Lik Ejiptơ 17
17
Dà hòr lik bơh dô nơm pơnai lŭ
(Khà Làng Bol 20:1-13)
1 #
Khà 20:2-13. Jơh dô mpồl jơnum Israel lik lòt bơh ƀlàng ngềt ngơt Sin, lòt bơh tiah do tus hơ tiah ne jat be jơnau sồr Yàng Jehôwa dê. Bol khai bơtào sàl tòm Rephidim, mơya tềng hơ̆ ò gơs dà làng bol in hùc, 2Behơ̆ bol khai jòi jơnau mơ Môise mơ đơs lah: “Ai tĕ dà bol hi in hùc.” Môise ho lah: “Ñchi bơh tài bol mê jòi jơnau mơ añ taih? Ñchi bơh tài bol mê kòñ lòng Yàng Jehôwa behơ̆ taih?” 3Mơya tềng hơ̆ làng bol tơhìr dà ngan, mơ bol khai yoam tòmdră di Môise. Bol khai đơs lah: “Ñchi bơh tài ồng neh cèng bol hi lik bơh Ejiptơ nàng bol hi mơ kòn bol hi dê bal mơ ală mpồl phan poan jơng pal kong chơt tơhìr be do taih?” 4Gen Môise hòi dan mơ Yàng Jehôwa lah: “Ñchi añ kòñ lơh mơ làng bol do taih? Bol khai neh mòr cơm lŭ di añ!”
5Yàng Jehôwa ho wơl mơ Môise lah: “Mê kư̆ lòt tĕ hơđap làng bol, lam tĕ bal mơ mê dô êt nă cau kwang kra Israel dê, mơ at tòm tê mê dê gai kwềt mơ mê neh ngui nàng pòng dà hiòng Nil, mơ lòt. 6Añ rơp ntào tềng hơ̆ di đap mê, di pơnai lŭ tòm Hôrep.#17:6 hala Sinai. Mê pòng tĕ pơnai lŭ, gen dà rơp bơh di pơnai lŭ hơ̆ gơhòr lik ai làng bol in hùc.” Môise lơh behơ̆ di đap ală cau kwang kra Israel dê. 7Khai sơnđan tiah hơ̆ la Masa mơ Meriba,#17:7 Masa: Tòm jơnau Hebrơ, jơnau do gơs gơtha la “lòng”; Meriba: gơtha la “jòi jơnau”. tài bơh cau Israel jòi jơnau mơ lòng Yàng Jehôwa lah: “Gơs Yàng Jehôwa ơm digùl bol he hala ò?”
Pha lin rlau mơ mpồl ling Amalek
8Cau Amalek tus brồ lơh cau Israel tòm Rephidim. 9Môise đơs mơ Jôsue lah: “Sac rwah tĕ dô mpồl cau klau bol he dê nàng lòt tòmlơh mơ cau Amalek. Ngai hìng añ rơp ntào di bồ dòr, at gai kwềt Yàng Tom Trồ tòm tê añ jê.” 10Behơ̆ Jôsue tòmlơh mơ cau Amalek jat be jơnau sồr Môise dê, ai Môise, Arôn mơ Hur guh hơđang bồ dòr. 11Môise pò tê hơđang jŏ kàr lơi gen cau Israel geh pha rlau kàr hơ̆; mơya tŭ lơi khai tơmù tê hơđơm, gen cau Amalek geh pha rlau. 12Tŭ tê Môise lơgah, bol khai ai dô pơnai lŭ ơn hơđơm, lòi Môise in nggui hơđang lŭ hơ̆. Arôn mơ Hur yò đo tê khai hơđang, dô nă dô đah nàng tê khai kư̆ pò kơ̆ jơl tus di mattơngai mut. 13Behơ̆ Jôsue ai đào tòmlơh pha rlau mơ mpồl ling cau Amalek dê.
14 #
Yalw 25:17-19; I Sam 15:2-9. Gen Yàng Jehôwa đơs mơ Môise lah: “Cih tĕ bơta do tòm dô dap sră pồt nàng lơh kirsơnre, mơ yal wơl Jôsue in kơno, tài bơh Añ rơp jùt jơh bơta kirsơnre Amalek dê bơh tòm tiah trồ do.” 15Môise bơtào dô nơm cơnòng duh khoai, mơ sơnđan gơ la “Yàng Jehôwa Bồng bi añ jê.”#17:15 Js: Jehôwa Nissi. 16Khai đơs lah: “Dô nơm tê neh pò tòmdră tus hơđang sơbàn Yàng Jehôwa dê. Yàng Jehôwa rơp tòmlơh mơ cau Amalek bơh rài do tus rài ne.”
Currently Selected:
Lik Ejiptơ 17: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
