Broă Jơnau yal tơnggit
Jơnau yal tơnggit
Broă Ală Cau Gơnoar Bơto Dờng la pơnah pơnjat sră Jơnau Niam Luka. Tơnggume tòm sră do la yal wơl ală broă cau bơtê Yàng Jesu dê, geh Yàng Hwềng Goh tề lam, bơto yal Jơnau Niam bơh Yàng Dong Klàs Jesu “tòm ƀòn dờng Jerusalem, jơh lơgar Jude, lơgar Samari, jơl tus làm plai ù” (1:8). Do la jơnau yal bơh broă lơh ală cau dòn Yàng Jesu, sơntòm bơh cau Juda, pò ơnàng mơ gơlik dô bơta dòn jơh dunnia in. Cau tòm cih tơlik loh mơ cau sền la bơta dòn di Yàng Jesu ò di la bơta pơhìn tơrngòt gùng dà lơgar mơ bơta ring lơngai lơgar Rôma in, mơya bơta dòn di Bơtau Krist la bơta gơlik gơs wil tơl gùng duh khoai cau Juda dê.
Sră Broă Ală Cau Gơnoar Bơto Dờng rgơi cah pe pơnah dờng màng, yal wơl bơta pò ơnàng pơnjat tai hơ ală kơnhwàl mơ tềng hơ̆ Jơnau Niam bơh Yàng Jesu geh bơto yal mơ Hìu Jum Goh geh bơt bơtào: (1) Bơta sơntòm đòm jat Bơtau Krist tòm Jerusalem tơnơ̆ mơ tŭ Yàng Jesu guh rê hơđang trồ; (2) Bơta bơtào tơngguh pò ơnàng tòm ală kơnhwàl ndai Palestine dê; (3) Bơta tiă ơnàng rlau hơ pơnah kơnhwàl Dàlềng Dờng (Mediteranean) jơl tus Rôma.
Dô nơm tềl is dờng màng Sră Broă Ală Cau Gơnoar Bơto Dờng la broă lơh Yàng Hwềng Goh, la Bơtau mù tòm gơnap gơnoar hơđang ală cau dòn tòm Jerusalem tòm Ngai Wèr Pram Jơt mơ kư̆ pơnjat tề lam lơh kơ̆ cê Hìu Jum Goh bal mơ ală cau at bồ Hìu Jum gan di ală bơta geh cih wơl tòm sră do. Jơnau yal bơh bơta dòn Bơtau Krist geh yal wơl tòm oă bơta bơto sồr ală cau gơnoar bơto dờng dê, mơ ală bơta neh gơlik gơs geh cih wơl tòm sră ai tơnggit gơnap gơnoar jơnau yal do tòm rài kis cau dòn mơ tòm bơta tòmklac bal Hìu Jum Goh dê.
Cah ală pơnah
Bơta rcang lài bơta lơh cơng in (1:1-26)
a. Gơnoar sồr lồi dut Yàng Jesu dê (1:1-14)
b. Sac rwah cau gơnoar bơto dờng ala Juda (1:15-26)
Bơta lơh cơng tòm Jerusalem (2:1 – 8:3)
Bơta lơh cơng tòm Jude mơ Samari (8:4 – 12:25)
Gơnoar broă gơnoar bơto dờng Pol (13:1 – 28:31)
a. Gùng lòt bơto yal Jơnau Niam dơ̆ dùl (13:1 – 14:28)
b. Pơjum dờng gùng duh khoai tòm Jerusalem (15:1-35)
c. Gùng lòt bơto yal Jơnau Niam dơ̆ bàr (15:36 – 18:22)
d. Gùng lòt bơto yal Jơnau Niam dơ̆ pe (18:23 – 21:16)
e. Pol tòm Jerusalem, Sesare mơ Rôma (21:17 – 28:31)
Currently Selected:
Broă Jơnau yal tơnggit: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.