luka 17
17
e'usnu no kuisi
(matai 18:6-7, 21-22; maluko 9:42)
1mi'usni to iesu 'o tesisi ho yainca: <ahtu o'te pano te koa peiskuisi ci hi'hioa, at'inghi inala eteo'hoi peiskuisi ci cou te ku'kuici! 2apuyu ʉmnʉ hoci seo'eisneni ta sʉnʉsi na fatu no huahua. ho poa sʉhcʉ'o ne mʉ'eona ne etʉpʉ; maicac'o te ʉmnʉhe no 'aoko eteo'hoi peiskuisi no isi hukoacumai ci cou. 3temula conino bumemealʉ!
<hoci peiskuisi na nat'ohaesasu, la eucufni kokoica; hoci ma'vovei, la peu'uzva. 4hoci i'poptuhu tokvo'ʉ suu tamo conohie, aacni miovei suu ho mainca: <<mi'ocu ma'susuae>>, tekola aacnia peu'uzva.>
e'usnu no singkoo
5mi'usnu to nooe'oca 'o sitoo ho yainca: <tekon'a poa apuhngu co singkoomia!>
6yainca to nooe'oca: <hocimu mako yaa mais'a tutu no chae enghova na singkoomu, 'upena hoci yainca 'e tahzucu eni: <<tuefisa ho taezuha ne etʉpʉ!>> 'a teec'o mimho tmalʉ muu.>
nate ngoevi ta soskuskunu
7<ta taicomu honci pano mo yaa yaezoi hocieno lepocengi moatʉ'nʉ ci soskuskunu, hocic'u i'mi ne ezoyʉ ho maine'e, tekonana ahta mi'usni ho yainca <<aupcio yusuhngu ho bonʉ>>? 8o'ates'a! teko ahtao'te mi'usni ho yainca: <<aueva ayocneni no te'o oyofona, ekuyungu no taf'u, ho aʉt'ʉca a'o, totea ho ta'ucu oepʉngʉ, takocu maezo bonʉ.>> 9hoci maino eutotavei to tauke 'e soskuskunu ho hioa, tees'aeno mi'usnu no soskuskunu na tauke ho to'aveoveoyʉ? 10'atemuc'oeno maezo totiski. hocimucu peiseʉpngi na isi afu'a skueni to hamo ci hi'hioa, te mainca: <<mimza anana'o uk'a a'a'ausna ci soskuskunu; ma imzac'o pnanfi 'e ntemia anana'va hioa.>> >
aotothoma 'omo maskʉ ci to'ho'ho
11nemo mita ceono emo'usnu ne 'elusalemu 'o iesu, mo mito mia'usnu to taico to hpʉhpʉngʉ to samalia ho ngalilaya. 12ne micu yʉmeʉmʉ tomo conci you, panto maskʉ cimo tma'congo no to'ho'ho mo mingeou ho emo'usnu. mo bimcovhi yac'ʉ, 13tmunoi moozoyʉ ho mainca: <iesu, sensei, coveoza a'mi!>
14isi teolʉi to iesu, mi'usni ho yainca: <temu e'ohʉ, poa aitneni to saisi!>
nemo seolʉa no e'ohʉ micu cofkoya 'o h'oh'ohe. 15mo cihi to 'ayumonahe isi aiti ho micu yov'o, osni peisvovei, tmunoi ho tohmomoengʉ to hamo, 16mion'a m'ocnguyu to tuhcu to t'ango to iesu ho to'aveoveoyʉ. 'e cou eni zou cousamalia. 17yainca to iesu: <o'a mos'aeno maskʉ ci cou 'omo yov'o, 'o mon'a sio ci cou mo yonenu? 18mainci i'ec'o cihi ci couyafana 'emo yuovei ho to'aveoveoyʉ to hamo?> 19isicu mi'usni to iesu ho yainca: <yʉc'ʉ, e'ohʉ! 'e singkoosu isi poa yov'o 'e feangosu.>
cmʉ'ho 'o hpʉhpʉngʉ to hamo
(matai 24:23-28, 37-41)
20piyo ci coufalisai mo esmi ho tuocosi 'o iesu, 'ucia cohivi te cmʉ'ho ho homna na hpʉhpʉngʉ to hamo. yut'inga to iesu: <hoci cmʉ'ho na hpʉhpʉngʉ to hamo ma'i tec'oso peelʉi aiti ta mcoo. 21uk'a ci te meelʉ mainca: <<aiti, a'emo yontan'e!>> hocieno <<'atamo yonta'e!>> maica ina hpʉhpʉngʉ to hamo mo yonta 'tohʉngʉmu#<yonta 'tohʉngʉmu> hocieno yainca <mo yonta taicomu> hocieno <aemo'au esmi ta taicomu>.!>
22acnguhu, isi ivaha mi'usni 'o tesi ho yainca: <tec'u mic'ʉhi 'e hie, lamu tongsoya aiti na hiesi to okocou hocic'u mahafo no tonʉ ho cmʉ'ho, at'ingha o'ate teolʉi. 23panto tena mi'usnu muu ho mainca: <<aiti, mo yonta'e!>> <<aiti, mo yontan'e!>> o'atemu yuyafo ho aiti, maezo 'otes'a to'ofeihni. 24aʉlʉ mais'a 'o moi'hocʉ hola meicaefi ta engʉca, i'mi ta engʉca tan'e ho psoetiskou to engʉca ne'e, na hiesi no cmʉ'ho 'o okocou 'ateeno maezo maica. 25at'inghi ten'a auyun'a tiou no man'i ci 'atutumio, noa ciha ta cou maitan'e. 26aʉlʉ mais'a 'o nia hiesi to noa, na hiesi no cmʉ'ho to okocou tena totiski. 27na nia cou ne mio 'amoeno maica ho eabobonʉ ho 'atatotovcongʉ, ac'ʉhʉ to hiesi ne mohcu yʉmeʉmʉ to 'apangʉ 'o noa, esmiza to fozu ci chumu cu acʉha aapapayo'a. 28na hiesi no cmʉ'ho 'o okocou, maezo mais'a 'o hiesi to nia looto; na nia cou ho mio maica ho mimo ho eabobonʉ, yupa 'amamhimhino, maezo emʉemʉm'ʉ ho eemo. 29ac'ʉhʉ to hiesi no mongoi to sotoma 'o looto, 'o puzu ho liukoo mo i'mi ne pepe ho mʉchʉ, acʉhacu aapapayo'a 'o cou. 30na hiesi no aopa'to 'o okocou 'atenaeno maezo maica.
31<na hiesi ho mio, namo yono sofʉ, 'otena ohpueho ho yʉmeʉmʉ no emoo ho mayo no macucuma; totiski, namo yono ezoyʉ ho yaahioa, maezo o'anate maine'e. 32atatalʉa na ohsi elʉa to vcongʉ to looto! 33i'ola 'ucia iachia ayʉcʉ na nsou, te payo'a na nsou; i'ola payo'a 'o nsou, namate ayʉca 'o nsou. 34te'o eʉsvʉta muu, to yofnasi ho mio, yoso 'omo moheupho to hopo, hafa 'omo cihi, teongasi 'omo cihi. 35yoso ci mamespingi mo iepoepohʉ huahua, hafa 'omo cihi, teongasi 'omo cihi.#panto piyo ci tposʉ noana'o isi topuhngi ta 36 secu <yoso 'omo yonto ezoyʉ ho yaahioa, hafa 'omo cihi, teongasi 'omo cihi.>
37ihe tuocosi to tesi ho yainca: <nooe'oca, tena yuyafo nenu 'emo maica ci hi'hioa?>
yut'inga to iesu: <mo yonenu na evoo, 'alaeno maezo yu'eteuyunu nenu na eiski.>
Currently Selected:
luka 17: bsnfe
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan © 台灣聖經公會版權所有 2014
