Locya 10
10
Nitovoy na ni Yeso o rarwa so ikakawaowan (72) a tao a meylimwang no ciriciring na.
1Meyratateng am mamnek si Yeso so rarwa so ikakawaowan (72) a tao a katovoy na sira teyrararwa mangay do omanam na angayan a peycyeylilyan na. 2Maniring jira am, “Yaro o mowamowa am yapeleh o tao a meyvazay jya. Am ori o pancyan nyo no mapeymowamowa sya manovoy so arwaro pa mangay amvozas so mowamowa na. 3Angay kamo na do tovoyan ko jinyo. So icyakman nyo so anak no kagling a mangay a patovongen do aro a vozaw a kokoman so kagling a ino. 4Ji kanyo mapalolo so nizpi a kano ayob nyo a kano tokap. Ji kanyo to neyked a meyminaminasi no masinmo nyo a tao. 5No asdepen nyo o teyhesa ka vahay am ipanci nyo jira o, ‘Makapiya kamo so onowned an.’ 6No myan dang so ji meyrahet so nakem a tao am o nipanci nyo jira a ‘Makapiya kamo so onowned an,’ am mangay dompeh jira an. Am si ji da ngamiznga am abo angangayan no mina ciring nyo sira ang. 7Ji kanyo meylilis a mangay do teyhesa ka vahay an. Ta to kanyo ngyan do vahay da no tomaotao jinyo a kato nyo novwan no peypanamen da jinyo an. Ta o meyvazay a tao am adan kapanizpi sira an. 8No mangay kamo do teyhesa ka ili a keyyan no tao a tomaotao jinyo a kapeypanam da so kanekanen nyo am kanen nyo an, 9a kapangiwakwak nyo so meykeyngeyngen a tao do dang an, kapanci nyo nya do aro a tao so na kakeykai rana a yatomalamozong ninyo ni Ama ta do to. 10No si makaranes kanyo do ili a kaji da naotawwan jinyo am to kamo na makowbot a kangay nyo do rarahan a manci no, 11‘O yadomket do ai namen a tana do ili nyo am toktoken namen an, a tovilan jinyo a meyraraten a tao a ji mamlis so nakenakem. Am naknakmen nyo an, o kakeykai na rana no katalamozong na no meyhanhan nya tao ni Ama ta do to an,’ kwan nyo sira an.” 12Maniring pa si Yeso jira am, “Ko pa ciring jinyo am no marateng o araraw no peyoyaoyyan na ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma no kakwa pa.
Ji manganwanoyong a tao
(Matay 11:20-24)
13“Inyo rana tao do Kelasin a kado Peysayta am to kanyo makasi an. Ta o mina vazay ko jinyo do dang am no nimyan pa ori do Tayar a kado Siton am jyabo kaji da nimamlisan so nakenakem a komaro do peyraratenan da. 14Am yakanyo ji mamlis. No marateng o araraw no peykapyapinpinan ni Ama ta do to so tao am alikelikey pa o nipasingsingkad na so tao do Tayar a kado Siton a kano oyyan na ninyo an. 15Inyo rana tao do Cyapaynong am manngwa, ipanci nyo o kapakaranes nyo do teyngato? Jyabo kaji nyo akasan do kararatan a.”
16Maniring si Yeso do macinanao jya am, “O omamizing jinyo am omamizing jyaken. O mapasobna jinyo am mapasobna jyaken. O mapasobna jyaken am pasobnan da o nitomovoy jyaken an.”
Mina vazay da no rarwa so ikakawaowan (72) a tao
17Makanateng so araraw am masasaray sira o rarwa so ikakawaowan (72) a meysinaoli a manci no, “Mo Panirsirngen, yabo yaji ngamizing jyamen a kalamsoyan ni Satan, do namen pangozayan do ngaran mo.” 18Maniring jira si Yeso am, “Ko katenngan, ta ko nimacita rana si Satan a nimakeykai a nimakas do teyrahem a niharag na ni Ama ta do to. 19Amizngen nyo an, ta ko na nitoro jinyo oyowyat ko an. So ikanoyong nyo makazazat do oyowyat ni Satan. So ikabo no matarek a oyowyat a makataha jinyo. Tana to kanyo meyzasag so mavowaw am ji da peyzaza inyo. 20Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”
Isaray na ni Yeso ji Ama ta do to
(Matay 11:25-27; 13:16-17)
21No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”
22Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.”
23Meyvazingowngaw si Yeso do macinanao jya am veyvowen na sira pancyan na no, “Tey yapya kamo a makacita so macita nyo no mata. 24Ta ko pa ciring jinyo am aro o panoyonoywan na so ciring ni Ama ta do to a kano panipanirsirngen no kakwa a makza no kapakacita da so nyo macita kano nyo mamizing am da jya nimacita. Da jya nimamizing.”
Pehngehngayan ni Yeso so ciring na do tey mangarilaw a tao do Samadiya
(Matay 22:34-40; Make 12:28-31; Loma 13:8-14)
25Amyan so asa ka mangnanao no iwawalam ni Ama ta do to a tao a nimai a somkad ji Yeso. Maniring am, “Mo Mangnanao, makongo ko a kapakahap ko so to meyyonong a ikavyay no pahad ko.” 26Maniring si Yeso am, “Ikongo nivilangan mo a nivatvatkan a Ciriciring na ni Ama ta do to.” 27Maniring ori am, “ ‘Onowned mo a kano pahad mo a kano oyowyat mo a kano nakenakem mo am to mo peykasa a omraralay ni Ama ta do to a Tao do to mo a karilaw mo no icyatatao mo akman so aryarilaw mo so kataotao mo.’ ”#10:27 Sen Ming Ci 6:5; Diwey Ci 19:18. 28Maniring jya si Yeso am, “Yamanoyong ori. So pangozayan mo jya. Ta ori o ipakahap mo so to meyyonong a ikavyay no pahad mo.”
29Ikongo do jyalpid, am ori o nipacicyan na pa si Yeso. Maniring jya am, “Sino ikarilaw ko a icyatatao ko.” 30Maniring si Yeso jya am, “Amyan so asa ka tao a nimapo do Yelosaleng a meypangay do Yedike. Amyan do avak no rarahan am makasazi so manakaw a tao. Meyratateng am ahapen da o aywayob na kano nizpi na kaji na wakwakan a nipakakasi da kapazyazikaz da sya do dang. 31Ikongo do nimacinao o asa ka mapatanatanang so nakem si Ama ta do to a mangonong do dang. Macita na o tao ori am to na liklika a kangay na rana. 32Meyratateng am amyan pa so asa ka Diwey a tao a mangonong dang. Macita na o tao ori am to na pa nita kakaro na rana jya. 33Meyratateng am amyan so asa ka tao do Samadiya a mangonong do siri na. Macita na am ikarilaw na, 34kangay na komoris do nipeyzazan na so kosozi a kahap na sya mangay peyveyveknen do asa ka vahay. 35Ikadwa na araw am mangap so adwa ka nizpi itoro na do mapeyvahay sya. Maniring jira am, ‘Peyveyveknen nyo pa ya an. Ta si ipisa kai ko am itoro ko karwan no nizpi an.’ ” 36Maniring si Yeso do mangnanao no iwawalam ni Ama ta do to a tao am, “Naknakmen mo pala o tatlo a ka tao ang. Sino jira ori o manoyong a marilaw no icyatatao na.” 37Maniring o tao ori am, “O nimarilaw nya ang.” Maniring si Yeso am, “Angay rana keynara mo sya mangarilaw so tao.”
Amrateng si Yeso do vahay da Marta kani Madiya
38Meypangay si Yeso a kano macinanao jya do asa ka ili am amyan so asa ka mavakes a meyngaran si Marta a tomaotao si Yeso do vahay da. 39Si Marta rana am amyan so wari na meyngaran si Madiya. Iya rana am amlisna do tangain ni Yeso a omamizing so ciring na. 40Ikongo do masanga si Marta, am ori o nikarahet no onowned na. Am ori o nipancyan na no, “Mo Panirsirngen, mo jyaratan si wari a yato mapaveyvow jyaken a yatomaotao jimo? Pancyaney pa, ta mai a somidong jyaken.” 41Maniring si Yeso am, “Mo Marta, ka masanga no aro a vazay. 42Am yasa ka vazay pa yamo jya nyahap. Ta si wari mo si Madiya am na nipamnekan o ney yapiya na vazay. So ikabo no tao a makapehes sya jya.”
Currently Selected:
Locya 10: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 10
10
Nitovoy na ni Yeso o rarwa so ikakawaowan (72) a tao a meylimwang no ciriciring na.
1Meyratateng am mamnek si Yeso so rarwa so ikakawaowan (72) a tao a katovoy na sira teyrararwa mangay do omanam na angayan a peycyeylilyan na. 2Maniring jira am, “Yaro o mowamowa am yapeleh o tao a meyvazay jya. Am ori o pancyan nyo no mapeymowamowa sya manovoy so arwaro pa mangay amvozas so mowamowa na. 3Angay kamo na do tovoyan ko jinyo. So icyakman nyo so anak no kagling a mangay a patovongen do aro a vozaw a kokoman so kagling a ino. 4Ji kanyo mapalolo so nizpi a kano ayob nyo a kano tokap. Ji kanyo to neyked a meyminaminasi no masinmo nyo a tao. 5No asdepen nyo o teyhesa ka vahay am ipanci nyo jira o, ‘Makapiya kamo so onowned an.’ 6No myan dang so ji meyrahet so nakem a tao am o nipanci nyo jira a ‘Makapiya kamo so onowned an,’ am mangay dompeh jira an. Am si ji da ngamiznga am abo angangayan no mina ciring nyo sira ang. 7Ji kanyo meylilis a mangay do teyhesa ka vahay an. Ta to kanyo ngyan do vahay da no tomaotao jinyo a kato nyo novwan no peypanamen da jinyo an. Ta o meyvazay a tao am adan kapanizpi sira an. 8No mangay kamo do teyhesa ka ili a keyyan no tao a tomaotao jinyo a kapeypanam da so kanekanen nyo am kanen nyo an, 9a kapangiwakwak nyo so meykeyngeyngen a tao do dang an, kapanci nyo nya do aro a tao so na kakeykai rana a yatomalamozong ninyo ni Ama ta do to. 10No si makaranes kanyo do ili a kaji da naotawwan jinyo am to kamo na makowbot a kangay nyo do rarahan a manci no, 11‘O yadomket do ai namen a tana do ili nyo am toktoken namen an, a tovilan jinyo a meyraraten a tao a ji mamlis so nakenakem. Am naknakmen nyo an, o kakeykai na rana no katalamozong na no meyhanhan nya tao ni Ama ta do to an,’ kwan nyo sira an.” 12Maniring pa si Yeso jira am, “Ko pa ciring jinyo am no marateng o araraw no peyoyaoyyan na ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma no kakwa pa.
Ji manganwanoyong a tao
(Matay 11:20-24)
13“Inyo rana tao do Kelasin a kado Peysayta am to kanyo makasi an. Ta o mina vazay ko jinyo do dang am no nimyan pa ori do Tayar a kado Siton am jyabo kaji da nimamlisan so nakenakem a komaro do peyraratenan da. 14Am yakanyo ji mamlis. No marateng o araraw no peykapyapinpinan ni Ama ta do to so tao am alikelikey pa o nipasingsingkad na so tao do Tayar a kado Siton a kano oyyan na ninyo an. 15Inyo rana tao do Cyapaynong am manngwa, ipanci nyo o kapakaranes nyo do teyngato? Jyabo kaji nyo akasan do kararatan a.”
16Maniring si Yeso do macinanao jya am, “O omamizing jinyo am omamizing jyaken. O mapasobna jinyo am mapasobna jyaken. O mapasobna jyaken am pasobnan da o nitomovoy jyaken an.”
Mina vazay da no rarwa so ikakawaowan (72) a tao
17Makanateng so araraw am masasaray sira o rarwa so ikakawaowan (72) a meysinaoli a manci no, “Mo Panirsirngen, yabo yaji ngamizing jyamen a kalamsoyan ni Satan, do namen pangozayan do ngaran mo.” 18Maniring jira si Yeso am, “Ko katenngan, ta ko nimacita rana si Satan a nimakeykai a nimakas do teyrahem a niharag na ni Ama ta do to. 19Amizngen nyo an, ta ko na nitoro jinyo oyowyat ko an. So ikanoyong nyo makazazat do oyowyat ni Satan. So ikabo no matarek a oyowyat a makataha jinyo. Tana to kanyo meyzasag so mavowaw am ji da peyzaza inyo. 20Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”
Isaray na ni Yeso ji Ama ta do to
(Matay 11:25-27; 13:16-17)
21No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”
22Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.”
23Meyvazingowngaw si Yeso do macinanao jya am veyvowen na sira pancyan na no, “Tey yapya kamo a makacita so macita nyo no mata. 24Ta ko pa ciring jinyo am aro o panoyonoywan na so ciring ni Ama ta do to a kano panipanirsirngen no kakwa a makza no kapakacita da so nyo macita kano nyo mamizing am da jya nimacita. Da jya nimamizing.”
Pehngehngayan ni Yeso so ciring na do tey mangarilaw a tao do Samadiya
(Matay 22:34-40; Make 12:28-31; Loma 13:8-14)
25Amyan so asa ka mangnanao no iwawalam ni Ama ta do to a tao a nimai a somkad ji Yeso. Maniring am, “Mo Mangnanao, makongo ko a kapakahap ko so to meyyonong a ikavyay no pahad ko.” 26Maniring si Yeso am, “Ikongo nivilangan mo a nivatvatkan a Ciriciring na ni Ama ta do to.” 27Maniring ori am, “ ‘Onowned mo a kano pahad mo a kano oyowyat mo a kano nakenakem mo am to mo peykasa a omraralay ni Ama ta do to a Tao do to mo a karilaw mo no icyatatao mo akman so aryarilaw mo so kataotao mo.’ ”#10:27 Sen Ming Ci 6:5; Diwey Ci 19:18. 28Maniring jya si Yeso am, “Yamanoyong ori. So pangozayan mo jya. Ta ori o ipakahap mo so to meyyonong a ikavyay no pahad mo.”
29Ikongo do jyalpid, am ori o nipacicyan na pa si Yeso. Maniring jya am, “Sino ikarilaw ko a icyatatao ko.” 30Maniring si Yeso jya am, “Amyan so asa ka tao a nimapo do Yelosaleng a meypangay do Yedike. Amyan do avak no rarahan am makasazi so manakaw a tao. Meyratateng am ahapen da o aywayob na kano nizpi na kaji na wakwakan a nipakakasi da kapazyazikaz da sya do dang. 31Ikongo do nimacinao o asa ka mapatanatanang so nakem si Ama ta do to a mangonong do dang. Macita na o tao ori am to na liklika a kangay na rana. 32Meyratateng am amyan pa so asa ka Diwey a tao a mangonong dang. Macita na o tao ori am to na pa nita kakaro na rana jya. 33Meyratateng am amyan so asa ka tao do Samadiya a mangonong do siri na. Macita na am ikarilaw na, 34kangay na komoris do nipeyzazan na so kosozi a kahap na sya mangay peyveyveknen do asa ka vahay. 35Ikadwa na araw am mangap so adwa ka nizpi itoro na do mapeyvahay sya. Maniring jira am, ‘Peyveyveknen nyo pa ya an. Ta si ipisa kai ko am itoro ko karwan no nizpi an.’ ” 36Maniring si Yeso do mangnanao no iwawalam ni Ama ta do to a tao am, “Naknakmen mo pala o tatlo a ka tao ang. Sino jira ori o manoyong a marilaw no icyatatao na.” 37Maniring o tao ori am, “O nimarilaw nya ang.” Maniring si Yeso am, “Angay rana keynara mo sya mangarilaw so tao.”
Amrateng si Yeso do vahay da Marta kani Madiya
38Meypangay si Yeso a kano macinanao jya do asa ka ili am amyan so asa ka mavakes a meyngaran si Marta a tomaotao si Yeso do vahay da. 39Si Marta rana am amyan so wari na meyngaran si Madiya. Iya rana am amlisna do tangain ni Yeso a omamizing so ciring na. 40Ikongo do masanga si Marta, am ori o nikarahet no onowned na. Am ori o nipancyan na no, “Mo Panirsirngen, mo jyaratan si wari a yato mapaveyvow jyaken a yatomaotao jimo? Pancyaney pa, ta mai a somidong jyaken.” 41Maniring si Yeso am, “Mo Marta, ka masanga no aro a vazay. 42Am yasa ka vazay pa yamo jya nyahap. Ta si wari mo si Madiya am na nipamnekan o ney yapiya na vazay. So ikabo no tao a makapehes sya jya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan