Yowani 19
19
1Karahan am ipanci ni Pilato o tao a somipsipzot ji Yeso. 2Karahan am nimamalikawag sira o itaysang no Loma so akmey tazici a pasakopen da ji Yeso a kapeyyayob da sya so akmey ayob no panirsirngen, 3kangay da do tangain na ni Yeso. Maniring sira am, “Makapintek ka panirsirngen no tao do Yotay an,” kasipsiplang da na sya. 4Meyratateng am makowbot pa si Pilato. Maniring do aro a tao am, “Citahen nyo an, ta to ko na powbota yangay jinyo, do ko kaji makakalan so yana karatan.” 5Karahan am makowbot rana si Yeso a nipasakopan da so akmey tazici a kapeyyayob na so akmey ayob no panirsirngen. Maniring si Pilato jira am, “Citahen nyo o tao eya.” 6Macita da si Yeso no panipanirsirngen no mapatanatanang so nakem da si Ama ta do to a kano omzat do rako a panaralayan am amlololos sira manci no, “Padketen do jyojika. Padketen do jyojika.” Maniring si Pilato jira am, “Ahap kamo na a kapadket nyo sya, ta yabo yako makala na karatan.” 7Maniring sira o tao do Yotay am, “Cyaha, ta amyan so iwawalam namen pangozayan ta amwakwak sya. Ta na to mancyan o kataotao na Anak na ni Ama ta do to.” 8Mamizing ni Pilato am to rana nyahey. 9Karahan am somdep do vahay a kapacici na si Yeso. Maniring am, “Do wanjin mo kapwan.” Am ji na nitovisan ni Yeso. 10Maniring si Pilato ji Yeso am, “Mo ji novisi yaken? Naknakmen mo keyyan no oyowyat ko a mapasaway jimo. So iyan no oyowyat ko a manci no kawakwak da jimo.” 11Maniring si Yeso am, “O na iyan no oyowyat mo am si Ama ta do to. Am o yanitomoro nyaken jimo a tao am to makasi, ta tey arako o raraten na.”
12Mamizing na ori ni Pilato am ji na rana tenngi a sidongen si Yeso a pasawain, ta yoyoywan da no tao do Yotay. Maniring sira am, “No si pasawain mo am beken a kagagan na imo ni Kaysa a rako a panirsirngen do Loma. O manci no kataotao na panirsirngen am kavosoyan na o akman sang ni Kaysa.” 13Mamizing na o aro a ciriciring ori ni Pilato am ipakowbot na si Yeso a kalisna na rana ni Pilato do lilisnan na no mapacicici so tao a ngaranan da Niherahedan no Vato. O ingaran da jya no Sipolay a tao am Cyapata. 14Omanam o araraw no ipamaring da so kanen do Iyeci. Meyigen o araw no kano nang am maniring si Pilato do aro a tao do Yotay am, “Cita kamo pala o panirsirngen nyo.” 15Karahan am amlololos sira o aro a tao. Maniring sira am, “Wakwaken! Wakwaken! Padketen do jyojika.” Maniring si Pilato jira am, “Nyo kakzeben yaken a mapadket so panirsirngen nyo?” Maniring sira o panipanirsirngen no mapatanatanang so nakem da si Ama ta do to am, “Si Kaysa saon o panirsirngen namen a yasa ka tao am.” 16Karahan am itoro ni Pilato si Yeso jira mangay padketen do jyojika.
Padketen da si Yeso do jyojika
(Matay 27:32-44; Make 15:21-32; Locya 23:26-43)
17Karahan am yangay da na si Yeso, kapeyrara na rana so jyojika makowbot a meypangay do asa ka tokon a ngaranan da so Yanga no oo no tao. O ingaran da jya no Sipolay a tao am Keketa. 18Do dang nipadketan da si Yeso. Amyan dang so rarwa ka marahet so yangay a nipazasing da. O asa am amyan do wanan na. O asa am amyan do ozi na a keyyan na ni Yeso do avak na. 19Amyan so nivatvatkan no lamlamsoy ni Pilato a nipayoray na do jyojika ni Yeso. O peypeypangayan no vatvatek am, “Si Yeso rana am tao do Nasale a Panirsirngen da no tao do Yotay.” 20Aro tao do Yotay a nimakacita so sang, ta masngen o nipadketan da si Yeso do ili. O vatvatek ori am Sipolay a kano Lating a kano Sila o kavatvatkan na. So ipeykatlo no ciring a domket do dang. 21Maniring o panipanirsirngen no mapatanatanang so nakem da si Ama ta do to ji Pilato am, “Ji mo padketa da kapeypanirsirngen sya no tao do Yotay. Ta apyapya pa o kapadket mo so mina ciring na a manci no kataotao na Panirsirngen no tao do Yotay.” 22Maniring si Pilato am, “Ji ko na ablisi o ko nipadket a vatvatek.”
23Mateyka da padketen si Yeso no itaysang no Loma am ahapen da o mina ayob na kapeykapat da sya vonongen. So nikaponged da teyhesa ka vovonongan. Karahan am ahapen da o katapil no ayob na. O ayob rana ori am ji da nitapang, ta asa ka ayob ori so kamamaogan a nicinon da. 24Maniring sira o itaysang no Loma do kadwan jira am, “Ji ta misipisinga. Apyapya rana o kapasipangoyongoyot ta jya makahakahap rana sya.” O ikakman na sang am mangay mangononong o ciring do Seysyo. Ta maniring am,
“Da nivonong o nipeyyayob ko a da kapasipangoyongoyot do magorogod ko.”#19:24 Anwanood 22:18.
So nikanoyong no nang a mina vazay da no itaysang no Loma.
25O meytatanek do katangked no jyojika ni Yeso am si ina na kani kaminan na kani Madiya a mavakes ni Kelopo a kani Matelyan Madiya. 26Macita na ni Yeso si ina na kano ney kaglaw na a macinanao jya a meytatanek do dang am maniring ji ina na am, “Mo ina, to mo na abneka anak mo.” 27Maniring do macinanao jya am, “To mo na abneka a ina mo.” Nimacipinda no kano nang o kapavahay na rana so ina na ni Yeso.
No kawakwak ni Yeso
(Matay 27:45-56; Make 15:33-41; Locya 23:44-49)
28Katenngan na rana ni Yeso o kanikomavos no makakaday a vazay na. Maniring am, “Ko mawaw.” O ikakman na sang am mangay mangononong o ciring do Seysyo. 29Amyan dang so asa ka panay a kapnowan no nipatavayan da so makopad a ranom. Karahan am pasivozen da o akmey tapaik do makopad a ranom a kapataroy da sya do akmey kamanakaoy a pasngenen do ngongoy na. 30To na nahamtama ni Yeso. Maniring am, “Yarana nikomavos o vazay ko,” kalogod na rana a mazavat so inawan.
Nisobsob da no cinalolot o tagtagzang na
31Karahan am ipanci da ji Pilato no kamanrarakehan da no tao do Yotay o kavaci da so ai da no nipadket da do jyojika a tao a kakeykai da mawakwak a kapeypakas da rana so kataotao da do jyojika. O hapan da so akman sang a vazay am raten da o kato na ngyanan no kataotao da do jyojika do ipeywalam no tao do Yotay. Ta do ikadwa na araw am makdeng a ipamaring da so kanen. 32Am ori o nyangay da no itaysang no Loma amvaci so ai da no rarwa ka tao a nipazasing da do jyojika ni Yeso. 33Am mangay sira ji Yeso am macita da na nimawakwak rana. Am ori o ji da na amvaci so ai na. 34Am asa ka itaysang no Loma o nisomobsob no cinalolot so tagtagzang ni Yeso a kavoyog no rala na kano aswasoy no kataotao na. 35Ori rana am ciring na no nimakamatamata sya tao. So ikanoyong no akman sang a ciring na. Ta akma ney yongkad ori. So anoyngan nyo jya. 36O peypeypangayan no nang am mangay mangononong o ciring do Seysyo. Ta maniring am, “Abo asa ka totowang na mavaci.”#19:36 Soayci Ci 12:46; Vo Ci Ci 9:12; Anwanood 34:20. 37O asa ka ciring pa do Seysyo am, “Pacimatan da o nisobsob da tao.”#19:37 Sacyadiya 12:10.
Nipakakasa da si Yeso
(Matay 27:57-61; Make 15:42-47; Locya 23:50-56)
38Makarahan am o tao do Adimatay a meyngaran so Yoseyvo am ipanci na ji Pilato o kahap na so kataotao ni Yeso. Am iya rana am anoyngan na no nang si Yeso. Am ji nadkeci o kapanci na nya do tao, ta ikanyahey na o panipanirsirngen no tao do Yotay. So nipyan na sya ni Pilato a mangay omkas so kataotao na ni Yeso a kahap na rana sya. 39O meyngaran so Niketemo a nikomala si Yeso do mahep no kakwa pa am nimacihza ji Yoseyvo. O nyahap na ikoris na ji Yeso a mahangno a haneng am akmey asa ka rako a vaklit so karwaro. 40Karahan am pakasen da si Yeso, kakoris da rana jya no haneng a kapongos da jya no malavang a milakayob. Ta ori rana am iwawalam da ori no tao do Yotay do nimapoling so peylingalingayan a tao. 41O nipadketan da si Yeso am masngen ori do peymowamowan no tao. Amyan dang so vayo a heseb a nidokdokan da mao. Am abo pa do dang o nimrakeh a tao a nipangay da do dang. 42Ikongo do omanam pa o araraw no ipeywalam da no tao do Yotay. Masngen o heseb do nipadketan da si Yeso. Am ori o to da rana pakakasai sya do dang.
Currently Selected:
Yowani 19: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Yowani 19
19
1Karahan am ipanci ni Pilato o tao a somipsipzot ji Yeso. 2Karahan am nimamalikawag sira o itaysang no Loma so akmey tazici a pasakopen da ji Yeso a kapeyyayob da sya so akmey ayob no panirsirngen, 3kangay da do tangain na ni Yeso. Maniring sira am, “Makapintek ka panirsirngen no tao do Yotay an,” kasipsiplang da na sya. 4Meyratateng am makowbot pa si Pilato. Maniring do aro a tao am, “Citahen nyo an, ta to ko na powbota yangay jinyo, do ko kaji makakalan so yana karatan.” 5Karahan am makowbot rana si Yeso a nipasakopan da so akmey tazici a kapeyyayob na so akmey ayob no panirsirngen. Maniring si Pilato jira am, “Citahen nyo o tao eya.” 6Macita da si Yeso no panipanirsirngen no mapatanatanang so nakem da si Ama ta do to a kano omzat do rako a panaralayan am amlololos sira manci no, “Padketen do jyojika. Padketen do jyojika.” Maniring si Pilato jira am, “Ahap kamo na a kapadket nyo sya, ta yabo yako makala na karatan.” 7Maniring sira o tao do Yotay am, “Cyaha, ta amyan so iwawalam namen pangozayan ta amwakwak sya. Ta na to mancyan o kataotao na Anak na ni Ama ta do to.” 8Mamizing ni Pilato am to rana nyahey. 9Karahan am somdep do vahay a kapacici na si Yeso. Maniring am, “Do wanjin mo kapwan.” Am ji na nitovisan ni Yeso. 10Maniring si Pilato ji Yeso am, “Mo ji novisi yaken? Naknakmen mo keyyan no oyowyat ko a mapasaway jimo. So iyan no oyowyat ko a manci no kawakwak da jimo.” 11Maniring si Yeso am, “O na iyan no oyowyat mo am si Ama ta do to. Am o yanitomoro nyaken jimo a tao am to makasi, ta tey arako o raraten na.”
12Mamizing na ori ni Pilato am ji na rana tenngi a sidongen si Yeso a pasawain, ta yoyoywan da no tao do Yotay. Maniring sira am, “No si pasawain mo am beken a kagagan na imo ni Kaysa a rako a panirsirngen do Loma. O manci no kataotao na panirsirngen am kavosoyan na o akman sang ni Kaysa.” 13Mamizing na o aro a ciriciring ori ni Pilato am ipakowbot na si Yeso a kalisna na rana ni Pilato do lilisnan na no mapacicici so tao a ngaranan da Niherahedan no Vato. O ingaran da jya no Sipolay a tao am Cyapata. 14Omanam o araraw no ipamaring da so kanen do Iyeci. Meyigen o araw no kano nang am maniring si Pilato do aro a tao do Yotay am, “Cita kamo pala o panirsirngen nyo.” 15Karahan am amlololos sira o aro a tao. Maniring sira am, “Wakwaken! Wakwaken! Padketen do jyojika.” Maniring si Pilato jira am, “Nyo kakzeben yaken a mapadket so panirsirngen nyo?” Maniring sira o panipanirsirngen no mapatanatanang so nakem da si Ama ta do to am, “Si Kaysa saon o panirsirngen namen a yasa ka tao am.” 16Karahan am itoro ni Pilato si Yeso jira mangay padketen do jyojika.
Padketen da si Yeso do jyojika
(Matay 27:32-44; Make 15:21-32; Locya 23:26-43)
17Karahan am yangay da na si Yeso, kapeyrara na rana so jyojika makowbot a meypangay do asa ka tokon a ngaranan da so Yanga no oo no tao. O ingaran da jya no Sipolay a tao am Keketa. 18Do dang nipadketan da si Yeso. Amyan dang so rarwa ka marahet so yangay a nipazasing da. O asa am amyan do wanan na. O asa am amyan do ozi na a keyyan na ni Yeso do avak na. 19Amyan so nivatvatkan no lamlamsoy ni Pilato a nipayoray na do jyojika ni Yeso. O peypeypangayan no vatvatek am, “Si Yeso rana am tao do Nasale a Panirsirngen da no tao do Yotay.” 20Aro tao do Yotay a nimakacita so sang, ta masngen o nipadketan da si Yeso do ili. O vatvatek ori am Sipolay a kano Lating a kano Sila o kavatvatkan na. So ipeykatlo no ciring a domket do dang. 21Maniring o panipanirsirngen no mapatanatanang so nakem da si Ama ta do to ji Pilato am, “Ji mo padketa da kapeypanirsirngen sya no tao do Yotay. Ta apyapya pa o kapadket mo so mina ciring na a manci no kataotao na Panirsirngen no tao do Yotay.” 22Maniring si Pilato am, “Ji ko na ablisi o ko nipadket a vatvatek.”
23Mateyka da padketen si Yeso no itaysang no Loma am ahapen da o mina ayob na kapeykapat da sya vonongen. So nikaponged da teyhesa ka vovonongan. Karahan am ahapen da o katapil no ayob na. O ayob rana ori am ji da nitapang, ta asa ka ayob ori so kamamaogan a nicinon da. 24Maniring sira o itaysang no Loma do kadwan jira am, “Ji ta misipisinga. Apyapya rana o kapasipangoyongoyot ta jya makahakahap rana sya.” O ikakman na sang am mangay mangononong o ciring do Seysyo. Ta maniring am,
“Da nivonong o nipeyyayob ko a da kapasipangoyongoyot do magorogod ko.”#19:24 Anwanood 22:18.
So nikanoyong no nang a mina vazay da no itaysang no Loma.
25O meytatanek do katangked no jyojika ni Yeso am si ina na kani kaminan na kani Madiya a mavakes ni Kelopo a kani Matelyan Madiya. 26Macita na ni Yeso si ina na kano ney kaglaw na a macinanao jya a meytatanek do dang am maniring ji ina na am, “Mo ina, to mo na abneka anak mo.” 27Maniring do macinanao jya am, “To mo na abneka a ina mo.” Nimacipinda no kano nang o kapavahay na rana so ina na ni Yeso.
No kawakwak ni Yeso
(Matay 27:45-56; Make 15:33-41; Locya 23:44-49)
28Katenngan na rana ni Yeso o kanikomavos no makakaday a vazay na. Maniring am, “Ko mawaw.” O ikakman na sang am mangay mangononong o ciring do Seysyo. 29Amyan dang so asa ka panay a kapnowan no nipatavayan da so makopad a ranom. Karahan am pasivozen da o akmey tapaik do makopad a ranom a kapataroy da sya do akmey kamanakaoy a pasngenen do ngongoy na. 30To na nahamtama ni Yeso. Maniring am, “Yarana nikomavos o vazay ko,” kalogod na rana a mazavat so inawan.
Nisobsob da no cinalolot o tagtagzang na
31Karahan am ipanci da ji Pilato no kamanrarakehan da no tao do Yotay o kavaci da so ai da no nipadket da do jyojika a tao a kakeykai da mawakwak a kapeypakas da rana so kataotao da do jyojika. O hapan da so akman sang a vazay am raten da o kato na ngyanan no kataotao da do jyojika do ipeywalam no tao do Yotay. Ta do ikadwa na araw am makdeng a ipamaring da so kanen. 32Am ori o nyangay da no itaysang no Loma amvaci so ai da no rarwa ka tao a nipazasing da do jyojika ni Yeso. 33Am mangay sira ji Yeso am macita da na nimawakwak rana. Am ori o ji da na amvaci so ai na. 34Am asa ka itaysang no Loma o nisomobsob no cinalolot so tagtagzang ni Yeso a kavoyog no rala na kano aswasoy no kataotao na. 35Ori rana am ciring na no nimakamatamata sya tao. So ikanoyong no akman sang a ciring na. Ta akma ney yongkad ori. So anoyngan nyo jya. 36O peypeypangayan no nang am mangay mangononong o ciring do Seysyo. Ta maniring am, “Abo asa ka totowang na mavaci.”#19:36 Soayci Ci 12:46; Vo Ci Ci 9:12; Anwanood 34:20. 37O asa ka ciring pa do Seysyo am, “Pacimatan da o nisobsob da tao.”#19:37 Sacyadiya 12:10.
Nipakakasa da si Yeso
(Matay 27:57-61; Make 15:42-47; Locya 23:50-56)
38Makarahan am o tao do Adimatay a meyngaran so Yoseyvo am ipanci na ji Pilato o kahap na so kataotao ni Yeso. Am iya rana am anoyngan na no nang si Yeso. Am ji nadkeci o kapanci na nya do tao, ta ikanyahey na o panipanirsirngen no tao do Yotay. So nipyan na sya ni Pilato a mangay omkas so kataotao na ni Yeso a kahap na rana sya. 39O meyngaran so Niketemo a nikomala si Yeso do mahep no kakwa pa am nimacihza ji Yoseyvo. O nyahap na ikoris na ji Yeso a mahangno a haneng am akmey asa ka rako a vaklit so karwaro. 40Karahan am pakasen da si Yeso, kakoris da rana jya no haneng a kapongos da jya no malavang a milakayob. Ta ori rana am iwawalam da ori no tao do Yotay do nimapoling so peylingalingayan a tao. 41O nipadketan da si Yeso am masngen ori do peymowamowan no tao. Amyan dang so vayo a heseb a nidokdokan da mao. Am abo pa do dang o nimrakeh a tao a nipangay da do dang. 42Ikongo do omanam pa o araraw no ipeywalam da no tao do Yotay. Masngen o heseb do nipadketan da si Yeso. Am ori o to da rana pakakasai sya do dang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan