Locya 4
4
Niharag na ni Yeso o nimlita jya Satan
(Matay 4:1-11; Make 1:12-13)
1Meysinaoli si Yeso a nimapo do Yotan a ayo am oyatan no Seyzi. So nipalolwan na sya no Seyzi a yangay do kabwan no nihakawan no tao, 2a kasikapat na ngarnan (40) so araraw do dang a littan ni Satan. So ji na nikomani do araraw. Am ori o nikakcin na.
3Maniring jya si Satan am, “No ka manoyong a Anak no Tao do to am pancyan pala o vato eya a kapeyvaliw na myanpaw.” 4Tovisan ni Yeso am, “Maniring do Seysyo am, ‘Beken a kanehen o ikavyay no tao an.’ ”#4:4 Sen Ming Ci 8:3.
5Am ori o nitanggahan na ni Yeso ni Satan do makarang a tokon a kapacita na nya jya so peykamahamahatawan na, 6a kapanci na nya jya so, “O yamo macita rana eya aro a peymasaodan no karawan eya am mamimin a monganay jyaken. Am cyaha, ta itoro ko jimo. 7Am si ilogod mo yaken a iraralay am to ko rana mimina ori a itoro jimo.”
8Tovisan na ni Yeso am, “Yamaniring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”#4:8 Sen Ming Ci 6:13.
9So niraran na pa sya yangay do Yelosaleng a kangay na nya do toktok na no rako a panaralayan da kapanci na nya jya so, “No ka manoyong a Anak no Tao do to am okso pala do teyrahem ito. 10Ta maniring do Seysyo am, ‘Manovoy o Tao do to so tinsi a mangay omzat jimo. 11So tazapyan da jimo no lima da kaji na meyzazan no ai mo do vato.’ ”#4:11 Anwanood 91:11-12. 12Maniring si Yeso jya am, “Maniring do Seysyo am, ‘Ji nyo to ngileylamdama o Panirsirngen a Tao do to nyo an.’ ”#4:12 Sen Ming Ci 6:16. 13Tana to na ngakadaya ni Satan o ilita na jya am jyalitai si Yeso. Am ori o nikarwan na pa jya ni Satan.
Papwen na rana ni Yeso o kapangnanao na do Cyadidi
(Matay 4:12-17; Make 1:14-15)
14Meysinaoli si Yeso a mangay do Cyadidi am oyatan no Seyzi na ni Ama ta do to. Am ori o nipeylimwang na rana no ngaran na do dang. 15So nipangnanao na rana so aro a tao do peyneynozyan da. Ori o nisarayan da nya.
Ikaoya da no keylyan da si Yeso do Nasale
(Matay 13:53-58; Make 6:1-6)
16Makaranes si Yeso do nikarakwan na ili a meyngaran so Nasale am pangozayan na o iwawalam da. Ori o nisdep na do peyneynozyan da do araw na no ipeywalam no tao a kapeytatanek na omvilang do Seysyo. 17Am ori o nitorwan da nya no tao so vakong ni Isayya a panoyonoywan na so ciring ni Ama ta do to a kavezay na rana sya. So nipakakala na so asa ka ciring. O domket do dang am,
18“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.
19Ipanci ko pa jira o araraw na no karilawan na nira ni Ama ta do to.”#4:19 Isayya 61:16.
20Kakookoo na rana so vakong a katoro na rana ya do tomalamozong no peyneynozyan da tao a kalisna na rana ni Yeso. So ji da meykazyazyaki no myan do sahad na tomita sya. 21Am ori o iyan na rana no ciriciring na ni Yeso. Maniring jira am, “O nyo nimamizing rana nivatvatkan da do Seysyo am yamina to mangononong rana sicyaraw eya.”
22Abo tao a ji ngyak no tey yapya ciring na. So pancyan da no, “Beken a oya asyo o anak ni Yoseyvo an?”
23Maniring si Yeso jira am, “Ko katenngan inyo a yamapaing so ciring nyo do kamanrarakehan no kakwa a manci no, ‘No ka manoyong a koysang am avavaw pala o kataotao mo.’ Ta ko nimamizing do ciriciring nyo jyaken a yamanci no, ‘Peyvazay pala do jya o mina vazay mo do Cyapaynong.’ 24Am ko pakoyokoin pa jinyo am yabwata o yasa ka panoyonoywan na so ciring ni Ama ta do to do macikeylyan a yada amizngan so ciriciring. 25So amizngan nyo sya an. Ta no keyyan na pa ni Idiya panoyonoywan na so ciring ni Ama ta do to am aro do Isedi o vao a mavakes. No kanang rana am kakteb no awan o ikapat na kawan (3½) a ji nimacimoy. Am ori o nipeykabcil na. 26Am ji na novoya ni Ama ta do to si Idiya mangay do kadwan jira ang. Ta asa ka vao do Saleva a ili a macinapnap do Siton o nyangayan na. 27No keyyan na pa ni Idisa a panoyonoywan na so ciring ni Ama ta do to am aro do Isedi o omlabyab so kolit. Am o meyngaran so Naman a tao do Sidiya am ori o nikeywakwakan so kataotao.”
28Mamizing da no aro a tao do sahad no peyneynozyan am maoya sira so aktokto. 29Am ori o nyalakan da sya a ji ngeypeypepzaci a yangay do alalasyas a vovwan a padondonen. Ta o ili da rana am amyan do toktok no tokon. 30Am kanimasabsab na ni Yeso a nikomaro do aro a tao.
Nivozwaw na ni Yeso o kalamsoyan ni Satan a nikomovot do tao.
(Make 1:21-28)
31Makaranes si Yeso do Cyapaynong a macinapnap do Cyadidi am mangnanao do dang so tao do araraw no ipeywalam no tao. 32Abo ji meyzokab no ipangnanao na ciriciring. Ta o ciring na am tey mowyat. 33Amyan do peyneynozyan da so asa ka tao amlololos a kovotan no kalamsoyan ni Satan. Maniring am, 34“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.” 35Am ori o nioyyan na nya ni Yeso. Maniring am, “Ji ka meyzezyak. Pakowbot rana do kataotao na.” Ori o mina to na pazsii sya no kalamsoyan ni Satan a kazyazikaz na no kovotan a tao ang do tangain da no aro a tao. So nipakowbot na rana no kalamsoyan ni Satan am abwata o nipeyzazan na sya.
36Abo tao ji meyzokab nya. So nipancyan da no, “Asyosyo o ciriciring na ang. A ikongo ori a tao, yana katey rako no oyowyat na yamamozwaw so kalamsoyan ni Satan.” 37Am ori o nipeylimwangan na rana do dang no ngaran ni Yeso.
Niwakwakan ni Yeso o aro a meykeyngeyngen a tao
(Matay 8:14-17; Make 1:29-34)
38Karwan na ni Yeso o peyneynozyan da am mangay do vahay da no meyngaran so Simong. O mavakes a icyarwa ni Simong am nipadpes na. So nipasyasyan da ji Yeso. 39Am ori o nyangay na tomita sya. So nipeytatanek na do katangked na kasirisiring na so ingingnen na am ji na rana nipaingwat. So nipeyvangon na rana tomaotao sira.
40Somipsip o araw do makoyab am yai da no aro a tao o meykeyngeyngen ji Yeso kapaopta na so lima na jira ni Yeso a kapya da rana. 41Meyratateng am to ngyan pa so kalamsoyan ni Satan a nimapo do kataotao da no aro a tao a omlololos a manci no, “Imo rana am Anak ka no Tao do to an.” So nioyyan na nira ni Yeso a ji na mya sira meyzezyak. Ta da katenngan o ka Misayya na.
42Meyzengazengang am makowbot si Yeso a kangay na do kabwan no tao. Am ori o nikalan da sya no aro a tao. So nyangay da jya, do kaji da myan sya a komaro jira. 43Maniring si Yeso jira am, “Beken a inyoo an, ta pasaklangen ko o kadwan no ili a pancyan ko no Mapasaray a Ciriciring na ni Ama ta do to, do kakeykai na rana tomalamozong ninyo ni Ama ta do to. Ta ori o peypeypangayan no na nitovoyan jyaken.” 44Am ori o nyangay na mangnanao do peyneynozyan da do peycyeylilyan na do Yotay.
Currently Selected:
Locya 4: snt
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan
Locya 4
4
Niharag na ni Yeso o nimlita jya Satan
(Matay 4:1-11; Make 1:12-13)
1Meysinaoli si Yeso a nimapo do Yotan a ayo am oyatan no Seyzi. So nipalolwan na sya no Seyzi a yangay do kabwan no nihakawan no tao, 2a kasikapat na ngarnan (40) so araraw do dang a littan ni Satan. So ji na nikomani do araraw. Am ori o nikakcin na.
3Maniring jya si Satan am, “No ka manoyong a Anak no Tao do to am pancyan pala o vato eya a kapeyvaliw na myanpaw.” 4Tovisan ni Yeso am, “Maniring do Seysyo am, ‘Beken a kanehen o ikavyay no tao an.’ ”#4:4 Sen Ming Ci 8:3.
5Am ori o nitanggahan na ni Yeso ni Satan do makarang a tokon a kapacita na nya jya so peykamahamahatawan na, 6a kapanci na nya jya so, “O yamo macita rana eya aro a peymasaodan no karawan eya am mamimin a monganay jyaken. Am cyaha, ta itoro ko jimo. 7Am si ilogod mo yaken a iraralay am to ko rana mimina ori a itoro jimo.”
8Tovisan na ni Yeso am, “Yamaniring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”#4:8 Sen Ming Ci 6:13.
9So niraran na pa sya yangay do Yelosaleng a kangay na nya do toktok na no rako a panaralayan da kapanci na nya jya so, “No ka manoyong a Anak no Tao do to am okso pala do teyrahem ito. 10Ta maniring do Seysyo am, ‘Manovoy o Tao do to so tinsi a mangay omzat jimo. 11So tazapyan da jimo no lima da kaji na meyzazan no ai mo do vato.’ ”#4:11 Anwanood 91:11-12. 12Maniring si Yeso jya am, “Maniring do Seysyo am, ‘Ji nyo to ngileylamdama o Panirsirngen a Tao do to nyo an.’ ”#4:12 Sen Ming Ci 6:16. 13Tana to na ngakadaya ni Satan o ilita na jya am jyalitai si Yeso. Am ori o nikarwan na pa jya ni Satan.
Papwen na rana ni Yeso o kapangnanao na do Cyadidi
(Matay 4:12-17; Make 1:14-15)
14Meysinaoli si Yeso a mangay do Cyadidi am oyatan no Seyzi na ni Ama ta do to. Am ori o nipeylimwang na rana no ngaran na do dang. 15So nipangnanao na rana so aro a tao do peyneynozyan da. Ori o nisarayan da nya.
Ikaoya da no keylyan da si Yeso do Nasale
(Matay 13:53-58; Make 6:1-6)
16Makaranes si Yeso do nikarakwan na ili a meyngaran so Nasale am pangozayan na o iwawalam da. Ori o nisdep na do peyneynozyan da do araw na no ipeywalam no tao a kapeytatanek na omvilang do Seysyo. 17Am ori o nitorwan da nya no tao so vakong ni Isayya a panoyonoywan na so ciring ni Ama ta do to a kavezay na rana sya. So nipakakala na so asa ka ciring. O domket do dang am,
18“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.
19Ipanci ko pa jira o araraw na no karilawan na nira ni Ama ta do to.”#4:19 Isayya 61:16.
20Kakookoo na rana so vakong a katoro na rana ya do tomalamozong no peyneynozyan da tao a kalisna na rana ni Yeso. So ji da meykazyazyaki no myan do sahad na tomita sya. 21Am ori o iyan na rana no ciriciring na ni Yeso. Maniring jira am, “O nyo nimamizing rana nivatvatkan da do Seysyo am yamina to mangononong rana sicyaraw eya.”
22Abo tao a ji ngyak no tey yapya ciring na. So pancyan da no, “Beken a oya asyo o anak ni Yoseyvo an?”
23Maniring si Yeso jira am, “Ko katenngan inyo a yamapaing so ciring nyo do kamanrarakehan no kakwa a manci no, ‘No ka manoyong a koysang am avavaw pala o kataotao mo.’ Ta ko nimamizing do ciriciring nyo jyaken a yamanci no, ‘Peyvazay pala do jya o mina vazay mo do Cyapaynong.’ 24Am ko pakoyokoin pa jinyo am yabwata o yasa ka panoyonoywan na so ciring ni Ama ta do to do macikeylyan a yada amizngan so ciriciring. 25So amizngan nyo sya an. Ta no keyyan na pa ni Idiya panoyonoywan na so ciring ni Ama ta do to am aro do Isedi o vao a mavakes. No kanang rana am kakteb no awan o ikapat na kawan (3½) a ji nimacimoy. Am ori o nipeykabcil na. 26Am ji na novoya ni Ama ta do to si Idiya mangay do kadwan jira ang. Ta asa ka vao do Saleva a ili a macinapnap do Siton o nyangayan na. 27No keyyan na pa ni Idisa a panoyonoywan na so ciring ni Ama ta do to am aro do Isedi o omlabyab so kolit. Am o meyngaran so Naman a tao do Sidiya am ori o nikeywakwakan so kataotao.”
28Mamizing da no aro a tao do sahad no peyneynozyan am maoya sira so aktokto. 29Am ori o nyalakan da sya a ji ngeypeypepzaci a yangay do alalasyas a vovwan a padondonen. Ta o ili da rana am amyan do toktok no tokon. 30Am kanimasabsab na ni Yeso a nikomaro do aro a tao.
Nivozwaw na ni Yeso o kalamsoyan ni Satan a nikomovot do tao.
(Make 1:21-28)
31Makaranes si Yeso do Cyapaynong a macinapnap do Cyadidi am mangnanao do dang so tao do araraw no ipeywalam no tao. 32Abo ji meyzokab no ipangnanao na ciriciring. Ta o ciring na am tey mowyat. 33Amyan do peyneynozyan da so asa ka tao amlololos a kovotan no kalamsoyan ni Satan. Maniring am, 34“Mo Yeso, tao do Nasale, ikongo vazay mo jyamen. Mo yamen balinasen an? Ko katenngan imo, ta imo rana am nitovoy na no Tao do to a tey yapya so nakenakem a tao.” 35Am ori o nioyyan na nya ni Yeso. Maniring am, “Ji ka meyzezyak. Pakowbot rana do kataotao na.” Ori o mina to na pazsii sya no kalamsoyan ni Satan a kazyazikaz na no kovotan a tao ang do tangain da no aro a tao. So nipakowbot na rana no kalamsoyan ni Satan am abwata o nipeyzazan na sya.
36Abo tao ji meyzokab nya. So nipancyan da no, “Asyosyo o ciriciring na ang. A ikongo ori a tao, yana katey rako no oyowyat na yamamozwaw so kalamsoyan ni Satan.” 37Am ori o nipeylimwangan na rana do dang no ngaran ni Yeso.
Niwakwakan ni Yeso o aro a meykeyngeyngen a tao
(Matay 8:14-17; Make 1:29-34)
38Karwan na ni Yeso o peyneynozyan da am mangay do vahay da no meyngaran so Simong. O mavakes a icyarwa ni Simong am nipadpes na. So nipasyasyan da ji Yeso. 39Am ori o nyangay na tomita sya. So nipeytatanek na do katangked na kasirisiring na so ingingnen na am ji na rana nipaingwat. So nipeyvangon na rana tomaotao sira.
40Somipsip o araw do makoyab am yai da no aro a tao o meykeyngeyngen ji Yeso kapaopta na so lima na jira ni Yeso a kapya da rana. 41Meyratateng am to ngyan pa so kalamsoyan ni Satan a nimapo do kataotao da no aro a tao a omlololos a manci no, “Imo rana am Anak ka no Tao do to an.” So nioyyan na nira ni Yeso a ji na mya sira meyzezyak. Ta da katenngan o ka Misayya na.
42Meyzengazengang am makowbot si Yeso a kangay na do kabwan no tao. Am ori o nikalan da sya no aro a tao. So nyangay da jya, do kaji da myan sya a komaro jira. 43Maniring si Yeso jira am, “Beken a inyoo an, ta pasaklangen ko o kadwan no ili a pancyan ko no Mapasaray a Ciriciring na ni Ama ta do to, do kakeykai na rana tomalamozong ninyo ni Ama ta do to. Ta ori o peypeypangayan no na nitovoyan jyaken.” 44Am ori o nyangay na mangnanao do peyneynozyan da do peycyeylilyan na do Yotay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible Society in Taiwan