Ka ki aitotiskeritci Cecoc otarotakana 8
8
1Anahwe Saul ici naheritamokopan e nipahakaniwiritci Étienna.
Saul e nekatcihatc iriniwa ka tapwerimaritci Cecoca
Ekoni apitc aniheriw e kicikarik ka nipahakaniwitc Étienne ka kitciparinik kitci micta nekatcihakaniwitcik aniki iriniwok ka tapwerimawaspan Cecoca neta Jérusalem otenak. Kaskina ki orackawok nte e ici matcatcik itekera Judée kaie nte Samarie askik. Tepirak aniki Cecoc otarotakana nama ki otci matcawok wirawaw. 2Iriniwok ka kicterimatcik Kice Manitowa ki rikwaskatewok Étienna kirika ki moskwatewok e micta mitatatcik e ki niporitci.
3Anahwe wir Saul, micta natowi totamopan kitci pikotatc e tapwerimakaniwiritci Cecoca. Ki pa icaw mikiwamiskak e orowipitatc anihi ka tapwerimaritci Cecoca, iriniwa kaie iskwewa, e nta tca pitake wepinatc kipohotowikamikok.
Pirip e pa tipatcimotc Mirwatcimowiniw Samarie askik
4Aniki ka ki orackawaspan pa pimatisiwakopan askik e pa tipatatakik Mirwatcimowiniw. 5Pirip nte ki icaw otenak ka ici takonik Samarie askik,#8.5 otenak ka ici takonik Samarie askik: Peikon kata ki ici nisitotakon: otenak ka mawotci micarik neta Samarie askik. e pa tipatcimatc anihi ka ki pe iciticohokoritci Kice Manitowa ota askik kitci akwacimiweritci. Enkweriw ka pa witamawaspan iriniwa neta ka tacikeritci. 6Kaskina iriniwok neta ka taciketcik micta wewerita natotawewakopan Piripa, e petawatcik e aiteritci, kaie e wapamatcik e ici mata kackitaritci. 7Pirip meka ki orowiticohwew matci manitowa mitcet iriniwok e akohikowaspan. Aniki matci manitowok micta notakosiwakopan ko e orowitcik. Kaie mitcet ka niponesitcik acitc ka maskisitcik kaie wirawaw kikehakaniwipanak. 8Ki tca micta mireritamok aniki iriniwok neta otenak.
9Tapan neta otenak peikw iriniw, Simo#8.9 Simo: Simon icinikasopan. Aci weckatc e mata kackitakopanen. Micta kockowapamohekopan iriniwa neta Samarie askik, kirika kitci iriniwikasopan. 10Kaskina ka kicteritakositcik kaie kotakihik iriniwok kicterimewakopan kaie ko nta natawapamewakopan. Itwaniwonikopan: “Anahwe Kice Manito ka icinikatakaniwitc ‘ka mawotci mackawisitc’ ki pe icaw, enko anahwe iriniw.” 11Micta natotawewakopan, aci meka weckatc esko kockowapamohikowaspan e ici mata kackitaritci. 12Aric Pirip ka tipatatakipan Mirwatcimowiniw, Kice Manitowa Okimawiniw ka otci kiskeritcikaterik, kaie Cecoca e arimomaspan, ki tapweritamok aniki Samarie iriniwok. Ki tca sikahatasowok, iriniwok kaie iskwewok. 13Simo wir tipirawe ki tapwerimew Cecoca kaie ki sikahataso. Kaskina wiec pa nosanehwepan Piripa, kirika micta mamiskaterimekopan ka wapamatc e micta mata kackitaritci kaie ka matawi aitotiskeritci.
14Cecoc otarotakana, Jérusalem otenak ka tacikewaspan, ki petakewok, anahweriw iriniwa Samarie askik ka tacikeritci aci e ki tapweritamiritci Kice Manitowa otitewiniw. Aci ki iciticohwewok Piena kirika Jeanwa kitci natawapamaritci anahweriw Samarie iriniwa. 15Ka takocikik nete Samarie askik Pien kirika Jean, ki aiamihectamowewok anahweriw ka tapwerimaritci Cecoca kitci mirakaniwiritci Miro Manitowa. 16Nama meka moci ki otci pitciteheckakoriwa wirawaw Miro Manitowa. Tepirak ki sikahatasoripana oticinikasowinik Teperitciketc Cecoc. 17Pien kirika Jean ki takinewok anahweriw iriniwa octikwaniwarik, ekoni ka ici pitciteheckakoritci Miro Manitowa.
18Anaha Simo ka mata kackitatc ki wapamew Cecoc otarotakana e totamiritci, e takinaritci anahweriw ka tapwerimaritci Cecoca kitci ki otci mirakaniwiritci Miro Manitowa. Ki kotci mirew coriariw Piena kirika Jeanwa, 19e itatc: “Miricikw kaie nin anihe matawosiwin kitci ici kackitaian, kaie nin kitci takinakik iriniwok kitci ki mirakaniwitcik Miro Manitowa.”
20Aric Pien itew: “Kitci oniciniin, kir kirika kicoriam, osam e iteritaman Kice Manito ocaweritcikan matci otapinikateriw, coria e apatcitakaniwok! 21Tekaci nama actew kitci iteritaman kaie kir kitci ici atoskectawotc Kice Manito. Kiskeritam meka tekaci aka e mirotehewotc. 22Ponita tca arotc e aiteritaman kirika pakoserim Teperitciketc kitci ki otci kwecan kasihamask aniheriw e ki iteritaman. 23Ni wapaten meka e icitehein, tekaci e otameritcikein kaie e kipohokoin pactatowin.”
24Aci Simo itew Piena kirika Jeanwa: “Kirawaw tipirawe aiamihectamacikw, nataweritamawakw Teperitciketc aka kitci iciwepasian anihe ka ki iciekw.”
25Minawatc Pien kirika Jean kiapatc ki pa tipatcimowok ka ki ici wapamatcik Cecoca e itotiskeritci kaie ka ki aiteritci, kirika ki tipatatamok otitewiniw. Minawatc ki matcawok, Jérusalem otenak e iti kiwetcik. Mekwata e iti pimotetcik Samarie askik ki iti tipatatamok Mirwatcimowiniw mitcet otenaskak.
Pirip kirika iriniwa Éthiopie askik ka otciritci
26Minawatc aceriw, Teperitciketc e ki pe iciticohwatc, itew Piripa: “Ki ka ici matcan cawonok itekera. Ki ka mitiman anihe meskanaw Jérusalem otenak ka otci matcecimok nac Gaza otenak. Nte ici takon anihe meskanaw ka ici cipewatawokak.” 27Pirip tecikotc ki matcaw. Mekwata e iti pimotetc, ki nakickawew iriniwa nte e otciritci askik Éthiopie ka icinikaterik. Anahwe iriniw micta kictapatisipan, okimaskwewa otarotakana. Wir mitawepan kaskina ocoriamiriw kaie kaskina e ici tatamiritci anihi okimaskwewa Candace ka icinikasorispana, Éthiopie askik ka tacikeritci. Ki pe icapan Jérusalem otenak anahwe iriniw, e pe nta kicterimatc Kice Manitowa. 28Mekwata aci kiwepan otaskik. Taci apipan awotatiko otapanik e taci tapwatak Kice Manito Omasinahikaniw, neta ka ki masinahakipan peikw ka pe nikan tipatcimospan, Ésaïe ka icinikasospan. 29Pirip ki itiko Miro Manitowa: “Natcikapowicta anihe atiko otapan.”
30Pirip ki ispataw neta pecotcik. Petawew anihi Éthiopie iriniwa e tapwatamiritci aniheriw ka ki pe nikan tipatcimoritci Ésaïe ka ki ici masinahamiritci. Aci kokwetcimew: “Ki nisitoten ia anihe ka tapwataman?”
31Anahwe iriniw itew: “Tan ke ki ici nisitotaman, kecpin aka awik e witamawitc wa itemakanik?” Aci wicamew Piripa kitci pe posiritci kitci apiritci opimera e ici apitc. 32Enko ohweriw ka tapwatakipan neta Kice Manito Omasinahikanik:
“Ki iciwirakaniwiw ke ici nipahakaniwitc,
mia maritcenica e iciwirakaniwiritci kitci nta nipahakaniwiritci,
mia maritcenicicica aka ka kitoritci e iciwirakaniwiritci kitci nta packwecwakaniwiritci.
Nama wiec ki otci itew.
33Ki tipaterimakaniwiw,
nama kaie ki otci otitiko icikowisk totakewiniw.
Awin ke ki arimomatc otaniskotape osimiriw?
Ki meka maninamowakaniwiw opimatisiwin.” Ésaïe 53.7-8
34Aci anahwe Éthiopie iriniw kokwetcimew Piripa: “Ki pakoserimitin kitci pe witamawiin, awiriw anihi ka ici arimomatc anahwe ka ki pe nikan tipatcimotc? Wir ia ni tipirawe, kekotc ma kotakihi awiriw?”
35Aci Pirip iti witamawew Mirwatcimowiniw, Cecoca e arimomakaniwiritci, aniheriw e apatcitatc ka ki ici tapwatakik neta ka masinaterik Kice Manito Omasinahikanik. 36Mekwata e iti aiarimwewaspan meskanak e pimitapasotcik, kek ki iti takociniwok nte e takonik nipiriw. Aci anahwe Éthiopie iriniw itew: “Enko ohwe nipi. Takon ia kekocic ke nakackakoapan kitci sikahatakoian?”
37[Itiko Piripa: “Kecpin e irikokotehein e tapwerimatc Cecoc, matci ki ka ki sikahatason.”
Aci itew anahwe iriniw: “Ni tapweriten, Cecoc Krist, wir Kice Manito Okosa.”]#8.37 Nama takon ohwe mitcet weckatc masinahikanik.
38Minawatc ki itew anahweriw ka mitaritci atiko otapaniw kitci nokickaritci. E nicitcik ki pakopeckawok. Minawatc Pirip ki sikahatawew anihi iriniwa. 39Ka ickwa natakasitcik neta nipik, micta keskat Miro Manitowa ki matcewiriko Pirip. Anaha Éthiopie iriniw nama aci wapamew. Aric ki posiw otatiko otapanik, minawatc e matcetapasotc e micta mireritak. 40Nete minawatc Pirip ki ici wapamakaniwiw Azot otenak. Minawatc ki pa icaw otenaskak, kaskina wiec e pa tipatcimotc Mirwatcimowiniw, nac apitc ka takocik neta Césarée otenak.
Currently Selected:
Ka ki aitotiskeritci Cecoc otarotakana 8: ATMK
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 8
8
1Anahwe Saul ici naheritamokopan e nipahakaniwiritci Étienna.
Saul e nekatcihatc iriniwa ka tapwerimaritci Cecoca
Ekoni apitc aniheriw e kicikarik ka nipahakaniwitc Étienne ka kitciparinik kitci micta nekatcihakaniwitcik aniki iriniwok ka tapwerimawaspan Cecoca neta Jérusalem otenak. Kaskina ki orackawok nte e ici matcatcik itekera Judée kaie nte Samarie askik. Tepirak aniki Cecoc otarotakana nama ki otci matcawok wirawaw. 2Iriniwok ka kicterimatcik Kice Manitowa ki rikwaskatewok Étienna kirika ki moskwatewok e micta mitatatcik e ki niporitci.
3Anahwe wir Saul, micta natowi totamopan kitci pikotatc e tapwerimakaniwiritci Cecoca. Ki pa icaw mikiwamiskak e orowipitatc anihi ka tapwerimaritci Cecoca, iriniwa kaie iskwewa, e nta tca pitake wepinatc kipohotowikamikok.
Pirip e pa tipatcimotc Mirwatcimowiniw Samarie askik
4Aniki ka ki orackawaspan pa pimatisiwakopan askik e pa tipatatakik Mirwatcimowiniw. 5Pirip nte ki icaw otenak ka ici takonik Samarie askik,#8.5 otenak ka ici takonik Samarie askik: Peikon kata ki ici nisitotakon: otenak ka mawotci micarik neta Samarie askik. e pa tipatcimatc anihi ka ki pe iciticohokoritci Kice Manitowa ota askik kitci akwacimiweritci. Enkweriw ka pa witamawaspan iriniwa neta ka tacikeritci. 6Kaskina iriniwok neta ka taciketcik micta wewerita natotawewakopan Piripa, e petawatcik e aiteritci, kaie e wapamatcik e ici mata kackitaritci. 7Pirip meka ki orowiticohwew matci manitowa mitcet iriniwok e akohikowaspan. Aniki matci manitowok micta notakosiwakopan ko e orowitcik. Kaie mitcet ka niponesitcik acitc ka maskisitcik kaie wirawaw kikehakaniwipanak. 8Ki tca micta mireritamok aniki iriniwok neta otenak.
9Tapan neta otenak peikw iriniw, Simo#8.9 Simo: Simon icinikasopan. Aci weckatc e mata kackitakopanen. Micta kockowapamohekopan iriniwa neta Samarie askik, kirika kitci iriniwikasopan. 10Kaskina ka kicteritakositcik kaie kotakihik iriniwok kicterimewakopan kaie ko nta natawapamewakopan. Itwaniwonikopan: “Anahwe Kice Manito ka icinikatakaniwitc ‘ka mawotci mackawisitc’ ki pe icaw, enko anahwe iriniw.” 11Micta natotawewakopan, aci meka weckatc esko kockowapamohikowaspan e ici mata kackitaritci. 12Aric Pirip ka tipatatakipan Mirwatcimowiniw, Kice Manitowa Okimawiniw ka otci kiskeritcikaterik, kaie Cecoca e arimomaspan, ki tapweritamok aniki Samarie iriniwok. Ki tca sikahatasowok, iriniwok kaie iskwewok. 13Simo wir tipirawe ki tapwerimew Cecoca kaie ki sikahataso. Kaskina wiec pa nosanehwepan Piripa, kirika micta mamiskaterimekopan ka wapamatc e micta mata kackitaritci kaie ka matawi aitotiskeritci.
14Cecoc otarotakana, Jérusalem otenak ka tacikewaspan, ki petakewok, anahweriw iriniwa Samarie askik ka tacikeritci aci e ki tapweritamiritci Kice Manitowa otitewiniw. Aci ki iciticohwewok Piena kirika Jeanwa kitci natawapamaritci anahweriw Samarie iriniwa. 15Ka takocikik nete Samarie askik Pien kirika Jean, ki aiamihectamowewok anahweriw ka tapwerimaritci Cecoca kitci mirakaniwiritci Miro Manitowa. 16Nama meka moci ki otci pitciteheckakoriwa wirawaw Miro Manitowa. Tepirak ki sikahatasoripana oticinikasowinik Teperitciketc Cecoc. 17Pien kirika Jean ki takinewok anahweriw iriniwa octikwaniwarik, ekoni ka ici pitciteheckakoritci Miro Manitowa.
18Anaha Simo ka mata kackitatc ki wapamew Cecoc otarotakana e totamiritci, e takinaritci anahweriw ka tapwerimaritci Cecoca kitci ki otci mirakaniwiritci Miro Manitowa. Ki kotci mirew coriariw Piena kirika Jeanwa, 19e itatc: “Miricikw kaie nin anihe matawosiwin kitci ici kackitaian, kaie nin kitci takinakik iriniwok kitci ki mirakaniwitcik Miro Manitowa.”
20Aric Pien itew: “Kitci oniciniin, kir kirika kicoriam, osam e iteritaman Kice Manito ocaweritcikan matci otapinikateriw, coria e apatcitakaniwok! 21Tekaci nama actew kitci iteritaman kaie kir kitci ici atoskectawotc Kice Manito. Kiskeritam meka tekaci aka e mirotehewotc. 22Ponita tca arotc e aiteritaman kirika pakoserim Teperitciketc kitci ki otci kwecan kasihamask aniheriw e ki iteritaman. 23Ni wapaten meka e icitehein, tekaci e otameritcikein kaie e kipohokoin pactatowin.”
24Aci Simo itew Piena kirika Jeanwa: “Kirawaw tipirawe aiamihectamacikw, nataweritamawakw Teperitciketc aka kitci iciwepasian anihe ka ki iciekw.”
25Minawatc Pien kirika Jean kiapatc ki pa tipatcimowok ka ki ici wapamatcik Cecoca e itotiskeritci kaie ka ki aiteritci, kirika ki tipatatamok otitewiniw. Minawatc ki matcawok, Jérusalem otenak e iti kiwetcik. Mekwata e iti pimotetcik Samarie askik ki iti tipatatamok Mirwatcimowiniw mitcet otenaskak.
Pirip kirika iriniwa Éthiopie askik ka otciritci
26Minawatc aceriw, Teperitciketc e ki pe iciticohwatc, itew Piripa: “Ki ka ici matcan cawonok itekera. Ki ka mitiman anihe meskanaw Jérusalem otenak ka otci matcecimok nac Gaza otenak. Nte ici takon anihe meskanaw ka ici cipewatawokak.” 27Pirip tecikotc ki matcaw. Mekwata e iti pimotetc, ki nakickawew iriniwa nte e otciritci askik Éthiopie ka icinikaterik. Anahwe iriniw micta kictapatisipan, okimaskwewa otarotakana. Wir mitawepan kaskina ocoriamiriw kaie kaskina e ici tatamiritci anihi okimaskwewa Candace ka icinikasorispana, Éthiopie askik ka tacikeritci. Ki pe icapan Jérusalem otenak anahwe iriniw, e pe nta kicterimatc Kice Manitowa. 28Mekwata aci kiwepan otaskik. Taci apipan awotatiko otapanik e taci tapwatak Kice Manito Omasinahikaniw, neta ka ki masinahakipan peikw ka pe nikan tipatcimospan, Ésaïe ka icinikasospan. 29Pirip ki itiko Miro Manitowa: “Natcikapowicta anihe atiko otapan.”
30Pirip ki ispataw neta pecotcik. Petawew anihi Éthiopie iriniwa e tapwatamiritci aniheriw ka ki pe nikan tipatcimoritci Ésaïe ka ki ici masinahamiritci. Aci kokwetcimew: “Ki nisitoten ia anihe ka tapwataman?”
31Anahwe iriniw itew: “Tan ke ki ici nisitotaman, kecpin aka awik e witamawitc wa itemakanik?” Aci wicamew Piripa kitci pe posiritci kitci apiritci opimera e ici apitc. 32Enko ohweriw ka tapwatakipan neta Kice Manito Omasinahikanik:
“Ki iciwirakaniwiw ke ici nipahakaniwitc,
mia maritcenica e iciwirakaniwiritci kitci nta nipahakaniwiritci,
mia maritcenicicica aka ka kitoritci e iciwirakaniwiritci kitci nta packwecwakaniwiritci.
Nama wiec ki otci itew.
33Ki tipaterimakaniwiw,
nama kaie ki otci otitiko icikowisk totakewiniw.
Awin ke ki arimomatc otaniskotape osimiriw?
Ki meka maninamowakaniwiw opimatisiwin.” Ésaïe 53.7-8
34Aci anahwe Éthiopie iriniw kokwetcimew Piripa: “Ki pakoserimitin kitci pe witamawiin, awiriw anihi ka ici arimomatc anahwe ka ki pe nikan tipatcimotc? Wir ia ni tipirawe, kekotc ma kotakihi awiriw?”
35Aci Pirip iti witamawew Mirwatcimowiniw, Cecoca e arimomakaniwiritci, aniheriw e apatcitatc ka ki ici tapwatakik neta ka masinaterik Kice Manito Omasinahikanik. 36Mekwata e iti aiarimwewaspan meskanak e pimitapasotcik, kek ki iti takociniwok nte e takonik nipiriw. Aci anahwe Éthiopie iriniw itew: “Enko ohwe nipi. Takon ia kekocic ke nakackakoapan kitci sikahatakoian?”
37[Itiko Piripa: “Kecpin e irikokotehein e tapwerimatc Cecoc, matci ki ka ki sikahatason.”
Aci itew anahwe iriniw: “Ni tapweriten, Cecoc Krist, wir Kice Manito Okosa.”]#8.37 Nama takon ohwe mitcet weckatc masinahikanik.
38Minawatc ki itew anahweriw ka mitaritci atiko otapaniw kitci nokickaritci. E nicitcik ki pakopeckawok. Minawatc Pirip ki sikahatawew anihi iriniwa. 39Ka ickwa natakasitcik neta nipik, micta keskat Miro Manitowa ki matcewiriko Pirip. Anaha Éthiopie iriniw nama aci wapamew. Aric ki posiw otatiko otapanik, minawatc e matcetapasotc e micta mireritak. 40Nete minawatc Pirip ki ici wapamakaniwiw Azot otenak. Minawatc ki pa icaw otenaskak, kaskina wiec e pa tipatcimotc Mirwatcimowiniw, nac apitc ka takocik neta Césarée otenak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Canadian Bible Society, 2014