Locya 9
9
Tovoin na sira o macinanao jya ni Yeso
(Matay 10:5-15; Make 6:7-13)
1Lovoten na ni Yeso sira o rarwa so ikakarwan a macinanao jya kapanta na nira so oyowyat da ipamozwaw da so kalamsoyan ni Satan a kano ipangiwakwak da so meykeyngeyngen a tao, 2katovoy na sira mangay a meylimwang no ciriciring na do katalamozong na nyaten ni Ama ta do to a kapangiwakwak da so meyngen a tao. 3Maniring jira am, “No mangay kamo na am ji kamo meyyaomas. Ji kamo mapalolo so sisikod nyo a kano kanen nyo a kano nizpi nyo an. Ji nyo peytapila o ayob nyo. 4No somdep kamo do asa ka vahay am to kamo na ngiseysan do dang an, mangay do ikaro nyo na jira. 5No ji da naotawwa inyo am karwan nyo o ili da katoktok nyo so tana do ai nyo. Ta itovil nyo jira meyraraten a tao a ji mamlis so nakenakem.” 6So nyangay da omlivolivon do peycyeylilyan na a meylimwang no Mapasaray a Ciriciring na ni Ama ta do to a kapangiwakwak da so ingingnen no tao.
No ikarahet na no aktokto na ni Helote
(Matay 14:1-12; Make 6:14-19)
7Mamizing no panirsirngen no Cyadidi a meyngaran si Helote o aro a vazay ni Yeso am marahet o onowned na. Ta ji na tenngi o kapwan na no vazay na ni Yeso. Ta patolinen da si Yeso ji Yowani a nimirwa a mavyay. 8Amyan so tao a manci nya si Idiya a nimai. So iyan no tao a manci no kanimavyay no asa ka panoyonoywan na so ciring ni Ama ta do to no kakwa pa. 9Maniring si Helote am, “Jyabo ka si Yowani na. Nipotowan ko na o oo na asyoo. Sinosino tao ang. Asyo o aro a vazay na paha.” Am ori o to na naknakmi so kapakacita na sya.
Nibsoy na ni Yeso o kakaliman a ranaw (5000) a tao
(Matay 14:13-21; Make 6:30-44; Yowani 6:1-14)
10No kapeysinaoli da no rarwa so ikakarwan a nipamnekan na ni Yeso a amlivolivon no ciriciring na am kakadain da o mina vazay da ipanci jya, kapalolo na sira ni Yeso a komaro do dang a kangay na nira do asa ka ili a meyngaran so Peysayta. 11Katenngan da no aro a tao am macihza sira mangay. So nirapongan na sira ni Yeso kapanci na nya so katalamozong na nyaten ni Ama ta do to a kapangiwakwak na so aro a meykeyngeyngen a tao. 12Somipsip o araw am mangay o rarwa so ikakarwan do tangain ni Yeso. Maniring sira jya am, “To ta na mancyan o aro a tao a mangay an, kangay da meykala do ili so kanen da kano isanan da. Ikongo to ta kamet a ipakan ta sira do takey eya.” 13Maniring si Yeso jira am, “Pantan kamo sira so kanen da.” Maniring sira ji Yeso am, “Yalima ka myanpaw a kano yadwa ka among o yamyan jyamen. Manngwa, apyapya kangay namen manazang no aro a tao eya so kanen da?” 14O mahakay rana no kano nang am kakaliman sira ranaw (5000).#9:14 Ji da nipavilang o mavavakes a kano kanakan. Maniring do macinanao jya am, “Peykalyalipenpenen nyo sira palisnahen. Kakaliman (50) sira o teyhesa ka lipenpenan.” 15So nionotan da do ciring na no macinanao jya. So nilisna da rana no aro a tao. 16Meyratateng am ahapen na rana o alima ka myanpaw a kano adwa ka among a katangara na so hanit a kasaray na nya ji Ama ta do to a kakcikcil na sya patodahen do macinanao jya kavonong da rana sya do aro a tao. 17Ori o nikamimin da rana nimabsoy. Peysinsinmowen da rana no macinanao jya o nimapanpan am adwa o ikarwa na no ka yalayala na.
Kasingkadan ni Pite si Yeso a Kizisto
(Matay 16:13-20; Make 8:27-30)
18Ipisa maveyvow si Yeso a meynozi am mangay da citahen no macinanao jya. Maniring si Yeso jira am, “Sino kwan da yaken no aro a tao.” 19Maniring sira am, “Yamyan so tao a manci nimo a nimanaktak a si Yowani. Yamyan so yamanci nimo a si Idiya. Yamyan so manci nimo a nimirwa mavyay a panoyonoywan na so ciring ni Ama ta do to no kakwa pa.” 20Maniring jira si Yeso am, “Manngo kamo. Sino kwan nyo yaken.” Maniring si Pite am, “Imo rana am Kizisto ka apo ji Ama ta do to.” 21O nipakoyokoy na pa jira am, “Ji nyo meycicicyan o akman sang a vazay do tao an.”
Ciring na ni Yeso do alalaw na kano kawakwak na
(Matay 16:21-28; Make 8:30-9:1)
22Maniring pa jira am, “Yamai o aro alalaw ko a Nipamnekan na ni Ama ta do to an, a peymakarwan da no kamanrarakehan a kano kabedbedan da rana panipanirsirngen no mapatanatanang so nakem da si Ama ta do to a kano mangnanao so iwawalam ni Ama ta do to a tao a kawakwak da rana jyaken. Am ikatlo na araw am mirwa ko a mavyay.”
23Maniring pa jira si Yeso am, “No myan so tao a macilolo jyaken am to na pangawawan o kataotao na somabway no jyojika na a macihza jyaken. Tana wakwaken da am cyaha, ta o akman rana sang a tao am manoyong a omonot jyaken. 24Ta o tao a makza no kasaray na do karawan am beken a ikapya na ori. Am o to ngawaw pa no kataotao na a mahap so vazay ko am mahap na o to meyyonong a ikavyay no pahad na. 25Tana abwata ji ngyangyan jinyo a makadpeh jinyo a tao do karawan, a kangay no pahad nyo do kararatan am ikongo angangayan na no nang. 26No myan so macimanig nyaken a kano ciring ko am no meysinaoli ko a Nipamnekan na ni Ama ta do to a macihza do azwazway ni Ama ta do to a kano aro a tinsi am abo nakenakem ko sya. 27Ko pa ipanci jinyo am inyo rana yameytatanek do jya am amyan jinyo so makapis pa so sang a mavyay pa tao. So ipakacittan nyo so talamozongan na ninyo ni Ama ta do to.”
Nimablis o keyteytawan na ni Yeso
(Matay 17:1-8; Make 9:2-8)
28Ikawao na araw no nipancyan na no aro a ciriciring am palolwen na si Pite a kani Yowani a kani Yake a mangay do tokon a meynozi. 29Meynozi si Yeso am todablis o keyteytawan na. So mina to na lavangi a maniray so ayob. 30Meyratateng am meyhekas o rarwa ka tao a macisirsiring jya. Sira rana o rarwa am si Moyse a kani Idiya, 31nimablis so keyteytawan. Ipeysirsiring da kani Yeso o kawakwak na do Yelosaleng a mapakavos so nitoro na jya ni Ama ta do to a vazay na. 32Si Pite a kano kararay na am makapya sira mitkeh. Mayokay sira am macita da si Yeso a kano rarwa a meytatanek a macitazing jya a mablis so keyteytawan. 33To da ji ngaroi si Yeso no rarwa ori am maniring si Pite ji Yeso am, “Mo Mangnanao, tanyo tey yapya do jya. So ipamaring namen so atlo a ka sarwap, asa imo, asa si Moyse, asa si Idiya.” Akmey ji na onongi o ipanci na ciring. 34Ji pa ngavos o ciring na am amyan so asa ka cinalab a ombengbeng sira. So nikanyahey da Pite. 35Meyratateng am amyan so ciriciring do cinalab a manci no, “Iya rana am nipamnekan ko Anak ko. So amizngan nyo sya an.” 36Amizngen da o ciring ori am si Yeso o macita da asa ka tao. Do araraw no nang am ji da meycicicyan o nimacita da vazay do tao.
Nivozwaw na ni Yeso o komovot do kanakan a kalamsoyan ni Satan
(Matay 17:14-18; Make 9:14-27)
37Ikadwa na araw am omosok sira apo do tokon. So nirapongan da sya no aro a tao. 38Meyratateng am amyan dang so asa ka tao amlololos. Maniring am, “Mo Mangnanao, ikasi mo pa o anak ko an. Ta iya rana am yako veyvowen a anak ko. 39Yamasangib ori a na kovotan no kalamsoyan ni Satan. Ori o to na lololosi a mamezamezay a meyotaotab so ngongoy. Ji na ngaroi no kalamsoyan ni Satan. So to na makasii a meyzaza so kataotao. 40Nipanci ko o macinanao jimo a omvozwaw sya am da jyavozwaw.” 41Maniring si Yeso am, “Ikongo nyo ji meyhanhani ni Ama ta do to. Akman rana so wanjin o kownownay ko a macikaop jinyo. Akman ko rana so wanjin a marilaw ninyo.” Maniring do tao ori am, “Ayyan o anak mo do jya.” 42Makaranes o anak na am paleklekteken na no kalamsoyan ni Satan a kapamezamezay na. Ori o nioyyan na nya ni Yeso so kalamsoyan ni Satan. Am ori o nikapya na rana no kanakan a katoro na rana nya do ama na. 43Am ori o nisavasavakan da no oyowyat na ni Ama ta do to no aro a tao.
Ciring na ni Yeso do omanam a ikawakwak na
(Matay 17:22-23; Make 9:30-32)
Isavasavak da o mina vazay ni Yeso. So niyan no ciring na do macinanao jya. 44Maniring am, “Ji nyo ngawawan o ipanci ko a ciring an. Yaken rana a Nipamnekan na ni Ama ta do to am makeykai da yaken a itoro do macioya jyaken an.” 45Am ji da tenngi o peypeypangayan no ciriciring na, ta masalit o ayyaingan na. Am ori o ji da makatenngi jya. Am ji dadkeci a ipanahes o peypeypangayan no nipanci na vazay.
Sino o pakarakehan a tao
(Matay 18:1-5; Make 9:33-37)
46Ikazyak da no macinanao jya sino jira o pakarakehen a tao. 47Katenngan na ni Yeso o nakenakem da. Am ori o nipancyan na no asa ka kanakan a mai, kapanci na nya meytatanek do katangked na. 48Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”
Amrahet sya kano macyanod jya
(Make 9:38-40)
49Maniring si Yowani ji Yeso am, “Mo Mangnanao, namen nimakacita so tao a mamozwaw no ngaran mo so kalamsoyan ni Satan am namen nizazatan. Ta beken a kararay namen ori.” 50Maniring si Yeso am, “Ji nyo oyyan an. Ta o ji rahet jinyo am macyanod jinyo.”
Ji naotao si Yeso a tao do asa ka ili
51Makeykai rana o kapeysinaoli na ni Yeso do teyngato am ji na ngaolii o kangay na do Yelosaleng. 52So nitovoyan na so tao a manma mangay do asa ka ili da no Samadiya kapeykala da ni Yeso so itkehan na. 53Am ji da mya no tao do dang a misan, ta katenngan da si Yeso a meypangay do Yelosaleng. 54Macita da Yake a kani Yowani am ipanci da o, “Mo Panirsirngen, manngwa, apyahen mo yamen a mapakas so apoy do hanit a itemtem sira an?” 55Citahen na pa sira ni Yeso a kaoya na nira. 56So nipeypangay da do matarek a ili.
Macilolo ji Yeso a tao
(Matay 8:19-22)
57Mangonong sira do rarahan am amyan so asa ka tao a manci nya ji Yeso, “O angayan mo am abo ji ko macihzai jimo.” 58Maniring si Yeso jya am, “Amyan so vahay no votdak, amyan so vahay no lapik am yaken a Nipamnekan na ni Ama ta do to a tao am abwata o tangnan ko so oo ko an.” 59Maniring do asa ka tao am, “Macihza ka jyaken an.” Maniring o tao ori am, “Mo Panirsirngen, apyahen mo pa yaken a omonong do inawan ni ama kangay ko macilolo rana jimo an?” 60Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am apyapya pa kangay mo meylimwang no Mapasaray a Ciriciring do na katalamozong ninyo ni Ama ta do to.”
61Maniring pa o asa ka tao am, “Mo Panirsirngen, ko ikakza o kapacilolo ko jimo. Am mangay ko pa taitaiden sira o inyapwan ko an.” 62Maniring si Yeso jya am, “Omhakakaw no baka tao am ji to paolya o mata, ta meycyagilogilo o kowzowzitan na. Akman sang, ta no naknakmen o kapacikaop do italamozong ni Ama ta do to am ji peykarwa o nakenakem jya an.”
Currently Selected:
Locya 9: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 9
9
Tovoin na sira o macinanao jya ni Yeso
(Matay 10:5-15; Make 6:7-13)
1Lovoten na ni Yeso sira o rarwa so ikakarwan a macinanao jya kapanta na nira so oyowyat da ipamozwaw da so kalamsoyan ni Satan a kano ipangiwakwak da so meykeyngeyngen a tao, 2katovoy na sira mangay a meylimwang no ciriciring na do katalamozong na nyaten ni Ama ta do to a kapangiwakwak da so meyngen a tao. 3Maniring jira am, “No mangay kamo na am ji kamo meyyaomas. Ji kamo mapalolo so sisikod nyo a kano kanen nyo a kano nizpi nyo an. Ji nyo peytapila o ayob nyo. 4No somdep kamo do asa ka vahay am to kamo na ngiseysan do dang an, mangay do ikaro nyo na jira. 5No ji da naotawwa inyo am karwan nyo o ili da katoktok nyo so tana do ai nyo. Ta itovil nyo jira meyraraten a tao a ji mamlis so nakenakem.” 6So nyangay da omlivolivon do peycyeylilyan na a meylimwang no Mapasaray a Ciriciring na ni Ama ta do to a kapangiwakwak da so ingingnen no tao.
No ikarahet na no aktokto na ni Helote
(Matay 14:1-12; Make 6:14-19)
7Mamizing no panirsirngen no Cyadidi a meyngaran si Helote o aro a vazay ni Yeso am marahet o onowned na. Ta ji na tenngi o kapwan na no vazay na ni Yeso. Ta patolinen da si Yeso ji Yowani a nimirwa a mavyay. 8Amyan so tao a manci nya si Idiya a nimai. So iyan no tao a manci no kanimavyay no asa ka panoyonoywan na so ciring ni Ama ta do to no kakwa pa. 9Maniring si Helote am, “Jyabo ka si Yowani na. Nipotowan ko na o oo na asyoo. Sinosino tao ang. Asyo o aro a vazay na paha.” Am ori o to na naknakmi so kapakacita na sya.
Nibsoy na ni Yeso o kakaliman a ranaw (5000) a tao
(Matay 14:13-21; Make 6:30-44; Yowani 6:1-14)
10No kapeysinaoli da no rarwa so ikakarwan a nipamnekan na ni Yeso a amlivolivon no ciriciring na am kakadain da o mina vazay da ipanci jya, kapalolo na sira ni Yeso a komaro do dang a kangay na nira do asa ka ili a meyngaran so Peysayta. 11Katenngan da no aro a tao am macihza sira mangay. So nirapongan na sira ni Yeso kapanci na nya so katalamozong na nyaten ni Ama ta do to a kapangiwakwak na so aro a meykeyngeyngen a tao. 12Somipsip o araw am mangay o rarwa so ikakarwan do tangain ni Yeso. Maniring sira jya am, “To ta na mancyan o aro a tao a mangay an, kangay da meykala do ili so kanen da kano isanan da. Ikongo to ta kamet a ipakan ta sira do takey eya.” 13Maniring si Yeso jira am, “Pantan kamo sira so kanen da.” Maniring sira ji Yeso am, “Yalima ka myanpaw a kano yadwa ka among o yamyan jyamen. Manngwa, apyapya kangay namen manazang no aro a tao eya so kanen da?” 14O mahakay rana no kano nang am kakaliman sira ranaw (5000).#9:14 Ji da nipavilang o mavavakes a kano kanakan. Maniring do macinanao jya am, “Peykalyalipenpenen nyo sira palisnahen. Kakaliman (50) sira o teyhesa ka lipenpenan.” 15So nionotan da do ciring na no macinanao jya. So nilisna da rana no aro a tao. 16Meyratateng am ahapen na rana o alima ka myanpaw a kano adwa ka among a katangara na so hanit a kasaray na nya ji Ama ta do to a kakcikcil na sya patodahen do macinanao jya kavonong da rana sya do aro a tao. 17Ori o nikamimin da rana nimabsoy. Peysinsinmowen da rana no macinanao jya o nimapanpan am adwa o ikarwa na no ka yalayala na.
Kasingkadan ni Pite si Yeso a Kizisto
(Matay 16:13-20; Make 8:27-30)
18Ipisa maveyvow si Yeso a meynozi am mangay da citahen no macinanao jya. Maniring si Yeso jira am, “Sino kwan da yaken no aro a tao.” 19Maniring sira am, “Yamyan so tao a manci nimo a nimanaktak a si Yowani. Yamyan so yamanci nimo a si Idiya. Yamyan so manci nimo a nimirwa mavyay a panoyonoywan na so ciring ni Ama ta do to no kakwa pa.” 20Maniring jira si Yeso am, “Manngo kamo. Sino kwan nyo yaken.” Maniring si Pite am, “Imo rana am Kizisto ka apo ji Ama ta do to.” 21O nipakoyokoy na pa jira am, “Ji nyo meycicicyan o akman sang a vazay do tao an.”
Ciring na ni Yeso do alalaw na kano kawakwak na
(Matay 16:21-28; Make 8:30-9:1)
22Maniring pa jira am, “Yamai o aro alalaw ko a Nipamnekan na ni Ama ta do to an, a peymakarwan da no kamanrarakehan a kano kabedbedan da rana panipanirsirngen no mapatanatanang so nakem da si Ama ta do to a kano mangnanao so iwawalam ni Ama ta do to a tao a kawakwak da rana jyaken. Am ikatlo na araw am mirwa ko a mavyay.”
23Maniring pa jira si Yeso am, “No myan so tao a macilolo jyaken am to na pangawawan o kataotao na somabway no jyojika na a macihza jyaken. Tana wakwaken da am cyaha, ta o akman rana sang a tao am manoyong a omonot jyaken. 24Ta o tao a makza no kasaray na do karawan am beken a ikapya na ori. Am o to ngawaw pa no kataotao na a mahap so vazay ko am mahap na o to meyyonong a ikavyay no pahad na. 25Tana abwata ji ngyangyan jinyo a makadpeh jinyo a tao do karawan, a kangay no pahad nyo do kararatan am ikongo angangayan na no nang. 26No myan so macimanig nyaken a kano ciring ko am no meysinaoli ko a Nipamnekan na ni Ama ta do to a macihza do azwazway ni Ama ta do to a kano aro a tinsi am abo nakenakem ko sya. 27Ko pa ipanci jinyo am inyo rana yameytatanek do jya am amyan jinyo so makapis pa so sang a mavyay pa tao. So ipakacittan nyo so talamozongan na ninyo ni Ama ta do to.”
Nimablis o keyteytawan na ni Yeso
(Matay 17:1-8; Make 9:2-8)
28Ikawao na araw no nipancyan na no aro a ciriciring am palolwen na si Pite a kani Yowani a kani Yake a mangay do tokon a meynozi. 29Meynozi si Yeso am todablis o keyteytawan na. So mina to na lavangi a maniray so ayob. 30Meyratateng am meyhekas o rarwa ka tao a macisirsiring jya. Sira rana o rarwa am si Moyse a kani Idiya, 31nimablis so keyteytawan. Ipeysirsiring da kani Yeso o kawakwak na do Yelosaleng a mapakavos so nitoro na jya ni Ama ta do to a vazay na. 32Si Pite a kano kararay na am makapya sira mitkeh. Mayokay sira am macita da si Yeso a kano rarwa a meytatanek a macitazing jya a mablis so keyteytawan. 33To da ji ngaroi si Yeso no rarwa ori am maniring si Pite ji Yeso am, “Mo Mangnanao, tanyo tey yapya do jya. So ipamaring namen so atlo a ka sarwap, asa imo, asa si Moyse, asa si Idiya.” Akmey ji na onongi o ipanci na ciring. 34Ji pa ngavos o ciring na am amyan so asa ka cinalab a ombengbeng sira. So nikanyahey da Pite. 35Meyratateng am amyan so ciriciring do cinalab a manci no, “Iya rana am nipamnekan ko Anak ko. So amizngan nyo sya an.” 36Amizngen da o ciring ori am si Yeso o macita da asa ka tao. Do araraw no nang am ji da meycicicyan o nimacita da vazay do tao.
Nivozwaw na ni Yeso o komovot do kanakan a kalamsoyan ni Satan
(Matay 17:14-18; Make 9:14-27)
37Ikadwa na araw am omosok sira apo do tokon. So nirapongan da sya no aro a tao. 38Meyratateng am amyan dang so asa ka tao amlololos. Maniring am, “Mo Mangnanao, ikasi mo pa o anak ko an. Ta iya rana am yako veyvowen a anak ko. 39Yamasangib ori a na kovotan no kalamsoyan ni Satan. Ori o to na lololosi a mamezamezay a meyotaotab so ngongoy. Ji na ngaroi no kalamsoyan ni Satan. So to na makasii a meyzaza so kataotao. 40Nipanci ko o macinanao jimo a omvozwaw sya am da jyavozwaw.” 41Maniring si Yeso am, “Ikongo nyo ji meyhanhani ni Ama ta do to. Akman rana so wanjin o kownownay ko a macikaop jinyo. Akman ko rana so wanjin a marilaw ninyo.” Maniring do tao ori am, “Ayyan o anak mo do jya.” 42Makaranes o anak na am paleklekteken na no kalamsoyan ni Satan a kapamezamezay na. Ori o nioyyan na nya ni Yeso so kalamsoyan ni Satan. Am ori o nikapya na rana no kanakan a katoro na rana nya do ama na. 43Am ori o nisavasavakan da no oyowyat na ni Ama ta do to no aro a tao.
Ciring na ni Yeso do omanam a ikawakwak na
(Matay 17:22-23; Make 9:30-32)
Isavasavak da o mina vazay ni Yeso. So niyan no ciring na do macinanao jya. 44Maniring am, “Ji nyo ngawawan o ipanci ko a ciring an. Yaken rana a Nipamnekan na ni Ama ta do to am makeykai da yaken a itoro do macioya jyaken an.” 45Am ji da tenngi o peypeypangayan no ciriciring na, ta masalit o ayyaingan na. Am ori o ji da makatenngi jya. Am ji dadkeci a ipanahes o peypeypangayan no nipanci na vazay.
Sino o pakarakehan a tao
(Matay 18:1-5; Make 9:33-37)
46Ikazyak da no macinanao jya sino jira o pakarakehen a tao. 47Katenngan na ni Yeso o nakenakem da. Am ori o nipancyan na no asa ka kanakan a mai, kapanci na nya meytatanek do katangked na. 48Maniring jira am, “O mahap so vazay ko a tomaotao so kanakan eya am yaken an o taotawwen da an. O tomaotao jyaken am akma dey taotawwen o nitomovoy jyaken an. Sino paro jinyo o to mapownot so nakenakem na mangarilaw so icyatatao na. Ta ori o pakarakehen a tao.”
Amrahet sya kano macyanod jya
(Make 9:38-40)
49Maniring si Yowani ji Yeso am, “Mo Mangnanao, namen nimakacita so tao a mamozwaw no ngaran mo so kalamsoyan ni Satan am namen nizazatan. Ta beken a kararay namen ori.” 50Maniring si Yeso am, “Ji nyo oyyan an. Ta o ji rahet jinyo am macyanod jinyo.”
Ji naotao si Yeso a tao do asa ka ili
51Makeykai rana o kapeysinaoli na ni Yeso do teyngato am ji na ngaolii o kangay na do Yelosaleng. 52So nitovoyan na so tao a manma mangay do asa ka ili da no Samadiya kapeykala da ni Yeso so itkehan na. 53Am ji da mya no tao do dang a misan, ta katenngan da si Yeso a meypangay do Yelosaleng. 54Macita da Yake a kani Yowani am ipanci da o, “Mo Panirsirngen, manngwa, apyahen mo yamen a mapakas so apoy do hanit a itemtem sira an?” 55Citahen na pa sira ni Yeso a kaoya na nira. 56So nipeypangay da do matarek a ili.
Macilolo ji Yeso a tao
(Matay 8:19-22)
57Mangonong sira do rarahan am amyan so asa ka tao a manci nya ji Yeso, “O angayan mo am abo ji ko macihzai jimo.” 58Maniring si Yeso jya am, “Amyan so vahay no votdak, amyan so vahay no lapik am yaken a Nipamnekan na ni Ama ta do to a tao am abwata o tangnan ko so oo ko an.” 59Maniring do asa ka tao am, “Macihza ka jyaken an.” Maniring o tao ori am, “Mo Panirsirngen, apyahen mo pa yaken a omonong do inawan ni ama kangay ko macilolo rana jimo an?” 60Maniring si Yeso am, “To mo macipanadngi sira o omonong do nimapoling so peylingalingayan a tao. Am imo rana am apyapya pa kangay mo meylimwang no Mapasaray a Ciriciring do na katalamozong ninyo ni Ama ta do to.”
61Maniring pa o asa ka tao am, “Mo Panirsirngen, ko ikakza o kapacilolo ko jimo. Am mangay ko pa taitaiden sira o inyapwan ko an.” 62Maniring si Yeso jya am, “Omhakakaw no baka tao am ji to paolya o mata, ta meycyagilogilo o kowzowzitan na. Akman sang, ta no naknakmen o kapacikaop do italamozong ni Ama ta do to am ji peykarwa o nakenakem jya an.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan