yohane 16
16
1<os'ocu eʉsvʉta muu 'emo maica ci hi'hioa, akoevano o'te poa aot'ou na singkoomu. 2tehe peteoyafa ta kaitoo na muu; a'vinano tec'u esmi 'e hiesi, i'ote opcoi muu ci cou ho ihe hioa 'emo maica ci hi'hioa mo ma'unano mo fifiho to hamo. 3a'ʉmtʉsi, homo maica 'o hioahe mo atuhcu o'te bohngʉ to amo, yaeza o'a ihe honga a'o. 4ho os'o eʉsvʉta muu 'emo maica ci hi'hioa, akoeva no poa talʉaneni muu 'e o'ucula mi'usneni muu ho engha ci e'e ho tac'u esmi 'e hiesi eni.>
hi'hioa to seilei
<to ahoisi o'u o'te eʉsvʉta muu na eni, mo maica ho mi'on'a asngʉcʉ no'upu muu. 5maitan'e te'ocu yuovei to isi yoni to mo popeosmuhnu a'o, ta taicomu uk'a cimo tuocosʉ ho mainca <<teko uhnenu?>> 6at'inghi, i'mi ho os'ocu eʉsvʉta muu 'e hi'hioa eni, nama mimu na'no ma'nanac'o. 7homoeno maica te'o a'ʉmta eʉsvʉta muu, ho te'o emo'usnu maita'e, mate koa ʉmnʉ muu; hoci'u o'te emo'usnu maita'e, 'o le'aʉt'ʉcʉ o'ate cmʉ'ho muu; ho te'o emo'usnu maita'e, ta'ucu popeoskuna ho poa cmʉ'hoa. 8ho tena cmʉ'ho, te mi'usnu ta yatatiskova ho soomei, na lahe hia mi'usnu to kuisi, mi'usnu to moulʉlʉ, mi'usnu to hia baito no yʉsvʉta to hamo mo acʉhʉ o'te emio 'o 'tohʉngʉhe. maica o'a mihin'i tmaa'uzo a'o. 9hola o'te emio na lahe hia baito ta kuisi, la i'mi ho o'aihe taa'uzva a'o; 10hola o'te emio na lahe hia baito ta moulʉlʉ, mo maica ho te'o uhto isi yoni to amo'u, 'anatamu ahta huvahi a'o; 11homo o'te emio na lahe hia baito ta yʉsvʉtʉ, maica 'e honte ta hpʉhpʉngʉ micu tiyou no yʉsvʉta.
12<mon'a man'i 'o te'o eʉsvʉta muu ci hi'hioa, at'inghi o'a mocu temu pasvo'ha maitan'e. 13totea ho tac'u cmʉ'ho nate mofi no so'emio ci seilei, tasi eahafa muu ho yʉmeʉmʉ to 'ayumona to afu'u so'emio. o'a isi ieni no iachisi ho ya'ei, ma isi eʉsvʉta muu na ohsila talʉi, a'vinano eyafa nate hi'hioa ho noana'o. 14tesi psoevohngʉa a'o, maica ho tesi mi'usni muu ho eʉsvʉta 'o te'o e'e. 15na isi afu'a tanua to amo zou acʉhʉ nuu'u, ko'ko os'o yainca, 'o seilei tesi acʉha eʉsvʉta muu 'o te'o afu'a e'e.>
aezuhu 'o ma'tipvongʉ ho kokaekaebʉ
16<o'ate aomane, temucu o'tena aiti a'o; at'inghi, o'ate aomane, tenamu ivaha aiti a'o.>
17ta taico ta tesi mo piyo 'omo yupa mainca: <isi yainca a'to <<o'ate aomane, temucu o'tena aiti a'o; at'inghi o'ate aomane, tenamu ivaha aiti a'o>>; ivaha yainca <<maica te'o uhto amo'u>>; cuma na e'ausnasi ta e'e tan'e?> 18panto mo maezo tuocosʉ ci cou: <i'o isi yainca <<o'ate aomane>> zou cuma na isi pahtuhci? o'a ito asansana cuma na isi engha!>
19isi cohivi to iesu ho ihe 'ucia tuocosi, cu mi'usni ho yainca: <os'o yainca <<o'a te aomane, temucu o'tena aiti a'o; ivaho aomane, tamu ivaha aiti a'o>>; imu yupa toʉsvʉsvʉtneni 'e e'e eni? 20te'o bumemeala eʉsvʉta muu, temu mongsi ho nac'o, te apuyu kokaekaebʉ 'e yata hpʉhpʉngʉ; temu ma'tipvongʉ, at'inghi 'e ma'tipvongʉmu tenac'u aezuhu kokaekaebʉ. 21'e mamespingi ho tec'u mon'ia peyafa na foinana la ma'tipvongʉ, maica ho te esmi 'o 'atutumzo; at'inghi ho isicu peyafa 'o foinana tec'u acʉha ta'payo'a na 'atutumzo, maica ho isi kaebeni homo yayo ta hpʉhpʉngʉ 'e foinana. 22'atemueno maezo maica: mimu ma'tipvongʉ maitan'e, at'inghi ho ta'u ivaha aiti muu, tena a'sʉftonʉ kokaekaebʉ na 'tohʉngʉmu; na kokaekaebʉmu uk'a ci te meelʉ ti'eingi.
23<to hiesi ho mio, o'a temu mi'usnu a'o ho m'ene no cuma. te'o bumemeala eʉsvʉta muu, temu boemi ta ongko'u, upena hoci cuma na temu p'enia to amo, tesi ahtao'te pafeni muu#<temu boemi ta ongko'u, upena hoci cuma na temu p'enia to amo, tesi ahtao'te pafeni muu> panto piyo ci h'unasi ci tposʉ noana'o isi yainca <hocimu mi'usnu to amo ho m'ene. te nomio ta ongko'u ho pafeni muu>.. 24ac'ʉhʉ maitan'e, o'amocu mimu ahtu boemi ta ongko'u ho m'ene no cuma; hocimu m'ene, te m'elʉ, poa a'sʉftonʉ ngangcʉngcʉ na kokaekaebʉmu.>
tosa'ohe ta hpʉhpʉngʉ
25<mi'o boemi ta epo'uso ho eʉsvʉta muu 'emo maica ci hi'hioa. at'inghi tec'u esmi 'e hiesi, 'anate'o ivaho boemi ta epo'uso, te epopayoa eʉsvʉta muu na hi'hioa to amo. 26to hiesi ho mio, temu boemi ta ongko'u ho eyoho'ʉ; o'aos'os'a yainca te'o mi'usnu to amo ho eoho'neni muu, 27maica isi iachia ngohia to amo na muu. ho isi ngohia muu; mo maica imu'so ngohia a'o, a'vinano taa'uzva ho mi'o i'mi to hamo ho cmʉ'ho. 28mi'o i'mi to isi yoni to amo ho cmʉ'ho ta hpʉhpʉngʉ; maitan'e te'o mongoi ta hpʉhpʉngʉ, yuovei to isi yoni to amo.>
29mi'usni to tesi 'o iesu ho yainca: <aiti, ikocu pahsansana engha, o'ana miko nama boemi no epo'usa. 30imzacu ta'sansana, uk'a ci osko o'te cohivi, o'ate naman'a yaa mi'usnu suu ho tuocosʉ. ko'koeno, imza taa'uzva suu miko i'mi to hamo.>
31yainca to iesu: <imucu taa'uzva maitan'e? 32tec'u esmi 'e hiesi, 'acueno homo maica, temu acʉhʉ apeaski, ma'i'iachi maine'e no iachi 'oyona, nʉ'vi a'o ho cuc'o poa noachia. a'ʉmtʉsi, o'a mi'os'a anou noachi, maica isi no'upi to amo a'o. 33os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>
Currently Selected:
yohane 16: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
yohane 16
16
1<os'ocu eʉsvʉta muu 'emo maica ci hi'hioa, akoevano o'te poa aot'ou na singkoomu. 2tehe peteoyafa ta kaitoo na muu; a'vinano tec'u esmi 'e hiesi, i'ote opcoi muu ci cou ho ihe hioa 'emo maica ci hi'hioa mo ma'unano mo fifiho to hamo. 3a'ʉmtʉsi, homo maica 'o hioahe mo atuhcu o'te bohngʉ to amo, yaeza o'a ihe honga a'o. 4ho os'o eʉsvʉta muu 'emo maica ci hi'hioa, akoeva no poa talʉaneni muu 'e o'ucula mi'usneni muu ho engha ci e'e ho tac'u esmi 'e hiesi eni.>
hi'hioa to seilei
<to ahoisi o'u o'te eʉsvʉta muu na eni, mo maica ho mi'on'a asngʉcʉ no'upu muu. 5maitan'e te'ocu yuovei to isi yoni to mo popeosmuhnu a'o, ta taicomu uk'a cimo tuocosʉ ho mainca <<teko uhnenu?>> 6at'inghi, i'mi ho os'ocu eʉsvʉta muu 'e hi'hioa eni, nama mimu na'no ma'nanac'o. 7homoeno maica te'o a'ʉmta eʉsvʉta muu, ho te'o emo'usnu maita'e, mate koa ʉmnʉ muu; hoci'u o'te emo'usnu maita'e, 'o le'aʉt'ʉcʉ o'ate cmʉ'ho muu; ho te'o emo'usnu maita'e, ta'ucu popeoskuna ho poa cmʉ'hoa. 8ho tena cmʉ'ho, te mi'usnu ta yatatiskova ho soomei, na lahe hia mi'usnu to kuisi, mi'usnu to moulʉlʉ, mi'usnu to hia baito no yʉsvʉta to hamo mo acʉhʉ o'te emio 'o 'tohʉngʉhe. maica o'a mihin'i tmaa'uzo a'o. 9hola o'te emio na lahe hia baito ta kuisi, la i'mi ho o'aihe taa'uzva a'o; 10hola o'te emio na lahe hia baito ta moulʉlʉ, mo maica ho te'o uhto isi yoni to amo'u, 'anatamu ahta huvahi a'o; 11homo o'te emio na lahe hia baito ta yʉsvʉtʉ, maica 'e honte ta hpʉhpʉngʉ micu tiyou no yʉsvʉta.
12<mon'a man'i 'o te'o eʉsvʉta muu ci hi'hioa, at'inghi o'a mocu temu pasvo'ha maitan'e. 13totea ho tac'u cmʉ'ho nate mofi no so'emio ci seilei, tasi eahafa muu ho yʉmeʉmʉ to 'ayumona to afu'u so'emio. o'a isi ieni no iachisi ho ya'ei, ma isi eʉsvʉta muu na ohsila talʉi, a'vinano eyafa nate hi'hioa ho noana'o. 14tesi psoevohngʉa a'o, maica ho tesi mi'usni muu ho eʉsvʉta 'o te'o e'e. 15na isi afu'a tanua to amo zou acʉhʉ nuu'u, ko'ko os'o yainca, 'o seilei tesi acʉha eʉsvʉta muu 'o te'o afu'a e'e.>
aezuhu 'o ma'tipvongʉ ho kokaekaebʉ
16<o'ate aomane, temucu o'tena aiti a'o; at'inghi, o'ate aomane, tenamu ivaha aiti a'o.>
17ta taico ta tesi mo piyo 'omo yupa mainca: <isi yainca a'to <<o'ate aomane, temucu o'tena aiti a'o; at'inghi o'ate aomane, tenamu ivaha aiti a'o>>; ivaha yainca <<maica te'o uhto amo'u>>; cuma na e'ausnasi ta e'e tan'e?> 18panto mo maezo tuocosʉ ci cou: <i'o isi yainca <<o'ate aomane>> zou cuma na isi pahtuhci? o'a ito asansana cuma na isi engha!>
19isi cohivi to iesu ho ihe 'ucia tuocosi, cu mi'usni ho yainca: <os'o yainca <<o'a te aomane, temucu o'tena aiti a'o; ivaho aomane, tamu ivaha aiti a'o>>; imu yupa toʉsvʉsvʉtneni 'e e'e eni? 20te'o bumemeala eʉsvʉta muu, temu mongsi ho nac'o, te apuyu kokaekaebʉ 'e yata hpʉhpʉngʉ; temu ma'tipvongʉ, at'inghi 'e ma'tipvongʉmu tenac'u aezuhu kokaekaebʉ. 21'e mamespingi ho tec'u mon'ia peyafa na foinana la ma'tipvongʉ, maica ho te esmi 'o 'atutumzo; at'inghi ho isicu peyafa 'o foinana tec'u acʉha ta'payo'a na 'atutumzo, maica ho isi kaebeni homo yayo ta hpʉhpʉngʉ 'e foinana. 22'atemueno maezo maica: mimu ma'tipvongʉ maitan'e, at'inghi ho ta'u ivaha aiti muu, tena a'sʉftonʉ kokaekaebʉ na 'tohʉngʉmu; na kokaekaebʉmu uk'a ci te meelʉ ti'eingi.
23<to hiesi ho mio, o'a temu mi'usnu a'o ho m'ene no cuma. te'o bumemeala eʉsvʉta muu, temu boemi ta ongko'u, upena hoci cuma na temu p'enia to amo, tesi ahtao'te pafeni muu#<temu boemi ta ongko'u, upena hoci cuma na temu p'enia to amo, tesi ahtao'te pafeni muu> panto piyo ci h'unasi ci tposʉ noana'o isi yainca <hocimu mi'usnu to amo ho m'ene. te nomio ta ongko'u ho pafeni muu>.. 24ac'ʉhʉ maitan'e, o'amocu mimu ahtu boemi ta ongko'u ho m'ene no cuma; hocimu m'ene, te m'elʉ, poa a'sʉftonʉ ngangcʉngcʉ na kokaekaebʉmu.>
tosa'ohe ta hpʉhpʉngʉ
25<mi'o boemi ta epo'uso ho eʉsvʉta muu 'emo maica ci hi'hioa. at'inghi tec'u esmi 'e hiesi, 'anate'o ivaho boemi ta epo'uso, te epopayoa eʉsvʉta muu na hi'hioa to amo. 26to hiesi ho mio, temu boemi ta ongko'u ho eyoho'ʉ; o'aos'os'a yainca te'o mi'usnu to amo ho eoho'neni muu, 27maica isi iachia ngohia to amo na muu. ho isi ngohia muu; mo maica imu'so ngohia a'o, a'vinano taa'uzva ho mi'o i'mi to hamo ho cmʉ'ho. 28mi'o i'mi to isi yoni to amo ho cmʉ'ho ta hpʉhpʉngʉ; maitan'e te'o mongoi ta hpʉhpʉngʉ, yuovei to isi yoni to amo.>
29mi'usni to tesi 'o iesu ho yainca: <aiti, ikocu pahsansana engha, o'ana miko nama boemi no epo'usa. 30imzacu ta'sansana, uk'a ci osko o'te cohivi, o'ate naman'a yaa mi'usnu suu ho tuocosʉ. ko'koeno, imza taa'uzva suu miko i'mi to hamo.>
31yainca to iesu: <imucu taa'uzva maitan'e? 32tec'u esmi 'e hiesi, 'acueno homo maica, temu acʉhʉ apeaski, ma'i'iachi maine'e no iachi 'oyona, nʉ'vi a'o ho cuc'o poa noachia. a'ʉmtʉsi, o'a mi'os'a anou noachi, maica isi no'upi to amo a'o. 33os'o eʉsvʉta muu 'e hi'hioa eni, te'o akoeva no poa i'mi ho mimu yuecnguhu a'o ho yaa soanono. ta hpʉhpʉngʉ, mimu yaa 'atutumio; at'inghi temula 'ʉteʉ, mi'ocu atpʉtʉ ta hpʉhpʉngʉ!>
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014