Ka ki aitotiskeritci Cecoc otarotakana 11
11
Pien e icatc Jérusalem otenak, e nta aimihatc anahweriw iriniwa ka tapwerimaritci Cecoca
1Cecoc otarotakana kirika kotakihik ka tapwerimatcik Cecoca neta Judée askik ka tacikewaspan ki petakewok kaie wirawaw anahweriw aka ka cota iriniwiritci e ki otapinamiritci Kice Manitowa otitewiniw. 2Ka takocik tca Pien neta Jérusalem otenak, aci aniki ka tapwerimatcik Cecoca ka cota iriniwitcik ki itactahorewok, 3e itatcik: “Ki ki pitakewan omikiwamiwak iriniwok aka ka ki otci kicawatocwakaniwitcik kirika ki ki witci mitcisomawok!”
4Aci Pien wewerita atisokawew kaskina ka ki isparinik. Ki itew: 5“Nete ni tacikatai Jaffa otenak. Mekwata ni taci aiamihatai. Kek ohwe ni ki icinen, kekocic e pe raciparik, mitowi micta mitcisowakanekin e matcikonikatek nte e ici kikiekak, wakwek e pe otci raciparik, neta ka ici tacikeiapan. 6Wewerita tca ni ki kanawapaten neta micta mitcisowakanekinik. Ni ki wapamawok mitcet awesisak, nakowi e icinakositcik: ka newokatetcik, kaie notcimik ka taciketcik, kinepikok acitc pirecicak, papitoc e aicinakositcik. 7Aci ni ki peten e pe itikoian: ‘Pasiko, Pien! Nipahik aniki awesisak! Mowik tca!’ 8Aric ni ki itwan: ‘Teperitcikein, nama ni ka ki mowawok! Nama wiskat meka ni ki otci mitcin kekocic aka ka actek kitci mitcinaniwok, cota aiamihewinik itekera, kekotc ka iteritakok maratan otcitcakocinak itekera!’ 9Kiapatc ohwe ni ki peten e itikoian, wakwek e pe otewetak: ‘Akawir iterita maratan kekocic Kice Manito aci ka itetc mirwacin.’ 10Nictowaw anihe ekoni ka ki isparik. Minawatc kaskina ki kiwe icpiparin wakwek. 11Mia ani apitc, nicto iriniwok ki pe takocinipanak neta mikiwamik ka ici tacikeiakipan. Césarée otenak pe ototepanak aniki iriniwok e ki pe iciticohwakaniwitcik kitci pe natawapamitcik. 12Miro Manito ni ki itikw kitci nosanehwakik, aka kitci cakwerimoan.#11.12 aka kitci cakwerimoan: Peikon kata ki ici nisitotakon: aka wiec kitci iteritaman kitci witcewakik, misawatc aka wirawaw e cota iriniwitcik. Aniki niwitcicanak e nikotwatcitcik kaie wirawaw ka ki pe icatcik ni ki witcewikok nete Césarée otenak. Kaskina e taciak ni ki pitakanan neta Corneille omikiwamik. 13Anahwe Corneille ni ki atisokakonan e ki wapamatc aceriwa pitakamik omikiwamik, kirika e ki itikotc: ‘Iciticohik kitirinimak nete Jaffa otenak kitci natcipahatcik Simowa, Pien arica ka icinikatakaniwiritci. 14Ki ka witamakw kekociciriw ke otci akwacimikoin, peikon kaskina kaie wirawaw aniki kimikiwamik ka taciketcik.’ Ekoni ka ki itikotc anihi aceriwa. 15Minawatc ka iti aiarimweian, Miro Manitowa ki pe pitciteheckakowok iriniwok, mitowi kaie kirano nictam ka ki pitciteheckatokopanen. 16Aci ni ki mikawin aniheriw Teperitciketc ka ki itespan: ‘Capatis ki sikahatakew, nipiriw e apatcitatc. Aric nanake ki ka sikahatasonawaw, Miro Manito kitci mirikoiekw.’ 17Kaie wirawaw aka ka cota iriniwitcik ki cawerimikowok Kice Manitowa,#11.17 ki cawerimikowok Kice Manitowa: Enko anihi peikon Miro Manitowa ka ki mirakaniwitcik. kaie peikon kirano, kotc ka tapwerimokw Teperitciketc Cecoc Krist! Tan tca ni nin e asiteritakosian kitci wikokwe nakackowak Kice Manito tan wa totak?”
18Ka ickwa petakik aniheriw aniki cota iriniwok ka tapwerimatcik Cecoca, aci nama wiec ki otci iteritamok, kirika ki mirwatcimewok Kice Manitowa, e itetcik: “Tapwe Kice Manito ki mirew anahweriw aka ka cota iriniwiritci kitci ki matci kaie wirawaw kweskatisiritci kaie kitci mirakaniwiritci kakike pimatisiwiniw.”
Iriniwok Antioche otenak ka taciketcik
19Ka ickwa nipahakaniwispan Étienne, mitcet iriniwok ka tapwerimatcik Cecoca ki nekatcihakaniwiwok. Ekoni wetci ki orackatcik papitoc otenaskak acitc askik e icatcik. Atita neta e tacitcik warawik ki ici matcawok, nte Phénicie askik, kotakihik Chypre minictikok kaie kotakihik Antioche otenak. Aric tepirak ni cota iriniwa arimotamowepanak Kice Manitowa otitewiniw e kakeskwetcik. 20Mekwata atita ka tapwerimatcik Cecoca nete ka otciwaspan Chypre minictikok kirika Cyrène otenak, ki icawok Antioche otenak. Aci aimihepanak iriniwa aka ka cota iriniwiritci e witamawatcik Mirwatcimowiniw Teperitcikeritci Cecoca otci. 21Mirikopanak Teperitcikeritci kitci mackawisitcik. Mitcet tca iriniwok ki iti tapwerimewok Teperitcikeritci, kaie ki kweskatisiwok kitci nosanehwatcik.
22Aniki ka tapwerimatcik Cecoca Jérusalem otenak ka tacikewaspan ki petakepanak aniheriw kaskina ka ki isparinik. Aci ki iciticohwewok Barnabasa nete Antioche otenak kitci icaritci. 23Barnabas ka takocik nete kirika ka wapatak Kice Manitowa e ki cawerimikotcik aniki ka tapwerimatcik Cecoca, ki micta mireritam kirika kaskina ki wikosimew e irikokotehetcik mocak kitci nosanehwatcik Teperitcikeritci. 24Tapwe ni wirata miro iriniwipan Barnabas. Mockineckakopan Miro Manitowa kaie asperimototawepan Kice Manitowa. Mitcet tca iriniwok ki oreritamok kitci tapwerimatcik Teperitcikeritci.
25Minawatc ki matcaw Barnabas, Tarse otenak e icatc, e nta nantowapamatc anihi Saula. 26Ka ickwa miskawatc, ki pecowew nete Antioche otenak. Tapickotc e nicitcik ki tacikewok neta, tekaci peikwo pipona irikik e witci tacikematcik neta ka tapwerimaritci Cecoca. Kirika ki kiskinohamawewok mitcet iriniwa kitci asperimototawaritci Kice Manitowa. Ekote nete Antioche otenak ickotok “Cecoc Krist otirinima” ka ki icinikatakaniwitcik aniki ka tapwerimatcik Cecoca.
27Ani apitc atita ka nikan tipatcimotcik Jérusalem otenak otci matcapanak, nete e icatcik Antioche otenak. 28Peikwaw kotc e kicikak, peikw neta iriniw e tacitcik, Agabus e icinikasotc, ki pasiko. E keskinowirikotc Miro Manitowa, ki tipatcimo aci kekatc kitci micta kokataniwonik kaskina wiec askik. —Tapwe tca ekoni ka pe iciwepanik, mekwata ka Kice Okimawispan Claude ka icinikasospan.— 29Aniki tca ka tapwerimatcik Cecoca ki oreritamok papeikw e tacitcik e ici kackitatcik kitci pakitinakik kekociciriw kitci iciticahamowatcik e witcihatcik anihi ka tapwerimaritci Cecoca nete Judée askik ka tacikeritci. 30Ekoni ka ki totakik. Ki mawotcitawok kekwariw. Kaskina ki mirewok aniheriw Barnabasa kirika Saula kitci nta miraritci anahweriw e taciritci ka nikaniwiritci iriniwa otci ka tapwerimaritci Cecoca nete Judée askik kitci matinamakeritci.
Currently Selected:
Ka ki aitotiskeritci Cecoc otarotakana 11: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 11
11
Pien e icatc Jérusalem otenak, e nta aimihatc anahweriw iriniwa ka tapwerimaritci Cecoca
1Cecoc otarotakana kirika kotakihik ka tapwerimatcik Cecoca neta Judée askik ka tacikewaspan ki petakewok kaie wirawaw anahweriw aka ka cota iriniwiritci e ki otapinamiritci Kice Manitowa otitewiniw. 2Ka takocik tca Pien neta Jérusalem otenak, aci aniki ka tapwerimatcik Cecoca ka cota iriniwitcik ki itactahorewok, 3e itatcik: “Ki ki pitakewan omikiwamiwak iriniwok aka ka ki otci kicawatocwakaniwitcik kirika ki ki witci mitcisomawok!”
4Aci Pien wewerita atisokawew kaskina ka ki isparinik. Ki itew: 5“Nete ni tacikatai Jaffa otenak. Mekwata ni taci aiamihatai. Kek ohwe ni ki icinen, kekocic e pe raciparik, mitowi micta mitcisowakanekin e matcikonikatek nte e ici kikiekak, wakwek e pe otci raciparik, neta ka ici tacikeiapan. 6Wewerita tca ni ki kanawapaten neta micta mitcisowakanekinik. Ni ki wapamawok mitcet awesisak, nakowi e icinakositcik: ka newokatetcik, kaie notcimik ka taciketcik, kinepikok acitc pirecicak, papitoc e aicinakositcik. 7Aci ni ki peten e pe itikoian: ‘Pasiko, Pien! Nipahik aniki awesisak! Mowik tca!’ 8Aric ni ki itwan: ‘Teperitcikein, nama ni ka ki mowawok! Nama wiskat meka ni ki otci mitcin kekocic aka ka actek kitci mitcinaniwok, cota aiamihewinik itekera, kekotc ka iteritakok maratan otcitcakocinak itekera!’ 9Kiapatc ohwe ni ki peten e itikoian, wakwek e pe otewetak: ‘Akawir iterita maratan kekocic Kice Manito aci ka itetc mirwacin.’ 10Nictowaw anihe ekoni ka ki isparik. Minawatc kaskina ki kiwe icpiparin wakwek. 11Mia ani apitc, nicto iriniwok ki pe takocinipanak neta mikiwamik ka ici tacikeiakipan. Césarée otenak pe ototepanak aniki iriniwok e ki pe iciticohwakaniwitcik kitci pe natawapamitcik. 12Miro Manito ni ki itikw kitci nosanehwakik, aka kitci cakwerimoan.#11.12 aka kitci cakwerimoan: Peikon kata ki ici nisitotakon: aka wiec kitci iteritaman kitci witcewakik, misawatc aka wirawaw e cota iriniwitcik. Aniki niwitcicanak e nikotwatcitcik kaie wirawaw ka ki pe icatcik ni ki witcewikok nete Césarée otenak. Kaskina e taciak ni ki pitakanan neta Corneille omikiwamik. 13Anahwe Corneille ni ki atisokakonan e ki wapamatc aceriwa pitakamik omikiwamik, kirika e ki itikotc: ‘Iciticohik kitirinimak nete Jaffa otenak kitci natcipahatcik Simowa, Pien arica ka icinikatakaniwiritci. 14Ki ka witamakw kekociciriw ke otci akwacimikoin, peikon kaskina kaie wirawaw aniki kimikiwamik ka taciketcik.’ Ekoni ka ki itikotc anihi aceriwa. 15Minawatc ka iti aiarimweian, Miro Manitowa ki pe pitciteheckakowok iriniwok, mitowi kaie kirano nictam ka ki pitciteheckatokopanen. 16Aci ni ki mikawin aniheriw Teperitciketc ka ki itespan: ‘Capatis ki sikahatakew, nipiriw e apatcitatc. Aric nanake ki ka sikahatasonawaw, Miro Manito kitci mirikoiekw.’ 17Kaie wirawaw aka ka cota iriniwitcik ki cawerimikowok Kice Manitowa,#11.17 ki cawerimikowok Kice Manitowa: Enko anihi peikon Miro Manitowa ka ki mirakaniwitcik. kaie peikon kirano, kotc ka tapwerimokw Teperitciketc Cecoc Krist! Tan tca ni nin e asiteritakosian kitci wikokwe nakackowak Kice Manito tan wa totak?”
18Ka ickwa petakik aniheriw aniki cota iriniwok ka tapwerimatcik Cecoca, aci nama wiec ki otci iteritamok, kirika ki mirwatcimewok Kice Manitowa, e itetcik: “Tapwe Kice Manito ki mirew anahweriw aka ka cota iriniwiritci kitci ki matci kaie wirawaw kweskatisiritci kaie kitci mirakaniwiritci kakike pimatisiwiniw.”
Iriniwok Antioche otenak ka taciketcik
19Ka ickwa nipahakaniwispan Étienne, mitcet iriniwok ka tapwerimatcik Cecoca ki nekatcihakaniwiwok. Ekoni wetci ki orackatcik papitoc otenaskak acitc askik e icatcik. Atita neta e tacitcik warawik ki ici matcawok, nte Phénicie askik, kotakihik Chypre minictikok kaie kotakihik Antioche otenak. Aric tepirak ni cota iriniwa arimotamowepanak Kice Manitowa otitewiniw e kakeskwetcik. 20Mekwata atita ka tapwerimatcik Cecoca nete ka otciwaspan Chypre minictikok kirika Cyrène otenak, ki icawok Antioche otenak. Aci aimihepanak iriniwa aka ka cota iriniwiritci e witamawatcik Mirwatcimowiniw Teperitcikeritci Cecoca otci. 21Mirikopanak Teperitcikeritci kitci mackawisitcik. Mitcet tca iriniwok ki iti tapwerimewok Teperitcikeritci, kaie ki kweskatisiwok kitci nosanehwatcik.
22Aniki ka tapwerimatcik Cecoca Jérusalem otenak ka tacikewaspan ki petakepanak aniheriw kaskina ka ki isparinik. Aci ki iciticohwewok Barnabasa nete Antioche otenak kitci icaritci. 23Barnabas ka takocik nete kirika ka wapatak Kice Manitowa e ki cawerimikotcik aniki ka tapwerimatcik Cecoca, ki micta mireritam kirika kaskina ki wikosimew e irikokotehetcik mocak kitci nosanehwatcik Teperitcikeritci. 24Tapwe ni wirata miro iriniwipan Barnabas. Mockineckakopan Miro Manitowa kaie asperimototawepan Kice Manitowa. Mitcet tca iriniwok ki oreritamok kitci tapwerimatcik Teperitcikeritci.
25Minawatc ki matcaw Barnabas, Tarse otenak e icatc, e nta nantowapamatc anihi Saula. 26Ka ickwa miskawatc, ki pecowew nete Antioche otenak. Tapickotc e nicitcik ki tacikewok neta, tekaci peikwo pipona irikik e witci tacikematcik neta ka tapwerimaritci Cecoca. Kirika ki kiskinohamawewok mitcet iriniwa kitci asperimototawaritci Kice Manitowa. Ekote nete Antioche otenak ickotok “Cecoc Krist otirinima” ka ki icinikatakaniwitcik aniki ka tapwerimatcik Cecoca.
27Ani apitc atita ka nikan tipatcimotcik Jérusalem otenak otci matcapanak, nete e icatcik Antioche otenak. 28Peikwaw kotc e kicikak, peikw neta iriniw e tacitcik, Agabus e icinikasotc, ki pasiko. E keskinowirikotc Miro Manitowa, ki tipatcimo aci kekatc kitci micta kokataniwonik kaskina wiec askik. —Tapwe tca ekoni ka pe iciwepanik, mekwata ka Kice Okimawispan Claude ka icinikasospan.— 29Aniki tca ka tapwerimatcik Cecoca ki oreritamok papeikw e tacitcik e ici kackitatcik kitci pakitinakik kekociciriw kitci iciticahamowatcik e witcihatcik anihi ka tapwerimaritci Cecoca nete Judée askik ka tacikeritci. 30Ekoni ka ki totakik. Ki mawotcitawok kekwariw. Kaskina ki mirewok aniheriw Barnabasa kirika Saula kitci nta miraritci anahweriw e taciritci ka nikaniwiritci iriniwa otci ka tapwerimaritci Cecoca nete Judée askik kitci matinamakeritci.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014