Ka ki aitotiskeritci Cecoc otarotakana 9
9
E kweskatisitc Saul
(Natawapata kaie Ka ki aitotiskeritci Cecoc otarotakana 22.6-16; 26.12-18)
1Mekwata ani apitc, Saul nama ponitapan, aspinikotc kiapatc kokwectasomepan anihi ka tapwerimaritci Teperitcikeritci, e wi nipahatc. Ki natawapamew kitci makatewokorewa. 2Ki nataweritamawew kitci mirikotc masinahikaniw kitci wapatahatc ka nikaniwiritci cota aiamihe mikiwamik nete Damas otenak, kitci ki otci kiskerimikoritci. Nataweritamopan kitci pakitinakaniwitc kitci ki matci makonatc iriniwa kekotc ma iskwewa ka nosanetawaritci Teperitcikeritci Omeskanamiriw, kitci tca iciwiratc Jérusalem otenak, miskawate.
3Minawatc ki matcaw Saul, Damas otenak e iti icatc. Aci e iti pecowapatak aniheriw otenariw, kek keskat ki pe wacteriw, wakwek e otacterik e micta sokacterik, wir e waskackakotc. 4Ki pakicin kaie ki petam e itakaniwitc: “Saul, Saul, kekwan wetci nekatcihiin?”
5Ki kokwetcikemo, e itetc: “Awin ni kir, Teperitcikein?”
Aci itakaniwiw: “Nin ni, Cecoc, ka nekatcihiin. 6Pasiko, pitake neta otenak. Ekota neta ke witamakoin tan ke aitotiskein.”
7Aniki iriniwok ka witcewikospan Saul ki nokickapanak. Nama ki otci kackitawok kitci arimwetcik. Ki petamok e arimwaniwonik, nama aric awiriw ki otci wapamewok. 8Saul ki pasiko neta motcik. Itapiw, tekaci aric nama wapiw. Ki takoniskenakaniwiw e iciwirakaniwitc Damas otenak. 9Nicto kickwa irikik nama ki otci wapiw. Nama mitcisopan, nama kaie minikwepan.
10Neta Damas otenak tapan peikw iriniw e tapwerimaspan Cecoca. Ananias icinikasopan. Ki icinam e pe natawapamikotc Teperitcikeritci, e itikotc: “Ananias!”
Ki naskamawew, e itatc: “Nin ni, Teperitcikein.”
11Teperitcikeritci itiko: “Matca tecikotc, nete kitci icain Ka Kweskicimok Meskanaw ka icinikatek, anahwe iriniw Judas ka icinikasotc omikiwamik. Natawerim iriniw, Tarse otenak e otcitc, Saul e icinikasotc. Mekwata ni, ni pe pakoserimikw e aiamihatc. 12Ni ki tca miraw Saul ohweriw kitci icinak, kitci wapamisk e pe natawapamatc kirika e takinatc kitci ki koski wapitc.”
13 Ananias itew: “Teperitcikein, mitcet kekociciriw ni ki petakewan wir otci anahwe iriniw Saul, kaskina ka ki ici nekatcihatc kitirinima aniki ka nosanehwiskik neta Jérusalem otenak. 14Ki miriko cota makatewokorewa ka tiperitamiritci kitci makonatc kaskina anihi iriniwa ota Damas otenak ka tacikeritci ka pakoseritamiritci kiticinikasowiniw.”
15Aric Teperitcikeritci itiko: “Matca! Ni ki meka orapamaw anahwe iriniw. Wir kata itotiskew kitci ki kiskerimitcik iriniwok nete papitoc askik ka taciketcik, acitc okimamiwawa kaie aniki Israël iriniwok. 16Nin tipirawe ni ka wapatahaw anahwe Saul kaskina ke ici nekatcitatc nin otci.”
17Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.” 18Tecikotc kekociciriw kekatc mitowiriw names ocakai e icinakonik otci papakitiniw Saul ockicikok. Ekoni tca minawatc e iti koski wapatak. Ki pasiko kirika ki sikahataso. 19Minawatc ki mitciso, ekoni minawatc e iti mackawisitc.
Saul e kakeskwetc Damas otenak
Memacic anahwe Saul ki witci tacikemew anihi iriniwa kaie wirawaw ka tapwerimaritci Cecoca neta Damas otenak ka tacikeritci. 20Tecikotc ki kitcipariw e pa kakeskwetc cota aiamihe mikiwamiskak e tipatcimotc: “Cecoc, enko anihi Kice Manito Okosa.” 21Kaskina ka petawawaspan kockopariwakopan kirika kokwetcimitowakopan: “Enko ni anahwe iriniw ka ki micta nekatcihatc anihi ka pakoseritamiritci Cecoca oticinikasowiniw nete Jérusalem otenak! Ekoni ketcinatc wetci ki pe icatc ota, kitci pe nta makonatc iriniwa ka tapwerimaritci Cecoca, kitci tca iciwitowatc anahweriw cota makatewokorewa ka tiperitamiritci!”
22Aric Saul awocamec kirawe mocak iti mackawerimospan e tipatcimotc. Cota iriniwok Damas otenak ka tacikewaspan nama kiskeritamwakopan ke itatcik e acitematcik, wewerita e wapatahikotcik ohweriw: Cecoc, enko anihi Kice Manito ka ki itespan kitci pe iciticohwatc ota askik kitci akwacimitokw.
23E ickwa mitceto kickokarik, cota iriniwok tapickotc ki oreritamok kitci nipahatcik anihi Saula. 24Aric ki witamawakaniwiw Saul aniheriw e wi totawakaniwitc. Aniki cota iriniwok nanakatcitawakopan ickwatemiriw otenak, e kicikarik kaie e tipiskarik, kitci ki tca nipahatcik. 25Aci peikwaw e tipiskarik owitcewakana Saul ki iciwiriko nte e opimetakarik waska otenak ka ici takonik. Ki posihakaniwiw micta mackoci orakanik e nitapikenakaniwitc orowitimik otenak.
Jérusalem otenak e icatc Saul
26Ekoni e ici kiwetc Saul Jérusalem otenak. Tekocik nta, ki kotci witcewew anahweriw ka tapwerimaritci Cecoca e wi pa witcewatc. Aric kaskina sekisirikopan. Nama meka tapwetamiripana tapwe e ki otapinak kitci nosanehwatc Cecoca. 27Aric Barnabas wir ki witcihekopan. Ki iciwirew nte e ici tacikeritci Cecoc otarotakana. Ekoni e ici kaskina witamawatc Barnabas, e tipatcimatc anihi Saula e ki wapamaritci Teperitcikeritci mekwata e pimoterispana meskanak, kirika e ki aimihikoritci. Kaie aniheriw ki witam Barnabas e ki micta sokeritamiritci Saula, kaketin e ki kakeskweritci Cecoc oticinikasowin otci nete Damas otenak. 28Aci ki mireritcikateriw Saul kitci pa witcewatc anahweriw kotakihi ka tapwerimaritci Cecoca. Aci pa icapan kaskina wiec neta Jérusalem otenak, kaie sokeritamopan e pa kakeskwetc Teperitcikeritci oticinikasowin otci. 29Peikon kaie wirawaw aimihepan atita cota iriniwa, grec arimwewiniw ka ici arimweritci. Aric aniki wirawaw natowi totamwakopan kitci ki nipahatcik. 30Aniki ka tapwerimatcik Cecoca ka petaketcik aniheriw Saula e wi nipahakaniwiritci, pitama ki iciwirewok Saula nete Césarée otenak. Minawatc ki positcimehewok, Tarse otenak kitci itatohoritci.
31Nama aci nekatcihakaniwipanak aniki ka tapwerimatcik Cecoca, kaskina wiec nte itekera Judée, Galilée kaie Samarie askik. Eckam kirawe awocamec iti mackawisipanak e asperimotcik kaie mocak kicterimepanak Teperitcikeritci. Kirika Miro Manitowa witcihikopanak eckam kirawe awocamec kitci iti mitcetiritci ka tapwerimaritci Cecoca.
E kikehakaniwitc iriniw, Énée ka icinikasotc
32Ani apitc Pien pa icakopan kaskina wiec neta askik. Kek peikwaw e kicikarik ki natawapamew anahweriw iriniwa ka tapwerimaritci Cecoca nete Lydda otenak ka tacikeritci. 33Tapan neta iriniw, Énée icinikasopan. Aci nicwaso#9.33 nicwaso: (8) pipona esko mackocikipan nipakanatikok e niponesispan. 34Ka wapamatc nte Pien, ki itew: “Énée, Cecoc Krist ki kikehikw! Pasiko kirika ocita kinipakanatikw!” Tecikotc ki pasiko Énée. 35Kaskina iriniwok Lydda otenak kaie Saron askik itekera ka ici titakowarik ka taciketcik ki wapamewok kirika ki kweskatisiwok kitci nosanehwatcik Teperitcikeritci.
Tabitha e apitcipahakaniwitc
36Neta Jaffa#9.36 Jaffa: Aci anotc Joppé icinikatew anihe otenaw. otenacik tapan peikw iskwew e tapwerimaspan Cecoca, Tabitha icinikasopan. —Grec e ici arimwaniwok, anihe icinikasowin, Dorcas itwaniwon, wackeciw#9.36 wackeciw: E emitikocimonaniwok, mia icinikatakaniwiw “une gazelle.” e wi itemakak.— Anahwe iskwew aspinikotc otamikepan e otamirotc e miro totak kirika e witcihatc ka kitimakisiritci. 37Ani apitc ki iti akosiw, nac e iti poni pimatisitc. E ickwa kisisipatakaniwonik owiaw, nte ki actakaniwoniw aricapik, icpimitakok mikiwamik. 38Iriniwok neta Jaffa otenacik ka taciketcik ka tapwerimatcik Cecoca, ki petakewok Piena e tacikeritci Lydda otenak. Pecotcik neta Lydda otenak ici takonopan anihe Jaffa otenacic. Ki tca iciticohwewok nicw iriniwa kitci nta itaritci Piena ohweriw: “Otcitakotc ki pakoserimitinan, pe natawapamicinan tecikotc!” 39Tecikotc Pien ki matcaw, kirika ki nosanehwew. Ka takocik neta, ki iciwirakaniwiw neta aricapik icpimitakok ka ici takonik, Tabitha ka ici miciniritci. Kaskina iskwewok ka cikawitcik pe waskakapowictawewok Piena e matotcik. Wapatahewok kapotowaniw kirika kotakeriw wikasiriw Tabitha e ki ocitakopanen mekwata kiapatc e pimatisispan. 40Pien kaskina ki itew kitci orowiritci. Ki nipisko kirika ki aiamihaw. Minawatc ki kiwekapowiw e ici mackociniritci iskwewa ka niporitci, e itatc: “Tabitha, onicka, pasiko tca!”
Ki itapiw anaha iskwew, kirika ka wapamatc Piena e tca iti apitc. 41Pien ki otapiniskenew acitc e witcihatc e pasikoritci. Ki wicamew anihi cikawa kirika anihi kotakihi ka tapwerimaritci Cecoca. Ki wapatahiwew minawatc e pimatisiritci anahweriw ka ki niporispana iskwewa. 42Anihe ka ki isparik ki pamatisokaniwon kaskina neta Jaffa otenak. Mitcet ki tapwerimewok Teperitcikeritci. 43Pien kinowec ki tacikew neta Jaffa otenak. Simo icinikasoriw anihi iriniwa omikiwamirik ka ki taciketc. Anahwe Simo otamiropan, pakekina e otamirohaketc.
Currently Selected:
Ka ki aitotiskeritci Cecoc otarotakana 9: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 9
9
E kweskatisitc Saul
(Natawapata kaie Ka ki aitotiskeritci Cecoc otarotakana 22.6-16; 26.12-18)
1Mekwata ani apitc, Saul nama ponitapan, aspinikotc kiapatc kokwectasomepan anihi ka tapwerimaritci Teperitcikeritci, e wi nipahatc. Ki natawapamew kitci makatewokorewa. 2Ki nataweritamawew kitci mirikotc masinahikaniw kitci wapatahatc ka nikaniwiritci cota aiamihe mikiwamik nete Damas otenak, kitci ki otci kiskerimikoritci. Nataweritamopan kitci pakitinakaniwitc kitci ki matci makonatc iriniwa kekotc ma iskwewa ka nosanetawaritci Teperitcikeritci Omeskanamiriw, kitci tca iciwiratc Jérusalem otenak, miskawate.
3Minawatc ki matcaw Saul, Damas otenak e iti icatc. Aci e iti pecowapatak aniheriw otenariw, kek keskat ki pe wacteriw, wakwek e otacterik e micta sokacterik, wir e waskackakotc. 4Ki pakicin kaie ki petam e itakaniwitc: “Saul, Saul, kekwan wetci nekatcihiin?”
5Ki kokwetcikemo, e itetc: “Awin ni kir, Teperitcikein?”
Aci itakaniwiw: “Nin ni, Cecoc, ka nekatcihiin. 6Pasiko, pitake neta otenak. Ekota neta ke witamakoin tan ke aitotiskein.”
7Aniki iriniwok ka witcewikospan Saul ki nokickapanak. Nama ki otci kackitawok kitci arimwetcik. Ki petamok e arimwaniwonik, nama aric awiriw ki otci wapamewok. 8Saul ki pasiko neta motcik. Itapiw, tekaci aric nama wapiw. Ki takoniskenakaniwiw e iciwirakaniwitc Damas otenak. 9Nicto kickwa irikik nama ki otci wapiw. Nama mitcisopan, nama kaie minikwepan.
10Neta Damas otenak tapan peikw iriniw e tapwerimaspan Cecoca. Ananias icinikasopan. Ki icinam e pe natawapamikotc Teperitcikeritci, e itikotc: “Ananias!”
Ki naskamawew, e itatc: “Nin ni, Teperitcikein.”
11Teperitcikeritci itiko: “Matca tecikotc, nete kitci icain Ka Kweskicimok Meskanaw ka icinikatek, anahwe iriniw Judas ka icinikasotc omikiwamik. Natawerim iriniw, Tarse otenak e otcitc, Saul e icinikasotc. Mekwata ni, ni pe pakoserimikw e aiamihatc. 12Ni ki tca miraw Saul ohweriw kitci icinak, kitci wapamisk e pe natawapamatc kirika e takinatc kitci ki koski wapitc.”
13 Ananias itew: “Teperitcikein, mitcet kekociciriw ni ki petakewan wir otci anahwe iriniw Saul, kaskina ka ki ici nekatcihatc kitirinima aniki ka nosanehwiskik neta Jérusalem otenak. 14Ki miriko cota makatewokorewa ka tiperitamiritci kitci makonatc kaskina anihi iriniwa ota Damas otenak ka tacikeritci ka pakoseritamiritci kiticinikasowiniw.”
15Aric Teperitcikeritci itiko: “Matca! Ni ki meka orapamaw anahwe iriniw. Wir kata itotiskew kitci ki kiskerimitcik iriniwok nete papitoc askik ka taciketcik, acitc okimamiwawa kaie aniki Israël iriniwok. 16Nin tipirawe ni ka wapatahaw anahwe Saul kaskina ke ici nekatcitatc nin otci.”
17Aci Ananias matcaw. Ka takocik neta mikiwamik, ki takinew anihi Saula, kirika e itatc: “Saul, niwitcican, Teperitciketc Cecoc ka ki pe wapamatc meskanak ka pe pimotein ni pe iciticohokw kitci ki minawatc wapiin kirika kitci ki mockineckask Miro Manito.” 18Tecikotc kekociciriw kekatc mitowiriw names ocakai e icinakonik otci papakitiniw Saul ockicikok. Ekoni tca minawatc e iti koski wapatak. Ki pasiko kirika ki sikahataso. 19Minawatc ki mitciso, ekoni minawatc e iti mackawisitc.
Saul e kakeskwetc Damas otenak
Memacic anahwe Saul ki witci tacikemew anihi iriniwa kaie wirawaw ka tapwerimaritci Cecoca neta Damas otenak ka tacikeritci. 20Tecikotc ki kitcipariw e pa kakeskwetc cota aiamihe mikiwamiskak e tipatcimotc: “Cecoc, enko anihi Kice Manito Okosa.” 21Kaskina ka petawawaspan kockopariwakopan kirika kokwetcimitowakopan: “Enko ni anahwe iriniw ka ki micta nekatcihatc anihi ka pakoseritamiritci Cecoca oticinikasowiniw nete Jérusalem otenak! Ekoni ketcinatc wetci ki pe icatc ota, kitci pe nta makonatc iriniwa ka tapwerimaritci Cecoca, kitci tca iciwitowatc anahweriw cota makatewokorewa ka tiperitamiritci!”
22Aric Saul awocamec kirawe mocak iti mackawerimospan e tipatcimotc. Cota iriniwok Damas otenak ka tacikewaspan nama kiskeritamwakopan ke itatcik e acitematcik, wewerita e wapatahikotcik ohweriw: Cecoc, enko anihi Kice Manito ka ki itespan kitci pe iciticohwatc ota askik kitci akwacimitokw.
23E ickwa mitceto kickokarik, cota iriniwok tapickotc ki oreritamok kitci nipahatcik anihi Saula. 24Aric ki witamawakaniwiw Saul aniheriw e wi totawakaniwitc. Aniki cota iriniwok nanakatcitawakopan ickwatemiriw otenak, e kicikarik kaie e tipiskarik, kitci ki tca nipahatcik. 25Aci peikwaw e tipiskarik owitcewakana Saul ki iciwiriko nte e opimetakarik waska otenak ka ici takonik. Ki posihakaniwiw micta mackoci orakanik e nitapikenakaniwitc orowitimik otenak.
Jérusalem otenak e icatc Saul
26Ekoni e ici kiwetc Saul Jérusalem otenak. Tekocik nta, ki kotci witcewew anahweriw ka tapwerimaritci Cecoca e wi pa witcewatc. Aric kaskina sekisirikopan. Nama meka tapwetamiripana tapwe e ki otapinak kitci nosanehwatc Cecoca. 27Aric Barnabas wir ki witcihekopan. Ki iciwirew nte e ici tacikeritci Cecoc otarotakana. Ekoni e ici kaskina witamawatc Barnabas, e tipatcimatc anihi Saula e ki wapamaritci Teperitcikeritci mekwata e pimoterispana meskanak, kirika e ki aimihikoritci. Kaie aniheriw ki witam Barnabas e ki micta sokeritamiritci Saula, kaketin e ki kakeskweritci Cecoc oticinikasowin otci nete Damas otenak. 28Aci ki mireritcikateriw Saul kitci pa witcewatc anahweriw kotakihi ka tapwerimaritci Cecoca. Aci pa icapan kaskina wiec neta Jérusalem otenak, kaie sokeritamopan e pa kakeskwetc Teperitcikeritci oticinikasowin otci. 29Peikon kaie wirawaw aimihepan atita cota iriniwa, grec arimwewiniw ka ici arimweritci. Aric aniki wirawaw natowi totamwakopan kitci ki nipahatcik. 30Aniki ka tapwerimatcik Cecoca ka petaketcik aniheriw Saula e wi nipahakaniwiritci, pitama ki iciwirewok Saula nete Césarée otenak. Minawatc ki positcimehewok, Tarse otenak kitci itatohoritci.
31Nama aci nekatcihakaniwipanak aniki ka tapwerimatcik Cecoca, kaskina wiec nte itekera Judée, Galilée kaie Samarie askik. Eckam kirawe awocamec iti mackawisipanak e asperimotcik kaie mocak kicterimepanak Teperitcikeritci. Kirika Miro Manitowa witcihikopanak eckam kirawe awocamec kitci iti mitcetiritci ka tapwerimaritci Cecoca.
E kikehakaniwitc iriniw, Énée ka icinikasotc
32Ani apitc Pien pa icakopan kaskina wiec neta askik. Kek peikwaw e kicikarik ki natawapamew anahweriw iriniwa ka tapwerimaritci Cecoca nete Lydda otenak ka tacikeritci. 33Tapan neta iriniw, Énée icinikasopan. Aci nicwaso#9.33 nicwaso: (8) pipona esko mackocikipan nipakanatikok e niponesispan. 34Ka wapamatc nte Pien, ki itew: “Énée, Cecoc Krist ki kikehikw! Pasiko kirika ocita kinipakanatikw!” Tecikotc ki pasiko Énée. 35Kaskina iriniwok Lydda otenak kaie Saron askik itekera ka ici titakowarik ka taciketcik ki wapamewok kirika ki kweskatisiwok kitci nosanehwatcik Teperitcikeritci.
Tabitha e apitcipahakaniwitc
36Neta Jaffa#9.36 Jaffa: Aci anotc Joppé icinikatew anihe otenaw. otenacik tapan peikw iskwew e tapwerimaspan Cecoca, Tabitha icinikasopan. —Grec e ici arimwaniwok, anihe icinikasowin, Dorcas itwaniwon, wackeciw#9.36 wackeciw: E emitikocimonaniwok, mia icinikatakaniwiw “une gazelle.” e wi itemakak.— Anahwe iskwew aspinikotc otamikepan e otamirotc e miro totak kirika e witcihatc ka kitimakisiritci. 37Ani apitc ki iti akosiw, nac e iti poni pimatisitc. E ickwa kisisipatakaniwonik owiaw, nte ki actakaniwoniw aricapik, icpimitakok mikiwamik. 38Iriniwok neta Jaffa otenacik ka taciketcik ka tapwerimatcik Cecoca, ki petakewok Piena e tacikeritci Lydda otenak. Pecotcik neta Lydda otenak ici takonopan anihe Jaffa otenacic. Ki tca iciticohwewok nicw iriniwa kitci nta itaritci Piena ohweriw: “Otcitakotc ki pakoserimitinan, pe natawapamicinan tecikotc!” 39Tecikotc Pien ki matcaw, kirika ki nosanehwew. Ka takocik neta, ki iciwirakaniwiw neta aricapik icpimitakok ka ici takonik, Tabitha ka ici miciniritci. Kaskina iskwewok ka cikawitcik pe waskakapowictawewok Piena e matotcik. Wapatahewok kapotowaniw kirika kotakeriw wikasiriw Tabitha e ki ocitakopanen mekwata kiapatc e pimatisispan. 40Pien kaskina ki itew kitci orowiritci. Ki nipisko kirika ki aiamihaw. Minawatc ki kiwekapowiw e ici mackociniritci iskwewa ka niporitci, e itatc: “Tabitha, onicka, pasiko tca!”
Ki itapiw anaha iskwew, kirika ka wapamatc Piena e tca iti apitc. 41Pien ki otapiniskenew acitc e witcihatc e pasikoritci. Ki wicamew anihi cikawa kirika anihi kotakihi ka tapwerimaritci Cecoca. Ki wapatahiwew minawatc e pimatisiritci anahweriw ka ki niporispana iskwewa. 42Anihe ka ki isparik ki pamatisokaniwon kaskina neta Jaffa otenak. Mitcet ki tapwerimewok Teperitcikeritci. 43Pien kinowec ki tacikew neta Jaffa otenak. Simo icinikasoriw anihi iriniwa omikiwamirik ka ki taciketc. Anahwe Simo otamiropan, pakekina e otamirohaketc.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014