Leviticus 19
19
Kaianerénseras Ne Iotokéntis Tánon Ne Kariwakwahrihsónhtshera
1Ne Roiá꞉ner wahoróri ne Mahís 2nashakawénhase nonhkweshón꞉as ne kanakeraserákon ne Israerʼró꞉nonhke, “Sewahiathatokentíhak, tsioríhwa, Í꞉i, ne Watiá꞉ner Sewaní꞉io, watiatatokénti íken. 3Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.
4“Tó꞉sa thaʼkwahtewénhtet tánon né ahisewasénhnaien ne kahiatonhnisónhas; tó꞉sa karísthatsis tsiónhniat ne ní꞉io akénhake tánon né aietʼtsisénhnaien. Í꞉i ne Watiá꞉ner Sewaní꞉io íken.
5“Nónenh ensewanonhwariákon ne katshénen né꞉ne skaríhwa aorihwáke íken, sewateweiénton ne kaianerénseras ne tkwáhwi, tánon káti entiéna ne iesewatkháwas. 6Nowáron ónenk tsi né sahenhnísera enkawará꞉konhke tó꞉ka ó꞉ni ne nóia ensewenhniseráteʼke. Né thènen nowáron ne iothaténron nasénhaton niwenhniserakéhaton ónenk tsi enwatsahathónhake, 7tsioríhwa tsi kwáh iáh tetsiotkwéniens, tánon tó꞉ka ónhkak aiewárake, kwáh kíʼ iáh thatiéna ne iesewatkáwen. 8Nónhka aiewá꞉rahke kwáh kíʼ enhiakónike tsi thóh nahéiere ne thikawenhní꞉iot tsi nahóten ne konhwatonhnará꞉ni nakerihwáke, tánon kíʼ iáh shé꞉kon ne tahonsahiakotenáthonkwe Í꞉i akonhkwéta íken.
9“Nó꞉nen ensewaienthóko ne sewahenthákes, tó꞉sa sewanatsí꞉iak ne tsi ieiotʼthénthate, tánon tó꞉sa thóh nionhsháse ne shékon tahonthonsewaróhroʼke noná꞉tsias ne iothaténrons. 10Tó꞉sa thóh nionhshá꞉se ne tsi sanenharaiéntʼthon nahonshaʼsenenharaʼrórohke tsi níkon ne tehiakahowískwahton tsi iakohnenhará꞉kwen tánon ne ionaharénhseron; né nènhne seiénhras ne iakóten tánon ne thihononhontsátes. Í꞉i ne Watiá꞉ner Sewaní꞉io íken.
11“Tó꞉sa sheʼnénhsko tó꞉ka ó꞉ni nasehnikónhrate tó꞉ka ó꞉ni nashaʼnówenhthe. 12Tó꞉sa othènen shaʼráratst ne Í꞉i aksénhnakon tó꞉ka iáh éhtho thesanikonhró꞉ten naserihwaiérihte; né ní꞉ioht ne tkáhas natehénsera naksénhnakon. Í꞉i ne Watiá꞉ner Sewaní꞉io íken.
13“Tó꞉sa sehnénhsko tó꞉ka ó꞉ni nónhkak asekarénhratʼtse. Tó꞉sa sehiatkarakshá꞉ten nónhkak sehnáhon, iekaníhare iáh ne tsiokarátshera akénhake. 14Kwáh tó꞉sa ietsinikonhrakaréwat ne tehionhonthakwékon tó꞉ka ó꞉ni ne thènen ahisewáien rahotihénton ne iáh tehatíken né꞉ne tahotiniotháko. Thaʼkwahwénhnarak; Í꞉i ne Watiá꞉ner Sewaní꞉io íken.
15“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe. 16Tó꞉sa tesewaterihó꞉kwah noʼnówens ne tsík ónhka akénhake, tánon nónen nónhkak tehonwahiatorétha ne tsi rónhnhe, sewathátiat ne sewarihwanhiʼrátshera tó꞉ka ahoiénawaʼse. Í꞉i ne Watiá꞉ner.
17“Tó꞉sa sehiatkonhsanósten nakorénson, ók sewarihwasehrónhni tsi naʼtesewátere, né káti ne tó꞉sa ahiʼsewarihwánerake ne ronónha ahatiʼrihónhni. 18Tó꞉sa kíʼ thontasewaná꞉kwen tsi nòkwah nakorénhson tó꞉sa ó꞉ni iaʼsewakónhtak naʼietʼtsiʼshónhsehke, ók ietsinerónhkwat ne tesewanonhsanéken tsi kíʼ níse nishaʼthatenorónhkwah. Í꞉i ne Watiá꞉ner.
19“Sewatewénhnarak nakerihwatatʼtiéras. Tó꞉sa iaʼtesheʼnón꞉naiest ne senás꞉kwahiens konhtiʼtshénens. Tó꞉sa né thiʼkanénhate ashiéntʼtho né꞉ne sakahéttatʼke. Tó꞉sa né satʼtsherónhniat né thaʼtekeʼníthe tsi ní꞉ioht tsi ká꞉son ne ionhkwenonhniaʼthákwah.
20“Tó꞉ka ne kanáskwah iónhkwe thóh ní꞉ioht tsi konhwaientéri tsi né rohiótenhse ne rónhkwe tánon iáh kíʼ thaʼhakáriakʼse iáh ó꞉ni tetsiothaʼtewenhnihióhon, ethòne óia rónhkwe skát꞉ke wahiárate nahónha, kwáh kíʼ enhonwatiréwathe, ók iáh kíʼ tahonwatinonhwariákon, tsioríhwa tsi kanáskwah íken. 21Ne rónhkwe ónenk tsi teiotinakaronhtónha owíra enthohiaténhaʼwe ne tsi iehionhthawehiathákwa natohsehrákon né꞉ne tsi nónhwe nikíteron né nènhne enshakárhiakthe tsi ienhát꞉kaʼwe. 22Tánon né entsiaténhroʼke ne ratsihénstatsi tsi enhaterihwaténhtsate norihwakáion tionhtonhnakanonnithákwa né nahéren akahawíthonke ne rónhkwe rahorihwanerahákʼtshera, tánon ne Rawenni꞉io enshonikónhrenhse.
23“Nónen iensewá꞉we tsi tsiohontsáien ne Canaan tánon tsík niwahióten ensewakwiraiéntʼtho, thóh ní꞉ioht tsi tesewahiató꞉ret nètho káhik tsi shihiorihwakáion tsi iáh tehiotkwéniensʼkwe né náhsen nihioseráke nenhkarihwésonhke. Né thóh nikaríhwes tó꞉sa othènen ensewáhiake nètho káhik. 24Ne kaieríhaton nihioserakehá꞉tsie akwékon ne kahiksónhas ónenk tsi enwaterenhnaʼiénhni tsi ienhontkáʼwe naʼiénesthe tsi tehiontenonhwerátons nakonháke, ne Watiá꞉ner. 25Ók ne wískʼkhaton nihioserakehátsie enhwáton nahonsehsewáhiake. Tó꞉ka kí꞉ken oriwakwékon thóh nenhsewáiere, ne sewaronhtasónhas sénha wéso enwahianihiónten. Í꞉i ne Watiá꞉ner Sewaní꞉io íken.
26“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons. 27Tó꞉sa sewathatenonhkhar ne sewanonhtsistatʼthónhtie tó꞉ka ó꞉ni nahisewatʼkonhsthónhrhiaʼke 28tó꞉ka ó꞉ni ne thènen ahisewarasthánion ne sewahiathakésons tó꞉ka ó꞉ni nahisewatʼtatrenánion nahietʼtsihiatʼtsiónhnionhse ne iakawenhéion. Í꞉i ne Watiá꞉ner.
29“To꞉sa sehiatéhat ne sheʼiénha né꞉ne asehiónhniaʼte nahionhtsiátaren ne ononhsatokenhtíke ahionhterihónten naʼierihwahiatháton; tó꞉ka thóh nénhshiere, thóh niénhse tsi nòkwah noʼóhia niʼiohokónhas tánon nohóntsa tetkará꞉ke ne karihwanerahák꞉tsheras. 30Sewenhthatokéntist ne tsatákhaton niwenhniserakéhaton, tánon sewakwénienst tsi nónhwe nihionksenhnaienthákwa. Í꞉i ne Watiá꞉ner.
31“Tó꞉sa thóh niénhsewe naʼietsihiatenikonhrihsáhkha nonhkweshón꞉as né꞉ne ronhwatinikonhríhsaks ne ronenhéion. Tó꞉ka thóh nénhshiere, kwáh kíʼ shihiorihwakáion tsi teshahiathátion. Í꞉i ne Watiá꞉ner Sewaní꞉io.
32“Sekweniénstak ne tiaʼkahonkwetáhion tánon tesherénhsaron. Kaʼkweniensthenhtserákon tsi takwawénhnarak; Í꞉i ne Watiá꞉ner
33“Tó꞉sa sehiateweienhnaksháten ne tihononhontsátes ne tionhontsáke ratinákere. 34Thóh ní꞉ioht tsi tesherihwásnies tsi ní꞉ioht Nisraerʼró꞉nons, tánon shenóronk tsi níse nishewathatenorónhkwa. Sewehiárak i꞉se ó꞉ni iehioterástʼton thiʼtionhontsáte kénhne ne tsi tsionhontsáien ne Egypt. Í꞉i ne Watiá꞉ner Sewaní꞉io íken.
35“Tó꞉sa ónhka ieʼtsinikonhráten né꞉ne ahisewátsʼte ne iáh tekaientéri níhions hionhtenientensthákwa, tsi nahiótsʼteke, ó꞉ni tsi nakonháke. 36Ne ísewats ne kaienhtéri iekonhtserihará꞉kwah, ne tkaiéri tsi nahiótsʼteke, tánon ne tkarihwaiéri hiontenientenstákwa. Í꞉i ne Watiá꞉ner Sewaní꞉io íken, tánon Í꞉i tetkwahiatinekénhen ne Egypt. 37Sewatewénhnarak akwékon naʼtianerénhseras tánon naʼkerihwatátʼtsheras. Í꞉i ne Watiá꞉ner.”
Currently Selected:
Leviticus 19: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 19
19
Kaianerénseras Ne Iotokéntis Tánon Ne Kariwakwahrihsónhtshera
1Ne Roiá꞉ner wahoróri ne Mahís 2nashakawénhase nonhkweshón꞉as ne kanakeraserákon ne Israerʼró꞉nonhke, “Sewahiathatokentíhak, tsioríhwa, Í꞉i, ne Watiá꞉ner Sewaní꞉io, watiatatokénti íken. 3Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.
4“Tó꞉sa thaʼkwahtewénhtet tánon né ahisewasénhnaien ne kahiatonhnisónhas; tó꞉sa karísthatsis tsiónhniat ne ní꞉io akénhake tánon né aietʼtsisénhnaien. Í꞉i ne Watiá꞉ner Sewaní꞉io íken.
5“Nónenh ensewanonhwariákon ne katshénen né꞉ne skaríhwa aorihwáke íken, sewateweiénton ne kaianerénseras ne tkwáhwi, tánon káti entiéna ne iesewatkháwas. 6Nowáron ónenk tsi né sahenhnísera enkawará꞉konhke tó꞉ka ó꞉ni ne nóia ensewenhniseráteʼke. Né thènen nowáron ne iothaténron nasénhaton niwenhniserakéhaton ónenk tsi enwatsahathónhake, 7tsioríhwa tsi kwáh iáh tetsiotkwéniens, tánon tó꞉ka ónhkak aiewárake, kwáh kíʼ iáh thatiéna ne iesewatkáwen. 8Nónhka aiewá꞉rahke kwáh kíʼ enhiakónike tsi thóh nahéiere ne thikawenhní꞉iot tsi nahóten ne konhwatonhnará꞉ni nakerihwáke, tánon kíʼ iáh shé꞉kon ne tahonsahiakotenáthonkwe Í꞉i akonhkwéta íken.
9“Nó꞉nen ensewaienthóko ne sewahenthákes, tó꞉sa sewanatsí꞉iak ne tsi ieiotʼthénthate, tánon tó꞉sa thóh nionhsháse ne shékon tahonthonsewaróhroʼke noná꞉tsias ne iothaténrons. 10Tó꞉sa thóh nionhshá꞉se ne tsi sanenharaiéntʼthon nahonshaʼsenenharaʼrórohke tsi níkon ne tehiakahowískwahton tsi iakohnenhará꞉kwen tánon ne ionaharénhseron; né nènhne seiénhras ne iakóten tánon ne thihononhontsátes. Í꞉i ne Watiá꞉ner Sewaní꞉io íken.
11“Tó꞉sa sheʼnénhsko tó꞉ka ó꞉ni nasehnikónhrate tó꞉ka ó꞉ni nashaʼnówenhthe. 12Tó꞉sa othènen shaʼráratst ne Í꞉i aksénhnakon tó꞉ka iáh éhtho thesanikonhró꞉ten naserihwaiérihte; né ní꞉ioht ne tkáhas natehénsera naksénhnakon. Í꞉i ne Watiá꞉ner Sewaní꞉io íken.
13“Tó꞉sa sehnénhsko tó꞉ka ó꞉ni nónhkak asekarénhratʼtse. Tó꞉sa sehiatkarakshá꞉ten nónhkak sehnáhon, iekaníhare iáh ne tsiokarátshera akénhake. 14Kwáh tó꞉sa ietsinikonhrakaréwat ne tehionhonthakwékon tó꞉ka ó꞉ni ne thènen ahisewáien rahotihénton ne iáh tehatíken né꞉ne tahotiniotháko. Thaʼkwahwénhnarak; Í꞉i ne Watiá꞉ner Sewaní꞉io íken.
15“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe. 16Tó꞉sa tesewaterihó꞉kwah noʼnówens ne tsík ónhka akénhake, tánon nónen nónhkak tehonwahiatorétha ne tsi rónhnhe, sewathátiat ne sewarihwanhiʼrátshera tó꞉ka ahoiénawaʼse. Í꞉i ne Watiá꞉ner.
17“Tó꞉sa sehiatkonhsanósten nakorénson, ók sewarihwasehrónhni tsi naʼtesewátere, né káti ne tó꞉sa ahiʼsewarihwánerake ne ronónha ahatiʼrihónhni. 18Tó꞉sa kíʼ thontasewaná꞉kwen tsi nòkwah nakorénhson tó꞉sa ó꞉ni iaʼsewakónhtak naʼietʼtsiʼshónhsehke, ók ietsinerónhkwat ne tesewanonhsanéken tsi kíʼ níse nishaʼthatenorónhkwah. Í꞉i ne Watiá꞉ner.
19“Sewatewénhnarak nakerihwatatʼtiéras. Tó꞉sa iaʼtesheʼnón꞉naiest ne senás꞉kwahiens konhtiʼtshénens. Tó꞉sa né thiʼkanénhate ashiéntʼtho né꞉ne sakahéttatʼke. Tó꞉sa né satʼtsherónhniat né thaʼtekeʼníthe tsi ní꞉ioht tsi ká꞉son ne ionhkwenonhniaʼthákwah.
20“Tó꞉ka ne kanáskwah iónhkwe thóh ní꞉ioht tsi konhwaientéri tsi né rohiótenhse ne rónhkwe tánon iáh kíʼ thaʼhakáriakʼse iáh ó꞉ni tetsiothaʼtewenhnihióhon, ethòne óia rónhkwe skát꞉ke wahiárate nahónha, kwáh kíʼ enhonwatiréwathe, ók iáh kíʼ tahonwatinonhwariákon, tsioríhwa tsi kanáskwah íken. 21Ne rónhkwe ónenk tsi teiotinakaronhtónha owíra enthohiaténhaʼwe ne tsi iehionhthawehiathákwa natohsehrákon né꞉ne tsi nónhwe nikíteron né nènhne enshakárhiakthe tsi ienhát꞉kaʼwe. 22Tánon né entsiaténhroʼke ne ratsihénstatsi tsi enhaterihwaténhtsate norihwakáion tionhtonhnakanonnithákwa né nahéren akahawíthonke ne rónhkwe rahorihwanerahákʼtshera, tánon ne Rawenni꞉io enshonikónhrenhse.
23“Nónen iensewá꞉we tsi tsiohontsáien ne Canaan tánon tsík niwahióten ensewakwiraiéntʼtho, thóh ní꞉ioht tsi tesewahiató꞉ret nètho káhik tsi shihiorihwakáion tsi iáh tehiotkwéniensʼkwe né náhsen nihioseráke nenhkarihwésonhke. Né thóh nikaríhwes tó꞉sa othènen ensewáhiake nètho káhik. 24Ne kaieríhaton nihioserakehá꞉tsie akwékon ne kahiksónhas ónenk tsi enwaterenhnaʼiénhni tsi ienhontkáʼwe naʼiénesthe tsi tehiontenonhwerátons nakonháke, ne Watiá꞉ner. 25Ók ne wískʼkhaton nihioserakehátsie enhwáton nahonsehsewáhiake. Tó꞉ka kí꞉ken oriwakwékon thóh nenhsewáiere, ne sewaronhtasónhas sénha wéso enwahianihiónten. Í꞉i ne Watiá꞉ner Sewaní꞉io íken.
26“Tó꞉sa othènen sewawá꞉rak ne shé꞉kon iotenekwénhsa. Tó꞉sa othènen sewatéweienst ne iótkons. 27Tó꞉sa sewathatenonhkhar ne sewanonhtsistatʼthónhtie tó꞉ka ó꞉ni nahisewatʼkonhsthónhrhiaʼke 28tó꞉ka ó꞉ni ne thènen ahisewarasthánion ne sewahiathakésons tó꞉ka ó꞉ni nahisewatʼtatrenánion nahietʼtsihiatʼtsiónhnionhse ne iakawenhéion. Í꞉i ne Watiá꞉ner.
29“To꞉sa sehiatéhat ne sheʼiénha né꞉ne asehiónhniaʼte nahionhtsiátaren ne ononhsatokenhtíke ahionhterihónten naʼierihwahiatháton; tó꞉ka thóh nénhshiere, thóh niénhse tsi nòkwah noʼóhia niʼiohokónhas tánon nohóntsa tetkará꞉ke ne karihwanerahák꞉tsheras. 30Sewenhthatokéntist ne tsatákhaton niwenhniserakéhaton, tánon sewakwénienst tsi nónhwe nihionksenhnaienthákwa. Í꞉i ne Watiá꞉ner.
31“Tó꞉sa thóh niénhsewe naʼietsihiatenikonhrihsáhkha nonhkweshón꞉as né꞉ne ronhwatinikonhríhsaks ne ronenhéion. Tó꞉ka thóh nénhshiere, kwáh kíʼ shihiorihwakáion tsi teshahiathátion. Í꞉i ne Watiá꞉ner Sewaní꞉io.
32“Sekweniénstak ne tiaʼkahonkwetáhion tánon tesherénhsaron. Kaʼkweniensthenhtserákon tsi takwawénhnarak; Í꞉i ne Watiá꞉ner
33“Tó꞉sa sehiateweienhnaksháten ne tihononhontsátes ne tionhontsáke ratinákere. 34Thóh ní꞉ioht tsi tesherihwásnies tsi ní꞉ioht Nisraerʼró꞉nons, tánon shenóronk tsi níse nishewathatenorónhkwa. Sewehiárak i꞉se ó꞉ni iehioterástʼton thiʼtionhontsáte kénhne ne tsi tsionhontsáien ne Egypt. Í꞉i ne Watiá꞉ner Sewaní꞉io íken.
35“Tó꞉sa ónhka ieʼtsinikonhráten né꞉ne ahisewátsʼte ne iáh tekaientéri níhions hionhtenientensthákwa, tsi nahiótsʼteke, ó꞉ni tsi nakonháke. 36Ne ísewats ne kaienhtéri iekonhtserihará꞉kwah, ne tkaiéri tsi nahiótsʼteke, tánon ne tkarihwaiéri hiontenientenstákwa. Í꞉i ne Watiá꞉ner Sewaní꞉io íken, tánon Í꞉i tetkwahiatinekénhen ne Egypt. 37Sewatewénhnarak akwékon naʼtianerénhseras tánon naʼkerihwatátʼtsheras. Í꞉i ne Watiá꞉ner.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.