Exodus 33
33
Ne Roiá꞉ner Wasakoró꞉ri NIsraerʼró꞉nons Nèrenh Ahonsahónhnethe Tsi Ionónhte Ne Sinai
1Ne Roiá꞉ner wahawénhase ne Mahís, “Èren íset né ken nónhwe niwatená꞉taien, i꞉se tánon nonhkweshón꞉ʼa ne tethesehiaʼtinekénhon ne Egypt, tánon thóh nónhwe iahásewe tsi tiohóntsaien ne kheʼierahratsʼténhni entekhéhion ne Abraham, Isaac, tánon ne Jacob ó꞉ni tsi nienhontwaʼtsiríne. 2Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites. 3Thóh nónhwe niahisenonhátie ne iohontsárehsen ó꞉ni iohontsí꞉io. Ók iáh kíʼ Í꞉i tahítene, tsioríwa tsi sewanonhtsistanírons tsónhkwe, tánon nonhtiérenk tsi nihioháses enkwáhthonte.”
4Nónen nonhkweshón꞉ʼa sahakokʼthóntene kí꞉ken, tahonthásawen wathonséntho tánon iáh shé꞉kon teshonátston nowistanoronsónha. 5Asèken ne Roiá꞉ner rohró꞉ri ne Mahís nasakoró꞉ri, “Sewaʼnonhtsistanírons tsónkwe. Tó꞉ka ó꞉ni shé꞉kon ne kènk nióre niahítewe, kwáh kíʼ oriwihiohónwe tsi enkwáhtonte. Ónen kíʼ Sewaríhsi ne sewawistanoronhshónhas, tánon tentiató꞉rethe onhnenkwahiéraʼse.” 6Káti nónen èren sonhsahónhnete tsi ionónhte ne Sinai, nʼIsraerʼró꞉nons iáh ónen teshoʼnástons nowistanoronhsónhas.
Ne Tsi Watosehróthe Tsi Nón꞉we Níres Ne Roiá꞉ner
7Ne nó꞉nen NIsraerʼró꞉nons kahnónhwe nenhonthathoseró꞉ten, ne Mahís iehahá꞉we natohseratokénti tánon ìhsi nióre ienhatosehróten tsi nónhwe nihonatenáhthaien. Natóhsehra né ratinatónkwahkwe tsi nónhwe níres ne Roiá꞉ner, tánon nónhka íhienre tahatitháren ne Roiá꞉ner thóh kíʼ nónhwe nienhénʼien. 8Kátke ne Mahís thóh niáre, nonhkweshón꞉ʼa tsi ronahtenonhkáronhte ne rahonatóhsera tenhatítahne tsi nióre ienhatáwehiaʼte. 9Nónen ne Mahís iehotawehiáton, iotsikeró꞉te entewátsnente tánon tsi kanonhkáronhte natóhsehra enkaʼniótane, tánon ne Roiá꞉ner otshatàke néntewe tsi enhothárase ne Mahís. 10Kwáh tsi niiostó꞉re nonhkweshón꞉ʼa enhiontkátho ne iotsikeró꞉te ne tsi kanonhkáronhte natóhsehra, kwáh tenhonktsá꞉kete. 11Ne Roiá꞉ner tehiatatkonhsakánere tsi tenhnitháre ne Mahís, kwáh kíʼ tsi ní꞉ioht nónhkak ronaténro tehothíthare. Ethòne ne Mahís tsi ronatenátaien niénsre. Ók ne kèn nithoʼhiónha ne rohienawáse, né꞉ne Joshua né roiénha né꞉ne Nun, eknènhne thénteron.
Ne Roiá꞉ner Waharáhratste Tsi Enhathiʼkwekónhake Ne Rahonkwetashón꞉ʼa
12Ne Mahís wahawénhase ne Roiá꞉ner, “Tóhske thóh ní꞉ioht tsi takró꞉ri tsi akhehéntense kí꞉ken onhkweshón꞉ʼas ne tsi tiohontsáien, ók iáh kíʼ tesekró꞉ri ónhka entetsiaténiethe nakonháke. Ísenh kwáh íken tsi tatsentéri tánon sehrientí꞉ios tsi nókwah ní꞉i. 13Ónen kíʼ tó꞉ka íse íken, takró꞉ri tsi nisanikonhró꞉ten, ne káti nahónton nakonhiótense tánon iakatasónhteren nahontakonhnikonhraié꞉rihte. Tánon káti ó꞉ni sehiárak íse sehiaʼtaraáhkwen kí꞉ken onhkweshón꞉ʼa níse shonkwéta akénhake.”
14Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”
15Ne Mahís watariwasehráko, “Tó꞉ka níse iáh tahítewe, tó꞉sa kíʼ tatsiónhnien nèren ahonsahiákwethe ne kénʼen watenáthaien. 16Ónh ní꞉ioht tsi ahiakoteriéntarahne tsi serientí꞉ios tsi nókwah kí꞉ken onhkweshón꞉ʼa ó꞉ni ní꞉i tó꞉ka iáh tahítewe? Tsi skátke entewésehke né ienhionkiʼienterésthakwe nó꞉ia nihionkwetó꞉tens ne tsi ionwenhtsiáte.”
17Ne Roiá꞉ner wahawénhase ne Mahís, “Kwáh thóh nèntiere tsi niseriwanónhtons, tsioríwa tsi nikonhientéri tánon wakerientíios tsi nókwah níse.”
18Ethòne ne Mahís wahariwanónhton, “Asatʼthontáʼtsheke, takeríhon nakatkátho ne tehiokaráiakt teioswáthe tsi nónhwe níses.”
19Ne Roiá꞉ner watariwaseráko, “Kwáh enkónhni akwékon naʼtsiatanerakwáhtsera sahénton enwatohétsthe tánon tsi nónhwe níses kwáh enkerihó꞉wanathe naksenhnató꞉kenti. Í꞉i ne Watiá꞉ner, tánon kenéstha ne kentènrat ó꞉ni ne kenténhron tsi niháti enkhehiataráro. 20Iáh takonhríhon nasatʼkátho ne konhtsàke, tsioríwa tsi iáh ónhka tahiekwéni nahióntken tánon nahiaʼkónhnheke, 21ók tsiatákʼtha iokwénrahne tsi nónhwe enwáton natástahne noʼnenhiáke. 22Nónen ne tehiokará꞉iakt kaswatʼthétsera tsi íkes enwatohétsthe, kwáh thohʼnónhwe ienkónhteron tsi nónhwe ne tehiotenenhióren tánon katshaná꞉ke enkásthe tsi enkonhkonsá꞉sehthe tsi nióre ienkatohetsthe. 23Ethòne tentkónhneke ne katshaná꞉ke, tánon kshónhʼne ensatkátho ók iáh kíʼ ne khonshá꞉ke.”
Currently Selected:
Exodus 33: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Exodus 33
33
Ne Roiá꞉ner Wasakoró꞉ri NIsraerʼró꞉nons Nèrenh Ahonsahónhnethe Tsi Ionónhte Ne Sinai
1Ne Roiá꞉ner wahawénhase ne Mahís, “Èren íset né ken nónhwe niwatená꞉taien, i꞉se tánon nonhkweshón꞉ʼa ne tethesehiaʼtinekénhon ne Egypt, tánon thóh nónhwe iahásewe tsi tiohóntsaien ne kheʼierahratsʼténhni entekhéhion ne Abraham, Isaac, tánon ne Jacob ó꞉ni tsi nienhontwaʼtsiríne. 2Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites. 3Thóh nónhwe niahisenonhátie ne iohontsárehsen ó꞉ni iohontsí꞉io. Ók iáh kíʼ Í꞉i tahítene, tsioríwa tsi sewanonhtsistanírons tsónhkwe, tánon nonhtiérenk tsi nihioháses enkwáhthonte.”
4Nónen nonhkweshón꞉ʼa sahakokʼthóntene kí꞉ken, tahonthásawen wathonséntho tánon iáh shé꞉kon teshonátston nowistanoronsónha. 5Asèken ne Roiá꞉ner rohró꞉ri ne Mahís nasakoró꞉ri, “Sewaʼnonhtsistanírons tsónkwe. Tó꞉ka ó꞉ni shé꞉kon ne kènk nióre niahítewe, kwáh kíʼ oriwihiohónwe tsi enkwáhtonte. Ónen kíʼ Sewaríhsi ne sewawistanoronhshónhas, tánon tentiató꞉rethe onhnenkwahiéraʼse.” 6Káti nónen èren sonhsahónhnete tsi ionónhte ne Sinai, nʼIsraerʼró꞉nons iáh ónen teshoʼnástons nowistanoronhsónhas.
Ne Tsi Watosehróthe Tsi Nón꞉we Níres Ne Roiá꞉ner
7Ne nó꞉nen NIsraerʼró꞉nons kahnónhwe nenhonthathoseró꞉ten, ne Mahís iehahá꞉we natohseratokénti tánon ìhsi nióre ienhatosehróten tsi nónhwe nihonatenáhthaien. Natóhsehra né ratinatónkwahkwe tsi nónhwe níres ne Roiá꞉ner, tánon nónhka íhienre tahatitháren ne Roiá꞉ner thóh kíʼ nónhwe nienhénʼien. 8Kátke ne Mahís thóh niáre, nonhkweshón꞉ʼa tsi ronahtenonhkáronhte ne rahonatóhsera tenhatítahne tsi nióre ienhatáwehiaʼte. 9Nónen ne Mahís iehotawehiáton, iotsikeró꞉te entewátsnente tánon tsi kanonhkáronhte natóhsehra enkaʼniótane, tánon ne Roiá꞉ner otshatàke néntewe tsi enhothárase ne Mahís. 10Kwáh tsi niiostó꞉re nonhkweshón꞉ʼa enhiontkátho ne iotsikeró꞉te ne tsi kanonhkáronhte natóhsehra, kwáh tenhonktsá꞉kete. 11Ne Roiá꞉ner tehiatatkonhsakánere tsi tenhnitháre ne Mahís, kwáh kíʼ tsi ní꞉ioht nónhkak ronaténro tehothíthare. Ethòne ne Mahís tsi ronatenátaien niénsre. Ók ne kèn nithoʼhiónha ne rohienawáse, né꞉ne Joshua né roiénha né꞉ne Nun, eknènhne thénteron.
Ne Roiá꞉ner Waharáhratste Tsi Enhathiʼkwekónhake Ne Rahonkwetashón꞉ʼa
12Ne Mahís wahawénhase ne Roiá꞉ner, “Tóhske thóh ní꞉ioht tsi takró꞉ri tsi akhehéntense kí꞉ken onhkweshón꞉ʼas ne tsi tiohontsáien, ók iáh kíʼ tesekró꞉ri ónhka entetsiaténiethe nakonháke. Ísenh kwáh íken tsi tatsentéri tánon sehrientí꞉ios tsi nókwah ní꞉i. 13Ónen kíʼ tó꞉ka íse íken, takró꞉ri tsi nisanikonhró꞉ten, ne káti nahónton nakonhiótense tánon iakatasónhteren nahontakonhnikonhraié꞉rihte. Tánon káti ó꞉ni sehiárak íse sehiaʼtaraáhkwen kí꞉ken onhkweshón꞉ʼa níse shonkwéta akénhake.”
14Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”
15Ne Mahís watariwasehráko, “Tó꞉ka níse iáh tahítewe, tó꞉sa kíʼ tatsiónhnien nèren ahonsahiákwethe ne kénʼen watenáthaien. 16Ónh ní꞉ioht tsi ahiakoteriéntarahne tsi serientí꞉ios tsi nókwah kí꞉ken onhkweshón꞉ʼa ó꞉ni ní꞉i tó꞉ka iáh tahítewe? Tsi skátke entewésehke né ienhionkiʼienterésthakwe nó꞉ia nihionkwetó꞉tens ne tsi ionwenhtsiáte.”
17Ne Roiá꞉ner wahawénhase ne Mahís, “Kwáh thóh nèntiere tsi niseriwanónhtons, tsioríwa tsi nikonhientéri tánon wakerientíios tsi nókwah níse.”
18Ethòne ne Mahís wahariwanónhton, “Asatʼthontáʼtsheke, takeríhon nakatkátho ne tehiokaráiakt teioswáthe tsi nónhwe níses.”
19Ne Roiá꞉ner watariwaseráko, “Kwáh enkónhni akwékon naʼtsiatanerakwáhtsera sahénton enwatohétsthe tánon tsi nónhwe níses kwáh enkerihó꞉wanathe naksenhnató꞉kenti. Í꞉i ne Watiá꞉ner, tánon kenéstha ne kentènrat ó꞉ni ne kenténhron tsi niháti enkhehiataráro. 20Iáh takonhríhon nasatʼkátho ne konhtsàke, tsioríwa tsi iáh ónhka tahiekwéni nahióntken tánon nahiaʼkónhnheke, 21ók tsiatákʼtha iokwénrahne tsi nónhwe enwáton natástahne noʼnenhiáke. 22Nónen ne tehiokará꞉iakt kaswatʼthétsera tsi íkes enwatohétsthe, kwáh thohʼnónhwe ienkónhteron tsi nónhwe ne tehiotenenhióren tánon katshaná꞉ke enkásthe tsi enkonhkonsá꞉sehthe tsi nióre ienkatohetsthe. 23Ethòne tentkónhneke ne katshaná꞉ke, tánon kshónhʼne ensatkátho ók iáh kíʼ ne khonshá꞉ke.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.