maa-Ko 9
9
1ye-su cvj Buaj ninb Bua, “yia kxvq zyen Buaj meib Bua, sruq Jyenq naaiq Eei myenb maaib teij zuvq maiq kcvb taig zyrug tu'q pwatg Tinb huvb maaib Jyenq nrnb Eei Qa'q taaib zruj zyruq kunq myenb.”
saib kxj Bua pwatg ye-su Tiuq mig a'q
(peiq mavg matq-Taai 17:1-13; lu-kaa 9:28-36)
2Ga'haaq Ju'q Nxi, ye-su txb Jyenq pi-te, yaa-kxpg Zauj yo-han faauj nxm Bovb Lav, levb Eei txvj. saib kxj Bua mavg Jyenq uaq zang, pwatg ye-su Tiuq Revg mig a'q.#2 pi-te 1:17-18 3ninb Eei lwib hruj Bopq pc'g Eei, zcvb zcvb uaq. luvb Diaq maiq maaib haiq taub haib Roj tu'q ninb Eei lwib hruj Dovg naaig pc'g. 4uaq teij pua taub saib kxj cvj pwatg e-li-yaa Zauj mo-se hing Zwrtq yem uaq Zauj ye-su kxvq waag.
5pi-te zyrug kxvq Buaj ye-su, “saib tiaj aa'b! yia Bua yem naaiq kevb lovj haig. Toq pun yia Bua zruj pua nxm liub, zruj nxm pun meib, zruj nxm pun mo-se, cvj zruj nxm pun e-li-yaa.” 6pi-te Zauj uaq teij saib kxj kamb Riaj haig, zuvq maiq hiuq tu'q xij zu'g kxvq haiq Euvg.
7maaib txq Bwrnj taaib om Jyenq ninb Bua. cvj maaib Qiaj yem uaq Bwrnj kxvq, “naaiq se yia Eei txnb Namq. mwavj ninb maa'b!”#matq-Taai 3:17; maa-Ko 1:11; lu-kaa 3:22
8saib kxj Bua lyemb zeib mavg naaiq mavg uaq, maiq pwatg haiq taub Zauj ninb Bua yem. Kuvj pwatg ye-su kanb Navq.
9yem Bov Fiag taaib uaq zang ye-su hatg ninb Bua, “maiq tuvq kxvq meib Bua pwatg liud naaiq teij sig Buaj haiq taub. zuaq yia, paamb myenb Eei txn, taig mivb cvj navb taaib Zivj taaib kxvq og.”
10saib kxj Bua haid liud naaiq teij waag zyrug yem Hruq Javj Jyenq, laanb Zauj laanb kxvq, “+‘taig mivb cvj navb taaib’ uaq Jruj waag maaib haiq Euvg eij leid?”
11saib kxj Bua zyrug naaig ye-su, “Faauj leid Eei finb scv weig haiq tiug kxvq e-li-yaa xij zu'g taaib Daavg?”#maa-laa-Ki 4:5; matq-Taai 11:14
12ye-su tau, “e-li-yaa za'kevb taaib Daavg, pun Euvb Euvg Rwrnj taaib Navq lod uaq nx. mq paag kivb sru weig haiq tiug fiaq paamb myenb Eei txn xij zu'g syrug ziaj Euvg Kruq, yaag zu'g myenb Gemb? 13yia Buaj meib Bua, e-li-yaa zuvq Tauj taaib a'q. myenb yaag sweib eij zruj pun ninb mig a'q, Navq kivb sru fiaq Jyenq kxvq nx.”
ye-su zung myenq Zwrtq taub txn Eei sin
(peiq mavg matq-Taai 17:14-21; lu-kaa 9:37-43)
14ye-su Bua cvj Rwrnj Tauj uaq teij saib kxj Bua uaq, pwatg myenb Zamq haig weib kxmj ninb Bua. cvj maaib teij Faauj leid Eei finb scv yem uaq Zauj ninb Bua Rcv. 15zwavj myenb yetq pwatg ye-su, ninb Bua kevb Bua'g hxvb haig yaag Tiuj Jyenq mivb zipq. 16ye-su naaig ninb Eei saib kxj, “meib Bua Zauj ninb Bua Rcv haiq Euvg?”
17yem zwavj myenb ka'Euad, maaib laanb myenb tau, “finb scv aag, yia txb yia Eei txn taaib lxd meib weig zu'g maaib taub Yiab kwaiq myenq mua'q ninb maiq haib kxvq waag. 18maiq kunq yem haaij, myenq yaag mua'q ninb, zx'q ninb zov Fiag Dau. maaib uamb Rwib Byaaud Zwrtq, ninb yaag vaatg Jyenq Eaab, Zyru vcvg Revg. yia Toq meib Eei saib kxj zung myenq Zwrtq, mq paag ninb Bua maiq haib zung maiq Zwrtq.”
19ye-su Buaj ninb Bua, “meib Bua naaiq txig myenb aa'b! meib Bua za'kevb maiq syenj! yia xij zu'g Zauj meib Bua yem Dovg haaij laub? yia xij zu'g Eyend meib Bua Tauj haiq zang? txb uaq taub txn taaib yia naaiq maa'b!”
20ninb Bua zyrug txb uaq taub txn taaib. myenq yetq pwatg ye-su, zyrug lyemb zeib mua'q uaq taub txn Zyru Kiv Fiag Dau mivb, Favj Tin Favj teig Eei, yaag Zwrtq uamb Rwib Byaaud. 21ye-su naaig uaq taub txn Eei tia, “ninb Navq naaiq nx penj taaib Dovg haaij laub?”
uaq taub tia tau, “yem faij Eei zyavb hog penj taaib a'q. 22ziaj Rung uaq taub Yiab kwaiq myenq mua'q ninb Kiv pia'g trub Raug fai Dxtq uam, xij pun ninb taig. sij kxvq finb scv haib nx, Toq Kxb lyenb yia Bua, Tevj yia Bua maa'b!”
23ye-su kxvq, “meib naaig, ‘sij kxvq meib haib?’ ta'faanb haiq taub syenj, ninb Euvb Euvg zruj tu'q Eei.”
24uaq taub txn Eei tia lyemb zeib heug Jyenq kxvq, “yia syenj Eei, mq paag tovb yia syenj maiq Tauj Eei, Toq meib Tevj yia haib syenj.”
25ye-su pwatg zwavj myenb Bevj Jyenq taaib fatq haig zyrug hatg uaq taub Yiab kwaiq myenq. ninb kxvq, “meib naaig taub mnxmb Duv, ka'naaib Vovj myenq aa'b! yia hatg meib Zwrtq naaiq taub txn taaib, yetg liud maiq tuvq mua'q ninb a'q.”
26myenq waib waid Eei heug, cvj mua'q uaq taub txn Zyru Kruq haig, zyav naaig Zwrtq mig a'q. pwatg uaq taub txn Navq Janb taig nx. myenb Zamq zyrug kxvq, “ninb taig mig a'q lo'b!” 27mq paag ye-su nanq Jyenq ninb Eei puad, Ken Jiad sin taaib. ninb zyrug sruq Jyenq a'q.
28Ga'haaq ye-su pia'g pyauq, saib kxj Bua pivj Jyenq naaig ninb, “yia Bua weig haiq tiug zung uaq taub myenq maiq Zwrtq?”
29ye-su tau, “xij zu'g tauj kauj#9:29 maaib teij lob Nxi sru kxvq “xij zu'g tauj kauj yaag xij zu'g zei maiq Eang haiq Euvg”. Zivj taaib haib zung tu'q naaiq Euvg myenq Zwrtq. maiq maaib kanb Euvg za'eij a'q.”
ye-su cvj kxvq Rung ninb xij zu'g taig
(peiq mavg matq-Taai 17:22-23; lu-kaa 9:43-45)
30ye-su Bua leib Gxi uaq nxm txvj cvj Jiaj kaa-li-li scvq. ye-su maiq xij haiq taub hiuq tu'q ninb yem haaij, 31weig zu'g ninb Faauj Jyenq ninb Eei saib kxj. ninb kxvq Buaj saib kxj Bua, “yia, paamb myenb Eei txn, zuvq xij zu'g Jiu pun myenb. ninb Bua xij taij yia mq paag Ga'haaq pua Nxi yia xij navb taaib.”
32mq paag saib kxj Bua maiq mevb pc'g naaiq Jruj waag Eei eij leid yaag kamb Riaj maiq naaig ye-su.
haiq taub zruj kaub Lo Jiaj
(peiq mavg matq-Taai 18:1-5; lu-kaa 9:46-48)
33ninb Bua mivb Tauj Kaa-pe-naa-um muvq. pia'g pyauq mivb, ye-su zyrug naaig ninb Eei saib kxj Bua, “kan Jauq taaib uaq zang, meib Bua Rcv haiq Euvg?” 34mq paag ninb Bua maiq Ko lo weig zu'g kan Jauq taaib uaq zang ninb Bua Rcv haiq taub zruj kaub Lo Jiaj.#lu-kaa 22:24
35ye-su zyrug zweid Fiag, heug ninb Eei zyepg Eeig taub saib kxj taaib zunq zyrug Buaj ninb Bua, “haiq taub xij zruj Lo Jiaj, uaq taub xij zu'g pun kanb zruj faij Jiaj yaag zruj zwavj myenb Eei pru.”#matq-Taai 20:26-27; 23:11; maa-Ko 10:43-44; lu-kaa 22:26 36ye-su cvj Ken taub fu'Jweiq taaib sruq Jyenq ninb Bua Bu'Dovj yaag Lxpq Jyenq Buaj saib kxj Bua,
37“haiq taub tevq yia Eei Buaj zipq taub naaiq teij faij Eei fu'Jweiq, uaq taub yaag zipq yia. haiq taub zipq yia, maiq taan zipq yia, ninb yaag zipq Paaiq yia taaib uaq taub.”#matq-Taai 10:40; lu-kaa 10:16; yo-han 13:20
haiq taub maiq Zauj Bua txib tekg se Tevj Bua
(peiq mavg lu-kaa 9:49-50)
38yo-han Buaj ye-su, “saib tiaj aa'b! yia Bua pwatg taub myenb lovg meib Eei Buaj zung myenq Zwrtq. yia Bua zyrug laanb ninb, maiq pun zruj, weig zu'g ninb maiq zeid zruj Bua Eei kwanb.”
39ye-su Buaj ninb Bua, “maiq tuvq laanb ninb, weig zu'g maiq maaib haiq taub haib lovg yia Eei Buaj zruj liud Bua'g hxvb Eei sig, Du'g tavb Navq taauj Rwrnj taaib kxvq to'g yia. 40weig zu'g haiq taub maiq Zauj Bua txib tekg, uaq taub se Tevj Bua a'q.#matq-Taai 12:30; lu-kaa 11:23 41yia Buaj zyen meib Bua, haiq taub pun zaanq uam meib Bua hopq weig zu'g meib Bua kwei ki-tug, uaq taub Eei zivb Eeig maiq haib Dxtq.”#matq-Taai 10:42
Duaq myenb paamd zwid Eei sig
(peiq mavg matq-Taai 18:6-9; lu-kaa 17:1-2)
42“sij kxvq haiq taub Duaq yetg taub naaiq teij syenj yia Eei fu'Jweib faij paamd zwid,#9:42 kikg waag kxvq Di'q zu'g Dxpg. eij leid se Niaq Eei. maiq taan Duaq paamd zwid Navq, zuvq Duaq myenb Zwrtq ye-su. zx'q tomb mxg Diuj Jyenq uaq taub Eei Jaav, puvj Fiag Kxiq kaub lovj.
43“sij kxvq meib Eei puad Duaq meib paamd zwid, xij zu'g Va'q kwavg. zo'g Jia'q puad mq paag tu'q yetg liud Eei mcvg Zxg kaub lovj maaib i Jia'q puad mq paag Dxtq teig Eua'g, pia'g yetg liud zia'g Jyenq Eei trud.#matq-Taai 5:30 44yem uaq Eang ninb Bua uaq teij kcvb mau yetg liud maiq taig. puaq ninb Bua uaq Euvg trud yaag yetg liud zia'g Jyenq Eei.#9:44 maaib lob Nxi sru maiq lovg naaiq 9:44 Zauj 9:46 yemg. naaiq teij i yemg Zauj 9:48 fib Navq Revg.
45“sij kxvq meib Eei zauj Duaq meib paamd zwid, xij zu'g Va'q kwavg. zo'g Jia'q zauj mq paag tu'q yetg liud Eei mcvg Zxg kaub lovj maaib i Jia'q zauj mq paag zu'g zxi Fiag teig Eua'g. 46yem uaq Eang ninb Bua uaq teij kcvb mau yetg liud maiq taig. puaq ninb Bua uaq Euvg trud yaag yetg liud zia'g Jyenq Eei.#9:46 peiq mavg maa-Ko 9:44.
47“sij kxvq meib Eei mziv Duaq meib paamd zwid#9:47 peiq mavg 9:42 uaq yemg. xij zu'g kweij kwavg mivb. zo'g nxm mziv mq paag tu'q pia'g Tinb huvb Eei kua'q Zxg kaub lovj maaib i nxm mziv yaag zu'g zxi Fiag teig Eua'g.#matq-Taai 5:29 48yem uaq Eang ninb Bua uaq teij kcvb mau yetg liud maiq taig. puaq ninb Bua uaq Euvg trud yaag yetg liud zia'g Jyenq Eei.#i-saa-yaa 66:24
49“Tinb huvb xij lovg trud pun taub taub myenb Zivb Revg, Navq myenb zx'q Rauq an ziag Eei ka'naaiq weig pun uaq Euvg ka'naaiq Zivb Revg, maiq maaib wij nx.
50“Rauq se lovj Eei. mq paag sij kxvq Rauq Eei mweij Twij zaamq mivb, Navq haiq nx nxig tu'q Raaib taaib? Rauq Navq haiq nx pun Eang hopq maaib mweij, meib Bua yaag xij zu'g Navq uaq nx laanb Zauj laanb zruj hxpg, laanb Zauj laanb hxpg fim tovb eij Eei yem.”#matq-Taai 5:13; lu-kaa 14:34-35
Currently Selected:
maa-Ko 9: IuMiNOR
Highlight
Share
Copy
Want to have your highlights saved across all your devices? Sign up or sign in
ฉบับอักษรโรมันโบราณ © Thailand Bible Society, 2007.
