Leviticus 17
17
Ne Onekwensatokenti
1Ne Roiá꞉ner wahorihónten ne Mahís 2nahonthahá꞉wenh ne Aaron tánon ne sakohiohokónhas tánon kanenhrakwékon ne Israerʼró꞉nonhke ne tehioterihwasónhteres. 3-4Nónhka Nisraerʼró꞉nons akonhwanonhwariákon ne tsionónskwaron tó꞉ka ó꞉ni teiotinakaronhtónʼa tó꞉ka ó꞉ni kaiatákeras né꞉ne ahonwátatʼtse ne Roiá꞉ner ne kwák tsiknónhwe nakénhake ók iáh kíʼ ne tsi iehionthawehiathákwa natohsehrákon tsi nónhwe nihénteron ne Roiá꞉ner waʼtewátiaʼke kíʼ ne kaianerénhsera. Wahatinékwahte tánon iáh kíʼ ónen ne tahonsahiakotená꞉thonkwe Rawenni꞉io rahonkwéta akénhake. 5Tsi nikéntons tsi niwatró꞉ris kí꞉ken nètho nonhkweshón꞉as ne Israerʼró꞉nonhke ónenk tsi enthonwahawíten ne Roiá꞉ner konhtitshénens né tsi nikonwatinonhwariákhonsʼkwe ne kahentáke nónhwe. Ónenk tsi entʼkonhwatihiaténhaʼwe rahohénton ne ratsihénstatsi ne tsi iehiontawehiathákwa natohsehrákon tánon enhkonhwatinonhwariákon né꞉ne skaríhwa aorihwáke. 6Ne ratsihénstatsi ónenk tsi ienhonekwenhsónhti aktónhtsie ne ietsienharákwahke né꞉ne tsi iehiontawehiathákwah tsi nonhnikáien natohsehrákon tánon enhóntʼtsahaʼte ne iorénhsens ne nahonsehró꞉ten tsi ahawerienhtí꞉ioste ne Roiá꞉ner. 7Nonhkweshón꞉as Nisraerʼró꞉nonhke iáh ónenh tetsówenhk ne iáh tahotirihwatokénhake rahonháke ne Roiá꞉ner ne tsi akonhwatinonhwariákon ne rahotitsenenhókons ne kahentákes tsi ahonwateskónhtʼthaʼse ne kaiatákeras ótkon teskaierontare. Nonhkweshón꞉as Nisraerʼró꞉nonke ónenk tsi enhontewehiénton kí꞉ken kaianerénhseras né꞉ne tsi nénhwe.
8Ne tsikʼhónka Nisraerʼró꞉nons tó꞉ka ó꞉ni ne tihononhontsátes ne kanakeraserákon ratinákere ne ronhnónha ienhatíthaʼte ne watéskonhte tó꞉ka ó꞉ni nó꞉ia nahiotónhake ne karihwihioserihokónhas 9ne iahonwátatʼtse ne Roiá꞉ner ne tsikʼnónhwe ók iáh kíʼ ne tsi iehiontawehiathákwah natohserákon iáh kíʼ ne tahonsahiakotenathónkwen Rawenni꞉io rahonkwéta akénhake.
10Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen. 11Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens. 12Né kíʼ ahoríhwa ne Roiá꞉ner washakoró꞉ri nonhkweshón꞉as ne Israerʼró꞉nonhke né꞉ne ronónha khés ne tihononhontsátes né skátʼke ratinákeres tsi iáh tehiówenhk né thènen ahathiwárahke ne shé꞉kon iotenekwénhsa.
13Tó꞉ka nónhka Nisraerʼró꞉nons khés né tihononhontsátes ne skátʼke rathinákere nakonhwaiéna ne katshénen khés notsiténha né꞉ne kwáh iotkwéniens, ónenk kíʼ tsi enhkonhwanekwenhsí꞉nekenhwe tánon ohontsáke enhonwéron tánon okénhra enhathiró꞉rohke. 14Ne tsi konhnónhnhe ne kwaʼtsitnikonhtiʼhiató꞉tens tsi onekwenhsáke nónhwe nikonhnónhnhe, tánon né kíʼ aoríhwa ne Roiá꞉ner washakoró꞉ri nonhkweshón꞉as Nisraerʼró꞉nonhke nónhwe tsi iáh thahatiwáraʼke né shé꞉kon iotenekwénhsa tánon tó꞉ka ónhka thóh nenhiéhiere iáh kíʼ shé꞉kon Rawenni꞉io rahonkwéta tahonsahiakonathathónkwen.
15Ónhka nónhkwe akénhake, Israerʼró꞉nons khés ne tihononhontsátes, nónhka ahiewáraʼke né katshénen ne thiʼkawenhní꞉io iawehéion khés né꞉ne konhtírio konhwanonhwariákon ónenk tsi enshatinóhare ne rahonatʼtserónhnia, enshontáwen ó꞉ni, tánon enhonteráraʼthe tsi nióre ienhiókaraʼwe ne kwáh ahonshahonatkweʼniensthónhake. 16Tó꞉ka iáh toʼtahatí꞉iere, ónenk kíʼ tsi ne tenhontkáneren tsi nienhiáwenhne ne tsi iehiotók꞉te.
Currently Selected:
Leviticus 17: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 17
17
Ne Onekwensatokenti
1Ne Roiá꞉ner wahorihónten ne Mahís 2nahonthahá꞉wenh ne Aaron tánon ne sakohiohokónhas tánon kanenhrakwékon ne Israerʼró꞉nonhke ne tehioterihwasónhteres. 3-4Nónhka Nisraerʼró꞉nons akonhwanonhwariákon ne tsionónskwaron tó꞉ka ó꞉ni teiotinakaronhtónʼa tó꞉ka ó꞉ni kaiatákeras né꞉ne ahonwátatʼtse ne Roiá꞉ner ne kwák tsiknónhwe nakénhake ók iáh kíʼ ne tsi iehionthawehiathákwa natohsehrákon tsi nónhwe nihénteron ne Roiá꞉ner waʼtewátiaʼke kíʼ ne kaianerénhsera. Wahatinékwahte tánon iáh kíʼ ónen ne tahonsahiakotená꞉thonkwe Rawenni꞉io rahonkwéta akénhake. 5Tsi nikéntons tsi niwatró꞉ris kí꞉ken nètho nonhkweshón꞉as ne Israerʼró꞉nonhke ónenk tsi enthonwahawíten ne Roiá꞉ner konhtitshénens né tsi nikonwatinonhwariákhonsʼkwe ne kahentáke nónhwe. Ónenk tsi entʼkonhwatihiaténhaʼwe rahohénton ne ratsihénstatsi ne tsi iehiontawehiathákwa natohsehrákon tánon enhkonhwatinonhwariákon né꞉ne skaríhwa aorihwáke. 6Ne ratsihénstatsi ónenk tsi ienhonekwenhsónhti aktónhtsie ne ietsienharákwahke né꞉ne tsi iehiontawehiathákwah tsi nonhnikáien natohsehrákon tánon enhóntʼtsahaʼte ne iorénhsens ne nahonsehró꞉ten tsi ahawerienhtí꞉ioste ne Roiá꞉ner. 7Nonhkweshón꞉as Nisraerʼró꞉nonhke iáh ónenh tetsówenhk ne iáh tahotirihwatokénhake rahonháke ne Roiá꞉ner ne tsi akonhwatinonhwariákon ne rahotitsenenhókons ne kahentákes tsi ahonwateskónhtʼthaʼse ne kaiatákeras ótkon teskaierontare. Nonhkweshón꞉as Nisraerʼró꞉nonke ónenk tsi enhontewehiénton kí꞉ken kaianerénhseras né꞉ne tsi nénhwe.
8Ne tsikʼhónka Nisraerʼró꞉nons tó꞉ka ó꞉ni ne tihononhontsátes ne kanakeraserákon ratinákere ne ronhnónha ienhatíthaʼte ne watéskonhte tó꞉ka ó꞉ni nó꞉ia nahiotónhake ne karihwihioserihokónhas 9ne iahonwátatʼtse ne Roiá꞉ner ne tsikʼnónhwe ók iáh kíʼ ne tsi iehiontawehiathákwah natohserákon iáh kíʼ ne tahonsahiakotenathónkwen Rawenni꞉io rahonkwéta akénhake.
10Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen. 11Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens. 12Né kíʼ ahoríhwa ne Roiá꞉ner washakoró꞉ri nonhkweshón꞉as ne Israerʼró꞉nonhke né꞉ne ronónha khés ne tihononhontsátes né skátʼke ratinákeres tsi iáh tehiówenhk né thènen ahathiwárahke ne shé꞉kon iotenekwénhsa.
13Tó꞉ka nónhka Nisraerʼró꞉nons khés né tihononhontsátes ne skátʼke rathinákere nakonhwaiéna ne katshénen khés notsiténha né꞉ne kwáh iotkwéniens, ónenk kíʼ tsi enhkonhwanekwenhsí꞉nekenhwe tánon ohontsáke enhonwéron tánon okénhra enhathiró꞉rohke. 14Ne tsi konhnónhnhe ne kwaʼtsitnikonhtiʼhiató꞉tens tsi onekwenhsáke nónhwe nikonhnónhnhe, tánon né kíʼ aoríhwa ne Roiá꞉ner washakoró꞉ri nonhkweshón꞉as Nisraerʼró꞉nonhke nónhwe tsi iáh thahatiwáraʼke né shé꞉kon iotenekwénhsa tánon tó꞉ka ónhka thóh nenhiéhiere iáh kíʼ shé꞉kon Rawenni꞉io rahonkwéta tahonsahiakonathathónkwen.
15Ónhka nónhkwe akénhake, Israerʼró꞉nons khés ne tihononhontsátes, nónhka ahiewáraʼke né katshénen ne thiʼkawenhní꞉io iawehéion khés né꞉ne konhtírio konhwanonhwariákon ónenk tsi enshatinóhare ne rahonatʼtserónhnia, enshontáwen ó꞉ni, tánon enhonteráraʼthe tsi nióre ienhiókaraʼwe ne kwáh ahonshahonatkweʼniensthónhake. 16Tó꞉ka iáh toʼtahatí꞉iere, ónenk kíʼ tsi ne tenhontkáneren tsi nienhiáwenhne ne tsi iehiotók꞉te.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.