Yowani 18
18
Rakpen da si Yeso
(Matay 26:47-56; Make 14:43-50; Locya 22:47-53)
1Teyka meynozi si Yeso am makowbot rana kano macinanao jya a kangay da do katovangan no ayo a meyngaran so Kelon. Do dang rana am yanan no asa ka peymowamowan. So nyangay da do dang. 2O meyngaran so Yota a meypanam a manazang ni Yeso am katenngan na o kalwalovotan da ni Yeso a kano macinanao jya, ta masangib si Yeso amlovot so macinanao jya do dang. 3No kano nang am yangay na rana ni Yota o aro a itaysang no Loma do yanan da Yeso a kano macinanao jya. O omzat do rako a panaralayan a nitovoy da no tao a macyagom do Vadisay a kano mapatanatanang so nakem da si Ama ta do to am mangay sira do yanan da Yeso a meypinan so voovoo da kano soo da. 4Katenngan ni Yeso o makakaday a alalaw a mangay meydedna jya. Am ori o nipacicyan na sira. Maniring am, “Sino nyo kalahen.” 5Maniring sira am, “O tao do Nasale a meyngaran so Yeso.” Maniring si Yeso am, “Yaken nyo ipanci ang.” O meyngaran so Yota a manazang nya am macizasing jira. 6Teyka na ori ipanci ni Yeso am mina to ngiso sira a mazkem do teyrahem. 7Maniring pa si Yeso jira am, “Sino nyo kalahen.” Maniring sira am, “O tao do Nasale a meyngaran so Yeso.” 8Maniring si Yeso am, “Ko na nipanci jinyo o na ka yaken na ang. No kamo manoyong a yakomala jyaken am ji nyo manapci sira o kararay ko.” 9O peycirngan na so sang ni Yeso am pangononongan na o ciring na do kapanci na no, “Mo Ama do to, ji ko liklika sira o nitoro mo jyaken a tao.” 10Karahan am o meyngaran so Simong Pite am nimapalolo so takzes am to na rana ngoyota o takzes na kapacipas na sya do wanan no talinga no lamlamsoy no panirsirngen da no mapatanatanang so nakem da si Ama ta do to. O ngaran no lamlamsoy no panirsirngen am si Mahe. 11Maniring si Yeso ji Pite am, “Pasoot rana o takzes mo. Mo ipanci o kaji ko ngapan so alalaw a nitoro na jyaken ni Ama ta do to?”
Do tangain ni Annase
12O itaysang no Loma kano panirsirngen da kano omzat do rako a panaralayan am rakpen da si Yeso a kavaod da sya. 13Ney manoma na nyangayan da nya am meyngaran si Annase. Iya rana am icyarwa no maizay a yamapatanatanang so nakem da si Ama ta do to do kasa kawan ang a meyngaran si Keyava. 14Iya o nimanci nya do tao do Yotay so kapya na sya no asa ka tao a mangay mawakwak no aro a tao.
No ka ori pa so kalalas ni Pite si Yeso
(Matay 26:69-70; Make 14:66-68; Locya 22:55-57)
15Macilolo si Simong Pite a kano asa ka macinanao ji Yeso am asa jira o katovilan no panirsirngen da no mapatanatanang so nakem da si Ama ta do to. Am ori o nipacisdep na ji Yeso a mangay do vahay no panirsirngen da no mapatanatanang so nakem da si Ama ta do to. 16Si Pite am amyan do pantaw. Makowbot o asa ka macinanao ji Yeso a katovilan no panirsirngen da no mapatanatanang so nakem da si Ama ta do to am macisirsiring do lamlamsoy da maniwangiwang so pazevngen a mavakes. Am ori o nipasdepan na si Pite. 17Maniring o mavakes ji Pite am, “Beken a ka macinanao do da nirakep a tao ang?” Maniring si Pite am, “Beken.” 18Marekmeh no kano nang. Am ori o nipeydokdok da so apoy a panangdangan da no itaysang no Loma kano omzat do rako a panaralayan. So nyangay ni Pite a macipanangdang jira.
Pacicin da si Yeso no panirsirngen da no mapatanatanang so nakem da si Ama ta do to
(Matay 26:59-66; Make 14:55-64; Locya 22:66-71)
19Pacicin na si Yeso no panirsirngen da no mapatanatanang so nakem da si Ama ta do to. O ipacici na sya am omagaz do nanao na kano omanop jya. 20Maniring si Yeso am, “Ko masangib a yamangnanao do da kalwalovotan no tao. So yako ikasangib a yamangnanao so tao do peyneynozyan a kado rako a panaralayan. So yana ikabo no yako powziben a ciring ko. 21Ikongo mo pacicyan jyaken. Apyapya rana o kangay mo mapacici so tao a yanimakamizing so nanao ko. Ta da katenngan o nipanci ko.”
22Teyka na ni Yeso o ciring na am siplangan na o posngi na no yasa ka mamzat a kapanci na no, “Ikongo mo to mancii no akman sang do panirsirngen da no mapatanatanang so nakem da si Ama ta do to.” 23Maniring si Yeso jya am, “No si myan so malas a ko nipanci am pancyaney do aro a tao eyto. Am no si manoyong o ciring ko am ikongo mo to niplangi jyaken.” 24Meyratateng am ipanci na ni Annase o tao a mangay ni Yeso do tao a meyngaran so Keyava a panirsirngen da no mapatanatanang so nakem da si Ama ta do to. Am no kanang am mavaod pa si Yeso.
No keypirwa kano keypitlo na ni Pite a omalalas ji Yeso
(Matay 26:71-75; Make 14:69-72; Locya 22:58-62)
25Meyratateng am to manangdang pa dang si Pite. Maniring jya o asa ka tao am, “Beken a macinanao ka asyo ji Yeso?” Maniring si Pite do alalasan na jya am, “Beken a yaken.” 26Amyan so asa ka lamlamsoy no panirsirngen da no mapatanatanang so nakem da si Ama ta do to. Iya rana am zipos no nipeycipas ni Pite so talinga. Maniring ori am, “Ji ko nimacita imo a nimacihza ji Yeso do peymowamowan no tao a.” 27Maniring si Pite am, “Jyabo a.” Am nimacinao no kano nang o katazokokok no manok.
Pacicin na si Yeso ni Pilato
(Matay 27:1-2,11-31; Make 15:1-20; Locya 23:1-5,13-25)
28Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira. 29Am ori o nyangay ni Pilato do pantaw a mapacici sira. Maniring am, “Ikongo nyo oyyan no tao eya. Ikongo na karatan.” 30Maniring sira am, “No yabo na karatan am namen jyangayan jimo do jya.” 31Maniring si Pilato jira am, “No komwan am angayan kamo rana. Ahahapan nyo na sya do iwawalam nyo.” Maniring sira am, “Yabo oyowyat namen a to meyneynakem a manci no keyyan no raraten no tao a mangay wakwaken.” 32Ori rana am mangononong o ciring ni Yeso, do kapanci na no kataotao na mangay da padketen do jyojika a wakwaken.
33Karahan am somdep si Pilato do vahay a manci ni Yeso. Maniring jya am, “Ka manoyong a panirsirngen da no tao do Yotay?” 34Maniring si Yeso am, “Yamanoyong a ciring mo ori an? No yamo nimamizing do tao.” 35Maniring si Pilato am, “Mo ipanci yaken a tao do Yotay? A tarek da keylyan nyo ori a kano panipanirsirngen no mapatanatanang so nakem da si Ama ta do to o yanimai nimo jyaken a yamanci no vazay mo jyaken. Ikongo raraten mo.” 36Maniring si Yeso am, “Yaji yapo do tao do karawan o yako ipanalamozong. Ta no si ori am jyabo kaji da ngagoman nyaken no yaomanop jyaken a tao a kaji da makahapan jyaken no panipanirsirngen no tao do Yotay a. So ko ji monganai do karawan.” 37Maniring si Pilato jya am, “Ka manoyong a panirsirngen an?” Maniring si Yeso am, “Imo yamanci nyaken a panirsirngen. O ko nikatazak do karawan am yameykasa o peypeypangayan na. Ori rana am meylimwang no manoyong a nanao. O tao rana a makza no manoyong a nanao am ori o omamizing so ciring ko.” 38Maniring si Pilato am, “Ikongo o manoyong a nanao.”
Karahan am makowbot si Pilato. Maniring do aro a tao do Yotay am, “Ko ji makakala so yasa ka raraten na a yako pangozayan a oyyan ko nya. 39Am ko to mangozai o iwawalam nyo. Ori rana am mangday do ipamaring nyo so kanen do Iyeci o kapasaway ko so asa ka marahet so nakenakem a tao. Manngwa, apyahen nyo yaken a mapasaway so panirsirngen nyo a tao do Yotay an?” 40Karahan am amlololos sira. Maniring sira am, “Taosya a pasawain si Yeso. Ta si Palapa o pasawain.” (Si Palapa rana am manoyong a mangap so ahahapen.)
Currently Selected:
Yowani 18: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Yowani 18
18
Rakpen da si Yeso
(Matay 26:47-56; Make 14:43-50; Locya 22:47-53)
1Teyka meynozi si Yeso am makowbot rana kano macinanao jya a kangay da do katovangan no ayo a meyngaran so Kelon. Do dang rana am yanan no asa ka peymowamowan. So nyangay da do dang. 2O meyngaran so Yota a meypanam a manazang ni Yeso am katenngan na o kalwalovotan da ni Yeso a kano macinanao jya, ta masangib si Yeso amlovot so macinanao jya do dang. 3No kano nang am yangay na rana ni Yota o aro a itaysang no Loma do yanan da Yeso a kano macinanao jya. O omzat do rako a panaralayan a nitovoy da no tao a macyagom do Vadisay a kano mapatanatanang so nakem da si Ama ta do to am mangay sira do yanan da Yeso a meypinan so voovoo da kano soo da. 4Katenngan ni Yeso o makakaday a alalaw a mangay meydedna jya. Am ori o nipacicyan na sira. Maniring am, “Sino nyo kalahen.” 5Maniring sira am, “O tao do Nasale a meyngaran so Yeso.” Maniring si Yeso am, “Yaken nyo ipanci ang.” O meyngaran so Yota a manazang nya am macizasing jira. 6Teyka na ori ipanci ni Yeso am mina to ngiso sira a mazkem do teyrahem. 7Maniring pa si Yeso jira am, “Sino nyo kalahen.” Maniring sira am, “O tao do Nasale a meyngaran so Yeso.” 8Maniring si Yeso am, “Ko na nipanci jinyo o na ka yaken na ang. No kamo manoyong a yakomala jyaken am ji nyo manapci sira o kararay ko.” 9O peycirngan na so sang ni Yeso am pangononongan na o ciring na do kapanci na no, “Mo Ama do to, ji ko liklika sira o nitoro mo jyaken a tao.” 10Karahan am o meyngaran so Simong Pite am nimapalolo so takzes am to na rana ngoyota o takzes na kapacipas na sya do wanan no talinga no lamlamsoy no panirsirngen da no mapatanatanang so nakem da si Ama ta do to. O ngaran no lamlamsoy no panirsirngen am si Mahe. 11Maniring si Yeso ji Pite am, “Pasoot rana o takzes mo. Mo ipanci o kaji ko ngapan so alalaw a nitoro na jyaken ni Ama ta do to?”
Do tangain ni Annase
12O itaysang no Loma kano panirsirngen da kano omzat do rako a panaralayan am rakpen da si Yeso a kavaod da sya. 13Ney manoma na nyangayan da nya am meyngaran si Annase. Iya rana am icyarwa no maizay a yamapatanatanang so nakem da si Ama ta do to do kasa kawan ang a meyngaran si Keyava. 14Iya o nimanci nya do tao do Yotay so kapya na sya no asa ka tao a mangay mawakwak no aro a tao.
No ka ori pa so kalalas ni Pite si Yeso
(Matay 26:69-70; Make 14:66-68; Locya 22:55-57)
15Macilolo si Simong Pite a kano asa ka macinanao ji Yeso am asa jira o katovilan no panirsirngen da no mapatanatanang so nakem da si Ama ta do to. Am ori o nipacisdep na ji Yeso a mangay do vahay no panirsirngen da no mapatanatanang so nakem da si Ama ta do to. 16Si Pite am amyan do pantaw. Makowbot o asa ka macinanao ji Yeso a katovilan no panirsirngen da no mapatanatanang so nakem da si Ama ta do to am macisirsiring do lamlamsoy da maniwangiwang so pazevngen a mavakes. Am ori o nipasdepan na si Pite. 17Maniring o mavakes ji Pite am, “Beken a ka macinanao do da nirakep a tao ang?” Maniring si Pite am, “Beken.” 18Marekmeh no kano nang. Am ori o nipeydokdok da so apoy a panangdangan da no itaysang no Loma kano omzat do rako a panaralayan. So nyangay ni Pite a macipanangdang jira.
Pacicin da si Yeso no panirsirngen da no mapatanatanang so nakem da si Ama ta do to
(Matay 26:59-66; Make 14:55-64; Locya 22:66-71)
19Pacicin na si Yeso no panirsirngen da no mapatanatanang so nakem da si Ama ta do to. O ipacici na sya am omagaz do nanao na kano omanop jya. 20Maniring si Yeso am, “Ko masangib a yamangnanao do da kalwalovotan no tao. So yako ikasangib a yamangnanao so tao do peyneynozyan a kado rako a panaralayan. So yana ikabo no yako powziben a ciring ko. 21Ikongo mo pacicyan jyaken. Apyapya rana o kangay mo mapacici so tao a yanimakamizing so nanao ko. Ta da katenngan o nipanci ko.”
22Teyka na ni Yeso o ciring na am siplangan na o posngi na no yasa ka mamzat a kapanci na no, “Ikongo mo to mancii no akman sang do panirsirngen da no mapatanatanang so nakem da si Ama ta do to.” 23Maniring si Yeso jya am, “No si myan so malas a ko nipanci am pancyaney do aro a tao eyto. Am no si manoyong o ciring ko am ikongo mo to niplangi jyaken.” 24Meyratateng am ipanci na ni Annase o tao a mangay ni Yeso do tao a meyngaran so Keyava a panirsirngen da no mapatanatanang so nakem da si Ama ta do to. Am no kanang am mavaod pa si Yeso.
No keypirwa kano keypitlo na ni Pite a omalalas ji Yeso
(Matay 26:71-75; Make 14:69-72; Locya 22:58-62)
25Meyratateng am to manangdang pa dang si Pite. Maniring jya o asa ka tao am, “Beken a macinanao ka asyo ji Yeso?” Maniring si Pite do alalasan na jya am, “Beken a yaken.” 26Amyan so asa ka lamlamsoy no panirsirngen da no mapatanatanang so nakem da si Ama ta do to. Iya rana am zipos no nipeycipas ni Pite so talinga. Maniring ori am, “Ji ko nimacita imo a nimacihza ji Yeso do peymowamowan no tao a.” 27Maniring si Pite am, “Jyabo a.” Am nimacinao no kano nang o katazokokok no manok.
Pacicin na si Yeso ni Pilato
(Matay 27:1-2,11-31; Make 15:1-20; Locya 23:1-5,13-25)
28Madagdag am hapen da si Yeso do yanan ni Keyava a vahay a kangay da nya do meymatmatngeh nira Loma tao a meyngaran so Pilato. Am ji sira nimacisdep o tao do Yotay. Ta raten da no nakem o kapacisdep da do vahay no beken a tao do Yotay do ipamaringan da so kanen a ingaran da Iyeci. Ta no si macisdep sira am ji da mya sira macipamaring so kanen jira. 29Am ori o nyangay ni Pilato do pantaw a mapacici sira. Maniring am, “Ikongo nyo oyyan no tao eya. Ikongo na karatan.” 30Maniring sira am, “No yabo na karatan am namen jyangayan jimo do jya.” 31Maniring si Pilato jira am, “No komwan am angayan kamo rana. Ahahapan nyo na sya do iwawalam nyo.” Maniring sira am, “Yabo oyowyat namen a to meyneynakem a manci no keyyan no raraten no tao a mangay wakwaken.” 32Ori rana am mangononong o ciring ni Yeso, do kapanci na no kataotao na mangay da padketen do jyojika a wakwaken.
33Karahan am somdep si Pilato do vahay a manci ni Yeso. Maniring jya am, “Ka manoyong a panirsirngen da no tao do Yotay?” 34Maniring si Yeso am, “Yamanoyong a ciring mo ori an? No yamo nimamizing do tao.” 35Maniring si Pilato am, “Mo ipanci yaken a tao do Yotay? A tarek da keylyan nyo ori a kano panipanirsirngen no mapatanatanang so nakem da si Ama ta do to o yanimai nimo jyaken a yamanci no vazay mo jyaken. Ikongo raraten mo.” 36Maniring si Yeso am, “Yaji yapo do tao do karawan o yako ipanalamozong. Ta no si ori am jyabo kaji da ngagoman nyaken no yaomanop jyaken a tao a kaji da makahapan jyaken no panipanirsirngen no tao do Yotay a. So ko ji monganai do karawan.” 37Maniring si Pilato jya am, “Ka manoyong a panirsirngen an?” Maniring si Yeso am, “Imo yamanci nyaken a panirsirngen. O ko nikatazak do karawan am yameykasa o peypeypangayan na. Ori rana am meylimwang no manoyong a nanao. O tao rana a makza no manoyong a nanao am ori o omamizing so ciring ko.” 38Maniring si Pilato am, “Ikongo o manoyong a nanao.”
Karahan am makowbot si Pilato. Maniring do aro a tao do Yotay am, “Ko ji makakala so yasa ka raraten na a yako pangozayan a oyyan ko nya. 39Am ko to mangozai o iwawalam nyo. Ori rana am mangday do ipamaring nyo so kanen do Iyeci o kapasaway ko so asa ka marahet so nakenakem a tao. Manngwa, apyahen nyo yaken a mapasaway so panirsirngen nyo a tao do Yotay an?” 40Karahan am amlololos sira. Maniring sira am, “Taosya a pasawain si Yeso. Ta si Palapa o pasawain.” (Si Palapa rana am manoyong a mangap so ahahapen.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan