Luka 17

Ală jơnau bơto sồr ndai Yàng Jesu dê

(Mathiơ 18:6-7, 21-22; Mak 9:42)

1Yàng Jesu đơs mơ ală cau bơtê lah: “Ò rgơi ò gơs kai lơh gơtup tìs, mơya bòl glar cau lơi in lơh gơs bơta hơ̆! 2Chan kơt mpal lŭ di ngko khai mơ sơrbì tòm dàlềng la niam rlau mơ lòi khai in lơh gơtup tìs dô nă tòm ală kòn dềt do. 3#Mat 18:15.Ală bol mê kơrmap gàr tĕ să he. Dilah oh mi mê dê tìs glài gen lah pơrhơng tĕ khai, mơ dilah khai gơjrañ sang glài gen toh glài tĕ khai in. 4Bulah tòm dô ngai oh mi mê tìs glài mơ mê poh dơ̆, mơ poh dơ̆ khai rê wơl mơ mê mơ đơs lah: ‘Añ gơjrañ sang glài,’ gen mê toh glài tĕ khai in.”

5Ală cau gơnoar bơto dờng đơs mơ Yàng Jesu lah: “Dan ai bơtơl bơta dòn bol hi in.” 6Yàng đơs mơ bol khai lah: “Dilah bol mê gơs bơta dòn be dô gar sơbê, mơ sồr chi sơr do lah: ‘Dus#17:6 Cil: Dŏ. tĕ să mê mơ tam tòm dàlềng,’ gen ngan gơ rơp dòn bơr bol mê.

7Cau lơi tòm bol mê gơs cau dĭ lòt lơòr hala ê belàt, rê bơh tòm ƀlàng, mơ sồr khai lah: ‘Tus tĕ nggui mơ sa mo, sơl ơ?’ 8Sơlơ̆u wơl, ò di sồr khai lah: ‘Yò tĕ añ in sa mho, kơt but mơ duh broă añ, jơl tus di tŭ lơi añ ñô sa sir rau, lồc behơ̆ mê rơp ñô sa,’ sơl ơ? 9Cau tòm ưnngài cau dĭ bơh neh lơh ală broă khai neh sồr sơl? 10Kung behơ̆ sơl, dơ̆ bol mê neh lơh sir jơh ală broă neh sồr lơh, gen đơs tĕ lah: ‘Bol hi la cau dĭ ò kwơ, broă bol hi neh lơh mìng la broă bol hi pal lơh lơm.’”

Yàng Jesu sơmbòi jơt nă cau dun

11Tòm gùng lòt hơ Jerusalem, Yàng Jesu lòt gan nhàr Samari mơ Galile. 12Dơ̆ Kơnràñ neh mut tòm ƀòn ne, gơs jơt nă cau dun lòt kơp rò Kơnràñ. Bol khai ntào ngài ngài, 13ai jơnau đơs lah: “Ơ Jesu, Cau Bơto, dan nđàc sơngit di bol hi.” 14#Leb 14:1-32.Dơ̆ Kơnràñ gŏ bol khai gen đơs lah: “Lòt tĕ, sơnio să bol mê mơ ală cau gơnoar ơn phan duh khoai.” Tòm tŭ bol khai gam lòt gùng gen bol khai gơs goh. 15Gơs dô nă cau tòm mpồl bol khai gŏ he neh geh bòi, gen rê wơl, ai jơnau driau dờng jòng ro Yàng Tom Trồ, 16tơmbic să di jơng Yàng Jesu mơ ưnngài Kơnràñ. Cau hơ̆ la cau Samari. 17Yàng Jesu đơs lah: “Ò di jơt nă cau neh gơs goh ơ? Ntềng đah sin nă tai taih? 18Rlau mơ cau làng bơdìh do, gen ò gơs cau ndai tai rê wơl nàng jòng ro Yàng Tom Trồ ơ?” 19Gen Kơnràñ đơs mơ khai lah: “Ntào tĕ mơ lòt, bơta dòn mê dê neh sơmbòi mê.”

Lơgar Yàng Tom Trồ ơm tòm nùs cau

(Mathiơ 24:23-28, 36-41)

20Cau Pharisi lùp Yàng Jesu lơgar Yàng Tom Trồ tŭ lơi tus, gen Kơnràñ ho lah: “Lơgar Yàng Tom Trồ tus ò rgơi gŏ mơ mat. 21Cau kung rơp ò rgơi đơs lah: ‘Tềng do,’ hala ‘Tềng hơ̆!’ Bơh lơgar Yàng Tom Trồ ơm tòm#17:21 Rct: ơm digùl hala tơl kwòr tê. bol mê.”

22Gen Kơnràñ đơs mơ ală cau bơtê lah: “Rơp gơs ală ngai ală bol mê kơp kòñ gŏ dô ngai Kòn Mơnus dê, mơya ò gŏ. 23Cau rơp đơs mơ bol mê lah: ‘Kơnràñ ơm tềng do’ hala ‘Kơnràñ ơm tềng ne’ gen bañ lòt, kung bañ jat bol khai. 24Be puhlèp bơh đah trồ do àng gơcrà tus hơ đah trồ ne, gen Kòn Mơnus tòm ngai Kơnràñ dê kung behơ̆ sơl. 25Mơya lài ngan Kơnràñ pal kong oă bơta bòl glar mơ gơkòl cau rài do sang lòi. 26#Sơnròp 6:5-8.Tòm ngai Nôe neh gơlik gơs be lơi, gen tòm ngai Kòn Mơnus kung rơp gơlik behơ̆ sơl. 27#Sơnròp 7:6-24.Bol khai sa ñô, lap klau tòmbau ùr, jơl tus di ngai Nôe mut tòm ơhò mơ dà kŏ tus tơnroh jơh. 28#Sơnròp 18:20–19:25.Mơ kung be neh gơlik gơs tòm rài Lot dê: Bol khai sa ñô, rwat tac, tùc tam, bơt bơtào, 29mơya tòm ngai Lot lik bơh Sôdôm, gen gơs mìu ồs mơ siau bơh trồ tơnroh jơh bol khai. 30Ngai Kòn Mơnus tus kung behơ̆ sơl. 31#Mat 24:17-18; Mak 13:15-16.Tòm ngai hơ̆, cau lơi ơm hơđang rkàng hìu mơ gơs phan mơna tòm hìu, gen bañ mù nàng cèng pơrdô; cau lơi ơm tòm ƀlàng, kung bañ rê wơl ai phan lơi. 32#Sơnròp 19:26.Kah tĕ bau ùr Lot dê. 33#Mat 10:39; 16:25; Mak 8:35; Luk 9:24; Jang 12:25.Cau lơi jòi bơta nàng gàr bơta kis he gen rơp roh, ai cau lơi roh bơta kis he gen rơp geh wơl. 34Añ đơs mơ bol mê, tòm mang hơ̆, rơp gơs bàr nă cau tòm dô nơm cơnòng bic, dô nă geh cèng lòt, ai dô nă gơkòl lòi wơl. 35Rơp gơs bàr nă cau ùr piah bal, dô nă geh cèng lòt, ai dô nă gơkòl lòi wơl. [ 36Rơp gơs bàr nă cau ơm tòm ƀlàng sre, dô nă geh cèng lòt, ai dô nă gơkòl lòi wơl.”]#17:36 Gơs dô êt sră cih tê yau ò gơs sèng 36. 37Gen ală cau bơtê lùp Kơnràñ lah: “Ơ Yàng, ntềng đah bơta hơ̆ gơlik gơs taih?” Kơnràñ ho lah: “Ƀồc gơs tiah lơi, gen ală grơt tơrgòm tềng hơ̆.”

Currently Selected:

Luka 17: KPM2018

Highlight

Copy