Ka ki aitotiskeritci Cecoc otarotakana 10
10
Pien e wicamikotc kitci cimakanica Corneille kitci natawapamatc
1Tapan Césarée otenak peikw iriniw, Corneille e icinikasotc. Anahwe Corneille kitci cimakanicipan. Tiperimepan mitato mitana owitci cimakanica, Italie askik ka otciritci. 2Kicterimepan Kice Manitowa. Aiamihatisipan, kirika kaskina omikiwamik ka tacikeritci. Micta ko witcihepan cota iriniwa ka kitimakisiritci, mocak kaie aiamihakopan e pakoserimatc Kice Manitowa. 3Peikwaw e kicikarik e ickwa apita kicikarik wiec nicto tipahikan, ki itapatamaw, ohweriw e icinak: ki wapamew Kice Manito otacerima e pe pitakeritci omikiwamik, e tca itikotc: “Corneille!”
4Kanawapamew aceriwa e koctatc, e itatc: “Kekwan ni, Teperitcikein?”
Aci itiko anihi aceriwa: “Kice Manito natotam kaskina ka ki ici aiamihain kaie ka ki ici witcihatcik ka kitimakisitcik. Nama ki onikatikw. 5Iciticohwik tca aci kitirinimak Jaffa otenak kitci ki natcipahatcik peikw iriniwa, Simo ka icinikasoritci, arica Pien ka icinikatakaniwiritci. 6Simo icinikasoriw kaie wir anihi iriniwa omikiwamirik ka taciketc anahwe Pien. Anahwe kotak Simo ka otamirohaketc pakekina. Aniheriw omikiwam rarewak kitcikamik ka ici takonik.”
7Ka ickwa nakatikotc anihi aceriwa ka ki aimihikotc, Corneille wicamew nicw otarotakana kirika peikw ocimakanicima aci weckatc ka ki atoskectakotc, kaie wir ka kicterimaritci Kice Manitowa. 8Kaskina ki atisokawew aniheriw ka ki isparitc. Minawatc tca ki iciticahwew Jaffa otenak.
9Minawatc kecikarik, mekwata e pimotetcik, wiec aci e iti apita kicikarik, aci e tepinakonik Jaffa otenariw, ani apitc Pien ki iskwatowiw okitc mikiwamik kitci nta aiamihatc. 10Ki pakatew. Wi tca mitcisopan. Mekwata e ocitamowakaniwitc ke mitcik, ki itapatamaw, ohweriw e icinak: 11Ki wapatam wakwek e ceparinik, kekociciriw e pe raciparinik, mitowi micta mitcisowakanekin e matcikonikatek neta e ici kikiekak e pe raciparik askik. 12Neta mitcisowakanekinik tapanak mitcet awesisak, nakowi e aicinakositcik: ka newokatetcik kirika kinepikok acitc mitcet pirecicak, papitoc e aicinakositcik. 13Aci petam e itakaniwitc: “Pasiko Pien! Nipahik aniki awesisak! Mowik tca!”
14Aric Pien itew: “Teperitcikein, nama ni ka ki mowawok! Nama meka wiskat ni ki otci mitcin kekocic aka ka actek kitci mitcinaniwok, cota aiamihewinik itekera, kekotc ka iteritakok maratan otcitcakocinak itekera!”
15Kiapatc anahwe neta petam e itakaniwitc: “Akawir iterita maratan kekocic Kice Manito aci ka itetc mirwacin.” 16Nictowaw aniheriw ki isparin. Minawatc tecikotc ki kiwe icpiparin wakwek anihe mitcisowakanekin.
17Pien mamitoneritamopan e wi kiskeritakipan tan ni wa itemakanik aniheriw ka ki icinak. Aniki iriniwok ka ki pe iciticohikotcik Corneille mekwata pa nanto kiskeritamwakopan e ici takonik Simo omikiwamiriw, e ickwa miskakik. Aci ickwatemik pa nanipowiwok. 18Tepwewok kirika kokwetcikemowok: “Ekota ia ota e taciketc Simo, arica ka icinikatakaniwitc Pien?”
19Kiapatc Pien taci mamitoneritamopan e nanto kiskeritak tan ni wa itemakanik aniheriw ka ki icinak. Kek itiko Miro Manitowa: “Natota! Nictiwok ota iriniwok ka nantowapamiskik. 20Pasiko. Nitatowi. Ekoci nosanehwik aniki iriniwok akawir kaie wiec iterita. Nin meka ni, ka ki pe iciticohwakik.”
21Aci Pien nitatowiw e natawapamatc anahweriw iriniwa, e itatc: “Nin ni, ka nantowapamiekw. Kekwan wetci pe icaiekw?”
22Aci itewok: “Anahwe ni ki pe iciticohokonan, ka atoskectawakitc kitci cimakanic, Corneille ka icinikasotc. Anahwe iriniw icikowisk itatisiw kirika kicterimew Kice Manitowa. Micta mirerimiko kaskina cota iriniwa. Kice Manito otacerima ki itiko kitci pe iciticohwimitc, kitci pe natcipahitak kitci iciwiritak omikiwamik, e wi natotak ke itewotc.” 23Ki pitakewirew Pien anihi iriniwa kitci niparitci neta peikwo tipiskwa.
Minawatc kecikarik, aci witcewew e matcaritci anihi ka ki pe natcipahikotc. Atita kaie iti witcewikowok kotakihi iriniwa kaie wirawaw ka tapwerimaritci Cecoca, Jaffa otenak ka otciritci. 24Minawatc kecikarik aci takociniwok Césarée otenak. Corneille kirika atita otcirowemakana kaie omiro okwimesa ka ki wicamaspan, pehepanak Piena acitc anahweriw iriniwa ka witcewaritci kitci takociniritci omikiwamik. 25Apitc ka pitakeritci Piena omikiwamik, Corneille ki pe nta nakickawew e nipiskoctawatc e micta kicterimatc. 26Aric Pien ki pasikopitew, e itatc: “Pasiko, nit iriniwin tepirak kaie nin.”
27Kiapatc Pien aimihew Corneilla e tca iti pitaketcik mikiwamik. Wapamew e micta mitcetiritci neta iriniwa e ki mawotcihitoritci. 28Pien itew: “Ki kiskeritenawaw e itemakak cota aiamihe irakonikewin, cota iriniw aka matci kitci pa witcewatc kaie aka kitci kiwotamatc awiriwa aka ka cota iriniwiritci. Aric Kice Manito ni ki kiskinohamakw aka aci kitci iterimak awik aka ka cota iriniwitc mia e ometciwitc otcitcakocik itekera, kaie aka kitci iterimak ‘nama tipi iteritakosiw kitci witcewakaniwitc.’ 29Ekoni wetci tecikotc ki pe icaian kotc ka pe wicamewok. Ni ta mireriten tca kitci kiskeritaman kekwan wetci ki pe wicamewok.”
30 Corneille itew: “Aci anotc nicto kickwa nit aiamihatai nimikiwamik, nicto tipahikan ko ka aiamihaniwok e ickwa apita kicikak. Kek ni ki wapamaw iriniw e micta wasiterik owikasim, 31e pe nanipowitc, e icitc: ‘Corneille, Kice Manito ki petam ka pakoserimatc, kirika nama onikew ka ki ici witcihatcik ka kitimakisitcik. 32Iciticohwik iriniwok Jaffa otenak kitci pecowatcik Simowa, Pien arica ka icinikatakaniwiritci. Neta tacikew omikiwamirik iriniwa, Simo ka icinikasoritci kaie wir. Anahwe kotak Simo ka otamirohaketc pakekina. Rarewak kitcikamik takoniw omikiwam.’ 33Tecikotc ni ki itawok iriniwok kitci natcipahiskik. Ni mireriten tca e ki pe icain. Anotc kaskina tapickotc ni tacikanan, kaie wir Kice Manito e witci tacikemitokw, kitci natotawokw kaskina ka ki itisk Teperitciketc kitci itewotc.”
Pien e arimwetc Corneille omikiwamirik
34Aci Pien aiarimwew, e itetc: “Aci ni miro nisitoten ohwe e tapwemakak: Kice Manito nama kirawe kicterimew atita iriniwa patok kotakihi.#10.34 Kice Manito nama kirawe kicterimew atita iriniwa patok kotakihi: Iteritamwakopan cota iriniwok: “Kirawe ki kicterimikono Kice Manito patok kotakihik iriniwok.” Mocak meka tepirak wirawaw Kice Manito otirinima ki iterimitisowok aniki cota iriniwok. 35Mirerimew kaskina iriniwa e aicinakosiritci, kotc nte wetciritci, kecpin e kicterimikotc kaie e itotiskeritci ka mirwacinik. 36Ki iciticahamawew otipatcimowin Israël iriniwa, kitci witamawakaniwiritci Mirwatcimowiniw e arimotcikaterik aniheriw pekateritamowiniw Cecoc Krist ka ki petatc, wir kaskina ka tiperimatc iriniwa. 37Ki kiskeritenawatake ka ki pe iciwepak nictam Galilée askik, minawatc kaskina Judée askik, ka ickwa kakeskwetc Capatis, kaie ka sikahataketc. 38Kaie ki kiskeritenawatake Kice Manito ka ki ici cawerimatc Cecoca, Nazareth ka otcirispana, e ki miratc Miro Manitowa omackawisiwiniw. Acitc kiapatc kaie ki kiskeritenawaw e pa pimatisispan Cecoc e pa miro totakipan kirika e kikehaspan kaskina iriniwa ka tiperimikowaspan Matci Manitowa. Kice Manitowa meka aspinikotc witci tacikemikopan Cecoc. 39Ninan ni ki wapamanan kaskina ka ki aitotak cota askik kirika Jérusalem otenak. Minawatc ki nipahakaniwiw e tcictaskowatakaniwitc tcipaiatikok. 40Aric Kice Manito ki apitcipahew ka ickwa nicto kickokarik, kaie ki nokohew kitci wapamakaniwiritci. 41Nama kaskina awik ki otci wapamew, tepirak aniki aci ka ki ickwa orapamikotcik Kice Manitowa. Ninan ni ki wapamanan, ni ki witci mitcisomanan acitc tapickotc ni ki minikwanan, ka ickwa apitcipahikotc Kice Manitowa. 42Ni ki itikonan kitci pa kakeskweiak iriniwok otci, kirika kitci pa tipatcimoak, kitci iteiak enko anahwe tapwe ke tipaskonatc ka pimatisiritci kaie ka niporitci, kotc ka orapamikotc Kice Manitowa. 43Weckatc kaskina ka ki pe tipatcimotcik Kice Manitowa otci kaie wirawaw ki arimomewok Cecoca, e itetcik: Kaskina ka tapwerimatc, kasihamawakaniwiw opactatowina, e apitc mackawisimakanik oticinikasowin.”
Aka ka cota iriniwitcik e pe pitciteheckakotcik Miro Manitowa
44Mekwata kiapatc e taci arimwespan Pien, Miro Manitowa ki pe nta pitciteheckakowok kaskina aniki ka natotawawaspan Piena. 45Aniki ka tapwerimatcik Cecoca ka cota iriniwitcik ka ki pe witcewawaspan Piena micta mamiskateritamwakopan e ki mirakaniwiritci kaie wirawaw aka ka cota iriniwiritci kitci pitciteheckakoritci Miro Manitowa. 46Petowepanak meka kotakeriw arimwewiniw e ici arimweritci, kaie e mirwatcimaritci Kice Manitowa. Aci Pien itew: 47“Nama ki ka ki otcinehwanowok aniki iriniwok kitci sikahatasotcik nipik, aci e ki ickwa pe pitciteheckakotcik Miro Manitowa kaie wirawaw mia kirano!”
48Minawatc Pien ki itew kitci sikahatowaritci, Cecoc Krist oticinikasowinik. Minawatc ki nataweritamako kitci witci tacikematc neta kiapatc memacic.
Currently Selected:
Ka ki aitotiskeritci Cecoc otarotakana 10: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 10
10
Pien e wicamikotc kitci cimakanica Corneille kitci natawapamatc
1Tapan Césarée otenak peikw iriniw, Corneille e icinikasotc. Anahwe Corneille kitci cimakanicipan. Tiperimepan mitato mitana owitci cimakanica, Italie askik ka otciritci. 2Kicterimepan Kice Manitowa. Aiamihatisipan, kirika kaskina omikiwamik ka tacikeritci. Micta ko witcihepan cota iriniwa ka kitimakisiritci, mocak kaie aiamihakopan e pakoserimatc Kice Manitowa. 3Peikwaw e kicikarik e ickwa apita kicikarik wiec nicto tipahikan, ki itapatamaw, ohweriw e icinak: ki wapamew Kice Manito otacerima e pe pitakeritci omikiwamik, e tca itikotc: “Corneille!”
4Kanawapamew aceriwa e koctatc, e itatc: “Kekwan ni, Teperitcikein?”
Aci itiko anihi aceriwa: “Kice Manito natotam kaskina ka ki ici aiamihain kaie ka ki ici witcihatcik ka kitimakisitcik. Nama ki onikatikw. 5Iciticohwik tca aci kitirinimak Jaffa otenak kitci ki natcipahatcik peikw iriniwa, Simo ka icinikasoritci, arica Pien ka icinikatakaniwiritci. 6Simo icinikasoriw kaie wir anihi iriniwa omikiwamirik ka taciketc anahwe Pien. Anahwe kotak Simo ka otamirohaketc pakekina. Aniheriw omikiwam rarewak kitcikamik ka ici takonik.”
7Ka ickwa nakatikotc anihi aceriwa ka ki aimihikotc, Corneille wicamew nicw otarotakana kirika peikw ocimakanicima aci weckatc ka ki atoskectakotc, kaie wir ka kicterimaritci Kice Manitowa. 8Kaskina ki atisokawew aniheriw ka ki isparitc. Minawatc tca ki iciticahwew Jaffa otenak.
9Minawatc kecikarik, mekwata e pimotetcik, wiec aci e iti apita kicikarik, aci e tepinakonik Jaffa otenariw, ani apitc Pien ki iskwatowiw okitc mikiwamik kitci nta aiamihatc. 10Ki pakatew. Wi tca mitcisopan. Mekwata e ocitamowakaniwitc ke mitcik, ki itapatamaw, ohweriw e icinak: 11Ki wapatam wakwek e ceparinik, kekociciriw e pe raciparinik, mitowi micta mitcisowakanekin e matcikonikatek neta e ici kikiekak e pe raciparik askik. 12Neta mitcisowakanekinik tapanak mitcet awesisak, nakowi e aicinakositcik: ka newokatetcik kirika kinepikok acitc mitcet pirecicak, papitoc e aicinakositcik. 13Aci petam e itakaniwitc: “Pasiko Pien! Nipahik aniki awesisak! Mowik tca!”
14Aric Pien itew: “Teperitcikein, nama ni ka ki mowawok! Nama meka wiskat ni ki otci mitcin kekocic aka ka actek kitci mitcinaniwok, cota aiamihewinik itekera, kekotc ka iteritakok maratan otcitcakocinak itekera!”
15Kiapatc anahwe neta petam e itakaniwitc: “Akawir iterita maratan kekocic Kice Manito aci ka itetc mirwacin.” 16Nictowaw aniheriw ki isparin. Minawatc tecikotc ki kiwe icpiparin wakwek anihe mitcisowakanekin.
17Pien mamitoneritamopan e wi kiskeritakipan tan ni wa itemakanik aniheriw ka ki icinak. Aniki iriniwok ka ki pe iciticohikotcik Corneille mekwata pa nanto kiskeritamwakopan e ici takonik Simo omikiwamiriw, e ickwa miskakik. Aci ickwatemik pa nanipowiwok. 18Tepwewok kirika kokwetcikemowok: “Ekota ia ota e taciketc Simo, arica ka icinikatakaniwitc Pien?”
19Kiapatc Pien taci mamitoneritamopan e nanto kiskeritak tan ni wa itemakanik aniheriw ka ki icinak. Kek itiko Miro Manitowa: “Natota! Nictiwok ota iriniwok ka nantowapamiskik. 20Pasiko. Nitatowi. Ekoci nosanehwik aniki iriniwok akawir kaie wiec iterita. Nin meka ni, ka ki pe iciticohwakik.”
21Aci Pien nitatowiw e natawapamatc anahweriw iriniwa, e itatc: “Nin ni, ka nantowapamiekw. Kekwan wetci pe icaiekw?”
22Aci itewok: “Anahwe ni ki pe iciticohokonan, ka atoskectawakitc kitci cimakanic, Corneille ka icinikasotc. Anahwe iriniw icikowisk itatisiw kirika kicterimew Kice Manitowa. Micta mirerimiko kaskina cota iriniwa. Kice Manito otacerima ki itiko kitci pe iciticohwimitc, kitci pe natcipahitak kitci iciwiritak omikiwamik, e wi natotak ke itewotc.” 23Ki pitakewirew Pien anihi iriniwa kitci niparitci neta peikwo tipiskwa.
Minawatc kecikarik, aci witcewew e matcaritci anihi ka ki pe natcipahikotc. Atita kaie iti witcewikowok kotakihi iriniwa kaie wirawaw ka tapwerimaritci Cecoca, Jaffa otenak ka otciritci. 24Minawatc kecikarik aci takociniwok Césarée otenak. Corneille kirika atita otcirowemakana kaie omiro okwimesa ka ki wicamaspan, pehepanak Piena acitc anahweriw iriniwa ka witcewaritci kitci takociniritci omikiwamik. 25Apitc ka pitakeritci Piena omikiwamik, Corneille ki pe nta nakickawew e nipiskoctawatc e micta kicterimatc. 26Aric Pien ki pasikopitew, e itatc: “Pasiko, nit iriniwin tepirak kaie nin.”
27Kiapatc Pien aimihew Corneilla e tca iti pitaketcik mikiwamik. Wapamew e micta mitcetiritci neta iriniwa e ki mawotcihitoritci. 28Pien itew: “Ki kiskeritenawaw e itemakak cota aiamihe irakonikewin, cota iriniw aka matci kitci pa witcewatc kaie aka kitci kiwotamatc awiriwa aka ka cota iriniwiritci. Aric Kice Manito ni ki kiskinohamakw aka aci kitci iterimak awik aka ka cota iriniwitc mia e ometciwitc otcitcakocik itekera, kaie aka kitci iterimak ‘nama tipi iteritakosiw kitci witcewakaniwitc.’ 29Ekoni wetci tecikotc ki pe icaian kotc ka pe wicamewok. Ni ta mireriten tca kitci kiskeritaman kekwan wetci ki pe wicamewok.”
30 Corneille itew: “Aci anotc nicto kickwa nit aiamihatai nimikiwamik, nicto tipahikan ko ka aiamihaniwok e ickwa apita kicikak. Kek ni ki wapamaw iriniw e micta wasiterik owikasim, 31e pe nanipowitc, e icitc: ‘Corneille, Kice Manito ki petam ka pakoserimatc, kirika nama onikew ka ki ici witcihatcik ka kitimakisitcik. 32Iciticohwik iriniwok Jaffa otenak kitci pecowatcik Simowa, Pien arica ka icinikatakaniwiritci. Neta tacikew omikiwamirik iriniwa, Simo ka icinikasoritci kaie wir. Anahwe kotak Simo ka otamirohaketc pakekina. Rarewak kitcikamik takoniw omikiwam.’ 33Tecikotc ni ki itawok iriniwok kitci natcipahiskik. Ni mireriten tca e ki pe icain. Anotc kaskina tapickotc ni tacikanan, kaie wir Kice Manito e witci tacikemitokw, kitci natotawokw kaskina ka ki itisk Teperitciketc kitci itewotc.”
Pien e arimwetc Corneille omikiwamirik
34Aci Pien aiarimwew, e itetc: “Aci ni miro nisitoten ohwe e tapwemakak: Kice Manito nama kirawe kicterimew atita iriniwa patok kotakihi.#10.34 Kice Manito nama kirawe kicterimew atita iriniwa patok kotakihi: Iteritamwakopan cota iriniwok: “Kirawe ki kicterimikono Kice Manito patok kotakihik iriniwok.” Mocak meka tepirak wirawaw Kice Manito otirinima ki iterimitisowok aniki cota iriniwok. 35Mirerimew kaskina iriniwa e aicinakosiritci, kotc nte wetciritci, kecpin e kicterimikotc kaie e itotiskeritci ka mirwacinik. 36Ki iciticahamawew otipatcimowin Israël iriniwa, kitci witamawakaniwiritci Mirwatcimowiniw e arimotcikaterik aniheriw pekateritamowiniw Cecoc Krist ka ki petatc, wir kaskina ka tiperimatc iriniwa. 37Ki kiskeritenawatake ka ki pe iciwepak nictam Galilée askik, minawatc kaskina Judée askik, ka ickwa kakeskwetc Capatis, kaie ka sikahataketc. 38Kaie ki kiskeritenawatake Kice Manito ka ki ici cawerimatc Cecoca, Nazareth ka otcirispana, e ki miratc Miro Manitowa omackawisiwiniw. Acitc kiapatc kaie ki kiskeritenawaw e pa pimatisispan Cecoc e pa miro totakipan kirika e kikehaspan kaskina iriniwa ka tiperimikowaspan Matci Manitowa. Kice Manitowa meka aspinikotc witci tacikemikopan Cecoc. 39Ninan ni ki wapamanan kaskina ka ki aitotak cota askik kirika Jérusalem otenak. Minawatc ki nipahakaniwiw e tcictaskowatakaniwitc tcipaiatikok. 40Aric Kice Manito ki apitcipahew ka ickwa nicto kickokarik, kaie ki nokohew kitci wapamakaniwiritci. 41Nama kaskina awik ki otci wapamew, tepirak aniki aci ka ki ickwa orapamikotcik Kice Manitowa. Ninan ni ki wapamanan, ni ki witci mitcisomanan acitc tapickotc ni ki minikwanan, ka ickwa apitcipahikotc Kice Manitowa. 42Ni ki itikonan kitci pa kakeskweiak iriniwok otci, kirika kitci pa tipatcimoak, kitci iteiak enko anahwe tapwe ke tipaskonatc ka pimatisiritci kaie ka niporitci, kotc ka orapamikotc Kice Manitowa. 43Weckatc kaskina ka ki pe tipatcimotcik Kice Manitowa otci kaie wirawaw ki arimomewok Cecoca, e itetcik: Kaskina ka tapwerimatc, kasihamawakaniwiw opactatowina, e apitc mackawisimakanik oticinikasowin.”
Aka ka cota iriniwitcik e pe pitciteheckakotcik Miro Manitowa
44Mekwata kiapatc e taci arimwespan Pien, Miro Manitowa ki pe nta pitciteheckakowok kaskina aniki ka natotawawaspan Piena. 45Aniki ka tapwerimatcik Cecoca ka cota iriniwitcik ka ki pe witcewawaspan Piena micta mamiskateritamwakopan e ki mirakaniwiritci kaie wirawaw aka ka cota iriniwiritci kitci pitciteheckakoritci Miro Manitowa. 46Petowepanak meka kotakeriw arimwewiniw e ici arimweritci, kaie e mirwatcimaritci Kice Manitowa. Aci Pien itew: 47“Nama ki ka ki otcinehwanowok aniki iriniwok kitci sikahatasotcik nipik, aci e ki ickwa pe pitciteheckakotcik Miro Manitowa kaie wirawaw mia kirano!”
48Minawatc Pien ki itew kitci sikahatowaritci, Cecoc Krist oticinikasowinik. Minawatc ki nataweritamako kitci witci tacikematc neta kiapatc memacic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014