Jang 12

Yàng Jesu geh bong mơñà tòm Bethani

(Mathiơ 26:6-13; Mak 14:3-9)

1Prau ngai lài mơ bơta pơjum sa Lòt Gan, Yàng Jesu lòt tus hơ Bethani la tiah Lasarơ ơm, la cau mơ Kơnràñ neh hòi kis wơl bơh bơta chơt. 2Cau yò sào Kơnràñ in tềng hơ̆, Mathe drơng yò sào; ai Lasarơ la dô nă tòm mpồl nggui dô cơnòng bal mơ Kơnràñ. 3#Luk 7:37-38.Mari ai dô kơr#12:3 pơgap 326 gram. mơñà ƀô bơlhu#12:3 Cil: ƀô bơkah. màng ngan, bong dê jơng Yàng Jesu, mơ ai sŏ khai jùt jơng Kơnràñ; jơh dô brong hìu ƀô mơñà hơ̆. 4Mơya dô nă tòm ală cau bơtê Yàng Jesu dê la Juda Iskariôt, cau tơnơ̆ rơp pơrlơ̆ dră di Kơnràñ, đơs lah: 5“Ñchi bơh tài ò tac mơñà ƀô hơ̆ tồ geh pe rhiang dơnie nàng pà cau rƀah lơòi in taih?” 6Khai đơs behơ̆, ò di tài bơh kơlôi bơh cau rƀah lơòi ò, mơya bơh khai la dô nă cau ntung kơñau, mơ prap kơldung priă, gen tàng khai òs kơñau priă mơ cau neh ơn tòm hơ̆. 7Yàng Jesu đơs lah: “Lòi tĕ dò khai dê, bơh khai neh prap lòi mơñà ƀô do ngai tơp să Añ in. 8#Yalw 15:11.Bol mê gơs cau rƀah lơòi ơm sùm bal mơ he, mơya bol mê ò gơs Añ sùm sùm.”

9Dô mpồl oă cau Juda git Yàng Jesu ơm tềng hơ̆, gen lòt tus, ò di mìng bơh Kơnràñ lơm ò, mơya kung nàng sền Lasarơ cau mơ Kơnràñ neh hòi kis wơl bơh bơta chơt. 10Gen tàng ală cau gơnoar dờng lam bồ ơn phan duh khoai kung lơh nền tơnchơt tơn Lasarơ sơl, 11tài bơh Lasarơ mơ gơs oă cau Juda neh sang bol khai mơ dòn Yàng Jesu.

Yàng Jesu mut tòm Jerusalem

(Mathiơ 21:1-11; Mak 11:1-11; Luka 19:28-40)

12Ngai tơnơ̆, gơs dô mpồl làng bol oă ngan tus tòm bơta pơjum, tòm tŭ kơno Yàng Jesu rơp tus hơ ƀòn dờng Jerusalem, 13#Đơs Crih 118:26.gen bol khai ai nha gòl, lik lòt rò Kơnràñ mơ driau dờng lah: “Hôsana! Lơngai Bơtau in ai sơnđan Yàng mơ tus, la Bơtau Israel dê!” 14Yàng Jesu bàn dô nơm alàng kòn gen hào, be jơnau neh cih lah:

15 # Sac 9:9. “Ơ kòn ùr Siôn, bañ rngòt!

Ne, Bơtau ai tus, hào alàng kòn!”

16Bơh sơnròp ală cau bơtê ò git wă ală bơta hơ̆; mơya tòm tŭ Yàng Jesu neh geh gơklŏ, tŭ hơ̆ sồng bol khai kah wơl ală bơta hơ̆ neh geh cih bơh Kơnràñ, mơ neh lơh bơta hơ̆ Kơnràñ in. 17Mpồl làng bol neh ơm mơ Yàng Jesu tòm tŭ Kơnràñ hòi Lasarơ lik bơh bơtô ƀồc mơ lơh khai in kis wơl bơh bơta chơt, lơh cơng bơh Kơnràñ lơm. 18Kung bơh bơta hơ̆ tàng mpồl làng bol lòt rò Kơnràñ, la bơh bol khai neh kơno Kơnràñ lơh tềl krơi hơ̆. 19Tài bơh hơ̆, ală cau Pharisi đơs bal lah: “Bol mê gŏ sơl, bol mê ò rgơi lơh dô bơta lơi ò. Sền tĕ, jơh dunnia lòt jat khai rau!”

Ală cau Grek jòi Yàng Jesu

20Tŭ hơ̆, tòm mpồl ală cau neh guh nàng duh khoai tòm bơta pơjum sa, gơs dô êt cau Grek. 21Ală cau hơ̆ tus hơ Philip, la cau ơm tòm ƀòn Betsaida gơrê bal mơ kơnhwàl Galile mơ đơs lah: “Ơ ồng, bol hi kòñ tìp mat mơ Yàng Jesu.” 22Philip lòt yal mơ Andre, lồc behơ̆ Andre mơ Philip lòt yal Yàng Jesu in. 23Yàng Jesu ho lah: “Jơ Kòn Mơnus pal geh gơklŏ neh tus rau. 24Ngan, Añ đơs ngan mơ bol mê, dilah gar kòi ò rung tòm ù mơ chơt, gen gơ mìng dô gơnar lơm; mơya dilah gơ chơt, gen gơlik gơs oă plai. 25#Mat 10:39; 16:25; Mak 8:35; Luk 9:24; 17:33.Cau lơi kòñ gơboh bơta kis he gen rơp roh; ai cau lơi gơjrañ kơuềng bơta kis he tòm rài do, gen rơp geh prap wơl bơta kis gam sùm sùm in. 26Dilah cau lơi duh broă Añ, gen pal jat Añ, mơ Añ ơm tiah lơi gen cau duh broă Añ kung rơp ơm tềng hơ̆ sơl. Dilah cau lơi duh broă Añ, gen Bèp Añ rơp sền khai màng ryŭ.”

Yàng Jesu yal lài bơh bơta chơt Kơnràñ dê

27“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus. 28Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

29Mpồl làng bol ntào tềng hơ̆ kơno jơnau hơ̆, gen đơs lah: “Hơ̆ la ntơr.” Cau ƀà đơs lah: “Hơ̆ la dô nă cau gơnrơh tòmbơhbơr mơ Kơnràñ.” 30Yàng Jesu đơs lah: “Ò di tài bơh Añ mơ ntas jơnau đơs hơ̆, mơya tài bơh bol mê. 31Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik. 32Ai Añ, tòm tŭ Añ geh yồng hơđang bơh di ù, Añ rơp hwài tơl nă cau tus hơ Añ.” 33Kơnràñ đơs behơ̆, nàng sơnio bơh Kơnràñ rơp kong chơt be lơi. 34#Đơs Crih 110:4; Esai 9:5; Ejek 37:25; Dan 7:14.Mpồl làng bol đơs lah: “Bol hi neh kơno bơta boh lam đơs Bơtau Krist gam gơs sùm sùm, behơ̆ ñchi bơh tài ồng đơs lah Kòn Mơnus pal kong yồng hơđang taih? Kòn Mơnus hơ̆ la ñcau taih?” 35Yàng Jesu ho lah: “Bơta àng gam ơm digùl bol mê dô êt jŏ tai. Lòt tĕ tòm tŭ bol mê gam gơs bơta àng, rngòt bơta klam jơngo nisơna jơm gòm bol mê mòn; Cau lơi lòt tòm bơta klam jơngo gen ò git he lòt tiah lơi. 36Tòm tŭ bol mê gam gơs bơta àng, gen dòn tĕ bơta àng, tồ gơlik gơs kòn sau bơta àng dê.” Neh sir đơs behơ̆, Yàng Jesu lòt mơ dô pleh bơh di bol khai.

Bơta ò dòn làng bol Juda dê

37Bulah Kơnràñ neh lơh oă ngan tềl krơi di đap bol khai, mơya bol khai kung ò dòn Kơnràñ, 38#Esai 53:1.nàng gơlik di ngan be jơnau cau gơnoar hwơr Esai neh đơs lah:

“Ơ Yàng, ñcau neh dòn jơnau bol hi bơto yal,

mơ tơwòr tê Yàng neh geh yal tơlik ñcau in taih?”

39Bơh bơta hơ̆ bol khai ò rgơi dòn, tài bơh Esai neh đơs tai lah:

40 # Esai 6:10. “Yàng neh lơh mat bol khai jơngo, nùs bol khai kră kơldang,

Rngòt mat bol khai sền gŏ, nùs bol khai git wă,

Mơ gơjrañ sang glài,

Nàng Añ sơmbòi bol khai in.”

41Esai đơs ală bơta hơ̆, bơh neh gŏ bơta gơklŏ Kơnràñ dê mơ đơs bơh Kơnràñ. 42Bulah behơ̆, tòm ală cau kwang gơs oă cau dòn Kơnràñ; mơya tài bơh ală cau Pharisi gen tàng bol khai ò khin yal tơlik Kơnràñ, rngòt kòl bơtrơh tơlik bơh hìu jum, 43bơh bol khai hàm kòñ bơta gơklŏ kòn mơnus dê rlau mơ bơta gơklŏ Yàng Tom Trồ dê.

44Yàng Jesu đơs dờng lah: “Cau lơi dòn Añ ò di mìng dòn Añ lơm, mơya dòn Bơtau neh sồr Añ lòt tus. 45Ai cau lơi gŏ Añ, hơ̆ la gŏ Bơtau neh sồr Añ lòt tus. 46Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo. 47Dilah cau lơi kơno jơnau Añ mơ ò prap gàr, gen ò di Añ cahrña cau hơ̆; bơh Añ tus ò di nàng cahrña dunnia, mơya nàng dong tơwài dunnia. 48Cau lơi sang Añ mơ ò dòp rò jơnau Añ, gen neh gơs kwang cahrña; jơnau Añ neh đơs rơp cahrña bol khai tòm ngai lồi dut. 49Añ ò đơs jat nùs is Añ jê, mơya să tòm Bèp la Bơtau neh sồr Añ lòt tus, sồr Añ pal đơs bơta lơi, mơ yal tơlik bơta lơi. 50Añ git lah gơnoar sồr Kơnràñ dê la bơta kis gam sùm sùm. Behơ̆, ală jơnau Añ đơs, gen Añ đơs tòm toh be Bèp neh nting sồr.”

Currently Selected:

Jang 12: KPM2018

Highlight

Copy