Lik Ejiptơ 25
25
Ală phan ơn nàng bơt bơtào Hìu Ing Duh Khoai
(Lik Ejiptơ 35:4-9)
1Yàng Jehôwa đơs mơ Môise lah: 2“Đơs tĕ mơ làng bol Israel nàng bol khai ơn Añ in dô nơm phan ơn. Mê rơp dòp ală phan ơn bơh di kòp nă cau niam nùs ơn. 3Do la ală phan ơn mơ mê rơp dòp bơh di bol khai: màh, priă, mơ kòng; 4che brài dà tơlir trồ, dà gur, dà pơrhê, bài che dơmài lơbơn, sơnò be, 5gơltau belàt dam ñòm pơrhê mơ gơltau ka sur, chi sitim,#25:5 Sitim: jơnau Yoan: «cây keo». 6mơñà ôlibe nàng chu ồs đèng, ală phan ngui nàng lơh gơs mơñà bong mơ phan chu gơs ƀô bơlhu, 7ală lŭ màng bò gơcrà bal mơ ală lŭ màng ndai nàng ơn di ephot#25:7 Ephot: la phan soh dờng màng tòm toh be ào jrùh, geh lơh mơ bài gơs oă bơnga mơ kas ngan, top dô nơm kơldung dềt nàng ơn Urim mơ Thumim, la bàr nơm phan ngui nàng git nền nùs kòñ Yàng Tom Trồ dê. mơ di ồi kơt ntơh. 8Gen sồr bol khai lơh Añ in dô nơm Hìu Duh Khoai Sàng Goh, nàng Añ rơp ơm digùl bol khai. 9Lơh tĕ Hìu Ing Duh Khoai do bal mơ ală phan ngui tòm gơtòm toh jat be sơnoa rnoas mơ Añ rơp sơnio mê in.”
Đài Bơta Ho Bal
(Lik Ejiptơ 37:1-9)
10“Sồr tĕ bol khai lơh dô nơm đài mơ chi sitim, jòng dô rhiang jơt#25:10 Js: bàr kubit mơ nggùl, dùl kubit ndròm mơ 44,5 sentimet. sentimet, ơnàng prau jơt prau sentimet, mơ jơnhoa prau jơt prau sentimet. 11Ai tĕ màh ngan ƀềp jơh đah dơlam mơ đah bơdìh, mơ tep che màh gùt dar đài. 12Tŏ tĕ poan nơm dơwàng mơ màh mơ ơn tĕ gơ di poan mum đài: bàr nơm đah do mơ bàr nơm đah ne. 13Gen mòn tĕ mơng tùng mơ chi sitim mơ ƀềp màh; 14Tơmut tĕ ală mơng tùng tòm ală dơwàng di bàr gah đài nàng tùng đài. 15Ală mơng tùng rơp ơm sùm tòm dơwàng, bañ tă tơlik. 16Lồc behơ̆ mê ơn tĕ tòm Đài Bơta Cơng Tàng#25:16 bàr nơm mpàn lŭ cih jơt bơta boh lam. mơ Añ rơp ai mê in.”
Bơnap tơwài glài
17 #
Heb 9:5. “Lơh tĕ dô nơm bơnap tơwài glài#25:17 hala bơnap ai bơta nđàc. mơ màh ngan, jòng dô rhiang jơt sentimet, ơnàng prau jơt prau sentimet. 18Mơ lơh tĕ bàr nơm rùp ceruƀim mơ màh klơn, ơn bàr đah bồ bơnap. 19Lơh tĕ dô nơm cerup#25:19 Cerup: rùp sơnio bơh khà dô êt “Ceruƀim” dê. di đah bồ do mơ dô nơm tai di đah bồ ne; lơh tĕ ală ceruƀim gơđềt mơ bơnap di bàr đah bồ. 20Ală ceruƀim gơs ală pơnđar pò hơđang bồ, jơm ndơp bơnap bơta nđàc. Ală ceruƀim wèt tòm toh mat bal, wèt sền di bơnap. 21Ơn tĕ bơnap bơta nđàc hơđang đài, mơ ơn tòm dơlam đài Bơta Cơng Tàng mơ Añ rơp ai mê in. 22Tềng hơ̆, Añ rơp tìp mơ mê hơđang bơnap bơta nđàc digùl bàr nơm rùp ceruƀim hơđang đài Bơta Cơng Tàng, Añ rơp jào mê in jơh ală jơnau sồr Añ jê cau Israel in.”
Cơnòng ơn piang lă pơdơng
(Lik Ejiptơ 37:10-16)
23“Lơh tĕ dô nơm cơnòng mơ chi sitim, jòng phàm jơt phàm sentimet, ơnàng poan jơt poan sentimet, mơ jơnhoa prau jơt prau sentimet, 24tep dô dang che màh gùt dar. 25Kung lơh tĕ dô pang mpàn cang gùt dar hơđang mat cơnòng jơnhoa pơgap poan nơm kòn tê#25:25 pơgap 8 cm. mơ tep di mpàn hơ̆ dô dang che màh. 26Tŏ tĕ poan nơm dơwàng màh mơ ơn gơ di poan mum cơnòng di poan jơng gơ dê. 27Ală dơwàng rơp ơn rềp di mpàn cang nàng tơmut mơng tùng cơnòng. 28Mòn tĕ mơng tùng mơ chi sitim, ƀềp gơ mơ màh, mơ ngui nàng tùng cơnòng. 29Ai tĕ màh ngan mơ lơh gơs ală sơlào, prềng, gri, mơ mơngàn nàng ngui tròc ală phan ơn duh khoai ñô. 30#Leb 24:5-8.Ơn tĕ piang lă pơdơng hơđang cơnòng do nàng gơ ơm di đap Añ sùm sùm.”
Jơng đèng
(Lik Ejiptơ 37:17-24)
31“Lơh tĕ dô nơm jơng đèng mơ màh ngan klơn lơho, bơh jơng tus di să, bồ, ală gri ơn mơñà gơs rùp be sơmbut bơkào mơ bơkào, jơh bol gơtòmđềt bal mơ gơp. 32Prau nơm ntê gơcat bơh di jơng đèng, pe nơm đah do mơ pe nơm đah ne. 33Bơh di kòp nơm ntê gơcat pe nơm gri gơs rùp kung be sơmbut bơkào gus mơ bơkào đèng mơ ntê bơkào đèng, pe nơm gri behơ̆ hơđang ntê di gah, mơ jơh prau nơm ntê gơcat bơh di jơng đèng, ntê lơi kung gơs ndròm bal behơ̆. 34Mơ hơđang să jơng đèng gen gơs poan nơm gri gơs rùp kung be sơmbut bơkào gus, bơkào đèng mơ ntê bơkào đèng. 35Dô nơm sơmbut rơp ơm hơđơm dô yô ntê sơnròp gơcat bơh di jơng đèng, sơmbut dơ̆ bàr ơm hơđơm dô yô ntê dơ̆ bàr, mơ sơmbut dơ̆ pe ơm hơđơm dô yô ntê dơ̆ pe, jơh ală la prau nơm ntê. 36Ală sơmbut mơ ală ntê rơp tòmđềt dô bă mơ jơng đèng, lơh mơ màh ngan neh klơn lơho. 37Gen lơh tĕ poh nơm đèng ơn di bồ gơ nàng gơ pơnđàng sòl tòm pah wah di đap gơ. 38Pềs jơkap che brài ồs đèng mơ mơngàn ơn bùh đèng dê kung rơp lơh mơ màh ngan. 39Cau rơp ngui pơgap pe jơt poan kơr#25:39 Dô talơng pơgap 34 kg. màh ngan nàng lơh jơng đèng do mơ ală phan ngui bal mơ jơng đèng. 40#Broă 7:44; Heb 8:5.Behơ̆, mê pal lơh jơh ală phan hơ̆ tòm toh jat be sơnoa rnoas neh sơnio mê in hơđang mơnơm.”
Currently Selected:
Lik Ejiptơ 25: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.
