Lebi 12
12
Lơh sàng goh tơnơ̆ mơ tŭ neh deh kòn
1Yàng Jehôwa đơs mơ Môise lah: 2“Đơs tĕ mơ cau Israel lah: ‘Dô nă cau ùr neh bun mơ deh dô nă kòn klau gen rơp gơlik gơs ò goh tòm poh ngai jat bơta sồr lam tòm toh kung be tòm tŭ khai gơlik să kòp kơnhai behơ̆ sơl. 3#Sơnròp 17:12; Luk 2:21.Tòm ngai phàm kòn klau hơ̆ pal geh siat gơltau. 4Lồc behơ̆ cau ùr hơ̆ pal gơn pe jơt pe ngai nàng lơh goh bơh di bơta gơlik să khai dê. Khai ò di ƀư di phan lơi neh ơn is sàng goh hala lòt tus hơ tiah sàng goh jơl tus di ală ngai bơh bơta lơh goh khai dê neh tơl. 5Dilah khai deh kòn ùr gen khai rơp gơlik gơs ò goh tòm bàr poh kung be tòm tŭ khai gơlik să kòp kơnhai. Lồc behơ̆ khai pal gơn prau jơt prau ngai tai nàng geh goh bơh di bơta gơlik să khai dê.
6Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài. 7Khai pal ơn ală phan hơ̆ di đap Yàng Jehôwa nàng lơh gơs phan ơn tơwài glài khai in, lồc behơ̆ khai geh goh jat bơta sồr lam duh khoai bơh di bơta gơlik să khai dê. Hơ̆ la ală bơta boh lam bơh dô nă cau ùr deh kòn klau hala kòn ùr. 8#Luk 2:24.Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”
Currently Selected:
Lebi 12: KPM2018
Highlight
Share
Copy
Want to have your highlights saved across all your devices? Sign up or sign in
© 2018 United Bible Societies. All rights reserved.