant kyten xjal, porke ch'ixtoq t-xe't q'ij te ojlab'l, 43ultzun José aj Arimatea, ajun kyxol Aj Sanjelal kye xjal judiy ex nim toklen. In ayontoq José ti'j tq'ijlalil tu'n tkawin Dios; okx tuk'il Pilato minti' o xob', xi tqanin t-ximlal Jesús. 44Ex jaw lab'in Pilato ti'j qa otoq kyim Jesús; tzajtzun ttxko'n Pilato aju capitán, xi tqanin te qa otoq kyim Jesús. 45Tejtzun tb'inte tu'n capitán qa otoq kyim, xi tma'n tu'n t-xi ti'n José t-ximlal Jesús. 46Laq'ettzun jun saq xb'alun tb'anilxix tu'n José, ku'tz ti'n t-ximlal Jesús, okx tb'alq'i'n tuj saq xb'alun, ex okx tq'o'n tuj jun pantyón lakumaj tuj pik, ex tzaj ttolin jun ab'j, ok tq'o'n ttzi pantyón. 47In che ke'yin Mariy aj Magdala tuk'ix Mariy ttxu' José, ex o kyil jatum okx q'o'n t-ximlal Jesús.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.