yohane 15
15
zou amcuyu aʉlʉ 'o iesu
1<zou amcuyuaʉlʉ a'o; leyaezoi 'o amo'u. 2i'omo afu'u cmunghu a'o ho o'te beahci ci ehti, tesi skoonva; namo meelʉ beahci ci ehti, tesi skoʉlʉlʉa, poa asuhca yʉho'a. 3'e os'o mi'usneni muu ho engha ci e'e. isicu poa cofkoya muu. 4temula asngʉcʉ cmunghu a'o, te'oeno asngʉcʉ cmunghu muu. hoci o'te cmunghu a'o, o'ana temu meelʉ beahci, aʉlʉ mais'a 'o ehti hoci o'te cmunghu to evi to amcuyu totiski o'ate meelʉ beahci.
5<zou evi no amcuyu a'o; zou ehtisi na muu. nala asngʉcʉ cmunghu a'o, ho a'vinano mi'o maezo asngʉcʉ cmunghu, 'ate ahtuo'te na'no yʉho'a; maica hoci uk'a a'o, cuma nantemu peelʉi hioa. 6nate o'te mimho cmunghu a'o ci cou te noa ciha, mais'a 'ola oemi'mi ci ehti ho ciha, poa patmʉtneni no cou ho to'seni to puzu ho hmoi. 7honcimu asngʉcʉ cmunghu a'o, 'e e'e'u maezo asngʉcʉ no'ayumonʉ no 'tohʉngʉmu, upena hocimu m'ene no cuma, hoci m'ene, ahtuo'te m'elʉ. 8'o amo'u te i'mi ho cimu yoyʉho'a ho psoevohngʉ, temu maezo i'mi tan'e ho ta'upa no tesi'u. 9aʉlʉ mais'a ho lasi ngohia to amo a'o, os'o ngohia muu; temula asngʉcʉ yunsou no 'ayumona no himngonghi'u. 10hocimu noyʉci 'e mashʉyʉ'u, temu meelʉ asngʉcʉ yunsou no 'ayumona no himngonghi'u, mais'a ho la'u noyʉci 'o lasi pashʉya to amo'u, ho asngʉcʉ no'ayumonʉ to himngonghisi.
11<ho os'o eʉsvʉta muu 'emo maica ci hi'hioa, te akoeva no poa elʉ to kokaekaebʉ'u, poa tmoengʉcngʉ na kokaekaebʉmu. 12temula yupa himngonghi, totiski ho la'u ngohia muu; na eni zou mashʉyʉ'u. 13'e cou hoci nomio no nanghia ho ciha na nsou, na himngonghi ta hpʉhpʉngʉ uk'a na cite taunona'vʉhe tan'e. 14honcimu noyʉci 'e mashʉyʉ'u, 'acueno nanghia'u. 15o'ana te'o ivaha ta'usna no soskuskunu na muu, maica o'atesi cohivi no soskuskunu na lasi hi'hioa no tauke. te'o ta'upa no nanghia na muu, maica os'ocu acʉha eʉsvʉta muu na o'u afu'a talʉi to amo'u. 16o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu. 17temula yupa himngonghi; 'aeno eni 'e te'o faeni muu ci mashʉyʉ.>
sʉ'nova ta yatatiskova
18<hocihe sʉ'nova ta yatatiskova muu, ntemu cohivi, ohecu auevahe sʉ'nova a'o. 19honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu. 20temula atatalʉa 'o o'ula mi'usneni muu ci e'e: <<o'amo meoisihe to tauke 'o soskuskunu.>> hoci ohela akuzkuzoa a'o, tahela yaeza akuzkuzoa muu; hocihe pee'ofeihni 'e e'e'u, tehe yaeza pee'ofeihni na e'emu. 21nomio a'o, tehe mi'usni muu ho hioa 'e ohela afu'a hi'hioa, maica o'a ihe honga 'omo popeosmuhnu a'o ci ic'o. 22hoci o'u o'te mi'usni ho esansana, uk'a ci tehe kuisi; maitan'e. 'anatehe peelʉi hopsʉpseni na kuisihe. 23namo himsʉ'no a'o, te maezo sʉ'no to amo'u. 24hoci mo'u o'te yonta taicohe ho hioa 'o o'amocu ohola ahta hioa ci hi'hioa, uk'a ci tehe nama kuisi. na a'ʉmtʉsi, ohecu aiti 'o o'u hioa, ihec'on'a sʉ'nova a'o, yaeza sʉ'nova 'o amo'u. 25at'inghi, na eni 'aihecueno 'amakna peiseafi 'o isi tposi to hoolicuhe: <<ihin'i aha'va sʉ'nova a'o!>>
26<at'inghi, i'o mo i'mi to amo ci le'aʉt'ʉcʉ te cmʉ'ho; 'ai'oeno piepiya no so'emio. ho ta'u i'mi to lasi yoni to amo ho popeoskuna ho poa cmʉ'hoa, tenasi 'akasineni a'o. 27totiski, temu yaeza 'akasineni a'o, maica mimu ahoi to ahoisi ho no'upu a'o.>
Currently Selected:
yohane 15: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
yohane 15
15
zou amcuyu aʉlʉ 'o iesu
1<zou amcuyuaʉlʉ a'o; leyaezoi 'o amo'u. 2i'omo afu'u cmunghu a'o ho o'te beahci ci ehti, tesi skoonva; namo meelʉ beahci ci ehti, tesi skoʉlʉlʉa, poa asuhca yʉho'a. 3'e os'o mi'usneni muu ho engha ci e'e. isicu poa cofkoya muu. 4temula asngʉcʉ cmunghu a'o, te'oeno asngʉcʉ cmunghu muu. hoci o'te cmunghu a'o, o'ana temu meelʉ beahci, aʉlʉ mais'a 'o ehti hoci o'te cmunghu to evi to amcuyu totiski o'ate meelʉ beahci.
5<zou evi no amcuyu a'o; zou ehtisi na muu. nala asngʉcʉ cmunghu a'o, ho a'vinano mi'o maezo asngʉcʉ cmunghu, 'ate ahtuo'te na'no yʉho'a; maica hoci uk'a a'o, cuma nantemu peelʉi hioa. 6nate o'te mimho cmunghu a'o ci cou te noa ciha, mais'a 'ola oemi'mi ci ehti ho ciha, poa patmʉtneni no cou ho to'seni to puzu ho hmoi. 7honcimu asngʉcʉ cmunghu a'o, 'e e'e'u maezo asngʉcʉ no'ayumonʉ no 'tohʉngʉmu, upena hocimu m'ene no cuma, hoci m'ene, ahtuo'te m'elʉ. 8'o amo'u te i'mi ho cimu yoyʉho'a ho psoevohngʉ, temu maezo i'mi tan'e ho ta'upa no tesi'u. 9aʉlʉ mais'a ho lasi ngohia to amo a'o, os'o ngohia muu; temula asngʉcʉ yunsou no 'ayumona no himngonghi'u. 10hocimu noyʉci 'e mashʉyʉ'u, temu meelʉ asngʉcʉ yunsou no 'ayumona no himngonghi'u, mais'a ho la'u noyʉci 'o lasi pashʉya to amo'u, ho asngʉcʉ no'ayumonʉ to himngonghisi.
11<ho os'o eʉsvʉta muu 'emo maica ci hi'hioa, te akoeva no poa elʉ to kokaekaebʉ'u, poa tmoengʉcngʉ na kokaekaebʉmu. 12temula yupa himngonghi, totiski ho la'u ngohia muu; na eni zou mashʉyʉ'u. 13'e cou hoci nomio no nanghia ho ciha na nsou, na himngonghi ta hpʉhpʉngʉ uk'a na cite taunona'vʉhe tan'e. 14honcimu noyʉci 'e mashʉyʉ'u, 'acueno nanghia'u. 15o'ana te'o ivaha ta'usna no soskuskunu na muu, maica o'atesi cohivi no soskuskunu na lasi hi'hioa no tauke. te'o ta'upa no nanghia na muu, maica os'ocu acʉha eʉsvʉta muu na o'u afu'a talʉi to amo'u. 16o'as'a muu namo epei a'o, ma a'o namo epei muu, a'vinano os'o skuna muu ho poa beahci note no'auesiesi ci beahci. temu boemi ta ongko'u, 'upena hocimu mi'usnu to amo'u ho m'ene no cuma, 'atesi ahta o'te pafeni muu. 17temula yupa himngonghi; 'aeno eni 'e te'o faeni muu ci mashʉyʉ.>
sʉ'nova ta yatatiskova
18<hocihe sʉ'nova ta yatatiskova muu, ntemu cohivi, ohecu auevahe sʉ'nova a'o. 19honcimu tma'usnu ta hpʉhpʉngʉ, 'e hpʉhpʉngʉ 'atesi ahta o'te ngohia 'emo tma'usnu ta iachi. at'inghi, os'o i'mi ta hpʉhpʉngʉ ho epeiya muu, o'ana mimu tma'usnu ta hpʉhpʉngʉ; ko'ko ihe sʉ'nova ta yatatiskova muu. 20temula atatalʉa 'o o'ula mi'usneni muu ci e'e: <<o'amo meoisihe to tauke 'o soskuskunu.>> hoci ohela akuzkuzoa a'o, tahela yaeza akuzkuzoa muu; hocihe pee'ofeihni 'e e'e'u, tehe yaeza pee'ofeihni na e'emu. 21nomio a'o, tehe mi'usni muu ho hioa 'e ohela afu'a hi'hioa, maica o'a ihe honga 'omo popeosmuhnu a'o ci ic'o. 22hoci o'u o'te mi'usni ho esansana, uk'a ci tehe kuisi; maitan'e. 'anatehe peelʉi hopsʉpseni na kuisihe. 23namo himsʉ'no a'o, te maezo sʉ'no to amo'u. 24hoci mo'u o'te yonta taicohe ho hioa 'o o'amocu ohola ahta hioa ci hi'hioa, uk'a ci tehe nama kuisi. na a'ʉmtʉsi, ohecu aiti 'o o'u hioa, ihec'on'a sʉ'nova a'o, yaeza sʉ'nova 'o amo'u. 25at'inghi, na eni 'aihecueno 'amakna peiseafi 'o isi tposi to hoolicuhe: <<ihin'i aha'va sʉ'nova a'o!>>
26<at'inghi, i'o mo i'mi to amo ci le'aʉt'ʉcʉ te cmʉ'ho; 'ai'oeno piepiya no so'emio. ho ta'u i'mi to lasi yoni to amo ho popeoskuna ho poa cmʉ'hoa, tenasi 'akasineni a'o. 27totiski, temu yaeza 'akasineni a'o, maica mimu ahoi to ahoisi ho no'upu a'o.>
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014