Mbombo tsa Vapositili 4

ɄPetulo nʉ Yohana vihɨlɨkwa pa vʉhɨgi

1Wʉ ʉPetulo nʉ Yohana vikʉvalʉmbɨlɨla avaanu valya, ʉnsɨkɨ gʉʉgwa vakiitsa avateeketsi,#4:1 AVateeketsi Ʉvʉganulu wa limenyu vateeketsi lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. aVasadukayo,#4:1 AVasadukayo Ʉvʉganulu wa limenyu Vasadukayo lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. paninie nʉ mbaha va valoleeli va tembile. 2Avavaha avo viitsile vaviipile pa kulongwi jya Petulo nʉ Yohana ʉwʉ vaavamanyiisaaga avaanu nʉ kʉlʉmbɨlɨla ʉkʉta ʉkʉtsʉʉka kwa Yɨɨsʉ kuvonia ʉkʉta avaswe naveene valatsʉʉka. 3Pwʉ avavaha avo vakaviibata ʉPetulo nʉ Yohana, vakavadɨndɨla mu kɨkʉngwa. Vaavombile ewo ʉlwakʉva waahue, valɨkʉpʉlɨkɨla kʉkie ɨkɨgono ɨkyakongile. 4Napeene, avaanu vongosu ʉwʉ vaapʉliike ikulongwi itsyalʉmbɨlɨlwagwa nʉ Petulo nʉ Yohana vakɨɨdɨka. Ɨmbalɨlo jya vagoosi veene ʉwʉ vaamwɨdiike ʉYɨɨsʉ jyasikye avaanu avaelufu vahaano.

5Wʉ kʉkie avateeketsi, avanzagɨla va Vayahudi, na vamanyisi va ndagɨlo#4:5 Avateeketsi, avanzagɨla va Vayahudi, na vamanyisi va ndagɨlo Ʉvʉganulu wa vaanu ava lola kɨpʉga kya valongotsi kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. vakalʉndamana apo pa Yelusalemu. 6Mu lʉlʉndamano lʉlya, aalemwo ʉnteeketsi ʉmbaha#4:6 Ʉnteeketsi ʉmbaha Ʉvʉganulu wa nteeketsi ʉmbaha lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. ʉAnasi, paninie nʉ Kayafa, ʉYohana ʉjyʉnge, ʉAlekisanda, na vanyalʉkolo avange va Anasi. 7Avo vakalagɨla vakatoolwe ʉPetulo nʉ Yohana. Wʉ vasiike, vakavɨɨmya pavʉlongolo pa veene. Vakatengʉla ʉkʉvavʉʉtsa vakata, “Ago ʉgwʉ muvombile ʉnyie, muvombile kʉ maka maki, evo kʉ vʉtavʉlɨlwa wa litaawa lyani?”

8Pwʉ ʉPetulo akadɨtsiwa amaka ga Mepo ʉMbalatse, akavaanda akata, “Mwe valongotsi va vaanu, na nyɨ vanzagɨla va Vayahudi ʉnyie, 9ɨleelo mukʉtʉvʉʉtsa ʉwe apa ikulongwi tsa lʉtangɨlo kʉ muunu ʉjʉ ʉvɨ akaale nʉ vʉlema, nʉ kʉta aponile ndetindeeti. 10Lɨno ʉnyie nyɨ vooni, paninie na Vaisilahɨli avange vooni, jɨmanyikike kwanyie ʉkʉta, ʉmuunu ʉjʉ ʉvɨ ɨmile pavʉlongolo paanyie aponile, avye nnonu kʉ maka ga litaawa lya Yɨɨsʉ Kɨlɨsiti va kʉ Nazaleti. Ʉjwa vɨ ʉnyie mukamʼbudile pa kɨdamingʼanie, napeene ʉNgʉlʉve akantsʉʉsiitse kʉ vaswe. 11ɄYɨɨsʉ alɨ ndɨ liganga lya pa nguto jya nyumba. Ʉjwa vɨ mwene ʉvɨ jɨvɨgilwe pa kulongwi jya mwene ʉkʉta,

‘Ɨliganga ɨlyʉ mwalɨbeelile ʉnyie vatsenganyumba,

ɨlyo lyʉ lɨvye liganga ɨlivaha#4:11 Liganga ɨlivaha AVayahudi wʉ vitsenga ʉwaalo wa maganga wa nyumba vaavɨɨkaga ɨliganga ɨlivaha ʉmwʉ jyɨtotekaga ɨnyumba jyoni. Ɨliganga ɨlyo vaateetsaga ɨliganga ɨlivaha lya kwibata inyumba pa nguto jya waalo wa jyene. Ɨlyene lyale liganga livaha ɨlyʉ lyaganitsaaga isibʉpa sivɨlɨ, ɨlyʉ libiite ɨnyumba jyoni. lya kwibata ɨnyumba pa nguto jya waalo wa jyene.’#Zabuli 118:22

12“Lɨno, nakʉli ʉmuunu ʉjyʉnge ʉvaveetsaga ʉvɨ mu mwene twikava ʉvʉpoki, manya mu kɨlʉnga ʉmʉ nalɨkʉli ɨlitaawa ɨlɨnge ɨlyʉ ʉwe tʉlɨ nalyo ɨlyʉ lɨlɨ na maka ga kʉtʉpoka mu mbiivi.”

13Avavaha valya wʉ vaweene ʉPetulo nʉ Yohana vikʉvaanda kɨtsila lʉdwado, vaanu ʉwʉ navɨmbi ikange vaanu ʉwʉ navamanyiisiiwi, vakadega siitso. Vakalʉmanya ʉkʉta ʉPetulo nʉ Yohana vaale paninie nʉ Yɨɨsʉ. 14Ikange avavaha avo wʉ vikʉmbona ʉnʼgoosi ʉjwa ʉvɨ aponile ɨmile apo paninie nʉ Petulo nʉ Yohana, vakadumukilwa amamenyu ga kʉtsova. 15Vakavalagɨla ʉPetulo nʉ Yohana vakata vahʉme ʉmwa mu lʉlʉndamano lwa vavaha va kɨvʉmbʉkʉ kyoni kya Vaisilahɨli. Avo wʉ vahʉmile, aveene vakatengʉla ʉkwɨtsosanza. 16Vakɨvʉʉtsa vakata, “Tʉgahe ndeeti na vaanu ava? Lola, avaanu vooni ʉwʉ vitaama apa pa Yelusalemu valʉmanyile ʉkʉta vavombile ɨkɨdego ɨkɨvaha ɨkɨ, natʉkabeele. 17Lɨno tʉvadwatse, vɨlekelwe ʉkʉlɨtsova ɨlitaawa ɨlyo kʉ muunu ʉvaveetsaga, pakʉta aga ʉgwʉ vavombile galeke ʉkʉvaala siitso kʉ vaanu.”

18Pwʉ avavaha valya vakavɨɨlanga ʉPetulo nʉ Yohana. Vakavatanila kʉ maka vakata, “Mulagelaga ʉkʉtsova ikulongwi tsa Yɨɨsʉ pange ʉkʉvamanyiisa avaanu kʉ vʉtavʉlɨlwa wa litaawa lya mwene!” 19ɄPetulo nʉ Yohana vakaanda vakata, “Ʉnyie nyienye muhʉmye ʉvʉlamutsi, ʉkʉta nda lʉnonu pamiiho ga Ngʉlʉve, tʉvapʉlɨkage ʉnyie ʉkʉlʉtɨɨlɨla ʉkʉmpʉlɨka ʉNgʉlʉve, 20manya itso tsyoni itsʉ tʉtsiweene nʉ kʉtsipʉlɨka, napanogiili ʉwe ʉkʉta twɨlekelwe ʉkʉtsitsova.”

21-22Pwʉ avavaha valya vakadumukilwa itsa kʉvahɨga ʉPetulo nʉ Yohana. Vaadumukiilwe ʉlwakʉva avaanu vooni vaanʼginiaga siitso ʉNgʉlʉve kʉ kɨdego ɨkyʉ ʉPetulo nʉ Yohana vaavombile kʉ muunu ʉlya. Ʉmuunu ʉjwa ʉvɨ vaamponiitse aale indema ʉkʉhʉma ʉvʉholwa wa mwene. Ɨmyaka gya mwene gyalʉtɨngʼiinie pa sitsigo sinni (40). Pwʉ avavaha avo vakavadwatsa ikange ʉPetulo nʉ Yohana, vakavavopola.

Avɨɨdɨki vikʉnʼdoova ʉNgʉlʉve avape ʉvʉkangasu

23ɄPetulo nʉ Yohana wʉ vavopwilwe, vakakilivuka ʉkʉ ʉkwʉ vaale avajyavo. Vakavavʉʉla amamenyu ago gooni ʉgwʉ avavaha#4:23 Avavaha Mu nzovele jya Kɨyunaani jɨvɨgilwe avavaha va vateeketsi na vanzagɨla va Vayahudi. valya vavavʉʉlile. 24Wʉ avajyavo avo vapʉliike ikulongwi tsa mamenyu ago, vooni vakɨɨdɨngʼana paninie ʉkʉnʼdoova ʉNgʉlʉve vakata, “Gwe Mbaha va syoni, ʉve veeve waapelile kʉkyanya, paasi apa, inyanza, ni syoni isilɨ mwoni ʉmwa. 25Veeve waatsovile kʉ ndomo gwa kʉkʉjiitu ʉDavʉdi, ʉmbombi vaako, ʉkʉgendela mwa Mepo ʉMbalatse ʉkata,

‘Kɨki avaanu avatava Vaisilahɨli viviipa?

Ikange kɨki isivʉmbʉkʉ sivuta isiinu isitsila lʉvʉmbʉlɨlo?

26Avakʉlʉdeeva va mu kɨlʉnga,

na valongotsi avange, vaalʉndamiine paninie,

pakʉta vamʼbeele ʉNtwa ʉNgʉlʉve nʉ Kɨlɨsiti ʉvɨ ahalilwe nʉ mwene.’#Zabuli 2:1-2

27“Jivoneka pavʉvalasu ʉkʉta ʉnkʉlʉdeeva ʉHelode#4:27 ɄHelode Ʉvʉganulu wa limenyu Helode lola kʉ lʉtʉngʉ lwa mamenyu amahenza agalɨ kʉ vʉmalɨlo wa kɨtabu ɨkɨ. nʉ Pontiyo Pilato#4:27 Pontiyo Pilato Ʉjʉ aale ndongotsi va kɨlʉnga kya Yuuda nɨ kya Samaliya. Ʉmbaha va mwene aale vɨ Kaisali, ʉnkʉlʉdeeva ʉmbaha va vʉtwa wooni wa Kɨlooma. vaalʉndamiine mu vʉtsenge ʉvʉ wa Yelusalemu, paninie ni sivʉmbʉkʉ isya Vaisilahɨli na vaanu avatava Vaisilahɨli ʉkʉta, vamʼbeele ʉYɨɨsʉ ʉmbombi vaako ʉMbalatse, ʉvɨ waahalile ʉkʉta ave vɨ Kɨlɨsiti. 28Ago ʉgwʉ vaavombile avaanu avo, gwʉ geene ʉgwʉ ʉve waalamwe gavombeke ʉkʉhʉma katale, mu maka gaako na mu vʉnogwe waako. 29Lɨno ʉve vɨ Ntwa vɨ Ngʉlʉve, lola ʉmwʉ vakatʉdwatsɨhiitse! Ʉtʉtange ʉwe twɨ vavombi vaako, pakʉta tʉlʉmbɨlɨlage ɨlimenyu lyako kɨtsila kʉdwada kɨɨnu. 30Ʉve ʉvoniage amaka gaako ga kʉvaponia avaanu. Ʉtʉtange pakʉta tʉvombage isidego ni simanyilo syongosu mu maka ga litaawa lya Yɨɨsʉ, ʉmbombi vaako ʉMbalatse.”

31Avaanu avo wʉ vamalile ʉkwɨsaja kwa Ngʉlʉve, palya ʉpwʉ vaalʉndamiine pakalindima. Vooni vakadɨtsiwa amaka ga Mepo ʉMbalatse, vakatengʉla ʉkʉlʉmbɨlɨla ɨlimenyu lya Ngʉlʉve kɨtsila kʉdwada kɨɨnu.

Ʉvʉpamato wa vɨɨdɨki

32Vooni ʉwʉ vaamwɨdiike ʉYɨɨsʉ vakava nɨ numbula mamato, na masaago ga veene gaale kɨɨnu kɨpamato. Naavepwo ʉmuunu ʉvɨ aatsovaga ʉkʉta isiinu isyʉ alɨ nasyo sya mwene mwene, apeene isiinu sya veene syoni vaahangaga. 33Avapositili vakagendelela kʉ maka ʉkʉtsova ʉkʉta ʉNtwa ʉYɨɨsʉ atsʉʉkile ʉkʉhʉma kʉ vaswe. ɄNgʉlʉve alɨkʉvasaja siitso avɨɨdɨki vooni. 34Pwʉ naavepwo ʉmuunu mu kɨpʉga kya veene ʉvɨ alɨkwagɨlwa kɨninie, ʉlwakʉva valya ʉwʉ vaale ni silɨmɨla evo inyumba, vaagʉtsaaga. Indalama itsʉ vaakavaga, 35valɨkʉvapa avapositili. Avo valɨkʉgavania indalama itso, ʉkʉkongana nʉ kwagɨlwa kwa muunu mpamato mpamato isiinu sya kʉntanga.

36Namwene ʉYusufu, ʉvaale Mlawi, ʉmmolwa va kʉ Kipulo, ʉvɨ avapositili vaampye ɨlitaawa ɨlɨ Balinaba, kwʉ kʉta, ʉndʉme ʉnya lʉtseeso, 37akagʉtsa ɨkɨlɨmɨla kya mwene. Indalama itsʉ aakavile, akahɨlɨka kʉ vapositili.

Currently Selected:

Mbombo tsa Vapositili 4: zga

Highlight

Copy