sitoo 1
1
1taicini ci ti'afuilo:
to o'u ahoza tposi ci tposʉ, 'o nia afu'u hi'hioa ho mo'ma'cohio to iesu, i'mi ne mohcu ahoi yaahioa 2ac'ʉhʉ to hiesi no ohpepe o'ucu acʉha etotoyangza, to auyusi no ohpepe, isi ieni to tonʉ to seilei ho fii tomo man'i ci eutotavei 'o ohsila epeiya ci sitoo. 3to taicosi tomo mimsʉptʉhi no ataveisi no nokvo'ʉ, moso siho aopa'to to sitoo, boemi to mo mav'ov'o ci ti'a'ausna ho soomei ho mion'a yaansoua; isi poa aitneni to sitoo 'o iachisi, yaeza mi'usni ho eʉsvʉsvʉta na hi'hioa to hpʉhpʉngʉ to hamo. 4ne moson'a seolʉa no noteuyunu#<ne moson'a seolʉa no noteuyunu> hocieno yainca <ne moson'a noteuyunu ho toehungu eabobonʉ>., ohsi eucucufna 'o sitoo: <'ote mongoi ta 'elusalemu, maito o'ula mi'usneni muu ci e'e, totea 'o ohsila teomneni to amo'u. 5'o yohane ohsila yomza ta chumu ho toononvi muu, at'inghi ataveisi no mipzohi tamu tiou no toonono to seilei.>
'o iesu mo noa tiova ho ohpepe
6nemo seolʉa no noteuyunu 'o iesu hoi'o sitoo, tuocosi 'o iesu: <nooe'oca. zou maitan'e na teko p'eyoveiya 'e hpʉhpʉngʉ ta 'isolaelu?>
7isi mi'usni to iesu ho yainca: <ina hiesi ho mio tesi ieni no iachisi tonʉ to amo'u ho esvʉta, o'antemu cohivi. 8at'inghi ho tac'u cmʉ'ho muu 'o seilei, tenamu a'sʉftonʉ yaa tonʉa, yonta 'elusalemu, yutaya. ho nongabo ne samalia, ac'ʉhʉ no maucuculili ta hpʉhpʉngʉ ho 'akasineni a'o.> 9cu eepʉnga 'e e'e, yonto ihe toehunga huceoevi 'o iesu hocu ohpepe; panto cmʉcmʉ cimo isihngi ne ihe mi'ofeihni.
10ne micu mongoi 'o iesu, seolʉa non'a acʉhʉ smo'eʉchʉmʉ ta pepe. akameosʉ yaa yoso cimo sifʉecʉ'za ci cou mo bi'upu, 11yainca: <coungalilaya, mainci yac'ʉ tan'e ho mʉengʉcʉ? 'emo mongoi muu noa tiova ho ohpepe ci iesu, imu aiti mo mainenu na hiasi ohpepe, 'atenaeno maica na tasi hia yuovei.>
tiuski to yuta ci cou
12'o sitoo micu i'mi to hcuyu'olivu ho yuovei to hosa ne 'elusalemu; 'o hcuyu'olivu mo asonʉ 1kilo 'o hiasi noteno to hosa. 13ne micu yʉmeʉmʉ to hosa, yʉmeʉmʉ to tehe yoni ci emoo; to ic'o panto petelo, yohane, yakovu, 'antole, fuili ho tomas, patolomai ho matai, oko to 'alofui ci yakovu, ho i'o nesintoo ci saimong, ho oko to yakovu ci yuta. 14la asngʉcʉ noteuyunu ho toehungu 'inoli; to taicohe panto piyo ci maamespingi ho i'o ino to iesu ci maliya, ho i'o nanat'ot'ohaesa to iesu.
15micu mipzohi panto hia noteuyunu to sinto, mo asonʉ se'conza mpusku ci cou 'omo i'upu. mo yʉc'ʉ 'o petelo, yainca: 16<maananghia! 'o seilei isi ieni to ngayo to tavite. yonta seiso ho eyoca 'o yuta tena mahafo to cou ho tʉtpʉta 'o iesu ci hi'hioa. te ahta o'te mia. 17i'o yuta oho anana'va epeiya ho e'paevai ta teto hi'hioa, zou cihi ta taicoto.>
( 18'o yuta mo titho to ohsi tasmiza no peiskuzkuzo ci peisu ho mhino to ceoa; cu yonto ic'o ho mehtupeohʉ, smoezo'zo'o 'o fongfongnasi hocu mcoi. 19i'omo yonta 'elusalemu ci cou mo acʉhʉ tmac'ʉhʉ ta mo maica ci hi'hioa, ko'koeno hoci boemi to e'ehe la yainca 'o ceoa to ic'o 'akotama, na e'ausnasi zou <ezoyʉ hmuyu>.)
20aʉlʉ mais'a 'o isi tposi to sihen:
seoovei'sio na emoosi,
uk'a na cite no'ayumonʉ.
panto isi yaeza tposi:
tahe'so tiuska no mocmo ci cou na lasi hi'hioa.
21-22mo ecnguhu 'o petelo ho yainca: <i'mi tan'e, te ahtuo'te yaa cihi nate apuhngu a'to, toehungu 'akasi to smoevovei to nooe'oca iesu. 'e cou eni ahtuo'te mosola ahoi ne moson'a no'upu a'to 'o nooe'oca iesu - ahoi ne moson'a toonono 'o yohane ac'ʉhʉ ne mohcu ohpepe 'o iesu - apaezumo no'upu a'to ci cou.>
23ihecu epeiya 'emo yoso ci cou, 'ai'oeno yosefu (zou pasapa 'o tos'ongkasi, la yaeza yainca yusutu) ho i'o mathiya. 24mo toehungu 'inoli ho mainca: <nooe'oca, osko cohivi na 'tohʉngʉ tamo macicihi; teko'so pas'ofeihna a'mi, ta mo yoso tan'e zou siya na osko epeiya. 25ho noʉezi 'ete hioa ta sitoo. 'e hioa eni isicu ciha to yuta, uhto ntesi anana'va usa.> 26eepʉnga 'e e'e eni, micu yu'siseiti. tamo yoso ihe tʉlʉa 'o mathiya; micu no'upu ta 'ayumona tamo maskʉ ucni ci sitoo.
Currently Selected:
sitoo 1: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
