Leviticus 6
6
1Ne Roiá꞉ner taháwen ne Mahís ne kén hiotsétons tekarihwasónhteres kaianerénseras. 2Ónenk tsi enhionhníhake niahontkáwen tó꞉ka ónhkak tsi nítsion wesewarihwánerahke tsi nòkwah ne Roiá꞉ner né tsi wesewaterahiáthaʼkwe niahontsisewáhaʼke tsi nahó꞉ten ne óia Israerʼró꞉non thóh rothakweniáien tó꞉ka ó꞉ni knahó꞉tenk waʼtsisewanénsko tó꞉ka ó꞉ni watsisewanikonhráhten 3tó꞉ka ó꞉ni ahionhnó꞉wenhte ne knahó꞉tenk ne iotónhonʼne tánon waherihwanírahthe tsi iáh tetsiakotsirénhrion. 4-5Né nó꞉nen enserihwánerahke ne kakʼnikáien tsi níkons kí꞉kens, ónenk tsi enshé꞉shen tsi nahó꞉ten saienáhon ne kanikonhráton iorihonhníʼon. Nenhwenhnisehráteke nenhiesaiatatʼtsénri saníkon, ónenk tsi kwáh enkanánonhke tsi akwékon entieská꞉riatse ne rahowenhkénʼen, tánon enhiowénhteke tewáhsen iosénhtseroʼthe. 6Entetiawíten ne ratsihénstatsi ne nahonsaskárhiakthe nastatʼtse ne Roiá꞉ner né꞉ne rátsinn teiotinakaronhtónha tó꞉ka ó꞉ni kaiatákeras né꞉ne iáh othènen tehotitsihióha. Tsi satanaske ne entewanónhton tsi entsiohianénhaʼwe ne tkarihwaiéri iekontseriharáhkwah. 7Ne ratsihénsthatsi ienháthaʼte ne kariwihiosehokónha né꞉ne rónhkwe rahorihwáke, tánon kíʼ enshonwanikónhrenhse.
Né Kahiathakwékon Watéskonhte
8Ne Roiá꞉ner wahorihónten ne Mahís 9nahonthaháwen ne Aaron ó꞉ni ne rahonekenterashón꞉as ne tehioterihwasonhterónhnions kaianerénsehras né nakonwanateskónhten. Né konwanatéskonhte ietsienharáhkwahke enkará꞉ken asonhthakwékon, tánon ne iotékʼkha iahiokonhthakwénhake ahiotékʼkhake. 10Ethóhʼne ne ratsihénsthatsi, né róston ne kwáh rokweʼní꞉io né꞉ne waniatarará꞉ken wakóhses tánon ne waniatarará꞉ken nàkon tháiens, ónenk tsi enhará꞉ko ne tehiahowenienʼnhokónhton okènrah ne thók iekáhere ne ietsienharáhkwahke tánon ákta ne tsi ietsienharáhkwah enhá꞉ien. 11Ethóhʼne ónenk tsi tenshathataʼkwénion tánon ienháhaʼwe ne wakenronhthákwen ástste nòkwah tsi nónhwe nihonanáthaien thóh nienháhaʼwe tsi nónhwe ne sahoiéren iotkwéniens. 12Ne tsi iotékʼkha ne ietsienharahkwáhke ónenk tsi tiókonhte enhiotékʼkhake tánon tó꞉sa nonhwénhton nahonswá꞉thonhke. Iaʼtehioronhketsheráke ne ratsihénsthatsi enshaienthóntʼtho, enhakwahtáko naʼkonhwanateskónhten, tánon enhátʼtsahathe ne iorèsen ne skaríhwa íken tsi iewatká꞉wen. 13Né iotèkʼkha ónenk tsi tiókonhte enhiotékʼkhake ne ietsienharáhkwahke tánon tó꞉sa nonhwénhtonke nahonswá꞉thohke.
Nonátsias Tsiakoiesthánions
14Né tehioterihwasonhterónhnions ne kaianerénsehras né꞉ne onátsias ahorihwáke tsi tsiakoiesthánion. Né Aaronite ratsihénsthatsi ónenk tsi ienháthate nonátsias né tkaiéstons rahohénton ne Roiá꞉nerʼ né꞉ne ohénton ne ieʼtsienharáhkwahke. 15Ethòne sehwatsána enharáhko nothésehra ó꞉ni ne kénhie, tánon ne ionhtsienkwaronhniathákwah tekaiéston, tánon ietsienharáhkwahke enhátʼtsahathe né enwenésthakwe tsi orihwakwékon Roiá꞉ner ronhwáwi. Ne tewenhseraʼtenóhons kí꞉ken iewatkháwen né rawerientiʼióstha ne Roiá꞉ner. 16-17Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke. 18Né꞉ne tsi nienhwenhniserathénionʼke nónhka tsi nienhatwatsiríhne ne Aaron enwáton nahónhneke tsi nienhatikónhthaʼkwe nénhonste ne kákhwa nenhonwátatʼtse ne Roiá꞉ner. Nónhka akóren ne iáh Aaron rahoneʼkentheraʼsónhas akénhake niaʼhatiʼiéna ne ká꞉khwa ne iewakʼkáwen enhatitʼtsénri naʼteraswatsénhtshera né tsi nihioshastsʼtenserowánen ne iotokénti.
19Ne Roiá꞉ner tahá꞉wen ne Mahís ne tekarihwasónhterens kaianerénsehras 20nahonwarihwaníratʼtse ne Aaronite ratsiʼhénstatsi. Né wenhniseronhthákwen nenhonwarihwaníratʼtse, ienhát꞉kaʼwe nahontháhaʼwe ne Roiá꞉nerʼ tekakonhtseráke othèsera (kwáh ne satenhiotónhake tsi ní꞉ioht tsi tieiéstha nonátsias niaʼtewenhnisehráke), asénhnon noronhkéne tánon asénhnon nokarasné꞉ha. 21Ónenk tsi kénhie tenkaiéstonhke tánon otsienháke enkaríhtonhke tánon ethòne tenhkanatharaʼríhtonhke tánon ienhiéthaʼte tsi ní꞉ioht nonátsia akénhake tsi entiéiesthe, né tenwenhseratheníhon rawerientiʼióstha ne Roiá꞉ner. 22Né꞉ne tsi nienhénwe kí꞉ken tsiakokʼkawá꞉nion ronónhak khók ne Aaron sakohiohokónhas kén nienhatiʼiérahke né tsi ronónha ratiʼtsihenstowánens íken. Ónenk tsi kwáh toʼkénʼen tsi enwatʼtsaháthonʼke tsi nenhonwateskóhtʼthaʼse ne Roiá꞉ner. 23Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.
Ne Karihwáneren Ienié꞉thaʼte
24Ne Roiá꞉ner wahorihónten ne Mahís 25nahonthashakáwen ne Aaron tánon ne sakohiohokónhas ne tekarihwasonhteriónhnion kaianerénseras né꞉ne karihwáneren aorihwáke tsi iaiéthaʼte. Né katshénen tsi enkonhwanonhwarhiákon né karihwáneren ahorihwáke tsi ienkonhwátkaʼwe ónenk tsi othoréke nokwáhti ne ietsienharákwahke nónhwe nenhkonhwanonhwarhiákon, tsi nónhwe nikonhwatiʼnonhwarhiákons nenhkonhwanaʼteskónten. Né kí꞉ken ne kwáh íken tsi iotokénti tsi iewatkáwen. 26Ne ratsihénsthatsi tsi rahónʼa roteskónhten ne katshénen ónenk tsi thóh nónhwe nenhráke tsi nónhwe nihiotokénti, né꞉ne atenhénrakon tsi nónhwe niwatóhsehroʼthe né꞉ne tsi nónhwe nihénteron ne Roiá꞉ner. 27Nónhka akénhake tó꞉ka ó꞉ni ne thènen iakaiéna ne katshénen ahowáron kwáh íken tsi enhokaronhniáʼthe né tsi nihioshastsʼtenseroʼwánen tsi nihiotokénti. Tó꞉ka thènen akénhake natʼtserónhniat ne thahiotstharó꞉kwahon ne katshénen ahoné꞉kwahsa, ónenk tsi thóh nónhwe nenskanó꞉hareʼke tsi nónhwe nihiotokénti íken. 28Kwáh tsitʼnikáien ne ionawasthakarí꞉io ónhtak íken tsi né tehionekonhtséton nowáron kwáh kíʼ tenkanatsaríhthonʼke, tánon tó꞉ka karísthatsi ónhtak wátston, ónenk kíʼ tsi enhierá꞉nie tánon onékanos entienonwakénsthaʼkwe. 29Tsík ónhka ne rónhkwe ne ratsihénstatsi rahowátsire enwáton nahatiwá꞉rake kí꞉ken iewatkáwen; kwáh íken tsi iotokénti íken. 30Ók tó꞉ka thènen nonekwénhsa ienhiéhionte natohsehrákon tánon né áhionsthe ne karihwiiosehokónha nahéren ahonsakahawíthonʼke ne karihwáneren, ne katshénen iáh kíʼ tahónton naiewáraʼke; ónenk tsi enwatʼtsahatónhake.
Currently Selected:
Leviticus 6: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 6
6
1Ne Roiá꞉ner taháwen ne Mahís ne kén hiotsétons tekarihwasónhteres kaianerénseras. 2Ónenk tsi enhionhníhake niahontkáwen tó꞉ka ónhkak tsi nítsion wesewarihwánerahke tsi nòkwah ne Roiá꞉ner né tsi wesewaterahiáthaʼkwe niahontsisewáhaʼke tsi nahó꞉ten ne óia Israerʼró꞉non thóh rothakweniáien tó꞉ka ó꞉ni knahó꞉tenk waʼtsisewanénsko tó꞉ka ó꞉ni watsisewanikonhráhten 3tó꞉ka ó꞉ni ahionhnó꞉wenhte ne knahó꞉tenk ne iotónhonʼne tánon waherihwanírahthe tsi iáh tetsiakotsirénhrion. 4-5Né nó꞉nen enserihwánerahke ne kakʼnikáien tsi níkons kí꞉kens, ónenk tsi enshé꞉shen tsi nahó꞉ten saienáhon ne kanikonhráton iorihonhníʼon. Nenhwenhnisehráteke nenhiesaiatatʼtsénri saníkon, ónenk tsi kwáh enkanánonhke tsi akwékon entieská꞉riatse ne rahowenhkénʼen, tánon enhiowénhteke tewáhsen iosénhtseroʼthe. 6Entetiawíten ne ratsihénstatsi ne nahonsaskárhiakthe nastatʼtse ne Roiá꞉ner né꞉ne rátsinn teiotinakaronhtónha tó꞉ka ó꞉ni kaiatákeras né꞉ne iáh othènen tehotitsihióha. Tsi satanaske ne entewanónhton tsi entsiohianénhaʼwe ne tkarihwaiéri iekontseriharáhkwah. 7Ne ratsihénsthatsi ienháthaʼte ne kariwihiosehokónha né꞉ne rónhkwe rahorihwáke, tánon kíʼ enshonwanikónhrenhse.
Né Kahiathakwékon Watéskonhte
8Ne Roiá꞉ner wahorihónten ne Mahís 9nahonthaháwen ne Aaron ó꞉ni ne rahonekenterashón꞉as ne tehioterihwasonhterónhnions kaianerénsehras né nakonwanateskónhten. Né konwanatéskonhte ietsienharáhkwahke enkará꞉ken asonhthakwékon, tánon ne iotékʼkha iahiokonhthakwénhake ahiotékʼkhake. 10Ethóhʼne ne ratsihénsthatsi, né róston ne kwáh rokweʼní꞉io né꞉ne waniatarará꞉ken wakóhses tánon ne waniatarará꞉ken nàkon tháiens, ónenk tsi enhará꞉ko ne tehiahowenienʼnhokónhton okènrah ne thók iekáhere ne ietsienharáhkwahke tánon ákta ne tsi ietsienharáhkwah enhá꞉ien. 11Ethóhʼne ónenk tsi tenshathataʼkwénion tánon ienháhaʼwe ne wakenronhthákwen ástste nòkwah tsi nónhwe nihonanáthaien thóh nienháhaʼwe tsi nónhwe ne sahoiéren iotkwéniens. 12Ne tsi iotékʼkha ne ietsienharahkwáhke ónenk tsi tiókonhte enhiotékʼkhake tánon tó꞉sa nonhwénhton nahonswá꞉thonhke. Iaʼtehioronhketsheráke ne ratsihénsthatsi enshaienthóntʼtho, enhakwahtáko naʼkonhwanateskónhten, tánon enhátʼtsahathe ne iorèsen ne skaríhwa íken tsi iewatká꞉wen. 13Né iotèkʼkha ónenk tsi tiókonhte enhiotékʼkhake ne ietsienharáhkwahke tánon tó꞉sa nonhwénhtonke nahonswá꞉thohke.
Nonátsias Tsiakoiesthánions
14Né tehioterihwasonhterónhnions ne kaianerénsehras né꞉ne onátsias ahorihwáke tsi tsiakoiesthánion. Né Aaronite ratsihénsthatsi ónenk tsi ienháthate nonátsias né tkaiéstons rahohénton ne Roiá꞉nerʼ né꞉ne ohénton ne ieʼtsienharáhkwahke. 15Ethòne sehwatsána enharáhko nothésehra ó꞉ni ne kénhie, tánon ne ionhtsienkwaronhniathákwah tekaiéston, tánon ietsienharáhkwahke enhátʼtsahathe né enwenésthakwe tsi orihwakwékon Roiá꞉ner ronhwáwi. Ne tewenhseraʼtenóhons kí꞉ken iewatkháwen né rawerientiʼióstha ne Roiá꞉ner. 16-17Tánon ne iothaténron nonátsias Aaron tánon ne rahoneʼkenteronhtsheraʼsónhas né enhónʼneke. Enkanatharonhniá꞉tonke né꞉ne iáh othènen thaʼtakaiéstonhke ne watʼtenkwáhtha tánon thóh nónhwe nenhónne꞉ke tsi nónhwe niʼiotokénti íken, né꞉ne atenhénrakon né tsi watóhsehrothe tsi nónhwe nihénteron ne Roiá꞉ner. Ráton ne Roiá꞉ner ratiʼtsihénsthatsis tetkheʼhiáwi né꞉ne áhonsthe nahionkʼtátʼtse né tsi iotékʼkha. Kwáh íken tsi iotokénti, tsi kíʼ ní꞉ioht ne karihwáneren tsi iehiontkháwas ó꞉ni ne nahonshaʼkakarhiákonʼke aorihwá꞉ke. 18Né꞉ne tsi nienhwenhniserathénionʼke nónhka tsi nienhatwatsiríhne ne Aaron enwáton nahónhneke tsi nienhatikónhthaʼkwe nénhonste ne kákhwa nenhonwátatʼtse ne Roiá꞉ner. Nónhka akóren ne iáh Aaron rahoneʼkentheraʼsónhas akénhake niaʼhatiʼiéna ne ká꞉khwa ne iewakʼkáwen enhatitʼtsénri naʼteraswatsénhtshera né tsi nihioshastsʼtenserowánen ne iotokénti.
19Ne Roiá꞉ner tahá꞉wen ne Mahís ne tekarihwasónhterens kaianerénsehras 20nahonwarihwaníratʼtse ne Aaronite ratsiʼhénstatsi. Né wenhniseronhthákwen nenhonwarihwaníratʼtse, ienhát꞉kaʼwe nahontháhaʼwe ne Roiá꞉nerʼ tekakonhtseráke othèsera (kwáh ne satenhiotónhake tsi ní꞉ioht tsi tieiéstha nonátsias niaʼtewenhnisehráke), asénhnon noronhkéne tánon asénhnon nokarasné꞉ha. 21Ónenk tsi kénhie tenkaiéstonhke tánon otsienháke enkaríhtonhke tánon ethòne tenhkanatharaʼríhtonhke tánon ienhiéthaʼte tsi ní꞉ioht nonátsia akénhake tsi entiéiesthe, né tenwenhseratheníhon rawerientiʼióstha ne Roiá꞉ner. 22Né꞉ne tsi nienhénwe kí꞉ken tsiakokʼkawá꞉nion ronónhak khók ne Aaron sakohiohokónhas kén nienhatiʼiérahke né tsi ronónha ratiʼtsihenstowánens íken. Ónenk tsi kwáh toʼkénʼen tsi enwatʼtsaháthonʼke tsi nenhonwateskóhtʼthaʼse ne Roiá꞉ner. 23Iáh othènen ne onátsias ne iewatkáwen nètho ratsihénsthatsi kén nienháiere nónhka aiéke; kwáh kíʼ akwékon tsi enwatʼtsahathónhaʼke.
Ne Karihwáneren Ienié꞉thaʼte
24Ne Roiá꞉ner wahorihónten ne Mahís 25nahonthashakáwen ne Aaron tánon ne sakohiohokónhas ne tekarihwasonhteriónhnion kaianerénseras né꞉ne karihwáneren aorihwáke tsi iaiéthaʼte. Né katshénen tsi enkonhwanonhwarhiákon né karihwáneren ahorihwáke tsi ienkonhwátkaʼwe ónenk tsi othoréke nokwáhti ne ietsienharákwahke nónhwe nenhkonhwanonhwarhiákon, tsi nónhwe nikonhwatiʼnonhwarhiákons nenhkonhwanaʼteskónten. Né kí꞉ken ne kwáh íken tsi iotokénti tsi iewatkáwen. 26Ne ratsihénsthatsi tsi rahónʼa roteskónhten ne katshénen ónenk tsi thóh nónhwe nenhráke tsi nónhwe nihiotokénti, né꞉ne atenhénrakon tsi nónhwe niwatóhsehroʼthe né꞉ne tsi nónhwe nihénteron ne Roiá꞉ner. 27Nónhka akénhake tó꞉ka ó꞉ni ne thènen iakaiéna ne katshénen ahowáron kwáh íken tsi enhokaronhniáʼthe né tsi nihioshastsʼtenseroʼwánen tsi nihiotokénti. Tó꞉ka thènen akénhake natʼtserónhniat ne thahiotstharó꞉kwahon ne katshénen ahoné꞉kwahsa, ónenk tsi thóh nónhwe nenskanó꞉hareʼke tsi nónhwe nihiotokénti íken. 28Kwáh tsitʼnikáien ne ionawasthakarí꞉io ónhtak íken tsi né tehionekonhtséton nowáron kwáh kíʼ tenkanatsaríhthonʼke, tánon tó꞉ka karísthatsi ónhtak wátston, ónenk kíʼ tsi enhierá꞉nie tánon onékanos entienonwakénsthaʼkwe. 29Tsík ónhka ne rónhkwe ne ratsihénstatsi rahowátsire enwáton nahatiwá꞉rake kí꞉ken iewatkáwen; kwáh íken tsi iotokénti íken. 30Ók tó꞉ka thènen nonekwénhsa ienhiéhionte natohsehrákon tánon né áhionsthe ne karihwiiosehokónha nahéren ahonsakahawíthonʼke ne karihwáneren, ne katshénen iáh kíʼ tahónton naiewáraʼke; ónenk tsi enwatʼtsahatónhake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.