Génesis 16
16
Ismaelpa paqarikusqan
1Abrampa warmin Saraiqa mana wawayoj kayta aterqachu. Jinapis Saraijta Egipto llajtayoj uj warmi wata runan tiyaporqa. Chay warmej sutintaj Agar karqa. 2Chantá Saraiqa Abramta nerqa: Yachanki jina, Tata Dios wawa rejsinayta mana munasqanta. Chayrayku kamachiy Agarwan puñuykuy ari. Ichapis paynejta wawayoj kayta atiyman, nispa.
Abramtaj warminpa nisqanta kasorqa.#16.2 Warminpa nisqanta kasorqa: Chaypacha mana wawata rejsej warmita pisipaj qhawaj kanku. 1 S 1.10-11. Mana allinpaj qhawasqa kananta tumpallatapis pisiyarichinapaj, mana wawata rejsiyta atej warmeqa qosanta warmi kamachintawan puñuykuchiyta yachaj. Wawayoj kajtintaj, warmi kamachejpa wawanta wawanpis kanman jinata rejsikapoj kasqanku. Gn 30.1-13. 3Chantá Saraiqa Egipto llajtayoj kamachin Agarta wajyaspa, Abramman qorqa ujnin warmin kananpaj. Chaykama Canaán suyupi chunka watataña tiyakusharqanku. 4Abramqa Agarwan puñuykorqa, paytaj onqoj rikhurerqa. Onqoj kashasqanta yachakuspataj, Agarqa Saraita pisipaj qhawayta qallarerqa.#1 S 1.6-7.
5Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.#16.5 Ayllunmanta yachaj jina, Abrammin Agarta warminpaj jap'iyta chayrí mana jap'iyta niyta aterqa.
6Abramtaj kuticherqa: Kamachiykeqa makiykipi kashan, paywan munasqaykita ruwayta atinki, nispa. Chantá Saraiqa Agarta allintapuni k'umuykachachiyta qallarerqa. Agartajrí ayqerikaporqa.
7Chantá Tata Diospa angelnin#16.7 Diospa angelnin: Ángel niyta munan: Willaj. Diospa angelnin mana wajchu karqa, manachayqa kikin Dios karqa. Dios wakin kuti ángel jina runaman rikhurej, rikhurisqan sut'i rikusqa kananpaj. Ex 3.2; 23.20-33; 32.34; Jue 6.11-24. Agarta tariparqa Shur nisqa ch'innejpi, Egiptoman rina ñan patapi kaj yaku pujyu qayllapi. 8Taporqataj: Agar, Saraipa kamachin, maymantataj jamushankiri? Chantá maymantaj rishankiri? nispa. Agartaj nerqa: Noqaqa patronay Saraimanta ayqekushani, nispa.
9Chantá Tata Diospa angelnin nerqa: Kutipuy patronaykejpaman, imatachá kamachisunki, chayta ruwaspa, nispa. 10Chaymantataj chay angelqa Agarta nillarqataj:
Noqa mirayniykita ashkhayachisaj,
nitaj pipis yupayta atenqachu.
11Qanqa wijsayoj kashanki.
Jinataj uj qhari wawata onqokunki,
paytataj sutichanki “Ismael” sutiwan,#16.11 Ismael: Kay suti hebreo rimaypi niyta munan: Dios uyarin, chayrí Dios uyarichun.
imaraykuchus Tata Dios llakiywan waqasqaykita uyarisunki.
12Wawaykeqa k'ita caballo jina kanqa.
Pay tukuywan maqanakonqa,
paywanpis tukuy maqanakonqanku.
Tukuy wawqenkuna payta chejnikushajtinkupis,
paykunaj qayllankupi tiyakonqa, nispa.#16.12 Dios ajinata nispa, Ismael imayna runachus kananta, jinataj paymanta mirajkuna imayna runakunachus kanankuta sut'incharqa. Ismaelmanta mirajkuna árabe nisqamanta rejsisqa kanku. Gn 25.16-18.
13Chantá Agarqa Dios paywan parlasqanrayku paymanta nerqa: Payqa Rikuwaj Dios. Noqaqa rikuwaj Diosta rikorqani, chaywanpis kawsashaniraj, nispa. 14Chayrayku chay pujyutapis sutichallarqataj: “Rikuwaj kawsaj Diospa pujyun”, nisqa. Chay pujyoqa Cadeswan Beredwan ima tinkuypi kashan.
15Chantá Agarqa patronanpaman kuterqa. Aswan qhepanejmantaj Abrampaj wawayoj karqa, jinataj wawanta “Ismael”, nispa suticharqa. 16Abramqa pusaj chunka sojtayoj watayoj karqa Agar churin Ismaelta paqarikushajtin.
Currently Selected:
Génesis 16: DQDC
Highlight
Share
Copy
Want to have your highlights saved across all your devices? Sign up or sign in
Revisión Biblia Quechua Boliviano © Sociedad Bíblica Boliviana, 2017.
