yohane 20

uk'a yayo ci heuf'a

(matai 28:1-8; maluko 16:1-8; luka 24:1-12)

1taseonasi no maikayo, o'a mocu mo tiskova, 'o maliya to motala mo emo'usnu to heuf'a, aiti 'o fatu to phingi to heuf'a isicu soezuha. 2cu toemaine'e ho i'ima 'o saimong petelo ho i'o lasi songohia to iesu ci mo cihi ci tesi, isi eʉsvʉta: <pano mo uhto heuf'a ho soezuha 'o nooe'oca, o'a imia cohivi ihe siya no nenu!>

3'o petelo ho i'o tesi ic'o cu emo'usnu to heuf'a. 4mo iepoepohʉ peayofʉ 'o mo yoso, at'inghi 'o tesi ic'o mo mayahehe to petelo, auyuhe toecʉ'ho to heuf'a. 5mo m'o'ayumonʉ ho aiti, teolʉi 'o yʉteʉ mion'a yonto ic'o, at'inghi o'amo yʉmeʉmʉ. 6cu tmoevo'ho 'o saimong petelo; moc'o emosngʉcʉ yʉmeʉmʉ to heuf'a, aiti 'o yʉteʉ ho mon'a yonto ic'o, 7yaeza teolʉi 'o cocfunana to fnguusi o'a isi so'upa to yʉteʉ, isi taipupsu'ha ho soh'una. 8i'omo auyu sʉc'ʉhʉ ci tesi mo maezo fiho yʉmeʉmʉ to heuf'a; ne isicu aiti cu taa'uiva. ( 9o'a mocu ihe ahta cohivi na e'ausna to isi engha to seiso ci e'e isi yainca tena ahtuo'te i'mi to mcoi ho smoevovei.) 10micu maine'e 'omo yoso ci tesi.

aopa'to to maliya to motala 'o iesu

(matai 28:9-10; maluko 16:9-11)

11mion'a yac'ʉ to yafana to heuf'a 'o maliya ho mongsi. mo mongsi ho m'o'ayumonʉ to heuf'a ho aiti, 12teolʉi 'omo yoso cimo sifʉecʉ'iya ci tensi, mo yusuhngu to ohe sii to feongo to iesu, mo yonto fnguusi 'omo cihi, yonto t'angosi 'omo cihi.

13ihe tuocosi 'o maliya: <mamespingi, cuma na osko tngisi?>

isi yut'inga: <ihe soezuha 'o nooe'ocamia, o'a os'o cohivi ihe siya no nenu!>

14pateʉpnga 'e e'e eni, miezuhu 'o maliya, teolʉi 'o iesu mo yac'ʉ to ic'o, at'inghi o'a mocu isi cohivi ho i'o iesu. 15isi tuocosi to iesu: <mamespingi, cuma na iko tngisi? siya na iko i'ima?>

isi ta'unano inala aʉt'ʉcʉ to ezoyʉ ci cou to maliya, ko'ko isi mi'usni ho yainca: <sensei, hoci zou suu namo mosoezuhu, teko'so eʉsvʉta a'o, osko siya no nenu, te'o ko'ko sooveiya.>

16isi eyoho'a to iesu: <maliya!>

mo miezuhu 'o maliya, buahevulu ho yainca: <laponi!> (zou <sensei> na e'ausnasi.)

17yainca to iesu: <'ote ti'eopʉ a'o, maica ho o'a mocu mi'o uhto lasi yoni to amo'u. teko uhto maanat'ohaesa'u ho eʉsvʉta: <<te'o baito to amo'u; 'aeno maezo amomu, te'o baito to hamo'u. 'aeno maezo hamomu.>> >

18'o maliya to motala cu eʉsvʉta to tesi, yainca isicu aiti 'o nooe'oca, yaeza psoecʉ'ha 'o e'e to nooe'oca.

aopa'to to tesi 'o iesu

(matai 28:16-20; maluko 16:14-18; luka 24:36-49)

19yofnasi no maikayo, mo yu'eteuyunu 'o tesi to iesu, eyʉca 'o phingi, maica mo ngoheʉngeʉ to so'ehti to couyutaya. ne mio, mo aopa'to 'o iesu, yac'ʉ to taicohe, mainca: <temu'sola soanono!> 20ne isicu e'e eni, isicu pa'teni 'o emucusi ho i'o h'ih'isi. cu aiti to tesi 'o nooe'oca, mo na'no kokaekaebʉ. 21isi ivaha mi'usni to iesu 'o tesi ho yainca: <temu'sola soanono! aʉlʉ mais'a 'o amo'u ho isi popeoskuna a'o, te'o yaica ho popeoskuna muu.> 22eepʉnga 'e e'e eni, isi pee'usni to peucu 'o tesi, yainca: <tiou'sio to seilei! 23kuisi no siya na temu peteongasa, tec'u peteongasa na kuisi no siya; hocimu o'te peteongasa na kuisi no siya, na kuisi no siya o'ate peteongasa.>

tomas ho i'o iesu

24nemo seolʉa no aopa'to 'o iesu, 'omo cihi to maskʉueso ci tesi to iesu ci tomas (hopngo 'o tos'ongkasi) o'amoso no'upu. 25ko'ko i'o mocmo ci tesi ne ihe eʉsvʉta to tomas ho ohecu aiti 'o iesu.

isi mi'usni to tomas ho yainca: <mac'oci'u aʉla iachia aiti 'o oho smizi to emucusi, yomza ta lulku'u ho peuasa 'o oho smizi, boemi ta emucu ho peuasa 'o h'ih'isi, o'ate'o ahta taa'uzva.>

26ataveisi no mainsohʉ, moso ivaho yu'eteuyunu to emoo 'o tesi; maezo no'upu 'o tomas. mo emʉtʉ 'o phingi, at'inghi mo aemo'au aopa'to 'o iesu, ho yac'ʉ to taicohe, mainca: <temu'sola soanono!> 27ataveisi isi mi'usni 'o tomas ho yainca: <siya tan'e si lulkusu. aiti 'e emucu'u; ho'usneni si emucusu ho peuothoma co h'ih'i'u. 'otela ma'pepecvai. lac'o tmaa'uzo!>

28mainca 'o tomas: <nooe'oca'u, hamo'u!>

29yainca to iesu: <mio maica ho osko'so aʉla aiti a'o hocu taa'uzva? inamo o'te baito hocu tmaa'uzo a'ʉmtʉs'a ʉm'ʉmnʉ!>

atuhcusi ta tposʉ tan'e

30mo yonto tuhcu to tesi 'o iesu hon'a hioa 'omo man'i ci po'e, at'inghi o'aisi tposi ta tposʉ tan'e. 31na atuhcusi ho isi tposi 'e tposʉ eni te poa taa'uzveni muu#<te poa taa'uzveni muu> panto piyo ci h'unasi ci tposʉ noana'o isi yainca <te poa a'cʉ'cʉnʉ tmaa'uzo muu>. 'o iesu ho zou kilisto, zou oko to hamo, a'vinano te poa nomio no tmaa'uzomu ho elʉ no nsou.

Currently Selected:

yohane 20: bsnfe

Highlight

Copy