Leviticus 7
7
Nenskakarhiákʼthonhke Tsi Tkaiesthánion
1Né tekariwasonhterónhnion kaianerénseras ne nahonsakakarhiákthonhke tsi karó꞉rons, né꞉ne kwáh íken tsi iotó꞉kentis 2Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke. 3Akwékon ne ioré꞉senhs tsi enkathakwénhke ne konhtihiátakons ne katshénens tánon ietsienharahkwáhke enkaráhke: ne iothashaʼrésen, ne iorèsenhs ne iorahnentátkons kahiathakónsons, 4ne aiostiésehris tánon ne iorèsenhs iorahnentátkons, tánon ne kwáh tsioianere otwenhson. 5Ne ratsihénsthatsi akwékon enhátʼtsahathe ne iorèsenhs ne ietsienharáhkwahke né꞉ne ká꞉khwa tsi ienwatkáwenhke rahonháke ne Roiá꞉ner. Né꞉ne enskakarhiákon tsi iewatkáwen. 6Kwáh tsikʼónhka ne rónhkwe ne ratsihénsthatsi rahowátsire enwáton nahónhneke, ók ónenk kíʼ tsi thóh nónhwe nenhónneke tsi nónhwe nihiotokénti íken, tsioríhwa tsi nihiotokénti.
7Énskak ne kaianerénhsera ká꞉ien né꞉ne tetsáron né꞉ne karihwáneren tánon ne ahonsakakarhiákonʼke tsi iewatkáwen: nowáron ratsihénsthatsi né rahówenk né tsi rahónha raʼteskóntʼtha. 8Ne rahonéhonk ne katshénen ne iewatkáwen nahontsahatónhake ratsihénsthatsi ne rahó꞉wenk ne tsi rahónʼa wahaterihwatsʼterísten tsi wahateskónhten. 9Akwékon nonátsias né watenatháronhte tó꞉ka ó꞉ni akerát꞉ne tsi kaweienentá꞉hon tó꞉ka ó꞉ni otsienhá꞉ke tsi nikaríhton ratsihénsthatsi kíʼ rahówenk ne tsi rahónʼa iehotkáwen rahonháke ne Roiá꞉ner né nakóren akorihwáke. 10Ók akwékon ne iáh tekanatsaríhtons ne iewatkáwen, tó꞉ka takaiéstonhke ne kénhie tó꞉ka ó꞉ni iostátʼthen íken, ronónha kíʼ rahonáwenk ne ratitsihénsthatsis ne tekaristoienton tánon kwáh satenhiotónhake tsi tenhonthatsiakhónhaʼse.
Sakarí꞉wa Í꞉ken Tsi Khaieston
11Ne ionónhteratse né꞉ne kaianerénseras né sakaríhwa íken tsi ahontaié꞉iesʼthe tsi entʼthónhnion ne Roiá꞉ner. 12Tó꞉ka tsi entéshiesʼthe kí꞉ken né꞉ne tahionteʼnonweráthonʼkwe nahonwátatʼtse ne Rawenni꞉io, ónenk tsi í꞉se ienshát꞉kaʼwe, skátke ne katshénen nahonteskónhthake, né tkaiéston kanátaro tsi iónhni iáh thaʼtekaiéston ne watʼthenkwáhta: tsitnikáien naʼkanatharaʼténʼsonhke né꞉ne ionhniáton ne nothésera ne teweienaʼiéston ne iaʼkeniewáhtha tó꞉ka ó꞉ni ne kaʼkaretserátens né ká꞉ronh ne iaʼkeniewáhtha kénhie tó꞉ka ó꞉ni ne kàret ne ionhniáton ne othésera teweienaiéston ne iakeniewáhtha. 13Ne iowenhténions, ónenk tsi kanátaro꞉iensatkawe né꞉ne iáh thatekaiéston ne watʼtenkwáhtha 14Ónenk tsi né entesesthánion ne skátʼtsions tsi nikanataró꞉tens né꞉ne katokénston tsi enthétion ne Roiá꞉ner; ratsihénsthatsi ne rahó꞉wenk tsi rahónʼa tenrakwe ne katshénen ahonekwénhsa tsi iohó꞉ti aktónhtse ne ietsienharaʼkwáhke. 15Nahowáron ne katshénen ónenk tsi né sahenhnísera enkawará꞉khonʼke ne watéskonhte: kwáh iáh thahó꞉ten tsathahiothaténronhke tsi ienhiórenhne.
16Tó꞉ka ensátʼtsahaʼthe ne skaríhwa íken tsi iewatkáwen né nakaná꞉nontʼthe ne warahrát꞉ston tó꞉ka ó꞉ni ne tsi kwáh í꞉se thóh nisanikonhró꞉ten, iáh kíʼ akwékon thaʼkawaráhkonhke né꞉ne shaʼhenhnísera iewatkáwen, ók né thènen enhiotátere enwáton ne óia wenhniseráte ahiewárahke. 17Nʼowáron né shé꞉kon iothaténron nasénhaton niwenhniseraʼkéhaton ónenk tsi enwatʼtsahatónhake. 18Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne. 19Tó꞉ka nowáron ne thènen iahiahó꞉sehron ne kwáh iáh tehiotkwéniens, iáh kíʼ tehiówenk naié꞉ke, ók ónenk tsi enwatsahathónhaʼke.
Ónhka tsi nítsion ne kwáh sewatkwéniens enwáton kíʼ nahisewawá꞉rake, 20ók tó꞉ka ónhka tsi nítsion ne iáh tesehwatkwéniens ensehwá꞉ke, iáh kíʼ shé꞉kon ne thahonsesehwaʼtenaʼthónkwen Rawenni꞉io rahonkwetaʼshón꞉a akénhake. 21Káti ó꞉ni, tó꞉ka ensewawá꞉rahke kí꞉ken iewatkáʼwen nó꞉nen ieʼsewaié꞉nen knahó꞉ten ne kwáh iáh tehiotkwéniens, né꞉ne ónhkwe tó꞉ka ó꞉ni katshénen akénhake, iáh kíʼ shé꞉kon né tahonsehsewatenaʼthónkwen Rawenni꞉io rahonkwéta íken.
22Ne Roiá꞉ner tahá꞉wen ne Mahís ne tehioteriwaʼsonhterónhnions kaianerénseras 23né꞉ne onhkweshón꞉as ne Israerʼró꞉nonhke akorihwáke. Né ionarésens tsionónskwahrons, teiotinakaronhtónʼa, tó꞉ka ó꞉ni kaiatákeras tsi iáh tahatiʼwárahke. 24Ne iorésen katshénen tsi wakénheʼie tó꞉ka ó꞉ni khaʼkariothó꞉ten wahhononhwarhiákon iáh tehiówenk naʼiewáraʼke, ók enwáton nó꞉ia ní꞉ioht tsi ahónstonhke. 25Nón꞉ka énieʼke ne iorésen ne katshénen né nahiotónhʼon iahonkháwenʼke ne ká꞉khwa ahonthahonwáwiʼke ne Roiá꞉ner kwáh kíʼ iáh ské꞉kon ne tahonsahiakotenathónkwen Rawenni꞉io rahonkwéta akénhake. 26Iáh tewastherístha kaʼnónhwe nahatiʼterón꞉thaʼke ne Israerʼró꞉nons, kwáh kíʼ iáh nonhwénhton né꞉ne áhonsthe ne otsiténha ahotinekwénhsa tó꞉ka ó꞉ni ne katshénen né ká꞉khwa ahonthathonʼniáten. 27Ónhka tenhiéhiake kí꞉ken kaianerénhsera iáh kíʼ shé꞉kon ne tahonsahiakoʼtenaʼthónkwen Rawenni꞉io rahonkwéta akénhake.
28Ne Roiá꞉ner tahá꞉wen ne Mahís ne tehioteriwasonhterónhnions kaianerénseras 29nonhkweshón꞉as ne Israerronónke. Nónen nónhka tsi nítsion iensewátkaʼwe ne skaríwa íken ónenk tsi ostónha entisehwáhaʼwe nakatokenstónhake atsítsion ne Roiá꞉ner, 30kwáh í꞉se sewatsianá꞉ke tsi entisewahá꞉we tsi ká꞉khwa akénhake tsi iensewátʼkaʼwe. Ónenk tsi entisewáhaʼwe nahoresénhtsera ne katshénen né꞉ne wenhskwená꞉ke tánon iensewátkaʼwe né kwáh katokénston tsi entsí꞉tsion ne Roiá꞉ner. 31Ne ratsihénsthatsi ietsienharakwáhke enhátʼtsahaʼte, ók ne wenhskweʼnáke ratsihénsthatsi ne rahó꞉wenk. 32Né skanekwáti noná꞉ken nahosiʼnáti ne katshénen kwáh kíʼ né꞉e kakweniensthaʼtsherákon tsi ienwatkáʼwenke 33ne ratsihénsthatsi ne ienhát꞉kaʼwe nonekwénhsa ó꞉ni ne iorénsen tsi skaríhwa íken tsi iewatkáwen. 34Né wenhskwená꞉ke ne katshénen kwáh kíʼ né꞉e katokénston íken, tánon ne oná꞉ken nahosináti né kíʼ nènhne ne katokénston tsi entʼthónhion ne Roiá꞉ner tsi onhkwéne Israerʼró꞉nonhke nónhwe nitsawénon tánon ratsihénsthatsi thonwáwi. Né kí꞉ken thóh ní꞉ioht nonhkweshón꞉as ne Israerʼró꞉nonhke tsiókonhte enthonwawísehke ne ratsihénsthatsi. 35Thóh kíʼ ní꞉ioht ne ká꞉khwa ronwatháti ne Roiá꞉ner né꞉ne Aaron thonwáwi tánon ne rahonekenteronhtsherasónhas ne tewenhnisehrátheʼkwe sahonwatiʼrihwaníratʼtse tsi ratiʼtsihénsthatsi íken. 36Né tewenhniserátheʼkwe ne Roiá꞉ner shaʼsakorihónten nonhkweshón꞉as ne Israerʼró꞉nonhke nónhwe nahonthasakáwen kí꞉ken karó꞉rons. Né꞉ne kaianerénhsera íken nètho Israerʼró꞉nons ónenk tsi enhontewánhnarakwe né꞉ne tsi nénhwe enkénhake.
37Né káti, kí꞉ken, ne kaianerénseras íken tsi nòkwah ne watʼtsahathánions tkaiesthánions, ne onátsias tkaiéston, ne karihwáneren aorihwáke tsi karó꞉rons, nenskakarhiákonke aorihwáke, nahonwatiʼrihwanirát꞉tse aorihwáke, tánon ne sakaríhwa íken tsi tkaiéston. 38Thóh nónhwe tsi ionón꞉the ne Sinai né꞉ne iahontsiaʼthénhke íken, ne Roiá꞉ner tahonwíhon ne Mahís né꞉ne siwenhnisehrátheʼkwe shaʼsakoró꞉ri nonhkweshón꞉as ne Israerʼró꞉nonhke nahonthahatiʼiesthánion.
Currently Selected:
Leviticus 7: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Leviticus 7
7
Nenskakarhiákʼthonhke Tsi Tkaiesthánion
1Né tekariwasonhterónhnion kaianerénseras ne nahonsakakarhiákthonhke tsi karó꞉rons, né꞉ne kwáh íken tsi iotó꞉kentis 2Né kíʼ katshénen né tkaiéston tsi enkonhwanonhwarhiákon né꞉ne othoréke nokwáhti tsi ientseharáhkwa, tsi nónhwe nikonhwanawéntʼthos ne katʼtshénens nenkonhwanateskónhten, tánon nonekwénhsa ienwatsiónh꞉ke ne kaiéri níkon skatísons nòkwahtis ne ietsienharahkwáhke. 3Akwékon ne ioré꞉senhs tsi enkathakwénhke ne konhtihiátakons ne katshénens tánon ietsienharahkwáhke enkaráhke: ne iothashaʼrésen, ne iorèsenhs ne iorahnentátkons kahiathakónsons, 4ne aiostiésehris tánon ne iorèsenhs iorahnentátkons, tánon ne kwáh tsioianere otwenhson. 5Ne ratsihénsthatsi akwékon enhátʼtsahathe ne iorèsenhs ne ietsienharáhkwahke né꞉ne ká꞉khwa tsi ienwatkáwenhke rahonháke ne Roiá꞉ner. Né꞉ne enskakarhiákon tsi iewatkáwen. 6Kwáh tsikʼónhka ne rónhkwe ne ratsihénsthatsi rahowátsire enwáton nahónhneke, ók ónenk kíʼ tsi thóh nónhwe nenhónneke tsi nónhwe nihiotokénti íken, tsioríhwa tsi nihiotokénti.
7Énskak ne kaianerénhsera ká꞉ien né꞉ne tetsáron né꞉ne karihwáneren tánon ne ahonsakakarhiákonʼke tsi iewatkáwen: nowáron ratsihénsthatsi né rahówenk né tsi rahónha raʼteskóntʼtha. 8Ne rahonéhonk ne katshénen ne iewatkáwen nahontsahatónhake ratsihénsthatsi ne rahó꞉wenk ne tsi rahónʼa wahaterihwatsʼterísten tsi wahateskónhten. 9Akwékon nonátsias né watenatháronhte tó꞉ka ó꞉ni akerát꞉ne tsi kaweienentá꞉hon tó꞉ka ó꞉ni otsienhá꞉ke tsi nikaríhton ratsihénsthatsi kíʼ rahówenk ne tsi rahónʼa iehotkáwen rahonháke ne Roiá꞉ner né nakóren akorihwáke. 10Ók akwékon ne iáh tekanatsaríhtons ne iewatkáwen, tó꞉ka takaiéstonhke ne kénhie tó꞉ka ó꞉ni iostátʼthen íken, ronónha kíʼ rahonáwenk ne ratitsihénsthatsis ne tekaristoienton tánon kwáh satenhiotónhake tsi tenhonthatsiakhónhaʼse.
Sakarí꞉wa Í꞉ken Tsi Khaieston
11Ne ionónhteratse né꞉ne kaianerénseras né sakaríhwa íken tsi ahontaié꞉iesʼthe tsi entʼthónhnion ne Roiá꞉ner. 12Tó꞉ka tsi entéshiesʼthe kí꞉ken né꞉ne tahionteʼnonweráthonʼkwe nahonwátatʼtse ne Rawenni꞉io, ónenk tsi í꞉se ienshát꞉kaʼwe, skátke ne katshénen nahonteskónhthake, né tkaiéston kanátaro tsi iónhni iáh thaʼtekaiéston ne watʼthenkwáhta: tsitnikáien naʼkanatharaʼténʼsonhke né꞉ne ionhniáton ne nothésera ne teweienaʼiéston ne iaʼkeniewáhtha tó꞉ka ó꞉ni ne kaʼkaretserátens né ká꞉ronh ne iaʼkeniewáhtha kénhie tó꞉ka ó꞉ni ne kàret ne ionhniáton ne othésera teweienaiéston ne iakeniewáhtha. 13Ne iowenhténions, ónenk tsi kanátaro꞉iensatkawe né꞉ne iáh thatekaiéston ne watʼtenkwáhtha 14Ónenk tsi né entesesthánion ne skátʼtsions tsi nikanataró꞉tens né꞉ne katokénston tsi enthétion ne Roiá꞉ner; ratsihénsthatsi ne rahó꞉wenk tsi rahónʼa tenrakwe ne katshénen ahonekwénhsa tsi iohó꞉ti aktónhtse ne ietsienharaʼkwáhke. 15Nahowáron ne katshénen ónenk tsi né sahenhnísera enkawará꞉khonʼke ne watéskonhte: kwáh iáh thahó꞉ten tsathahiothaténronhke tsi ienhiórenhne.
16Tó꞉ka ensátʼtsahaʼthe ne skaríhwa íken tsi iewatkáwen né nakaná꞉nontʼthe ne warahrát꞉ston tó꞉ka ó꞉ni ne tsi kwáh í꞉se thóh nisanikonhró꞉ten, iáh kíʼ akwékon thaʼkawaráhkonhke né꞉ne shaʼhenhnísera iewatkáwen, ók né thènen enhiotátere enwáton ne óia wenhniseráte ahiewárahke. 17Nʼowáron né shé꞉kon iothaténron nasénhaton niwenhniseraʼkéhaton ónenk tsi enwatʼtsahatónhake. 18Tó꞉ka thènnen aiewárahke nasénhaton niwenhniserakéhaton, ne Rawenni꞉io iáh thahaiéna ne iesatkáwen. Ne iewatkáwen iáh í꞉se thaʼisathasé꞉thase ók né kíʼ enwatenáthonkwe iáh tehiotkwéniens, tánon ónhka kíʼiok enhiéke kwáh enhieronhiake tsi nieniawenhne. 19Tó꞉ka nowáron ne thènen iahiahó꞉sehron ne kwáh iáh tehiotkwéniens, iáh kíʼ tehiówenk naié꞉ke, ók ónenk tsi enwatsahathónhaʼke.
Ónhka tsi nítsion ne kwáh sewatkwéniens enwáton kíʼ nahisewawá꞉rake, 20ók tó꞉ka ónhka tsi nítsion ne iáh tesehwatkwéniens ensehwá꞉ke, iáh kíʼ shé꞉kon ne thahonsesehwaʼtenaʼthónkwen Rawenni꞉io rahonkwetaʼshón꞉a akénhake. 21Káti ó꞉ni, tó꞉ka ensewawá꞉rahke kí꞉ken iewatkáʼwen nó꞉nen ieʼsewaié꞉nen knahó꞉ten ne kwáh iáh tehiotkwéniens, né꞉ne ónhkwe tó꞉ka ó꞉ni katshénen akénhake, iáh kíʼ shé꞉kon né tahonsehsewatenaʼthónkwen Rawenni꞉io rahonkwéta íken.
22Ne Roiá꞉ner tahá꞉wen ne Mahís ne tehioteriwaʼsonhterónhnions kaianerénseras 23né꞉ne onhkweshón꞉as ne Israerʼró꞉nonhke akorihwáke. Né ionarésens tsionónskwahrons, teiotinakaronhtónʼa, tó꞉ka ó꞉ni kaiatákeras tsi iáh tahatiʼwárahke. 24Ne iorésen katshénen tsi wakénheʼie tó꞉ka ó꞉ni khaʼkariothó꞉ten wahhononhwarhiákon iáh tehiówenk naʼiewáraʼke, ók enwáton nó꞉ia ní꞉ioht tsi ahónstonhke. 25Nón꞉ka énieʼke ne iorésen ne katshénen né nahiotónhʼon iahonkháwenʼke ne ká꞉khwa ahonthahonwáwiʼke ne Roiá꞉ner kwáh kíʼ iáh ské꞉kon ne tahonsahiakotenathónkwen Rawenni꞉io rahonkwéta akénhake. 26Iáh tewastherístha kaʼnónhwe nahatiʼterón꞉thaʼke ne Israerʼró꞉nons, kwáh kíʼ iáh nonhwénhton né꞉ne áhonsthe ne otsiténha ahotinekwénhsa tó꞉ka ó꞉ni ne katshénen né ká꞉khwa ahonthathonʼniáten. 27Ónhka tenhiéhiake kí꞉ken kaianerénhsera iáh kíʼ shé꞉kon ne tahonsahiakoʼtenaʼthónkwen Rawenni꞉io rahonkwéta akénhake.
28Ne Roiá꞉ner tahá꞉wen ne Mahís ne tehioteriwasonhterónhnions kaianerénseras 29nonhkweshón꞉as ne Israerronónke. Nónen nónhka tsi nítsion iensewátkaʼwe ne skaríwa íken ónenk tsi ostónha entisehwáhaʼwe nakatokenstónhake atsítsion ne Roiá꞉ner, 30kwáh í꞉se sewatsianá꞉ke tsi entisewahá꞉we tsi ká꞉khwa akénhake tsi iensewátʼkaʼwe. Ónenk tsi entisewáhaʼwe nahoresénhtsera ne katshénen né꞉ne wenhskwená꞉ke tánon iensewátkaʼwe né kwáh katokénston tsi entsí꞉tsion ne Roiá꞉ner. 31Ne ratsihénsthatsi ietsienharakwáhke enhátʼtsahaʼte, ók ne wenhskweʼnáke ratsihénsthatsi ne rahó꞉wenk. 32Né skanekwáti noná꞉ken nahosiʼnáti ne katshénen kwáh kíʼ né꞉e kakweniensthaʼtsherákon tsi ienwatkáʼwenke 33ne ratsihénsthatsi ne ienhát꞉kaʼwe nonekwénhsa ó꞉ni ne iorénsen tsi skaríhwa íken tsi iewatkáwen. 34Né wenhskwená꞉ke ne katshénen kwáh kíʼ né꞉e katokénston íken, tánon ne oná꞉ken nahosináti né kíʼ nènhne ne katokénston tsi entʼthónhion ne Roiá꞉ner tsi onhkwéne Israerʼró꞉nonhke nónhwe nitsawénon tánon ratsihénsthatsi thonwáwi. Né kí꞉ken thóh ní꞉ioht nonhkweshón꞉as ne Israerʼró꞉nonhke tsiókonhte enthonwawísehke ne ratsihénsthatsi. 35Thóh kíʼ ní꞉ioht ne ká꞉khwa ronwatháti ne Roiá꞉ner né꞉ne Aaron thonwáwi tánon ne rahonekenteronhtsherasónhas ne tewenhnisehrátheʼkwe sahonwatiʼrihwaníratʼtse tsi ratiʼtsihénsthatsi íken. 36Né tewenhniserátheʼkwe ne Roiá꞉ner shaʼsakorihónten nonhkweshón꞉as ne Israerʼró꞉nonhke nónhwe nahonthasakáwen kí꞉ken karó꞉rons. Né꞉ne kaianerénhsera íken nètho Israerʼró꞉nons ónenk tsi enhontewánhnarakwe né꞉ne tsi nénhwe enkénhake.
37Né káti, kí꞉ken, ne kaianerénseras íken tsi nòkwah ne watʼtsahathánions tkaiesthánions, ne onátsias tkaiéston, ne karihwáneren aorihwáke tsi karó꞉rons, nenskakarhiákonke aorihwáke, nahonwatiʼrihwanirát꞉tse aorihwáke, tánon ne sakaríhwa íken tsi tkaiéston. 38Thóh nónhwe tsi ionón꞉the ne Sinai né꞉ne iahontsiaʼthénhke íken, ne Roiá꞉ner tahonwíhon ne Mahís né꞉ne siwenhnisehrátheʼkwe shaʼsakoró꞉ri nonhkweshón꞉as ne Israerʼró꞉nonhke nahonthahatiʼiesthánion.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.